আছমানি কিতাব: সুলাইমানি ছিল্লেখ 17
17
1কাইজ্জার ঘরর খুরমা-পুলাও থাকিয়া,
সায়-শান্তিয়ে খালি হুকনা রুটিও ভালা।
2গিয়ানি চাকর কর্তা অয় কুলাংগার পুতর উপরে,
মৌরসি বাট পাইবো হে মালিকর পুয়াইন্তর লগে।
3আগুইনে যাচাই করে সোনা-রুপারে,
মাবুদে যাচাই করইন মানষর অন্তররে।
4বজ্জাতি বুলি হুনে বজ্জাতে,
বেইমানে কান পাতে গিবতে।
5গরিব-কাংগালর লগে তামশা করে যে,
পয়দাকারির লগেউ তামশা করে হে।
মানষর বিপদ দেখিয়া খুশি লাগে যার,
সাজা থাকি রেহাই তো মিলতো নায় তার।
6নাতি-পুতি তো ময়-মুরব্বির তাজ,
পুয়া-পুড়ির গৌরব তারার মা-বাফ।
7আম্মকর ঠোটো পন্ডিতি মাত হাজে না,
দামি জনর ঠোটো মিছা মাত খাটে না।
8ঘুষ দিলে জাদুর কাঠি মিলে,
যেতা চায় অতাতউ সফল বনে।
9অপরাধ লুকাইলে ভাইয়াফি টিকে,
বার বার কইলিলে ভাইয়াফি ভাংগে।
10এক ধামকিয়ে আখলদার যতখান বদলিযায়,
একশো চাবুকেও আম্মক অতখান না বদলায়।
11বদ-খবিছে খালি বিরুধিতা করে,
তার লাগি পাঠাইবা নিষ্ঠুর-পাষানরে।
12আম্মকিয়ে ভরা আম্মকর মুলাকাত থাকিয়া,
বাইচ্চা আরাইল ভাল্লুকির মুকাবিলাও ভালা।
13উপকার পাইয়া যেগিয়ে খেতি করে,
খেতিয়ে কুনুদিন তার ঘর না ছাড়ে।
14কাইজ্জার শুরু বান্দ-ভাংগা ফুতর পানি,
মারামারির আগেউ ভালা অতা মিটানি।
15নাফরমানরে খালাছ দেওরা,
পরেজগাররে সাজা দেওরা,
অলান দুইও বিচারকারি,
মাবুদর চউখো নফরতি।
16টেকা আতো থাকলেও কিতা লাভ আম্মকর?
গিয়ান খরিদ করার মন নাই তো তার ভিতর!
17দুস্তে করে হামেশা মায়া,
ভাইর জনম বিপদো চাওয়া।
18জিম্মাদার অয় যে বেআখল জন হে,
বেআখল জনে দুস্তর জামিনদার বনে।
19গুনারে ভালা পাইলে কাইজ্জাও ভালা পায়,
নিজর বিনাশ ডাকিয়া আনে নিজর গরিমায়।
20দিল বেকা যার সুখ নাই তার,
জিফ বেকা যার মছিবত তার।
21আম্মক পুত বাফর দুখ,
বেআখলর বাফর নাই সুখ।
22মনর খুশিউ সেরা দাওয়াই,
দিল ভাংগিলে আড্ডিও হুকায়।
23হক বিচারো পেচ লাগানির ধান্দায়,
নাফরমানে লুকাই লুকাই ঘুষ খায়।
24গিয়ান আজির আখলদারর ছামনে,
আম্মকর চউখে হারা দুনিয়া ঘুরে।
25আম্মক পুতে বাফরে জালায়,
হে তার মাইজিরেও কান্দায়।
26জরিমানা ঠিক নায় পরেজগাররে,
মাইর-ধইরও ঠিক নায় নির্দুষিরে।
27গিয়ানি সাবধানে মাতে,
আখলদার ঠান্ডা থাকে।
28নিরাই থাকলে আম্মকরেও গিয়ানি বুজায়,
মুখ বন্দ রাখলে তারে আখলদার দেখায়।
Currently Selected:
আছমানি কিতাব: সুলাইমানি ছিল্লেখ 17: sylB
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
আছমানি কিতাব: সুলাইমানি ছিল্লেখ 17
17
1কাইজ্জার ঘরর খুরমা-পুলাও থাকিয়া,
সায়-শান্তিয়ে খালি হুকনা রুটিও ভালা।
2গিয়ানি চাকর কর্তা অয় কুলাংগার পুতর উপরে,
মৌরসি বাট পাইবো হে মালিকর পুয়াইন্তর লগে।
3আগুইনে যাচাই করে সোনা-রুপারে,
মাবুদে যাচাই করইন মানষর অন্তররে।
4বজ্জাতি বুলি হুনে বজ্জাতে,
বেইমানে কান পাতে গিবতে।
5গরিব-কাংগালর লগে তামশা করে যে,
পয়দাকারির লগেউ তামশা করে হে।
মানষর বিপদ দেখিয়া খুশি লাগে যার,
সাজা থাকি রেহাই তো মিলতো নায় তার।
6নাতি-পুতি তো ময়-মুরব্বির তাজ,
পুয়া-পুড়ির গৌরব তারার মা-বাফ।
7আম্মকর ঠোটো পন্ডিতি মাত হাজে না,
দামি জনর ঠোটো মিছা মাত খাটে না।
8ঘুষ দিলে জাদুর কাঠি মিলে,
যেতা চায় অতাতউ সফল বনে।
9অপরাধ লুকাইলে ভাইয়াফি টিকে,
বার বার কইলিলে ভাইয়াফি ভাংগে।
10এক ধামকিয়ে আখলদার যতখান বদলিযায়,
একশো চাবুকেও আম্মক অতখান না বদলায়।
11বদ-খবিছে খালি বিরুধিতা করে,
তার লাগি পাঠাইবা নিষ্ঠুর-পাষানরে।
12আম্মকিয়ে ভরা আম্মকর মুলাকাত থাকিয়া,
বাইচ্চা আরাইল ভাল্লুকির মুকাবিলাও ভালা।
13উপকার পাইয়া যেগিয়ে খেতি করে,
খেতিয়ে কুনুদিন তার ঘর না ছাড়ে।
14কাইজ্জার শুরু বান্দ-ভাংগা ফুতর পানি,
মারামারির আগেউ ভালা অতা মিটানি।
15নাফরমানরে খালাছ দেওরা,
পরেজগাররে সাজা দেওরা,
অলান দুইও বিচারকারি,
মাবুদর চউখো নফরতি।
16টেকা আতো থাকলেও কিতা লাভ আম্মকর?
গিয়ান খরিদ করার মন নাই তো তার ভিতর!
17দুস্তে করে হামেশা মায়া,
ভাইর জনম বিপদো চাওয়া।
18জিম্মাদার অয় যে বেআখল জন হে,
বেআখল জনে দুস্তর জামিনদার বনে।
19গুনারে ভালা পাইলে কাইজ্জাও ভালা পায়,
নিজর বিনাশ ডাকিয়া আনে নিজর গরিমায়।
20দিল বেকা যার সুখ নাই তার,
জিফ বেকা যার মছিবত তার।
21আম্মক পুত বাফর দুখ,
বেআখলর বাফর নাই সুখ।
22মনর খুশিউ সেরা দাওয়াই,
দিল ভাংগিলে আড্ডিও হুকায়।
23হক বিচারো পেচ লাগানির ধান্দায়,
নাফরমানে লুকাই লুকাই ঘুষ খায়।
24গিয়ান আজির আখলদারর ছামনে,
আম্মকর চউখে হারা দুনিয়া ঘুরে।
25আম্মক পুতে বাফরে জালায়,
হে তার মাইজিরেও কান্দায়।
26জরিমানা ঠিক নায় পরেজগাররে,
মাইর-ধইরও ঠিক নায় নির্দুষিরে।
27গিয়ানি সাবধানে মাতে,
আখলদার ঠান্ডা থাকে।
28নিরাই থাকলে আম্মকরেও গিয়ানি বুজায়,
মুখ বন্দ রাখলে তারে আখলদার দেখায়।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.