Tourat 2: Hizrot 37
37
Shahadot shonduk banaila
1Batselole babla laḳṛidi fobitro shahadot shonduk banaila. Iṭa aṛai at lamba, deṛ at fash ar deṛ at usa. 2Er bare-bitore ḳaṭi shunadi lefila, er sairo kinaro shunar noksha lagaila. 3Aguindi shuna golaia sairṭa shunar ḳoṛa er sairo kunat lagaila, ogalat duiṭa ar hogalat duiṭa lagaila. 4Babla laḳṛidi dugu benda banaia shunadi lefila. 5Shonduk boia neoar lagi i duio benda, shondukor dui galar ḳoṛar bitredi haraila.
6Bade ḳaṭi shunadi shondukor ekḳan ḍaḳna banaila, oḳanor ufre gunar kofora adae ḳorar lagi. I ḍaḳna lambae aṛai at, ar fashe deṛ at. 7Shuna fiṭaia ḍaḳnar duio galat duiṭa Karubi banaila. 8Duio Karubi shondukor ḍaḳnar dui kinaro roilo. I duio Karubi ḍaḳnar loge ekḳano ḳori banail oilo, i astaṭa ḳali eḳ siz oilo. 9Karubi deḳte Duldul guṛar laḳan ḍaḳna ala, er duio ḍaḳna ufredi melia deoae, ou ḍaḳnar sayar tole shondukor ḍaḳna hamaigelo. Iṭa mukamuki uba roilo. Ar tarar souk roilo shondukor ḍaḳnar bae.
Fobitro ruṭi raḳar ṭebul
10Batselole bade babla laḳṛidi dui at lamba, eḳ at fash ar deṛ at usa ḳori ekḳan ṭebul banaila. 11Banaia harle ḳaṭi shunadi lefia er sairo kinaro noksha lagaila. 12Ar er sanir sairo kinaro sair angul usa ḳori eḳ haz dila, hazor maze shunadi noksha lagaila. 13Ṭebulor sairo kunar fayar ufre shunar sairṭa ḳoṛa lagaila. 14I sairo ḳoṛain ṭebulor kunar hou usa hazor tole lagani oilo, zate ṭebul boia neoar bala ḳoṛar bitre benda harail zae. 15Ṭebulre boia neoar lagi babla laḳṛidi dugu benda banaia shunadi lefila. 16Ṭebulor ufror tal-bashon, Allar name shorbot-fanir sodgar zog ar mog, hoḳolta ḳaṭi shunadi goṛaila.
Serag dani banani
17Bade ḳaṭi shunadi ekḳan serag dani tiar ḳorla. Serag danir tola ar ufror ḍanḍi kaṭi shuna fiṭaia goṛaila. Er ḍanḍi, fulor laḳan fiala, kuṛi ar fafṛi oḳol serag danir loge ekḳano ḳori banaila. 18Serag danir ḍanḍir dui galat tinṭa ḳori muṭ soyṭa ḍal deoa oilo. 19Forteḳ ḍalor maze zoba fulor laḳan tingu ḳori fiala tiar ḳora oilo. Serag danir soyo ḍalo eḳlaḳan ḳam ḳora oilo. 20Serag danir mul ḍanḍir maze-o zoba fulor laḳan sairṭa fiala deoa oilo. 21Ou mul ḍanḍi taki baroil soyṭa ḍalor maze, foyla duio ḍalor zuṛat egu ḳori kuṛi, dusra duio ḍalor zuṛat arok kuṛi, ar heshor duio ḍalor zuṛat-o kuṛi lagail oilo. 22Kuṛi ar ḍal hoḳolta serag dani taki bar oilo, hoḳolta milia eḳ siz oilo. Astaṭa-u ḳaṭi shuna fiṭaia banani oilo. 23Ḳaṭi shunadi shatṭa serag, seragor fita saf ḳorar simṭa, zalail fitar sali toar lagi koygu baṭi banail oilo. 24Eḳ mon ḳaṭi shunadi i serag dani, ar logor hoḳolta tiar ḳora oilo.
Agor-kushboy zalanir ṭebul
25Bade babla laḳṛidi sair kuna ala agor-kushboy zalanir ṭebul banail oilo. Eḳ at lamba, eḳ at fash, ar dui at ubi dia i ṭebul banaila. Er sairo kunar sairo hing-o ekḳano ḳori banaila. 26Sani, sanir sairo kinar ar hing, hoḳolta ḳaṭi shunadi lefia sairo kinaro shunar noksha lagaila. 27Er dui kinaror nokshar tole dugu ḳori shunar ḳoṛa lagail oilo, zate er bitre benda haraia boia neoa zae. 28Babla laḳṛidi boia neoar benda banaila, iṭare-o shunadi lefila.
29Bade kushboy-ala moshla bananir ḳarigoror niome ḳelafoti shomzibar fobitro tel ar kushboy-ala ḳaṭi agor tiar ḳorla.
Currently Selected:
Tourat 2: Hizrot 37: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
Tourat 2: Hizrot 37
37
Shahadot shonduk banaila
1Batselole babla laḳṛidi fobitro shahadot shonduk banaila. Iṭa aṛai at lamba, deṛ at fash ar deṛ at usa. 2Er bare-bitore ḳaṭi shunadi lefila, er sairo kinaro shunar noksha lagaila. 3Aguindi shuna golaia sairṭa shunar ḳoṛa er sairo kunat lagaila, ogalat duiṭa ar hogalat duiṭa lagaila. 4Babla laḳṛidi dugu benda banaia shunadi lefila. 5Shonduk boia neoar lagi i duio benda, shondukor dui galar ḳoṛar bitredi haraila.
6Bade ḳaṭi shunadi shondukor ekḳan ḍaḳna banaila, oḳanor ufre gunar kofora adae ḳorar lagi. I ḍaḳna lambae aṛai at, ar fashe deṛ at. 7Shuna fiṭaia ḍaḳnar duio galat duiṭa Karubi banaila. 8Duio Karubi shondukor ḍaḳnar dui kinaro roilo. I duio Karubi ḍaḳnar loge ekḳano ḳori banail oilo, i astaṭa ḳali eḳ siz oilo. 9Karubi deḳte Duldul guṛar laḳan ḍaḳna ala, er duio ḍaḳna ufredi melia deoae, ou ḍaḳnar sayar tole shondukor ḍaḳna hamaigelo. Iṭa mukamuki uba roilo. Ar tarar souk roilo shondukor ḍaḳnar bae.
Fobitro ruṭi raḳar ṭebul
10Batselole bade babla laḳṛidi dui at lamba, eḳ at fash ar deṛ at usa ḳori ekḳan ṭebul banaila. 11Banaia harle ḳaṭi shunadi lefia er sairo kinaro noksha lagaila. 12Ar er sanir sairo kinaro sair angul usa ḳori eḳ haz dila, hazor maze shunadi noksha lagaila. 13Ṭebulor sairo kunar fayar ufre shunar sairṭa ḳoṛa lagaila. 14I sairo ḳoṛain ṭebulor kunar hou usa hazor tole lagani oilo, zate ṭebul boia neoar bala ḳoṛar bitre benda harail zae. 15Ṭebulre boia neoar lagi babla laḳṛidi dugu benda banaia shunadi lefila. 16Ṭebulor ufror tal-bashon, Allar name shorbot-fanir sodgar zog ar mog, hoḳolta ḳaṭi shunadi goṛaila.
Serag dani banani
17Bade ḳaṭi shunadi ekḳan serag dani tiar ḳorla. Serag danir tola ar ufror ḍanḍi kaṭi shuna fiṭaia goṛaila. Er ḍanḍi, fulor laḳan fiala, kuṛi ar fafṛi oḳol serag danir loge ekḳano ḳori banaila. 18Serag danir ḍanḍir dui galat tinṭa ḳori muṭ soyṭa ḍal deoa oilo. 19Forteḳ ḍalor maze zoba fulor laḳan tingu ḳori fiala tiar ḳora oilo. Serag danir soyo ḍalo eḳlaḳan ḳam ḳora oilo. 20Serag danir mul ḍanḍir maze-o zoba fulor laḳan sairṭa fiala deoa oilo. 21Ou mul ḍanḍi taki baroil soyṭa ḍalor maze, foyla duio ḍalor zuṛat egu ḳori kuṛi, dusra duio ḍalor zuṛat arok kuṛi, ar heshor duio ḍalor zuṛat-o kuṛi lagail oilo. 22Kuṛi ar ḍal hoḳolta serag dani taki bar oilo, hoḳolta milia eḳ siz oilo. Astaṭa-u ḳaṭi shuna fiṭaia banani oilo. 23Ḳaṭi shunadi shatṭa serag, seragor fita saf ḳorar simṭa, zalail fitar sali toar lagi koygu baṭi banail oilo. 24Eḳ mon ḳaṭi shunadi i serag dani, ar logor hoḳolta tiar ḳora oilo.
Agor-kushboy zalanir ṭebul
25Bade babla laḳṛidi sair kuna ala agor-kushboy zalanir ṭebul banail oilo. Eḳ at lamba, eḳ at fash, ar dui at ubi dia i ṭebul banaila. Er sairo kunar sairo hing-o ekḳano ḳori banaila. 26Sani, sanir sairo kinar ar hing, hoḳolta ḳaṭi shunadi lefia sairo kinaro shunar noksha lagaila. 27Er dui kinaror nokshar tole dugu ḳori shunar ḳoṛa lagail oilo, zate er bitre benda haraia boia neoa zae. 28Babla laḳṛidi boia neoar benda banaila, iṭare-o shunadi lefila.
29Bade kushboy-ala moshla bananir ḳarigoror niome ḳelafoti shomzibar fobitro tel ar kushboy-ala ḳaṭi agor tiar ḳorla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.