আছমানি কিতাব: ইউনুছ 2
2
মাছর পেটো হজরত ইউনুছ (আঃ) অর তৌবা
1ইউনুছে মাছর পেটো থনে মাবুদ আল্লার দরবারো দোয়া করলা।
2মছিবতো পইড়া মউলা ডাকিলাম তরে,
রহম করিয়া তুই জুয়াপ দিলে মোরে।
পাতালর পেটো বইয়া আমি কান্দিলাম,
কবুল করিলায় আরজ রহিম রহমান।
3দরিয়ার মুরো বন্ধু মোরে ফালাইলায়,
তুমার পানির ঢেউয়ে আমায় ভাসাই লইয়া যায়।
4মিলে না দিদার তুমার নাই কান্ডারি,
তাল্লাশি করিয়া মোকাম জিকির করি।
5ঢেউওর মাজেতে পড়ি জান ধড়ফড় করে,
দরিয়ার লতা-পাতায় পেচিলিলো মোরে।
6পাতালর তলে গিয়া মিলের না কিনার,
খরেদি চাইয়া দেখি দুয়ার নাই আর।
বন্দি অইয়া কান্দি আমি নিরাশ বদনে,
আজাদ করিলায় মউলা গইন গাড়া থনে।
7জান আমার যায় যায় অইলো যখন,
কাতর অইয়া গো বন্ধু করিনু স্মরন।
ভিক্ষা মাংগিলাম কাংগাল দরবারে তুমার,
আরশো থাকিয়া দয়াল দেখাইলায় দিদার।
8মুর্তিপুজা করে যারা না পাইবো রহমত,
এলামি করিয়া তারা আরাইলো কুদরত।
9শুকুর-গুজার করো ইউনুছ মাবুদ মেহেরবান,
তুমার দরবারে আমি করিমু কুরবান।
লিল্লা-ছদগা দান-খয়রাত সপিমু তরে,
নাজাতর মালিক মউলায় বাচাও আমারে।
10বাদে মাবুদে হউ মাছরে হুকুম দিলা, মাছে ইউনুছরে নিয়া হুকনা জমিনর উপরে বাইত করি ফালাই দিলো।
Currently Selected:
আছমানি কিতাব: ইউনুছ 2: sylB
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
