Asmani kitab: Sulaimani misal 3
3
Bafor nosiot 3
Mabudre mania solo
1Huno huno amar fut, bulio na mor talim,
tumar dilo gata rouk, amar shob hukum,
2ola solle faibae tumi, lamba hayati,
otae tumar zibon ḳorbo, shanti unnoti.
3Doya-mayae na zauk fut, tumare saṛia,
hok-halalie bora rouk, tumar deho-ḳaya,
tumar golat bandia raḳo, hoḳole deḳar lagi,
dilor maze kudia leḳo, fauritae na ḳori.
4Teu to faibae amar fut, Allatalar doya,
manshe-o gaiba shunam, faiba tumae bala.
5Mabudor ufre nirbor ḳoro, fura dil-mon shofia,
tumar nizor buddir ufre, ḳorio na borosha.
6Tumar hokkol sola-firat, iad ḳoro tanre,
sohi-shuza ḳorba tain, tumar solar fotre.
7Nizor souḳe nizore to, giani na babio,
bod ḳam taki horia roio, Mabudre ḍoraio.
8Ola solle tumar shoril, nichchit bala roibo,
tumar aḍḍi-guḍḍie-o, aram-shokti faibo.
9Tumar don-doulot dia, ijjot deo Mabudre,
foyla daoa fol-fosholdi, shomman ḳoro tanre,
10teu tumar ugar oḳol, foy-foshole boribo,
ḳoyla taki anguror rosh, baia baia foṛibo.
11Shuna fut Mabudor shashonre, omainno ḳorio na,
tain tumare hedayot ḳorle, ela ḳorio na.
12Bafe zela damki maroin, mayar fuare,
Mabude ola damki dein, mayar ashikre..
Gian muilloban
13Nek-kofali hou zon, ze failo gian don,
shu-buddi ze fae he-o ḳofali.
14Gian to rufa taki, lab dibo bout beshi,
shuna taki-o aro dami.
15Moni-mukta-roton, gian boṛo dami don,
tair homan kunu saoa-u nai.
16Hayati ḍain ato, don-man bau ato,
tair dui ator ita dito sae.
17Tair hoḳol fote, kushi-shanti mile,
giane salae balair fotedi.
18Gianre to dore ze, rohom-borkot fae he,
tai-u zindegi gas tar lagi..
19Mabude ou giandi, gaṛila duniar bitti,
aḳoldi asman boail ḳorila,
20maṭir muror fanire, bar ḳorla tan aḳole,
foṛe fuṭa fuṭa asmanor kua..
Bafor nosiot 4
Ari-forir balai koro
21Doria raḳo amar fut, nikut bibeḳ-buddire,
tumare saṛia zaite, dio na itare.
22Ita-u oibo babaji, tumar zanor ṭukra,
ota-u oilo shuna fut, tumar golar mala.
23Teu tumar fote solibae, sohi-salamote,
usṭa ḳaito nae tumar fao, kunubae kunumonte.
24Tumi zebla hutibae fut, ḍor-ḳofe faito nae,
bisnat hutar bade tumi, arame gumaibae.
25Aḳta kunu bifod aile, tumi na ḍoraio,
naformanor binash deḳle, kunu boy na faio.
26Mabud-u to oiba tumar, nirafod asroy,
fando taki tumar faore, basaiba nichchoy..
27Zerare balai kora zorur, ita tumi korio,
balai korar shaiddo taḳle, horia na roio.
28Shaijjo ḳorar ḳemota zudi, taḳe tumar ato,
ari-forire ḳoio na “Zao, bade ba ḳail aio.”
29Tumar ari-forir birudde, ḳorio na ku-motlob,
he zebla tumar boroshae, roito sae nirafod.
30Bina ḳarone manshor loge, ḳaijja ḳorio na,
tumar ḳeti na ḳorle ḳeu, dushmoni korio na.
31Zulumbazor donor ufre, lalos ḳorio na,
he zeta fotedi zae, obaedi zaio na.
32Teṛa foti salaḳ zonre, Mabude to ginnain,
oile hok manshore tain, nizor didar dilain.
33Naformanor goror ufre, Mabudor lannot,
forezgaror goror maze, rohom ar borkot.
34Ṭaṭṭa-moshkora ḳorrare, tain-o ḳoroin ṭaṭṭa,
oile norom dilor manshore, tain ḳoroin doya.
35Giani oḳole faiba nichchoy, shomman ar ijjot,
oile ammokor faona oilo, shorminda-beijjot..
Currently Selected:
Asmani kitab: Sulaimani misal 3: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
