Tourat 5: Dusra-Boyani 34
34
Hozrot Musa (a:)or ufat
1Bade Musa nobi Muab deshor tol zaga taki, Nobo faṛor ṭillar ufre uṭila, ou ṭilla to Ziriho ṭaunor samne Pisga faṛor hoḳol taki usa ṭilla. Hono Mabude tanre hoḳol desh deḳaila, Giliod taki Dan forzonto, 2asta Noftali desh, Afraim ar Manosha desh, ar foismor doriar far forzonto fura Ehuda desh, 3douknor Negeb morubumi, ḳezuri ṭaun Ziriho, ar er ḳandar Zordan gangor douknor morubumi taki Suar gau forzonto hoḳol zaga. 4Ota deḳanir bade Mabude tanre ḳoila, “Ikan oilo hou desh, zeḳanor befare ami Ibrahim, Isʼhak ar Iakubor gese ḳosom ḳaislam. Tarare ḳoislam, deshḳan ami tumar oarishre dimu. Te ita ami tumare shorashori deḳailam, oile tumi Zordan gang faroia hino hamaitae fartae nae.”
5Mabudor zoban mafik, tan gulam Musa nobir ufat ou Muab desho-u oilo. 6Muab deshor Bayt-Piyuror daro faṛia tol zagat Allar kudroti ate tanre dafon ḳorla. Oile tan rouza shorifre oḳono ḳeu sine na. 7Ufator ḳalo tan boyosh asil eḳ-sho bish bosor. Hou shomoy-o tan souḳor faoar ḳomse na, tan shoril ḳomzur oise na. 8Ufator bade Boni Israile tish din dori Muab deshor nisa tol zagat tan lagi kanda-ḳaṭi ar ahazari korla. Ou tish din bade tarar duk-ahazari shesh oilo.
9Hozrot Musae Nunor fua Iusar matar ufre at raḳar ḳarone, ou shomoy tone Iusa aḳolor ruhe furafur kamil oigela. Teu Boni Israil oḳol tan foramishe solla, ar Musa nobir marfote Mabudor batail hukum mafik tara zindegi kaṭaila.
10Hozrot Musar laḳan ila kunu nobi oḳon forzonto Boni Israilor maze zonom loisoin na, zan loge Mabude samna-samni oia batchit ḳorta. 11Mabude Musa nobire bezia Mishoror bashsha Feraun ar tar uzir-nazir, tar asta deshor ufre zoto laḳan kudroti nishana ar keramoti kam deḳaisoin, ita-o ar ḳeu ḳorsoin na. 12Tamam Boni Israilor souḳor samne Musa nobie zela kudroti moha taijjubi ar ḍor-ḳofor nanan keramotir ḳam ḳorsoin, ila ḳam dusra ḳeu ḳorar takkot oise na.
Ḳotom
Currently Selected:
Tourat 5: Dusra-Boyani 34: sylL
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
Tourat 5: Dusra-Boyani 34
34
Hozrot Musa (a:)or ufat
1Bade Musa nobi Muab deshor tol zaga taki, Nobo faṛor ṭillar ufre uṭila, ou ṭilla to Ziriho ṭaunor samne Pisga faṛor hoḳol taki usa ṭilla. Hono Mabude tanre hoḳol desh deḳaila, Giliod taki Dan forzonto, 2asta Noftali desh, Afraim ar Manosha desh, ar foismor doriar far forzonto fura Ehuda desh, 3douknor Negeb morubumi, ḳezuri ṭaun Ziriho, ar er ḳandar Zordan gangor douknor morubumi taki Suar gau forzonto hoḳol zaga. 4Ota deḳanir bade Mabude tanre ḳoila, “Ikan oilo hou desh, zeḳanor befare ami Ibrahim, Isʼhak ar Iakubor gese ḳosom ḳaislam. Tarare ḳoislam, deshḳan ami tumar oarishre dimu. Te ita ami tumare shorashori deḳailam, oile tumi Zordan gang faroia hino hamaitae fartae nae.”
5Mabudor zoban mafik, tan gulam Musa nobir ufat ou Muab desho-u oilo. 6Muab deshor Bayt-Piyuror daro faṛia tol zagat Allar kudroti ate tanre dafon ḳorla. Oile tan rouza shorifre oḳono ḳeu sine na. 7Ufator ḳalo tan boyosh asil eḳ-sho bish bosor. Hou shomoy-o tan souḳor faoar ḳomse na, tan shoril ḳomzur oise na. 8Ufator bade Boni Israile tish din dori Muab deshor nisa tol zagat tan lagi kanda-ḳaṭi ar ahazari korla. Ou tish din bade tarar duk-ahazari shesh oilo.
9Hozrot Musae Nunor fua Iusar matar ufre at raḳar ḳarone, ou shomoy tone Iusa aḳolor ruhe furafur kamil oigela. Teu Boni Israil oḳol tan foramishe solla, ar Musa nobir marfote Mabudor batail hukum mafik tara zindegi kaṭaila.
10Hozrot Musar laḳan ila kunu nobi oḳon forzonto Boni Israilor maze zonom loisoin na, zan loge Mabude samna-samni oia batchit ḳorta. 11Mabude Musa nobire bezia Mishoror bashsha Feraun ar tar uzir-nazir, tar asta deshor ufre zoto laḳan kudroti nishana ar keramoti kam deḳaisoin, ita-o ar ḳeu ḳorsoin na. 12Tamam Boni Israilor souḳor samne Musa nobie zela kudroti moha taijjubi ar ḍor-ḳofor nanan keramotir ḳam ḳorsoin, ila ḳam dusra ḳeu ḳorar takkot oise na.
Ḳotom
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.