ꠎꠛꠥꠞ ꠡꠞꠤꠚ 33
33
ꠀꠟ-ꠎꠛꠥꠞ ৩৩
1ꠝꠣꠛꠥꠖꠞ ꠘꠣꠝꠦ ꠉꠎꠟ ꠉꠣꠅ ꠅꠞꠦ ꠖꠤꠘꠖꠣꠞ ꠛꠘ꠆ꠖꠣ,
ꠘꠤꠈꠥꠔ ꠝꠥꠝꠤꠘꠞ ꠇꠣꠝ ꠅꠁꠟꠉꠤ ꠡꠥꠇꠥꠞ-ꠉꠥꠎꠣꠞ ꠇꠞꠣ।
2ꠖꠥꠔꠣꠞꠣꠞ ꠔꠣꠟꠦ ꠔꠣꠟꠦ ꠡꠥꠇꠞꠤꠀ ꠎꠣꠘꠣꠅ ꠔꠣꠘ,
ꠖꠡ ꠔꠣꠞꠞ ꠛꠤꠘꠣ ꠛꠣꠎꠣꠁꠀ ꠇꠞꠅ ꠔꠣꠘ ꠉꠥꠘꠉꠣꠘ।
3ꠝꠣꠛꠥꠖꠞ ꠘꠣꠝꠦ ꠘꠄꠀ ꠘꠄꠀ ꠉꠤꠔ ꠛꠠ ꠉꠟꠣꠄ ꠉꠣꠅ,
ꠘꠤꠈꠥꠔ ꠀꠔꠦ ꠔꠣꠘ ꠘꠤꠅꠔꠦ ꠛꠣꠎꠘꠣ ꠛꠣꠎꠣꠅ।
4ꠝꠣꠛꠥꠖꠞ ꠇꠣꠟꠣꠝ ꠔ ꠢꠇ ꠌꠤꠞꠇꠣꠟ,
ꠔꠣꠘ ꠢꠇꠟ ꠇꠣꠝ ꠢꠣꠝꠦꠡꠣ ꠢꠇ-ꠢꠣꠟꠣꠟ।
5ꠙꠞꠦꠎꠉꠣꠞꠤ ꠀꠞ ꠢꠇ-ꠁꠘꠍꠣꠚ ꠝꠣꠛꠥꠖꠦ ꠙꠣꠁꠘ ꠜꠣꠟꠣ,
ꠀꠡ꠆ꠔꠣ ꠎꠉꠔ ꠜꠞꠣ ꠀꠍꠦ ꠔꠣꠘ ꠖꠄꠀ-ꠝꠣꠄꠀ।
6ꠀꠍꠝꠣꠘ ꠔꠤꠀꠞ ꠅꠁꠍꠦ ꠝꠣꠛꠥꠖꠞ ꠅꠃ ꠇꠣꠟꠣꠝꠦ,
ꠄꠞ ꠝꠣꠎꠞ ꠡꠛꠔꠣꠃ ꠅꠁꠍꠦ ꠔꠣꠘ ꠝꠥꠈꠞ ꠚꠥꠄ।
7ꠖꠞꠤꠀꠞ ꠢꠇꠟ ꠙꠣꠘꠤꠞꠦ ꠇꠟꠡꠤꠔ ꠞꠣꠈꠂꠘ ꠔꠣꠁꠘ,
ꠙꠣꠔꠣꠟꠞ ꠙꠣꠘꠤꠞꠦꠅ ꠔꠣꠁꠘ ꠜꠣꠘ꠆ꠒꠣꠞꠅ ꠎꠝꠣꠁꠘ।
8ꠀꠡ꠆ꠔꠣ ꠖꠥꠘꠤꠀꠄ ꠝꠣꠛꠥꠖꠞꠦ ꠒꠞꠣꠃꠇ,
ꠖꠥꠘꠤꠀꠞ ꠛꠣꠡꠤꠘ꠆ꠖꠣ ꠅꠇꠟ ꠔꠣꠘ ꠒꠞꠦ ꠇꠣꠙꠃꠇ,
9ꠔꠣꠘ ꠇꠕꠣꠄ ꠔ ꠢꠇ꠆ꠇꠟꠔꠣꠞ ꠅꠁꠍꠦ ꠙꠄꠖꠣ,
ꠔꠣꠘ ꠢꠥꠇꠥꠝꠞ ꠟꠉꠦ ꠟꠉꠦ ꠛꠅꠀꠁꠟ ꠅꠁꠍꠦ ꠢꠇꠟꠔꠣ।
10ꠎꠣꠔꠤ ꠅꠇꠟꠞ ꠙꠞꠤꠇꠟ꠆ꠙꠘꠣ ꠝꠣꠛꠥꠖꠦ ꠇꠞꠂꠘ ꠛꠦꠇꠣꠝꠣ,
ꠛꠤꠘꠣꠡ ꠇꠞꠂꠘ ꠔꠣꠁꠘ ꠔꠣꠞꠣꠞ ꠌꠤꠘ꠆ꠔꠣ-ꠜꠣꠛꠘꠣ।
11ꠝꠣꠛꠥꠖꠞꠃ ꠙꠞꠤꠇꠟ꠆ꠙꠘꠣ ꠌꠤꠞꠇꠣꠟ ꠐꠤꠇꠤꠀ ꠕꠣꠇꠦ,
ꠔꠣꠘ ꠝꠘꠞ ꠌꠤꠘ꠆ꠔꠣ-ꠜꠣꠛꠘꠣ ꠎꠥꠉ ꠎꠥꠉ ꠗꠞꠤ ꠛꠅꠀꠁꠟ ꠕꠣꠇꠦ।
12ꠡꠥꠈꠤ ꠢꠃ ꠎꠣꠔꠤ, ꠀꠟ꠆ꠟꠣ ꠎꠣꠞ ꠀꠙꠘ ꠝꠣꠛꠥꠖ,
ꠔꠣꠁꠘ ꠎꠣꠞꠦ ꠙꠍꠘ꠆ꠖ ꠇꠞꠍꠂꠘ ꠇꠁꠀ ꠀꠙꠘ ꠖꠃꠟꠔ।
13ꠀꠍꠝꠣꠘ ꠕꠣꠇꠤ ꠝꠣꠛꠥꠖꠦ ꠌꠣꠁꠀ ꠖꠦꠈꠂꠘ,
ꠢꠇ꠆ꠇꠟ ꠀꠖꠝ ꠡꠘ꠆ꠔꠣꠘꠞ ꠃꠙꠞꠦ ꠔꠣꠁꠘ ꠌꠃꠈ ꠞꠣꠈꠂꠘ।
14ꠁ ꠖꠥꠘꠤꠀꠔ ꠎꠦꠁꠘ-ꠔꠣꠁꠘ ꠛꠡꠔ ꠇꠞꠂꠘ,
ꠀꠞꠡ ꠕꠣꠇꠤ ꠔꠣꠞꠣꠞ ꠛꠣꠄ ꠈꠤꠀꠟ ꠞꠣꠈꠂꠘ,
15ꠙꠞꠔꠦꠇ ꠎꠘꠞ ꠖꠤꠟ ꠔ ꠔꠣꠁꠘ ꠉꠠꠤꠍꠂꠘ,
ꠎꠦꠉꠤꠄ ꠎꠦꠔꠣ ꠇꠞꠦ ꠁꠔꠣ ꠛꠥꠎꠤꠔꠣ ꠙꠣꠞꠂꠘ।
16ꠛꠠ ꠍꠤꠙꠣꠁ ꠖꠟ ꠕꠣꠇꠟꠦꠅ ꠞꠣꠎꠣꠞ ꠞꠇ꠆ꠇꠣ ꠘꠣꠁ,
ꠝꠢꠣꠡꠇ꠆ꠔꠤ ꠖꠤꠀꠅ ꠇꠥꠘꠥ ꠛꠤꠞ ꠎꠥꠖ꠆ꠖꠣꠄ ꠙꠣꠄ ꠘꠣ ꠞꠦꠢꠣꠁ,
17ꠎꠄꠅꠞ ꠟꠣꠉꠤ ꠊꠥꠠꠣꠞ ꠃꠙꠞꠦ ꠜꠞꠡꠣ ꠇꠞꠣ ꠛꠦꠇꠣꠝꠣ,
ꠊꠥꠠꠣꠞ ꠡꠇ꠆ꠔꠤ ꠎꠔꠃ ꠕꠣꠇꠃꠇ ꠛꠣꠌꠣꠁꠔ ꠙꠣꠞꠦ ꠘꠣ।
18ꠝꠣꠛꠥꠖꠞꠦ ꠎꠣꠞꠣ ꠒꠞꠣꠄ, ꠕꠣꠇꠦ ꠔꠣꠘ ꠖꠄꠀ-ꠝꠣꠄꠀꠞ ꠀꠡꠣꠄ,
ꠔꠣꠁꠘ ꠈꠤꠀꠟ ꠞꠣꠈꠂꠘ ꠔꠣꠞꠣꠞ ꠛꠣꠄ,
19ꠝꠞꠘ ꠕꠣꠇꠤ ꠔꠣꠞꠣꠞ ꠎꠤꠛꠘ ꠞꠇ꠆ꠇꠣ ꠇꠞꠂꠘ ꠔꠣꠁꠘ,
ꠛꠠ ꠛꠠ ꠘꠤꠖꠣꠘ ꠇꠣꠟꠅ ꠔꠣꠞꠣꠞꠦ ꠛꠣꠌꠣꠁꠘ।
20ꠝꠣꠛꠥꠖꠞ ꠅꠙꠦꠇ꠆ꠇꠣꠔ ꠀꠍꠤ ꠔ ꠀꠝꠞꠣ,
ꠔꠣꠁꠘꠃ ꠎꠣꠘ ꠛꠣꠌꠣꠘꠤꠞ ꠝꠣꠟꠤꠇ, ꠀꠝꠞꠣꠞ ꠜꠞꠡꠣ।
21ꠔꠣꠘꠞꠦ ꠟꠁꠀꠃ ꠀꠝꠞꠣꠞ ꠖꠤꠟꠞ ꠚꠥꠞ꠆ꠔꠤ,
ꠔꠣꠘ ꠙꠣꠇ ꠘꠣꠝꠞ ꠃꠙꠞꠦ ꠜꠞꠡꠣ ꠇꠞꠤ।
22ꠅꠉ ꠝꠣꠛꠥꠖ, ꠔꠥꠝꠣꠞ ꠝꠣꠄꠀ-ꠖꠄꠀ ꠞꠃꠇ ꠀꠝꠞꠣꠞ ꠃꠙꠞꠦ,
ꠀꠝꠞꠣꠞ ꠀꠡꠣ-ꠜꠞꠡꠣ ꠔꠥꠝꠣꠞꠃ ꠃꠙꠞꠦ॥
Currently Selected:
ꠎꠛꠥꠞ ꠡꠞꠤꠚ 33: sylN
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
ꠎꠛꠥꠞ ꠡꠞꠤꠚ 33
33
ꠀꠟ-ꠎꠛꠥꠞ ৩৩
1ꠝꠣꠛꠥꠖꠞ ꠘꠣꠝꠦ ꠉꠎꠟ ꠉꠣꠅ ꠅꠞꠦ ꠖꠤꠘꠖꠣꠞ ꠛꠘ꠆ꠖꠣ,
ꠘꠤꠈꠥꠔ ꠝꠥꠝꠤꠘꠞ ꠇꠣꠝ ꠅꠁꠟꠉꠤ ꠡꠥꠇꠥꠞ-ꠉꠥꠎꠣꠞ ꠇꠞꠣ।
2ꠖꠥꠔꠣꠞꠣꠞ ꠔꠣꠟꠦ ꠔꠣꠟꠦ ꠡꠥꠇꠞꠤꠀ ꠎꠣꠘꠣꠅ ꠔꠣꠘ,
ꠖꠡ ꠔꠣꠞꠞ ꠛꠤꠘꠣ ꠛꠣꠎꠣꠁꠀ ꠇꠞꠅ ꠔꠣꠘ ꠉꠥꠘꠉꠣꠘ।
3ꠝꠣꠛꠥꠖꠞ ꠘꠣꠝꠦ ꠘꠄꠀ ꠘꠄꠀ ꠉꠤꠔ ꠛꠠ ꠉꠟꠣꠄ ꠉꠣꠅ,
ꠘꠤꠈꠥꠔ ꠀꠔꠦ ꠔꠣꠘ ꠘꠤꠅꠔꠦ ꠛꠣꠎꠘꠣ ꠛꠣꠎꠣꠅ।
4ꠝꠣꠛꠥꠖꠞ ꠇꠣꠟꠣꠝ ꠔ ꠢꠇ ꠌꠤꠞꠇꠣꠟ,
ꠔꠣꠘ ꠢꠇꠟ ꠇꠣꠝ ꠢꠣꠝꠦꠡꠣ ꠢꠇ-ꠢꠣꠟꠣꠟ।
5ꠙꠞꠦꠎꠉꠣꠞꠤ ꠀꠞ ꠢꠇ-ꠁꠘꠍꠣꠚ ꠝꠣꠛꠥꠖꠦ ꠙꠣꠁꠘ ꠜꠣꠟꠣ,
ꠀꠡ꠆ꠔꠣ ꠎꠉꠔ ꠜꠞꠣ ꠀꠍꠦ ꠔꠣꠘ ꠖꠄꠀ-ꠝꠣꠄꠀ।
6ꠀꠍꠝꠣꠘ ꠔꠤꠀꠞ ꠅꠁꠍꠦ ꠝꠣꠛꠥꠖꠞ ꠅꠃ ꠇꠣꠟꠣꠝꠦ,
ꠄꠞ ꠝꠣꠎꠞ ꠡꠛꠔꠣꠃ ꠅꠁꠍꠦ ꠔꠣꠘ ꠝꠥꠈꠞ ꠚꠥꠄ।
7ꠖꠞꠤꠀꠞ ꠢꠇꠟ ꠙꠣꠘꠤꠞꠦ ꠇꠟꠡꠤꠔ ꠞꠣꠈꠂꠘ ꠔꠣꠁꠘ,
ꠙꠣꠔꠣꠟꠞ ꠙꠣꠘꠤꠞꠦꠅ ꠔꠣꠁꠘ ꠜꠣꠘ꠆ꠒꠣꠞꠅ ꠎꠝꠣꠁꠘ।
8ꠀꠡ꠆ꠔꠣ ꠖꠥꠘꠤꠀꠄ ꠝꠣꠛꠥꠖꠞꠦ ꠒꠞꠣꠃꠇ,
ꠖꠥꠘꠤꠀꠞ ꠛꠣꠡꠤꠘ꠆ꠖꠣ ꠅꠇꠟ ꠔꠣꠘ ꠒꠞꠦ ꠇꠣꠙꠃꠇ,
9ꠔꠣꠘ ꠇꠕꠣꠄ ꠔ ꠢꠇ꠆ꠇꠟꠔꠣꠞ ꠅꠁꠍꠦ ꠙꠄꠖꠣ,
ꠔꠣꠘ ꠢꠥꠇꠥꠝꠞ ꠟꠉꠦ ꠟꠉꠦ ꠛꠅꠀꠁꠟ ꠅꠁꠍꠦ ꠢꠇꠟꠔꠣ।
10ꠎꠣꠔꠤ ꠅꠇꠟꠞ ꠙꠞꠤꠇꠟ꠆ꠙꠘꠣ ꠝꠣꠛꠥꠖꠦ ꠇꠞꠂꠘ ꠛꠦꠇꠣꠝꠣ,
ꠛꠤꠘꠣꠡ ꠇꠞꠂꠘ ꠔꠣꠁꠘ ꠔꠣꠞꠣꠞ ꠌꠤꠘ꠆ꠔꠣ-ꠜꠣꠛꠘꠣ।
11ꠝꠣꠛꠥꠖꠞꠃ ꠙꠞꠤꠇꠟ꠆ꠙꠘꠣ ꠌꠤꠞꠇꠣꠟ ꠐꠤꠇꠤꠀ ꠕꠣꠇꠦ,
ꠔꠣꠘ ꠝꠘꠞ ꠌꠤꠘ꠆ꠔꠣ-ꠜꠣꠛꠘꠣ ꠎꠥꠉ ꠎꠥꠉ ꠗꠞꠤ ꠛꠅꠀꠁꠟ ꠕꠣꠇꠦ।
12ꠡꠥꠈꠤ ꠢꠃ ꠎꠣꠔꠤ, ꠀꠟ꠆ꠟꠣ ꠎꠣꠞ ꠀꠙꠘ ꠝꠣꠛꠥꠖ,
ꠔꠣꠁꠘ ꠎꠣꠞꠦ ꠙꠍꠘ꠆ꠖ ꠇꠞꠍꠂꠘ ꠇꠁꠀ ꠀꠙꠘ ꠖꠃꠟꠔ।
13ꠀꠍꠝꠣꠘ ꠕꠣꠇꠤ ꠝꠣꠛꠥꠖꠦ ꠌꠣꠁꠀ ꠖꠦꠈꠂꠘ,
ꠢꠇ꠆ꠇꠟ ꠀꠖꠝ ꠡꠘ꠆ꠔꠣꠘꠞ ꠃꠙꠞꠦ ꠔꠣꠁꠘ ꠌꠃꠈ ꠞꠣꠈꠂꠘ।
14ꠁ ꠖꠥꠘꠤꠀꠔ ꠎꠦꠁꠘ-ꠔꠣꠁꠘ ꠛꠡꠔ ꠇꠞꠂꠘ,
ꠀꠞꠡ ꠕꠣꠇꠤ ꠔꠣꠞꠣꠞ ꠛꠣꠄ ꠈꠤꠀꠟ ꠞꠣꠈꠂꠘ,
15ꠙꠞꠔꠦꠇ ꠎꠘꠞ ꠖꠤꠟ ꠔ ꠔꠣꠁꠘ ꠉꠠꠤꠍꠂꠘ,
ꠎꠦꠉꠤꠄ ꠎꠦꠔꠣ ꠇꠞꠦ ꠁꠔꠣ ꠛꠥꠎꠤꠔꠣ ꠙꠣꠞꠂꠘ।
16ꠛꠠ ꠍꠤꠙꠣꠁ ꠖꠟ ꠕꠣꠇꠟꠦꠅ ꠞꠣꠎꠣꠞ ꠞꠇ꠆ꠇꠣ ꠘꠣꠁ,
ꠝꠢꠣꠡꠇ꠆ꠔꠤ ꠖꠤꠀꠅ ꠇꠥꠘꠥ ꠛꠤꠞ ꠎꠥꠖ꠆ꠖꠣꠄ ꠙꠣꠄ ꠘꠣ ꠞꠦꠢꠣꠁ,
17ꠎꠄꠅꠞ ꠟꠣꠉꠤ ꠊꠥꠠꠣꠞ ꠃꠙꠞꠦ ꠜꠞꠡꠣ ꠇꠞꠣ ꠛꠦꠇꠣꠝꠣ,
ꠊꠥꠠꠣꠞ ꠡꠇ꠆ꠔꠤ ꠎꠔꠃ ꠕꠣꠇꠃꠇ ꠛꠣꠌꠣꠁꠔ ꠙꠣꠞꠦ ꠘꠣ।
18ꠝꠣꠛꠥꠖꠞꠦ ꠎꠣꠞꠣ ꠒꠞꠣꠄ, ꠕꠣꠇꠦ ꠔꠣꠘ ꠖꠄꠀ-ꠝꠣꠄꠀꠞ ꠀꠡꠣꠄ,
ꠔꠣꠁꠘ ꠈꠤꠀꠟ ꠞꠣꠈꠂꠘ ꠔꠣꠞꠣꠞ ꠛꠣꠄ,
19ꠝꠞꠘ ꠕꠣꠇꠤ ꠔꠣꠞꠣꠞ ꠎꠤꠛꠘ ꠞꠇ꠆ꠇꠣ ꠇꠞꠂꠘ ꠔꠣꠁꠘ,
ꠛꠠ ꠛꠠ ꠘꠤꠖꠣꠘ ꠇꠣꠟꠅ ꠔꠣꠞꠣꠞꠦ ꠛꠣꠌꠣꠁꠘ।
20ꠝꠣꠛꠥꠖꠞ ꠅꠙꠦꠇ꠆ꠇꠣꠔ ꠀꠍꠤ ꠔ ꠀꠝꠞꠣ,
ꠔꠣꠁꠘꠃ ꠎꠣꠘ ꠛꠣꠌꠣꠘꠤꠞ ꠝꠣꠟꠤꠇ, ꠀꠝꠞꠣꠞ ꠜꠞꠡꠣ।
21ꠔꠣꠘꠞꠦ ꠟꠁꠀꠃ ꠀꠝꠞꠣꠞ ꠖꠤꠟꠞ ꠚꠥꠞ꠆ꠔꠤ,
ꠔꠣꠘ ꠙꠣꠇ ꠘꠣꠝꠞ ꠃꠙꠞꠦ ꠜꠞꠡꠣ ꠇꠞꠤ।
22ꠅꠉ ꠝꠣꠛꠥꠖ, ꠔꠥꠝꠣꠞ ꠝꠣꠄꠀ-ꠖꠄꠀ ꠞꠃꠇ ꠀꠝꠞꠣꠞ ꠃꠙꠞꠦ,
ꠀꠝꠞꠣꠞ ꠀꠡꠣ-ꠜꠞꠡꠣ ꠔꠥꠝꠣꠞꠃ ꠃꠙꠞꠦ॥
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.