ꠁꠘ꠆ꠎꠤꠟ ২: ꠝꠣꠞ꠆ꠇꠥꠍ 6
6
ꠘꠤꠎꠞ ꠉꠣꠃ ꠘꠣꠍꠣꠞꠔꠅ ꠢꠎꠞꠔ ꠁꠍꠣꠞ ꠅꠡꠝ꠆ꠝꠣꠘ
1ꠢꠎꠞꠔ ꠁꠍꠣ ꠢꠘ ꠕꠘꠦ ꠘꠤꠎꠞ ꠉꠣꠃ ꠘꠣꠍꠣꠞꠔꠅ ꠔꠡꠞꠤꠚ ꠀꠘꠟꠣ। ꠔꠣꠘ ꠍꠣꠢꠣꠛꠤ ꠅꠇꠟꠅ ꠟꠉꠦ ꠀꠍꠟꠣ। 2ꠎꠥꠝ꠆ꠝꠣꠛꠣꠞꠦ ꠔꠣꠁꠘ ꠝꠍꠤꠖꠅ ꠉꠤꠀ ꠔꠣꠟꠤꠝ ꠖꠤꠟꠣ। ꠛꠃꠔ ꠝꠣꠘꠡꠦ ꠔꠣꠘ ꠔꠣꠟꠤꠝ ꠢꠥꠘꠟꠣ, ꠢꠥꠘꠤꠀ ꠔꠣꠁꠎ꠆ꠎꠥꠛ ꠅꠁꠀ ꠇꠁꠟꠣ, “ꠁ ꠛꠦꠐꠣꠄ ꠁꠔꠣ ꠔꠣꠟꠤꠝ ꠇꠥꠀꠁ ꠕꠣꠇꠤ ꠙꠣꠁꠟ? ꠢꠦ ꠇꠦꠝꠘꠦ ꠁꠔꠣ ꠁꠟꠤꠝ ꠢꠣꠍꠤꠟ ꠇꠞꠍꠦ, ꠀꠞ ꠎꠦꠔꠣ ꠝꠥꠎꠦꠎꠣ ꠅꠇꠟ ꠖꠦꠈꠣꠞ, ꠁꠔꠣꠞ ꠜꠦꠖ ꠇꠤꠔꠣ? 3ꠄ ꠔ ꠢꠃ ꠝꠞꠤꠅꠝꠞ ꠙꠥꠀ ꠇꠣꠑ-ꠝꠦꠡ꠆ꠔꠁꠞ ꠘꠣꠄ ꠘꠤ? ꠢꠦ ꠁꠀꠇꠥꠛ, ꠁꠃꠍꠤ, ꠄꠢꠥꠖꠣ ꠀꠞ ꠍꠣꠁꠝꠘꠞ ꠜꠣꠁ ꠘꠣꠄ ꠘꠤ? ꠔꠣꠞ ꠛꠘꠤꠘ ꠔ ꠀꠝꠞꠣꠞ ꠉꠣꠃꠔꠃ ꠞꠁꠞꠣ।” ꠁꠍꠣꠞ ꠛꠦꠙꠣꠞ ꠟꠁꠀ ꠝꠣꠘꠡꠞ ꠖꠤꠟꠞ ꠝꠣꠎꠦ ꠛꠤꠔꠤꠡꠘꠣ ꠖꠦꠈꠣ ꠖꠤꠟ।
4ꠔꠦꠃ ꠁꠍꠣꠄ ꠔꠣꠞꠣꠞꠦ ꠇꠁꠟꠣ, “ꠎꠦꠇꠥꠘꠥ ꠘꠛꠤꠃ ꠘꠤꠎꠞ ꠉꠣꠃ, ꠘꠤꠎꠞ ꠖꠦꠡ, ꠘꠤꠎꠞ ꠛꠣꠠꠤ, ꠈꠦꠡ-ꠇꠥꠐꠥꠝꠞ ꠛꠣꠁꠞꠣꠈꠣꠘꠅ ꠁꠎ꠆ꠎꠔ ꠙꠣꠁꠘ।” 5ꠛꠣꠖꠦ ꠔꠣꠁꠘ ꠇꠄꠎꠘ ꠛꠦꠝꠣꠞꠤꠞꠦ ꠀꠔꠣꠁ ꠖꠤꠀ ꠛꠦꠝꠣꠞ ꠡꠤꠚꠣ ꠇꠞꠟꠣ। ꠅꠁꠟꠦ ꠢꠤꠘꠅ ꠀꠞ ꠇꠥꠘꠥ ꠝꠥꠎꠦꠎꠣ ꠎꠣꠁꠞ ꠇꠞꠣꠞ ꠃꠙꠣꠄ ꠅꠁꠟ ꠘꠣ। 6ꠝꠣꠘꠡꠦ ꠔꠣꠘ ꠃꠙꠞꠦ ꠁꠝꠣꠘ ꠘꠣ ꠀꠘꠣꠄ ꠔꠣꠁꠘ ꠈꠥꠛ ꠔꠣꠁꠎ꠆ꠎꠥꠛ ꠅꠁꠉꠦꠟꠣ। ꠛꠣꠖꠦ ꠔꠣꠁꠘ ꠉꠣꠃꠄ ꠉꠣꠃꠄ ꠌꠣꠁꠞꠅꠛꠣꠄ ꠍꠚꠞ ꠇꠞꠤꠀ ꠝꠣꠘꠡꠞꠦ ꠔꠣꠟꠤꠝ ꠖꠤꠟꠣ।
ꠍꠣꠢꠣꠛꠤ ꠅꠇꠟꠞꠦ ꠔꠛꠟꠤꠉꠅ ꠙꠣꠑꠣꠘꠤ
7ꠁꠍꠣꠄ ꠔꠣꠘ ꠛꠣꠞꠅꠎꠘ ꠍꠣꠢꠣꠛꠤꠞꠦ ꠘꠤꠎꠞ ꠗꠣꠞꠅ ꠀꠘꠤꠀ, ꠎꠤꠘ-ꠜꠥꠔꠞ ꠃꠙꠞꠦ ꠈꠦꠝꠔꠣ ꠖꠤꠀ, ꠖꠥꠁꠎꠘ ꠖꠥꠁꠎꠘ ꠇꠞꠤ ꠔꠛꠟꠤꠉ ꠇꠣꠝꠅ ꠙꠣꠑꠣꠁꠟꠣ। 8ꠍꠚꠞꠞ ꠡꠝꠄ ꠈꠣꠟꠤ ꠀꠔꠞ ꠟꠣꠑꠤ ꠍꠣꠠꠣ ꠀꠞ ꠇꠥꠘ꠆ꠔꠣꠃ ꠄꠞꠣꠞꠦ ꠟꠉꠦ ꠘꠤꠔꠦ ꠖꠤꠟꠣ ꠘꠣ। ꠈꠣꠘꠤ-ꠈꠥꠞꠣꠇꠤ, ꠛꠦꠉ ꠛꠣ ꠇꠝꠞꠞ ꠕꠟꠤꠔ ꠛꠣꠘ꠆ꠖꠤꠀ ꠇꠥꠘꠥ ꠙꠄꠡꠣ-ꠇꠠꠤ ꠘꠤꠔꠦꠅ ꠘꠣ ꠇꠞꠟꠣ। 9ꠔꠣꠁꠘ ꠇꠁꠟꠣ, “ꠙꠣꠅꠔ ꠎꠥꠔꠣ ꠚꠤꠘ꠆ꠖꠤꠔꠣꠄ ꠙꠣꠞꠛꠣꠄ, ꠅꠁꠟꠦ ꠚꠤꠘ꠆ꠘꠞ ꠄꠇ ꠇꠣꠙꠠ ꠛꠣꠖꠦ ꠀꠞ ꠇꠥꠘꠥ ꠇꠣꠙꠠ-ꠌꠥꠙꠠ ꠘꠤꠅ ꠘꠣ।” 10ꠀꠞ ꠢꠥꠇꠥꠝ ꠖꠤꠟꠣ, “ꠔꠥꠝꠞꠣ ꠉꠤꠀ ꠙꠄꠟꠣ ꠎꠦ ꠛꠣꠠꠤꠔ ꠢꠣꠝꠣꠁꠛꠣꠄ, ꠁ ꠉꠣꠃ ꠍꠣꠠꠤꠀ ꠎꠣꠅꠀꠞ ꠀꠉ ꠙꠞ꠆ꠎꠘ꠆ꠔ ꠅꠃ ꠛꠣꠠꠤꠔꠃ ꠞꠁꠅ। 11ꠇꠥꠘꠥ ꠎꠣꠉꠣꠞ ꠝꠣꠘꠡꠦ ꠎꠥꠖꠤ ꠔꠥꠝꠞꠣꠞꠦ ꠇꠛꠥꠟ ꠘꠣ ꠇꠞꠦ, ꠀꠞ ꠔꠥꠝꠞꠣꠞ ꠛꠄꠀꠘ ꠘꠣ ꠢꠥꠘꠦ, ꠔꠦ ꠢꠘ ꠕꠣꠇꠤ ꠛꠣꠞꠘꠤꠞ ꠛꠣꠟꠣ ꠔꠥꠝꠞꠣꠞ ꠙꠣꠅꠞ ꠗꠥꠁꠟ ꠏꠣꠠꠤꠀ ꠚꠣꠟꠣꠁꠅ, ꠅꠃ ꠗꠥꠁꠟ ꠔꠣꠞꠣꠞ ꠘꠣꠚꠞꠝꠣꠘꠤꠞ ꠡꠣꠇ꠆ꠇꠤ ꠞꠁꠛ।” 12ꠔꠦꠃ ꠍꠣꠢꠣꠛꠤ ꠅꠇꠟꠦ ꠉꠤꠀ ꠔꠛꠟꠤꠉ ꠇꠞꠟꠣ, ꠝꠣꠘꠡꠞꠦ ꠔꠣꠉꠤꠖ ꠖꠤꠟꠣ ꠔꠃꠛꠣ ꠇꠞꠣꠞ ꠟꠣꠉꠤ। 13ꠄꠞꠣ ꠛꠃꠔ ꠜꠥꠔ ꠍꠣꠠꠣꠁꠟꠣ, ꠀꠞ ꠛꠃꠔ ꠛꠦꠝꠣꠞꠤ ꠝꠣꠘꠡꠞ ꠝꠣꠕꠣꠔ ꠔꠦꠟ ꠝꠣꠈꠣꠁꠀ ꠛꠦꠝꠣꠞꠞꠦ ꠡꠤꠚꠣ ꠇꠞꠟꠣ।
ꠢꠎꠞꠔ ꠄꠢꠤꠀ (ꠀ꠩) ꠞꠦ ꠎꠣꠘꠦ ꠝꠣꠞꠣ
14ꠢꠎꠞꠔ ꠁꠍꠣꠞ ꠡꠥꠘꠣꠝ ꠌꠣꠁꠞꠅꠛꠣꠄ ꠞꠐꠤ ꠎꠣꠅꠀꠄ ꠞꠣꠎꠣ ꠢꠦꠞꠥꠖꠞ ꠇꠣꠘꠅ-ꠅ ꠉꠤꠀ ꠀꠎꠤꠟ। ꠇꠥꠘꠥ ꠇꠥꠘꠥ ꠝꠣꠘꠡꠦ ꠇꠁꠟꠣ, ꠔꠣꠁꠘ ꠅꠁꠟꠣ ꠄꠢꠤꠀ ꠘꠛꠤ, ꠄꠁꠘ ꠢꠤꠞꠛꠣꠞ ꠎꠤꠘ꠆ꠖꠣ ꠅꠁꠀ ꠃꠑꠤꠀ ꠀꠁꠍꠂꠘ ꠇꠞꠤꠃ ꠅꠃ ꠇꠦꠞꠣꠝꠔꠤ ꠖꠦꠈꠣꠁꠞꠣ। 15ꠇꠦꠃ ꠇꠁꠟ, ꠄꠁꠘ ꠅꠁꠟꠣ ꠢꠎꠞꠔ ꠁꠟꠤꠀꠍ ꠘꠛꠤ। ꠀꠞ ꠇꠦꠃ ꠇꠦꠃ ꠇꠁꠟ, ꠄꠁꠘ ꠙꠥꠞꠣꠘꠣ ꠎꠝꠣꠘꠣꠞ ꠇꠥꠘꠥ ꠘꠛꠤꠞ ꠟꠣꠈꠣꠘ ꠘꠄꠀ ꠄꠇ ꠘꠛꠤ। 16ꠁꠔꠣ ꠢꠥꠘꠤꠀ ꠢꠦꠞꠥꠖꠦ ꠇꠁꠟ, “ꠄꠁꠘ ꠔ ꠢꠃ ꠄꠢꠤꠀ, ꠎꠦꠘ ꠇꠟ꠆ꠟꠣ ꠀꠝꠤ ꠇꠣꠐꠣꠁꠍꠟꠣꠝ। ꠔꠣꠁꠘ ꠢꠤꠞꠛꠣꠞ ꠎꠤꠘ꠆ꠖꠣ ꠅꠁꠀ ꠃꠑꠍꠂꠘ।”
17-18ꠄꠞ ꠀꠉꠦ ꠢꠦꠞꠥꠖꠦ ꠔꠣꠞ ꠜꠣꠛꠤ ꠢꠦꠞꠥꠖꠤꠀꠞ ꠝꠘ ꠎꠥꠉꠣꠘꠤꠞ ꠟꠣꠉꠤ, ꠄꠢꠤꠀ ꠘꠛꠤꠞꠦ ꠀꠐꠇ ꠇꠞꠣꠁꠀ ꠎꠦꠟꠅ ꠢꠣꠞꠣꠁ ꠕꠁꠍꠤꠟ। ꠢꠦ ꠔꠣꠞ ꠜꠣꠁ ꠚꠤꠟꠤꠚꠞ ꠛꠃꠞꠦ ꠢꠣꠋꠉꠣ ꠇꠞꠣꠄ ꠘꠛꠤꠄ ꠔꠣꠞꠦ ꠢꠣꠝꠦꠡꠣ ꠇꠁꠔꠣ, “ꠀꠙꠘ ꠜꠣꠁꠞ ꠛꠃꠞꠦ ꠘꠤꠀ ꠢꠣꠋꠉꠣ ꠇꠞꠣ ꠔꠥꠝꠣꠞ ꠎꠣꠁꠎ ꠅꠁꠍꠦ ꠘꠣ।” 19ꠄꠞꠖꠣꠄ ꠄꠢꠤꠀ ꠘꠛꠤꠞ ꠛꠣꠄ ꠢꠦꠞꠥꠖꠤꠀꠞ ꠈꠥꠛ ꠉꠥꠍꠣ ꠀꠍꠤꠟ। ꠔꠣꠁ ꠄꠘꠞꠦ ꠎꠣꠘꠦ ꠝꠣꠞꠤꠟꠤꠛꠣꠞ ꠘꠤꠅꠔ ꠇꠞꠟ, ꠅꠁꠟꠦ ꠙꠣꠞꠟ ꠘꠣ। 20ꠢꠦꠞꠥꠖꠦ ꠄꠘꠞꠦ ꠒꠞꠣꠁꠔ ꠀꠞ ꠎꠣꠘꠔ, ꠄꠁꠘ ꠄꠇꠎꠘ ꠙꠣꠇ-ꠙꠞꠦꠎꠉꠣꠞ ꠇꠣꠝꠤꠟ ꠝꠣꠘꠥꠡ, ꠄꠞꠖꠣꠄ ꠢꠣꠝꠦꠡꠣ ꠄꠘꠞꠦ ꠔꠣꠁꠞ ꠀꠔ ꠕꠣꠇꠤ ꠛꠣꠌꠣꠁꠔ। ꠄꠘ ꠘꠍꠤꠅꠔ ꠢꠥꠘꠔꠦ ꠔꠣꠞ ꠜꠤꠔꠞꠦ ꠗꠠꠚꠠ ꠇꠞꠟꠦꠅ ꠢꠦ ꠁꠔꠣ ꠈꠥꠛ ꠙꠍꠘ꠆ꠖ ꠇꠞꠔ।
21ꠢꠦꠡꠦ ꠔꠣꠁ ꠄꠇ ꠡꠥꠎꠥꠉ ꠙꠣꠁꠟ, ꠢꠦꠞꠥꠖꠞ ꠎꠘꠝ ꠖꠤꠘꠞ ꠅꠘꠥꠡ꠆ꠑꠣꠘꠅ ꠔꠣꠞ ꠃꠎꠤꠞ-ꠘꠣꠎꠤꠞ, ꠍꠤꠙꠣꠁꠞ ꠅꠚꠤꠡꠣꠞ ꠅꠇꠟ, ꠀꠞ ꠉꠣꠟꠤꠟ ꠎꠤꠟꠣꠞ ꠉꠁꠘ꠆ꠘ-ꠝꠣꠁꠘ꠆ꠘ ꠢꠇꠟ ꠝꠣꠘꠡꠞ ꠟꠣꠉꠤ ꠈꠣꠘꠤ ꠎꠥꠁꠔ ꠇꠞꠣ ꠅꠁꠟ। 22ꠅꠃ ꠅꠘꠥꠡ꠆ꠑꠣꠘꠅ ꠢꠦꠞꠥꠖꠤꠀꠞ ꠙꠥꠠꠤꠄ ꠀꠁꠀ ꠘꠣꠌ ꠖꠦꠈꠣꠁꠀ ꠢꠇꠟ ꠝꠦꠝꠣꠘ ꠀꠞ ꠢꠦꠞꠥꠖꠞꠦ ꠈꠥꠡꠤ ꠇꠞꠟ। ꠈꠥꠡꠤ ꠅꠁꠀ ꠢꠦꠞꠥꠖ ꠞꠣꠎꠣꠄ ꠙꠥꠠꠤꠞꠦ ꠇꠁꠟ, “ꠅ ꠝꠣ, ꠔꠥꠝꠤ ꠀꠝꠣꠞ ꠉꠦꠍꠦ ꠇꠤꠔꠣ ꠌꠣꠅ? ꠎꠦꠔꠣ ꠌꠣꠁꠛꠣꠄ, ꠅꠔꠣꠃ ꠙꠣꠁꠛꠣꠄ।” 23ꠢꠦ ꠇꠍꠝ ꠈꠣꠁꠀ ꠇꠁꠟ, “ꠔꠥꠝꠤ ꠀꠝꠣꠞ ꠉꠦꠍꠦ ꠎꠦꠔꠣ ꠌꠣꠁꠛꠣꠄ, ꠅꠔꠣꠃ ꠖꠤꠝꠥ। ꠀꠝꠣꠞ ꠞꠣꠁꠎ꠆ꠎꠞ ꠅꠞ꠆ꠗꠦꠇ ꠌꠣꠁꠟꠦꠅ ꠖꠤꠟꠣꠁꠝꠥ।”
24ꠅꠃ ꠙꠥꠠꠤꠄ ꠔꠣꠁꠞ ꠝꠣʼꠞ ꠉꠦꠍꠦ ꠉꠤꠀ ꠎꠤꠇꠣꠁꠟ, “ꠝꠣꠁ ꠉ, ꠀꠝꠤ ꠇꠤꠔꠣ ꠌꠣꠁꠔꠣꠝ?” ꠝꠣ ꠢꠦꠞꠥꠖꠤꠀꠄ ꠢꠤꠇꠣꠁ ꠖꠤꠟ, “ꠔꠥꠝꠤ ꠢꠃ ꠄꠢꠤꠀꠞ ꠇꠟ꠆ꠟꠣ ꠌꠣꠁꠅ।” 25ꠙꠥꠠꠤꠄ ꠎꠟꠖꠤ ꠇꠞꠤ ꠀꠁꠀ ꠞꠣꠎꠣꠞꠦ ꠇꠁꠟ, “ꠀꠝꠤ ꠌꠣꠁꠞꠣꠝ, ꠀꠙꠘꠦ ꠢꠃ ꠄꠢꠤꠀꠞ ꠇꠟ꠆ꠟꠣ ꠇꠣꠐꠤꠀ ꠄꠇ ꠕꠣꠟꠅ ꠇꠞꠤ ꠀꠝꠣꠞꠦ ꠖꠦꠃꠇ꠆ꠇꠣ।” 26ꠁꠈꠣꠘ ꠢꠥꠘꠤꠀ ꠞꠣꠎꠣ ꠈꠥꠛ ꠛꠦꠎꠣꠞ ꠅꠁꠉꠦꠟ, ꠅꠁꠟꠦ ꠅꠘꠥꠡ꠆ꠑꠣꠘꠞ ꠝꠦꠝꠣꠘ ꠅꠇꠟꠞ ꠍꠣꠝꠘꠦ ꠇꠍꠝ ꠇꠞꠣꠄ ꠅꠃ ꠙꠥꠠꠤꠞꠦ ꠘꠣ ꠇꠞꠣꠞ ꠇꠥꠘꠥ ꠃꠙꠣꠄ ꠀꠍꠤꠟ ꠘꠣ। 27-28ꠔꠦꠃ ꠟꠉꠦ ꠟꠉꠦ ꠞꠣꠎꠣꠄ ꠎꠟ꠆ꠟꠣꠖꠞꠦ ꠢꠥꠇꠥꠝ ꠖꠤꠟ ꠄꠢꠤꠀꠞ ꠝꠣꠕꠣ ꠇꠣꠐꠤꠀ ꠀꠘꠣꠞ ꠟꠣꠉꠤ। ꠎꠟ꠆ꠟꠣꠖꠦ ꠉꠤꠀ ꠎꠦꠟ ꠈꠣꠘꠣꠔ ꠛꠘ꠆ꠖꠤ ꠢꠎꠞꠔ ꠄꠢꠤꠀꠞ ꠝꠣꠕꠣ ꠇꠣꠐꠤꠀ ꠄꠇ ꠕꠣꠟꠅ ꠇꠞꠤ ꠟꠁꠀ ꠀꠁꠟ। ꠞꠣꠎꠣꠄ ꠁ ꠕꠣꠟ ꠅꠃ ꠙꠥꠠꠤꠞ ꠀꠔꠅ ꠖꠤꠟꠦ, ꠔꠣꠁ ꠘꠤꠀ ꠔꠣꠁꠞ ꠝꠣʼꠞ ꠉꠦꠍꠦ ꠖꠤꠟ। 29ꠄꠢꠤꠀ ꠘꠛꠤꠞ ꠡꠣꠉꠞꠤꠖ ꠅꠇꠟꠦ ꠁ ꠈꠛꠞ ꠢꠥꠘꠤꠀ ꠎꠦꠟ ꠕꠘꠦ ꠔꠣꠘ ꠟꠣꠡ ꠘꠤꠀ ꠖꠣꠚꠘ ꠇꠞꠟꠣ।
ꠙꠣꠌ ꠀꠎꠣꠞ ꠝꠣꠘꠡꠞ ꠉꠣꠁꠛꠤ ꠈꠣꠘꠤ
30ꠢꠎꠞꠔ ꠁꠍꠣꠞ ꠛꠣꠞꠅꠎꠘ ꠍꠣꠢꠣꠛꠤꠄ ꠔꠛꠟꠤꠉ ꠕꠘꠦ ꠚꠤꠞꠤꠀ ꠀꠁꠀ ꠔꠣꠘꠞꠦ ꠎꠣꠘꠣꠁꠟꠣ, ꠔꠛꠟꠤꠉꠅ ꠉꠤꠀ ꠇꠤꠔꠣ ꠇꠤꠔꠣ ꠇꠞꠍꠂꠘ, ꠇꠤꠟꠣꠈꠣꠘ ꠔꠣꠟꠤꠝ ꠖꠤꠍꠂꠘ। 31ꠅꠃ ꠡꠝꠄ ꠛꠃꠔ ꠝꠣꠘꠥꠡ ꠁꠍꠣꠞ ꠉꠦꠍꠦ ꠀꠅꠀ-ꠎꠣꠅꠀꠔ ꠕꠣꠇꠣꠄ ꠍꠣꠢꠣꠛꠤ ꠅꠇꠟꠦ ꠇꠥꠘꠥ ꠈꠣꠘꠣ-ꠙꠤꠘꠣꠞꠅ ꠡꠥꠎꠥꠉ ꠙꠣꠁꠟꠣ ꠘꠣ। ꠄꠞꠖꠣꠄ ꠔꠣꠁꠘ ꠍꠣꠢꠣꠛꠤ ꠅꠇꠟꠞꠦ ꠇꠁꠟꠣ, “ꠔꠥꠝꠞꠣ ꠀꠝꠣꠞ ꠟꠉꠦ ꠇꠥꠘꠥ ꠘꠤꠞꠣꠁ ꠎꠣꠉꠣꠔ ꠀꠁꠀ ꠕꠥꠠꠣ ꠎꠤꠞꠣꠅ।” 32ꠇꠁꠀ ꠘꠣꠅꠔ ꠃꠑꠤꠀ ꠄꠇ ꠘꠤꠞꠣꠁ ꠎꠣꠉꠣꠔ ꠞꠅꠀꠘꠣ ꠅꠁꠟꠣ। 33ꠄꠞꠣꠞꠦ ꠎꠣꠅꠀꠔ ꠖꠦꠈꠤꠀ ꠛꠃꠔ ꠝꠣꠘꠡꠦ ꠌꠤꠘꠤꠟꠤꠟꠣ, ꠔꠦꠃ ꠄꠞꠣ ꠙꠃꠍꠣꠞ ꠀꠉꠦꠃ ꠀꠡ-ꠙꠣꠡꠞ ꠉꠣꠃꠀꠁꠘ ꠕꠣꠇꠤ ꠝꠣꠘꠥꠡ ꠖꠃꠠꠣꠁꠀ ꠉꠤꠀ ꠢꠘꠅ ꠙꠃꠍꠤꠉꠦꠟꠣ। 34ꠁꠍꠣ ꠘꠣꠅ ꠕꠣꠇꠤ ꠟꠣꠝꠤꠀꠃ ꠖꠦꠈꠟꠣ, ꠛꠃꠔ ꠝꠣꠘꠡꠦ ꠔꠣꠘ ꠛꠣꠞ ꠌꠣꠁꠞꠣ। ꠖꠦꠈꠤꠀ ꠄꠞꠣꠞ ꠛꠣꠄ ꠔꠣꠘ ꠛꠠ ꠖꠞꠖ ꠢꠣꠝꠣꠁꠟ। ꠄꠞꠣ ꠀꠍꠤꠟ ꠀ-ꠞꠣꠈꠣꠟꠤ ꠝꠦꠠꠣꠞ ꠟꠣꠈꠣꠘ। ꠅꠃ ꠁꠍꠣꠄ ꠄꠞꠣꠞꠦ ꠛꠃꠔ ꠟꠣꠈꠣꠘ ꠔꠣꠟꠤꠝ ꠖꠤꠟꠣ। 35ꠢꠣꠁꠘ꠆ꠎꠣ ꠅꠁꠀ ꠢꠣꠞꠟꠦ ꠔꠣꠘ ꠍꠣꠢꠣꠛꠤ ꠅꠇꠟꠦ ꠇꠁꠟꠣ, “ꠢꠥꠎꠥꠞ, ꠁꠈꠣꠘ ꠈꠥꠛ ꠘꠤꠞꠣꠁ ꠎꠣꠉꠣ, ꠀꠞ ꠢꠣꠁꠘ꠆ꠎꠣꠅ ꠅꠁꠉꠦꠍꠦ, 36ꠔꠦ ꠅꠔꠣ ꠝꠣꠘꠡꠞꠦ ꠛꠤꠖꠣꠄ ꠖꠤꠟꠣꠃꠇ꠆ꠇꠣ, ꠄꠞꠣ ꠇꠣꠘ꠆ꠖꠣ-ꠇꠣꠍꠣꠞ ꠅꠔꠣ ꠉꠣꠃꠀꠁꠘ꠆ꠔꠅ ꠉꠤꠀ ꠔꠣꠞꠣꠞ ꠈꠣꠘꠤ-ꠈꠥꠞꠣꠇꠤ ꠟꠃꠇ।” 37ꠁꠍꠣꠄ ꠇꠁꠟꠣ, “ꠔꠥꠝꠞꠣꠃ ꠄꠞꠣꠞ ꠈꠣꠘꠤꠞ ꠁꠘ꠆ꠔꠦꠎꠣꠝ ꠇꠞꠅ।” ꠍꠣꠢꠣꠛꠤ ꠅꠇꠟꠦ ꠎꠥꠀꠙ ꠖꠤꠟꠣ, “ꠀꠝꠞꠣ ꠇꠤꠔꠣ ꠖꠥꠁ-ꠡ ꠖꠤꠘꠣꠞꠞ ꠈꠣꠘꠤ ꠟꠁꠀ ꠀꠘꠤꠀ ꠄꠞꠣꠞꠦ ꠈꠣꠅꠀꠁꠔꠣꠝ ꠘꠤ?” ꠖꠥꠁ-ꠡ ꠖꠤꠘꠣꠞ ꠔ ꠙꠁꠘ꠆ꠌꠣꠡ ꠀꠎꠣꠞ ꠐꠦꠇꠣꠞ ꠢꠝꠣꠘ। 38ꠔꠣꠁꠘ ꠇꠁꠟꠣ, “ꠔꠥꠝꠞꠣ ꠌꠣꠁꠀ ꠖꠦꠈꠅ, ꠔꠥꠝꠞꠣꠞ ꠉꠦꠍꠦ ꠇꠤ ꠙꠞꠤꠝꠣꠘ ꠞꠥꠐꠤ ꠀꠍꠦ।” ꠔꠣꠞꠣ ꠖꠦꠈꠤꠀ ꠇꠁꠟꠣ, “ꠍꠣꠛ, ꠙꠣꠌꠈꠣꠘ ꠞꠥꠐꠤ ꠀꠞ ꠖꠥꠁꠐꠣ ꠛꠤꠞꠣꠘ ꠝꠣꠍ ꠀꠍꠦ।” 39ꠔꠣꠁꠘ ꠍꠣꠢꠣꠛꠤ ꠅꠇꠟꠞꠦ ꠢꠥꠇꠥꠝ ꠖꠤꠟꠣ, “ꠔꠥꠝꠞꠣ ꠅꠃ ꠊꠣꠡꠞ ꠃꠙꠞꠦ ꠟꠣꠁꠘ ꠗꠞꠣꠁꠀ ꠝꠣꠘꠡꠞꠦ ꠛꠅꠀꠁ ꠖꠦꠅ।” 40ꠔꠦꠃ ꠝꠣꠘꠡꠦ ꠄꠇ-ꠡ ꠎꠘ ꠇꠞꠤ ꠇꠣꠔꠣꠞ ꠛꠣꠘ꠆ꠖꠤꠀ ꠙꠁꠘ꠆ꠌꠣꠡ ꠇꠣꠔꠣꠞ ꠛꠁꠟꠣ। 41ꠁꠍꠣꠄ ꠢꠃ ꠙꠣꠌꠈꠣꠘ ꠞꠥꠐꠤ ꠀꠞ ꠖꠥꠁꠐꠣ ꠛꠤꠞꠣꠘ ꠝꠣꠍ ꠀꠔꠅ ꠟꠁꠀ ꠀꠟ꠆ꠟꠣꠞ ꠀꠞꠡꠞ ꠛꠣꠄ ꠌꠣꠁꠀ ꠡꠥꠇꠞꠤꠀ ꠀꠖꠣꠄ ꠇꠞꠤꠀ, ꠝꠣꠘꠡꠞꠦ ꠛꠣꠐꠤꠀ ꠖꠤꠛꠣꠞ ꠟꠣꠉꠤ ꠅꠃ ꠞꠥꠐꠤ ꠐꠥꠇꠞꠣ ꠐꠥꠇꠞꠣ ꠇꠞꠤ ꠍꠣꠢꠣꠛꠤ ꠅꠇꠟꠞ ꠀꠔꠅ ꠖꠤꠟꠣ। ꠅꠃ ꠟꠣꠈꠣꠘ ꠝꠣꠍ ꠖꠥꠁꠐꠣꠅ ꠛꠣꠐꠤꠀ ꠖꠤꠟꠣ। 42ꠢꠇꠟ ꠝꠣꠘꠡꠦ ꠙꠦꠐ ꠜꠞꠤ ꠈꠣꠁꠟꠣ। 43ꠈꠣꠁꠀ ꠢꠣꠞꠟꠦ ꠛꠣꠠꠔꠤ ꠞꠥꠐꠤ ꠀꠞ ꠝꠣꠍꠞ ꠐꠥꠇꠞꠣꠁꠘ ꠘꠤꠀ ꠛꠣꠞꠅꠐꠣ ꠐꠥꠇꠞꠤ ꠜꠞꠟꠣ। 44ꠁ ꠖꠟꠞ ꠝꠣꠎꠦ ꠈꠣꠟꠤ ꠛꠦꠐꠣ ꠝꠣꠘꠥꠡꠃ ꠙꠣꠌ ꠀꠎꠣꠞ ꠎꠘꠦ ꠛꠁꠀ ꠈꠣꠁꠟꠣ।
ꠙꠣꠘꠤꠞ ꠃꠙꠞꠦꠖꠤ ꠀꠐꠣ
45ꠈꠣꠘꠤꠞ ꠛꠣꠖꠦꠃ ꠢꠎꠞꠔ ꠁꠍꠣꠄ ꠍꠣꠢꠣꠛꠤ ꠅꠇꠟꠞꠦ ꠔꠣꠉꠖꠣ ꠖꠤꠟꠣ, ꠔꠣꠞꠣ ꠘꠣꠅꠔ ꠇꠞꠤ ꠀꠅꠞꠞ ꠢꠙꠣꠞꠅ ꠛꠣꠄꠔ-ꠍꠄꠖꠣ ꠉꠣꠃꠔ ꠎꠣꠅꠀꠞ ꠟꠣꠉꠤ, ꠔꠣꠁꠘ ꠅꠘꠞ ꠝꠣꠘꠡꠞꠦꠅ ꠛꠤꠖꠣꠄ ꠖꠤꠟꠣ। 46ꠝꠣꠘꠥꠡ ꠛꠤꠖꠣꠄ ꠅꠁꠀ ꠢꠣꠞꠟꠦ ꠔꠣꠁꠘ ꠖꠥꠀ ꠇꠞꠣꠞ ꠟꠣꠉꠤ ꠙꠣꠠꠞ ꠃꠙꠞꠦ ꠃꠑꠤꠟꠣ। 47ꠞꠣꠁꠔꠞ ꠛꠣꠟꠣ ꠍꠣꠢꠣꠛꠤ ꠅꠇꠟꠞ ꠘꠣꠅ ꠀꠅꠞꠞ ꠝꠣꠎꠈꠣꠘꠅ ꠀꠍꠤꠟ, ꠅꠁꠟꠦ ꠁꠍꠣ ꠄꠇꠟꠣ ꠢꠥꠇꠘꠣꠔ ꠀꠍꠟꠣ। 48ꠔꠣꠁꠘ ꠖꠦꠈꠟꠣ, ꠃꠚꠔꠣ ꠛꠣꠔꠣꠡꠞ ꠝꠣꠎꠦ ꠄꠞꠣ ꠈꠥꠛ ꠇꠡ꠆ꠐ ꠇꠞꠤ ꠖꠣꠠ ꠛꠣꠁꠞꠣ। ꠙꠔꠣꠛꠣꠟꠣ ꠁꠍꠣꠄ ꠅꠃ ꠀꠅꠞꠞ ꠙꠣꠘꠤꠞ ꠃꠙꠞꠦꠖꠤ ꠀꠐꠤꠀ, ꠍꠣꠢꠣꠛꠤ ꠅꠇꠟꠞ ꠉꠣꠟꠣꠛꠣꠄ ꠔꠣꠞꠣꠞꠦ ꠙꠣꠞ ꠅꠁꠀ ꠀꠉꠦꠖꠤ ꠎꠣꠁꠞꠣ। 49-50ꠔꠣꠘꠞꠦ ꠀꠅꠞꠞ ꠙꠣꠘꠤꠞ ꠃꠙꠞꠦꠖꠤ ꠀꠐꠤꠀ ꠎꠣꠅꠀꠔ ꠖꠦꠈꠤꠀ, ꠜꠥꠔ ꠝꠘꠅ ꠇꠞꠤꠀ ꠒꠞꠣꠁꠀ ꠄꠞꠣ ꠢꠇꠟꠦ ꠌꠤꠇ-ꠌꠤꠟ꠆ꠟꠣꠘꠤ ꠟꠣꠉꠣꠁꠟꠣ। ꠅꠃ ꠔꠣꠁꠘ ꠇꠁꠟꠣ, “ꠒꠞꠣꠁꠅ ꠘꠣ, ꠢꠤꠝ꠆ꠝꠔ ꠇꠞꠅ, ꠁ ꠔ ꠀꠝꠤ।”
51ꠔꠣꠁꠘ ꠀꠁꠀ ꠍꠣꠢꠣꠛꠤ ꠅꠇꠟꠞ ꠘꠣꠅꠔ ꠃꠑꠔꠦꠃ ꠃꠚꠔꠣ ꠛꠣꠔꠣꠡ ꠖꠝ ꠟꠁꠟꠤꠟ। ꠁꠔꠣ ꠖꠦꠈꠤꠀ ꠄꠞꠣ ꠀꠌꠣꠘꠇ ꠔꠣꠁꠎ꠆ꠎꠥꠛ ꠛꠘꠤꠉꠦꠟꠣ। 52ꠅꠁꠟꠦ ꠀꠉꠞ ꠢꠃ ꠞꠥꠐꠤ-ꠝꠣꠍꠞ ꠉꠣꠁꠛꠤ ꠈꠣꠘꠤꠞ ꠜꠦꠖ ꠄꠞꠣ ꠛꠥꠎꠟꠣ ꠘꠣ। ꠄꠞꠣꠞ ꠖꠤꠟꠞ ꠖꠥꠀꠞ ꠔ ꠛꠘ꠆ꠖ ꠀꠍꠤꠟ।
53ꠀꠅꠞ ꠙꠣꠠꠤ ꠖꠦꠅꠀꠞ ꠛꠣꠖꠦ ꠄꠞꠣ ꠉꠤꠘꠦꠡꠞꠔ ꠄꠟꠣꠇꠣꠔ ꠀꠁꠀ ꠘꠣꠅ ꠜꠤꠠꠣꠁꠟꠣ। 54-55ꠘꠣꠅ ꠕꠣꠇꠤ ꠟꠣꠝꠔꠦꠃ ꠔꠣꠘꠦ ꠖꠦꠈꠤꠀ ꠝꠣꠘꠡꠦ ꠌꠤꠘꠤꠟꠤꠟꠣ, ꠀꠞ ꠌꠣꠁꠞꠅꠛꠣꠄ ꠖꠃꠠꠣ-ꠖꠃꠠꠤ ꠟꠣꠉꠣꠁꠟꠣ। ꠖꠃꠠꠣꠁꠀ ꠔꠣꠞꠣ ꠎꠣꠞꠎꠤꠞ ꠛꠦꠝꠣꠞꠤ ꠅꠇꠟꠞꠦ ꠙꠟꠅꠖꠤ ꠛꠁꠀ ꠀꠘꠤꠀ, ꠔꠣꠁꠘ ꠎꠦ ꠎꠣꠉꠣꠔ ꠀꠍꠟꠣ ꠅꠃ ꠎꠣꠉꠣꠔ ꠟꠁꠀ ꠀꠁꠟ। 56ꠐꠣꠃꠘꠅ ꠛꠣ ꠉꠣꠃꠔ, ꠅꠟ꠆ꠟꠤꠄ-ꠉꠟ꠆ꠟꠤꠄ ꠔꠣꠁꠘ ꠎꠦꠘꠅꠃ ꠔꠡꠞꠤꠚ ꠘꠤꠔꠣ, ꠅꠘꠅꠃ ꠝꠣꠘꠡꠦ ꠛꠦꠝꠣꠞꠤ ꠅꠇꠟꠞꠦ ꠀꠘꠤꠀ ꠛꠣꠎꠣꠞꠅ ꠖꠟꠣ ꠇꠞꠔꠣ। ꠀꠞ ꠔꠣꠘꠞꠦ ꠝꠤꠘꠔ-ꠇꠣꠎ꠆ꠎꠤ ꠇꠞꠤꠀ ꠇꠁꠔꠣ, ꠛꠦꠝꠣꠞꠤ ꠅꠇꠟꠦ ꠎꠣꠘꠥ ꠔꠣꠘ ꠌꠣꠖ꠆ꠖꠞꠞ ꠇꠥꠘꠣꠈꠣꠘꠅ ꠍꠁꠔꠣ ꠙꠣꠞꠂꠘ। ꠀꠞ ꠎꠦꠞꠣ ꠍꠁꠔꠣ, ꠢꠣꠍꠣꠃ ꠄꠞꠣꠞ ꠛꠦꠝꠣꠞ ꠡꠤꠚꠣ ꠅꠁꠎꠤꠔ।
Currently Selected:
ꠁꠘ꠆ꠎꠤꠟ ২: ꠝꠣꠞ꠆ꠇꠥꠍ 6: sylN
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
ꠁꠘ꠆ꠎꠤꠟ ২: ꠝꠣꠞ꠆ꠇꠥꠍ 6
6
ꠘꠤꠎꠞ ꠉꠣꠃ ꠘꠣꠍꠣꠞꠔꠅ ꠢꠎꠞꠔ ꠁꠍꠣꠞ ꠅꠡꠝ꠆ꠝꠣꠘ
1ꠢꠎꠞꠔ ꠁꠍꠣ ꠢꠘ ꠕꠘꠦ ꠘꠤꠎꠞ ꠉꠣꠃ ꠘꠣꠍꠣꠞꠔꠅ ꠔꠡꠞꠤꠚ ꠀꠘꠟꠣ। ꠔꠣꠘ ꠍꠣꠢꠣꠛꠤ ꠅꠇꠟꠅ ꠟꠉꠦ ꠀꠍꠟꠣ। 2ꠎꠥꠝ꠆ꠝꠣꠛꠣꠞꠦ ꠔꠣꠁꠘ ꠝꠍꠤꠖꠅ ꠉꠤꠀ ꠔꠣꠟꠤꠝ ꠖꠤꠟꠣ। ꠛꠃꠔ ꠝꠣꠘꠡꠦ ꠔꠣꠘ ꠔꠣꠟꠤꠝ ꠢꠥꠘꠟꠣ, ꠢꠥꠘꠤꠀ ꠔꠣꠁꠎ꠆ꠎꠥꠛ ꠅꠁꠀ ꠇꠁꠟꠣ, “ꠁ ꠛꠦꠐꠣꠄ ꠁꠔꠣ ꠔꠣꠟꠤꠝ ꠇꠥꠀꠁ ꠕꠣꠇꠤ ꠙꠣꠁꠟ? ꠢꠦ ꠇꠦꠝꠘꠦ ꠁꠔꠣ ꠁꠟꠤꠝ ꠢꠣꠍꠤꠟ ꠇꠞꠍꠦ, ꠀꠞ ꠎꠦꠔꠣ ꠝꠥꠎꠦꠎꠣ ꠅꠇꠟ ꠖꠦꠈꠣꠞ, ꠁꠔꠣꠞ ꠜꠦꠖ ꠇꠤꠔꠣ? 3ꠄ ꠔ ꠢꠃ ꠝꠞꠤꠅꠝꠞ ꠙꠥꠀ ꠇꠣꠑ-ꠝꠦꠡ꠆ꠔꠁꠞ ꠘꠣꠄ ꠘꠤ? ꠢꠦ ꠁꠀꠇꠥꠛ, ꠁꠃꠍꠤ, ꠄꠢꠥꠖꠣ ꠀꠞ ꠍꠣꠁꠝꠘꠞ ꠜꠣꠁ ꠘꠣꠄ ꠘꠤ? ꠔꠣꠞ ꠛꠘꠤꠘ ꠔ ꠀꠝꠞꠣꠞ ꠉꠣꠃꠔꠃ ꠞꠁꠞꠣ।” ꠁꠍꠣꠞ ꠛꠦꠙꠣꠞ ꠟꠁꠀ ꠝꠣꠘꠡꠞ ꠖꠤꠟꠞ ꠝꠣꠎꠦ ꠛꠤꠔꠤꠡꠘꠣ ꠖꠦꠈꠣ ꠖꠤꠟ।
4ꠔꠦꠃ ꠁꠍꠣꠄ ꠔꠣꠞꠣꠞꠦ ꠇꠁꠟꠣ, “ꠎꠦꠇꠥꠘꠥ ꠘꠛꠤꠃ ꠘꠤꠎꠞ ꠉꠣꠃ, ꠘꠤꠎꠞ ꠖꠦꠡ, ꠘꠤꠎꠞ ꠛꠣꠠꠤ, ꠈꠦꠡ-ꠇꠥꠐꠥꠝꠞ ꠛꠣꠁꠞꠣꠈꠣꠘꠅ ꠁꠎ꠆ꠎꠔ ꠙꠣꠁꠘ।” 5ꠛꠣꠖꠦ ꠔꠣꠁꠘ ꠇꠄꠎꠘ ꠛꠦꠝꠣꠞꠤꠞꠦ ꠀꠔꠣꠁ ꠖꠤꠀ ꠛꠦꠝꠣꠞ ꠡꠤꠚꠣ ꠇꠞꠟꠣ। ꠅꠁꠟꠦ ꠢꠤꠘꠅ ꠀꠞ ꠇꠥꠘꠥ ꠝꠥꠎꠦꠎꠣ ꠎꠣꠁꠞ ꠇꠞꠣꠞ ꠃꠙꠣꠄ ꠅꠁꠟ ꠘꠣ। 6ꠝꠣꠘꠡꠦ ꠔꠣꠘ ꠃꠙꠞꠦ ꠁꠝꠣꠘ ꠘꠣ ꠀꠘꠣꠄ ꠔꠣꠁꠘ ꠈꠥꠛ ꠔꠣꠁꠎ꠆ꠎꠥꠛ ꠅꠁꠉꠦꠟꠣ। ꠛꠣꠖꠦ ꠔꠣꠁꠘ ꠉꠣꠃꠄ ꠉꠣꠃꠄ ꠌꠣꠁꠞꠅꠛꠣꠄ ꠍꠚꠞ ꠇꠞꠤꠀ ꠝꠣꠘꠡꠞꠦ ꠔꠣꠟꠤꠝ ꠖꠤꠟꠣ।
ꠍꠣꠢꠣꠛꠤ ꠅꠇꠟꠞꠦ ꠔꠛꠟꠤꠉꠅ ꠙꠣꠑꠣꠘꠤ
7ꠁꠍꠣꠄ ꠔꠣꠘ ꠛꠣꠞꠅꠎꠘ ꠍꠣꠢꠣꠛꠤꠞꠦ ꠘꠤꠎꠞ ꠗꠣꠞꠅ ꠀꠘꠤꠀ, ꠎꠤꠘ-ꠜꠥꠔꠞ ꠃꠙꠞꠦ ꠈꠦꠝꠔꠣ ꠖꠤꠀ, ꠖꠥꠁꠎꠘ ꠖꠥꠁꠎꠘ ꠇꠞꠤ ꠔꠛꠟꠤꠉ ꠇꠣꠝꠅ ꠙꠣꠑꠣꠁꠟꠣ। 8ꠍꠚꠞꠞ ꠡꠝꠄ ꠈꠣꠟꠤ ꠀꠔꠞ ꠟꠣꠑꠤ ꠍꠣꠠꠣ ꠀꠞ ꠇꠥꠘ꠆ꠔꠣꠃ ꠄꠞꠣꠞꠦ ꠟꠉꠦ ꠘꠤꠔꠦ ꠖꠤꠟꠣ ꠘꠣ। ꠈꠣꠘꠤ-ꠈꠥꠞꠣꠇꠤ, ꠛꠦꠉ ꠛꠣ ꠇꠝꠞꠞ ꠕꠟꠤꠔ ꠛꠣꠘ꠆ꠖꠤꠀ ꠇꠥꠘꠥ ꠙꠄꠡꠣ-ꠇꠠꠤ ꠘꠤꠔꠦꠅ ꠘꠣ ꠇꠞꠟꠣ। 9ꠔꠣꠁꠘ ꠇꠁꠟꠣ, “ꠙꠣꠅꠔ ꠎꠥꠔꠣ ꠚꠤꠘ꠆ꠖꠤꠔꠣꠄ ꠙꠣꠞꠛꠣꠄ, ꠅꠁꠟꠦ ꠚꠤꠘ꠆ꠘꠞ ꠄꠇ ꠇꠣꠙꠠ ꠛꠣꠖꠦ ꠀꠞ ꠇꠥꠘꠥ ꠇꠣꠙꠠ-ꠌꠥꠙꠠ ꠘꠤꠅ ꠘꠣ।” 10ꠀꠞ ꠢꠥꠇꠥꠝ ꠖꠤꠟꠣ, “ꠔꠥꠝꠞꠣ ꠉꠤꠀ ꠙꠄꠟꠣ ꠎꠦ ꠛꠣꠠꠤꠔ ꠢꠣꠝꠣꠁꠛꠣꠄ, ꠁ ꠉꠣꠃ ꠍꠣꠠꠤꠀ ꠎꠣꠅꠀꠞ ꠀꠉ ꠙꠞ꠆ꠎꠘ꠆ꠔ ꠅꠃ ꠛꠣꠠꠤꠔꠃ ꠞꠁꠅ। 11ꠇꠥꠘꠥ ꠎꠣꠉꠣꠞ ꠝꠣꠘꠡꠦ ꠎꠥꠖꠤ ꠔꠥꠝꠞꠣꠞꠦ ꠇꠛꠥꠟ ꠘꠣ ꠇꠞꠦ, ꠀꠞ ꠔꠥꠝꠞꠣꠞ ꠛꠄꠀꠘ ꠘꠣ ꠢꠥꠘꠦ, ꠔꠦ ꠢꠘ ꠕꠣꠇꠤ ꠛꠣꠞꠘꠤꠞ ꠛꠣꠟꠣ ꠔꠥꠝꠞꠣꠞ ꠙꠣꠅꠞ ꠗꠥꠁꠟ ꠏꠣꠠꠤꠀ ꠚꠣꠟꠣꠁꠅ, ꠅꠃ ꠗꠥꠁꠟ ꠔꠣꠞꠣꠞ ꠘꠣꠚꠞꠝꠣꠘꠤꠞ ꠡꠣꠇ꠆ꠇꠤ ꠞꠁꠛ।” 12ꠔꠦꠃ ꠍꠣꠢꠣꠛꠤ ꠅꠇꠟꠦ ꠉꠤꠀ ꠔꠛꠟꠤꠉ ꠇꠞꠟꠣ, ꠝꠣꠘꠡꠞꠦ ꠔꠣꠉꠤꠖ ꠖꠤꠟꠣ ꠔꠃꠛꠣ ꠇꠞꠣꠞ ꠟꠣꠉꠤ। 13ꠄꠞꠣ ꠛꠃꠔ ꠜꠥꠔ ꠍꠣꠠꠣꠁꠟꠣ, ꠀꠞ ꠛꠃꠔ ꠛꠦꠝꠣꠞꠤ ꠝꠣꠘꠡꠞ ꠝꠣꠕꠣꠔ ꠔꠦꠟ ꠝꠣꠈꠣꠁꠀ ꠛꠦꠝꠣꠞꠞꠦ ꠡꠤꠚꠣ ꠇꠞꠟꠣ।
ꠢꠎꠞꠔ ꠄꠢꠤꠀ (ꠀ꠩) ꠞꠦ ꠎꠣꠘꠦ ꠝꠣꠞꠣ
14ꠢꠎꠞꠔ ꠁꠍꠣꠞ ꠡꠥꠘꠣꠝ ꠌꠣꠁꠞꠅꠛꠣꠄ ꠞꠐꠤ ꠎꠣꠅꠀꠄ ꠞꠣꠎꠣ ꠢꠦꠞꠥꠖꠞ ꠇꠣꠘꠅ-ꠅ ꠉꠤꠀ ꠀꠎꠤꠟ। ꠇꠥꠘꠥ ꠇꠥꠘꠥ ꠝꠣꠘꠡꠦ ꠇꠁꠟꠣ, ꠔꠣꠁꠘ ꠅꠁꠟꠣ ꠄꠢꠤꠀ ꠘꠛꠤ, ꠄꠁꠘ ꠢꠤꠞꠛꠣꠞ ꠎꠤꠘ꠆ꠖꠣ ꠅꠁꠀ ꠃꠑꠤꠀ ꠀꠁꠍꠂꠘ ꠇꠞꠤꠃ ꠅꠃ ꠇꠦꠞꠣꠝꠔꠤ ꠖꠦꠈꠣꠁꠞꠣ। 15ꠇꠦꠃ ꠇꠁꠟ, ꠄꠁꠘ ꠅꠁꠟꠣ ꠢꠎꠞꠔ ꠁꠟꠤꠀꠍ ꠘꠛꠤ। ꠀꠞ ꠇꠦꠃ ꠇꠦꠃ ꠇꠁꠟ, ꠄꠁꠘ ꠙꠥꠞꠣꠘꠣ ꠎꠝꠣꠘꠣꠞ ꠇꠥꠘꠥ ꠘꠛꠤꠞ ꠟꠣꠈꠣꠘ ꠘꠄꠀ ꠄꠇ ꠘꠛꠤ। 16ꠁꠔꠣ ꠢꠥꠘꠤꠀ ꠢꠦꠞꠥꠖꠦ ꠇꠁꠟ, “ꠄꠁꠘ ꠔ ꠢꠃ ꠄꠢꠤꠀ, ꠎꠦꠘ ꠇꠟ꠆ꠟꠣ ꠀꠝꠤ ꠇꠣꠐꠣꠁꠍꠟꠣꠝ। ꠔꠣꠁꠘ ꠢꠤꠞꠛꠣꠞ ꠎꠤꠘ꠆ꠖꠣ ꠅꠁꠀ ꠃꠑꠍꠂꠘ।”
17-18ꠄꠞ ꠀꠉꠦ ꠢꠦꠞꠥꠖꠦ ꠔꠣꠞ ꠜꠣꠛꠤ ꠢꠦꠞꠥꠖꠤꠀꠞ ꠝꠘ ꠎꠥꠉꠣꠘꠤꠞ ꠟꠣꠉꠤ, ꠄꠢꠤꠀ ꠘꠛꠤꠞꠦ ꠀꠐꠇ ꠇꠞꠣꠁꠀ ꠎꠦꠟꠅ ꠢꠣꠞꠣꠁ ꠕꠁꠍꠤꠟ। ꠢꠦ ꠔꠣꠞ ꠜꠣꠁ ꠚꠤꠟꠤꠚꠞ ꠛꠃꠞꠦ ꠢꠣꠋꠉꠣ ꠇꠞꠣꠄ ꠘꠛꠤꠄ ꠔꠣꠞꠦ ꠢꠣꠝꠦꠡꠣ ꠇꠁꠔꠣ, “ꠀꠙꠘ ꠜꠣꠁꠞ ꠛꠃꠞꠦ ꠘꠤꠀ ꠢꠣꠋꠉꠣ ꠇꠞꠣ ꠔꠥꠝꠣꠞ ꠎꠣꠁꠎ ꠅꠁꠍꠦ ꠘꠣ।” 19ꠄꠞꠖꠣꠄ ꠄꠢꠤꠀ ꠘꠛꠤꠞ ꠛꠣꠄ ꠢꠦꠞꠥꠖꠤꠀꠞ ꠈꠥꠛ ꠉꠥꠍꠣ ꠀꠍꠤꠟ। ꠔꠣꠁ ꠄꠘꠞꠦ ꠎꠣꠘꠦ ꠝꠣꠞꠤꠟꠤꠛꠣꠞ ꠘꠤꠅꠔ ꠇꠞꠟ, ꠅꠁꠟꠦ ꠙꠣꠞꠟ ꠘꠣ। 20ꠢꠦꠞꠥꠖꠦ ꠄꠘꠞꠦ ꠒꠞꠣꠁꠔ ꠀꠞ ꠎꠣꠘꠔ, ꠄꠁꠘ ꠄꠇꠎꠘ ꠙꠣꠇ-ꠙꠞꠦꠎꠉꠣꠞ ꠇꠣꠝꠤꠟ ꠝꠣꠘꠥꠡ, ꠄꠞꠖꠣꠄ ꠢꠣꠝꠦꠡꠣ ꠄꠘꠞꠦ ꠔꠣꠁꠞ ꠀꠔ ꠕꠣꠇꠤ ꠛꠣꠌꠣꠁꠔ। ꠄꠘ ꠘꠍꠤꠅꠔ ꠢꠥꠘꠔꠦ ꠔꠣꠞ ꠜꠤꠔꠞꠦ ꠗꠠꠚꠠ ꠇꠞꠟꠦꠅ ꠢꠦ ꠁꠔꠣ ꠈꠥꠛ ꠙꠍꠘ꠆ꠖ ꠇꠞꠔ।
21ꠢꠦꠡꠦ ꠔꠣꠁ ꠄꠇ ꠡꠥꠎꠥꠉ ꠙꠣꠁꠟ, ꠢꠦꠞꠥꠖꠞ ꠎꠘꠝ ꠖꠤꠘꠞ ꠅꠘꠥꠡ꠆ꠑꠣꠘꠅ ꠔꠣꠞ ꠃꠎꠤꠞ-ꠘꠣꠎꠤꠞ, ꠍꠤꠙꠣꠁꠞ ꠅꠚꠤꠡꠣꠞ ꠅꠇꠟ, ꠀꠞ ꠉꠣꠟꠤꠟ ꠎꠤꠟꠣꠞ ꠉꠁꠘ꠆ꠘ-ꠝꠣꠁꠘ꠆ꠘ ꠢꠇꠟ ꠝꠣꠘꠡꠞ ꠟꠣꠉꠤ ꠈꠣꠘꠤ ꠎꠥꠁꠔ ꠇꠞꠣ ꠅꠁꠟ। 22ꠅꠃ ꠅꠘꠥꠡ꠆ꠑꠣꠘꠅ ꠢꠦꠞꠥꠖꠤꠀꠞ ꠙꠥꠠꠤꠄ ꠀꠁꠀ ꠘꠣꠌ ꠖꠦꠈꠣꠁꠀ ꠢꠇꠟ ꠝꠦꠝꠣꠘ ꠀꠞ ꠢꠦꠞꠥꠖꠞꠦ ꠈꠥꠡꠤ ꠇꠞꠟ। ꠈꠥꠡꠤ ꠅꠁꠀ ꠢꠦꠞꠥꠖ ꠞꠣꠎꠣꠄ ꠙꠥꠠꠤꠞꠦ ꠇꠁꠟ, “ꠅ ꠝꠣ, ꠔꠥꠝꠤ ꠀꠝꠣꠞ ꠉꠦꠍꠦ ꠇꠤꠔꠣ ꠌꠣꠅ? ꠎꠦꠔꠣ ꠌꠣꠁꠛꠣꠄ, ꠅꠔꠣꠃ ꠙꠣꠁꠛꠣꠄ।” 23ꠢꠦ ꠇꠍꠝ ꠈꠣꠁꠀ ꠇꠁꠟ, “ꠔꠥꠝꠤ ꠀꠝꠣꠞ ꠉꠦꠍꠦ ꠎꠦꠔꠣ ꠌꠣꠁꠛꠣꠄ, ꠅꠔꠣꠃ ꠖꠤꠝꠥ। ꠀꠝꠣꠞ ꠞꠣꠁꠎ꠆ꠎꠞ ꠅꠞ꠆ꠗꠦꠇ ꠌꠣꠁꠟꠦꠅ ꠖꠤꠟꠣꠁꠝꠥ।”
24ꠅꠃ ꠙꠥꠠꠤꠄ ꠔꠣꠁꠞ ꠝꠣʼꠞ ꠉꠦꠍꠦ ꠉꠤꠀ ꠎꠤꠇꠣꠁꠟ, “ꠝꠣꠁ ꠉ, ꠀꠝꠤ ꠇꠤꠔꠣ ꠌꠣꠁꠔꠣꠝ?” ꠝꠣ ꠢꠦꠞꠥꠖꠤꠀꠄ ꠢꠤꠇꠣꠁ ꠖꠤꠟ, “ꠔꠥꠝꠤ ꠢꠃ ꠄꠢꠤꠀꠞ ꠇꠟ꠆ꠟꠣ ꠌꠣꠁꠅ।” 25ꠙꠥꠠꠤꠄ ꠎꠟꠖꠤ ꠇꠞꠤ ꠀꠁꠀ ꠞꠣꠎꠣꠞꠦ ꠇꠁꠟ, “ꠀꠝꠤ ꠌꠣꠁꠞꠣꠝ, ꠀꠙꠘꠦ ꠢꠃ ꠄꠢꠤꠀꠞ ꠇꠟ꠆ꠟꠣ ꠇꠣꠐꠤꠀ ꠄꠇ ꠕꠣꠟꠅ ꠇꠞꠤ ꠀꠝꠣꠞꠦ ꠖꠦꠃꠇ꠆ꠇꠣ।” 26ꠁꠈꠣꠘ ꠢꠥꠘꠤꠀ ꠞꠣꠎꠣ ꠈꠥꠛ ꠛꠦꠎꠣꠞ ꠅꠁꠉꠦꠟ, ꠅꠁꠟꠦ ꠅꠘꠥꠡ꠆ꠑꠣꠘꠞ ꠝꠦꠝꠣꠘ ꠅꠇꠟꠞ ꠍꠣꠝꠘꠦ ꠇꠍꠝ ꠇꠞꠣꠄ ꠅꠃ ꠙꠥꠠꠤꠞꠦ ꠘꠣ ꠇꠞꠣꠞ ꠇꠥꠘꠥ ꠃꠙꠣꠄ ꠀꠍꠤꠟ ꠘꠣ। 27-28ꠔꠦꠃ ꠟꠉꠦ ꠟꠉꠦ ꠞꠣꠎꠣꠄ ꠎꠟ꠆ꠟꠣꠖꠞꠦ ꠢꠥꠇꠥꠝ ꠖꠤꠟ ꠄꠢꠤꠀꠞ ꠝꠣꠕꠣ ꠇꠣꠐꠤꠀ ꠀꠘꠣꠞ ꠟꠣꠉꠤ। ꠎꠟ꠆ꠟꠣꠖꠦ ꠉꠤꠀ ꠎꠦꠟ ꠈꠣꠘꠣꠔ ꠛꠘ꠆ꠖꠤ ꠢꠎꠞꠔ ꠄꠢꠤꠀꠞ ꠝꠣꠕꠣ ꠇꠣꠐꠤꠀ ꠄꠇ ꠕꠣꠟꠅ ꠇꠞꠤ ꠟꠁꠀ ꠀꠁꠟ। ꠞꠣꠎꠣꠄ ꠁ ꠕꠣꠟ ꠅꠃ ꠙꠥꠠꠤꠞ ꠀꠔꠅ ꠖꠤꠟꠦ, ꠔꠣꠁ ꠘꠤꠀ ꠔꠣꠁꠞ ꠝꠣʼꠞ ꠉꠦꠍꠦ ꠖꠤꠟ। 29ꠄꠢꠤꠀ ꠘꠛꠤꠞ ꠡꠣꠉꠞꠤꠖ ꠅꠇꠟꠦ ꠁ ꠈꠛꠞ ꠢꠥꠘꠤꠀ ꠎꠦꠟ ꠕꠘꠦ ꠔꠣꠘ ꠟꠣꠡ ꠘꠤꠀ ꠖꠣꠚꠘ ꠇꠞꠟꠣ।
ꠙꠣꠌ ꠀꠎꠣꠞ ꠝꠣꠘꠡꠞ ꠉꠣꠁꠛꠤ ꠈꠣꠘꠤ
30ꠢꠎꠞꠔ ꠁꠍꠣꠞ ꠛꠣꠞꠅꠎꠘ ꠍꠣꠢꠣꠛꠤꠄ ꠔꠛꠟꠤꠉ ꠕꠘꠦ ꠚꠤꠞꠤꠀ ꠀꠁꠀ ꠔꠣꠘꠞꠦ ꠎꠣꠘꠣꠁꠟꠣ, ꠔꠛꠟꠤꠉꠅ ꠉꠤꠀ ꠇꠤꠔꠣ ꠇꠤꠔꠣ ꠇꠞꠍꠂꠘ, ꠇꠤꠟꠣꠈꠣꠘ ꠔꠣꠟꠤꠝ ꠖꠤꠍꠂꠘ। 31ꠅꠃ ꠡꠝꠄ ꠛꠃꠔ ꠝꠣꠘꠥꠡ ꠁꠍꠣꠞ ꠉꠦꠍꠦ ꠀꠅꠀ-ꠎꠣꠅꠀꠔ ꠕꠣꠇꠣꠄ ꠍꠣꠢꠣꠛꠤ ꠅꠇꠟꠦ ꠇꠥꠘꠥ ꠈꠣꠘꠣ-ꠙꠤꠘꠣꠞꠅ ꠡꠥꠎꠥꠉ ꠙꠣꠁꠟꠣ ꠘꠣ। ꠄꠞꠖꠣꠄ ꠔꠣꠁꠘ ꠍꠣꠢꠣꠛꠤ ꠅꠇꠟꠞꠦ ꠇꠁꠟꠣ, “ꠔꠥꠝꠞꠣ ꠀꠝꠣꠞ ꠟꠉꠦ ꠇꠥꠘꠥ ꠘꠤꠞꠣꠁ ꠎꠣꠉꠣꠔ ꠀꠁꠀ ꠕꠥꠠꠣ ꠎꠤꠞꠣꠅ।” 32ꠇꠁꠀ ꠘꠣꠅꠔ ꠃꠑꠤꠀ ꠄꠇ ꠘꠤꠞꠣꠁ ꠎꠣꠉꠣꠔ ꠞꠅꠀꠘꠣ ꠅꠁꠟꠣ। 33ꠄꠞꠣꠞꠦ ꠎꠣꠅꠀꠔ ꠖꠦꠈꠤꠀ ꠛꠃꠔ ꠝꠣꠘꠡꠦ ꠌꠤꠘꠤꠟꠤꠟꠣ, ꠔꠦꠃ ꠄꠞꠣ ꠙꠃꠍꠣꠞ ꠀꠉꠦꠃ ꠀꠡ-ꠙꠣꠡꠞ ꠉꠣꠃꠀꠁꠘ ꠕꠣꠇꠤ ꠝꠣꠘꠥꠡ ꠖꠃꠠꠣꠁꠀ ꠉꠤꠀ ꠢꠘꠅ ꠙꠃꠍꠤꠉꠦꠟꠣ। 34ꠁꠍꠣ ꠘꠣꠅ ꠕꠣꠇꠤ ꠟꠣꠝꠤꠀꠃ ꠖꠦꠈꠟꠣ, ꠛꠃꠔ ꠝꠣꠘꠡꠦ ꠔꠣꠘ ꠛꠣꠞ ꠌꠣꠁꠞꠣ। ꠖꠦꠈꠤꠀ ꠄꠞꠣꠞ ꠛꠣꠄ ꠔꠣꠘ ꠛꠠ ꠖꠞꠖ ꠢꠣꠝꠣꠁꠟ। ꠄꠞꠣ ꠀꠍꠤꠟ ꠀ-ꠞꠣꠈꠣꠟꠤ ꠝꠦꠠꠣꠞ ꠟꠣꠈꠣꠘ। ꠅꠃ ꠁꠍꠣꠄ ꠄꠞꠣꠞꠦ ꠛꠃꠔ ꠟꠣꠈꠣꠘ ꠔꠣꠟꠤꠝ ꠖꠤꠟꠣ। 35ꠢꠣꠁꠘ꠆ꠎꠣ ꠅꠁꠀ ꠢꠣꠞꠟꠦ ꠔꠣꠘ ꠍꠣꠢꠣꠛꠤ ꠅꠇꠟꠦ ꠇꠁꠟꠣ, “ꠢꠥꠎꠥꠞ, ꠁꠈꠣꠘ ꠈꠥꠛ ꠘꠤꠞꠣꠁ ꠎꠣꠉꠣ, ꠀꠞ ꠢꠣꠁꠘ꠆ꠎꠣꠅ ꠅꠁꠉꠦꠍꠦ, 36ꠔꠦ ꠅꠔꠣ ꠝꠣꠘꠡꠞꠦ ꠛꠤꠖꠣꠄ ꠖꠤꠟꠣꠃꠇ꠆ꠇꠣ, ꠄꠞꠣ ꠇꠣꠘ꠆ꠖꠣ-ꠇꠣꠍꠣꠞ ꠅꠔꠣ ꠉꠣꠃꠀꠁꠘ꠆ꠔꠅ ꠉꠤꠀ ꠔꠣꠞꠣꠞ ꠈꠣꠘꠤ-ꠈꠥꠞꠣꠇꠤ ꠟꠃꠇ।” 37ꠁꠍꠣꠄ ꠇꠁꠟꠣ, “ꠔꠥꠝꠞꠣꠃ ꠄꠞꠣꠞ ꠈꠣꠘꠤꠞ ꠁꠘ꠆ꠔꠦꠎꠣꠝ ꠇꠞꠅ।” ꠍꠣꠢꠣꠛꠤ ꠅꠇꠟꠦ ꠎꠥꠀꠙ ꠖꠤꠟꠣ, “ꠀꠝꠞꠣ ꠇꠤꠔꠣ ꠖꠥꠁ-ꠡ ꠖꠤꠘꠣꠞꠞ ꠈꠣꠘꠤ ꠟꠁꠀ ꠀꠘꠤꠀ ꠄꠞꠣꠞꠦ ꠈꠣꠅꠀꠁꠔꠣꠝ ꠘꠤ?” ꠖꠥꠁ-ꠡ ꠖꠤꠘꠣꠞ ꠔ ꠙꠁꠘ꠆ꠌꠣꠡ ꠀꠎꠣꠞ ꠐꠦꠇꠣꠞ ꠢꠝꠣꠘ। 38ꠔꠣꠁꠘ ꠇꠁꠟꠣ, “ꠔꠥꠝꠞꠣ ꠌꠣꠁꠀ ꠖꠦꠈꠅ, ꠔꠥꠝꠞꠣꠞ ꠉꠦꠍꠦ ꠇꠤ ꠙꠞꠤꠝꠣꠘ ꠞꠥꠐꠤ ꠀꠍꠦ।” ꠔꠣꠞꠣ ꠖꠦꠈꠤꠀ ꠇꠁꠟꠣ, “ꠍꠣꠛ, ꠙꠣꠌꠈꠣꠘ ꠞꠥꠐꠤ ꠀꠞ ꠖꠥꠁꠐꠣ ꠛꠤꠞꠣꠘ ꠝꠣꠍ ꠀꠍꠦ।” 39ꠔꠣꠁꠘ ꠍꠣꠢꠣꠛꠤ ꠅꠇꠟꠞꠦ ꠢꠥꠇꠥꠝ ꠖꠤꠟꠣ, “ꠔꠥꠝꠞꠣ ꠅꠃ ꠊꠣꠡꠞ ꠃꠙꠞꠦ ꠟꠣꠁꠘ ꠗꠞꠣꠁꠀ ꠝꠣꠘꠡꠞꠦ ꠛꠅꠀꠁ ꠖꠦꠅ।” 40ꠔꠦꠃ ꠝꠣꠘꠡꠦ ꠄꠇ-ꠡ ꠎꠘ ꠇꠞꠤ ꠇꠣꠔꠣꠞ ꠛꠣꠘ꠆ꠖꠤꠀ ꠙꠁꠘ꠆ꠌꠣꠡ ꠇꠣꠔꠣꠞ ꠛꠁꠟꠣ। 41ꠁꠍꠣꠄ ꠢꠃ ꠙꠣꠌꠈꠣꠘ ꠞꠥꠐꠤ ꠀꠞ ꠖꠥꠁꠐꠣ ꠛꠤꠞꠣꠘ ꠝꠣꠍ ꠀꠔꠅ ꠟꠁꠀ ꠀꠟ꠆ꠟꠣꠞ ꠀꠞꠡꠞ ꠛꠣꠄ ꠌꠣꠁꠀ ꠡꠥꠇꠞꠤꠀ ꠀꠖꠣꠄ ꠇꠞꠤꠀ, ꠝꠣꠘꠡꠞꠦ ꠛꠣꠐꠤꠀ ꠖꠤꠛꠣꠞ ꠟꠣꠉꠤ ꠅꠃ ꠞꠥꠐꠤ ꠐꠥꠇꠞꠣ ꠐꠥꠇꠞꠣ ꠇꠞꠤ ꠍꠣꠢꠣꠛꠤ ꠅꠇꠟꠞ ꠀꠔꠅ ꠖꠤꠟꠣ। ꠅꠃ ꠟꠣꠈꠣꠘ ꠝꠣꠍ ꠖꠥꠁꠐꠣꠅ ꠛꠣꠐꠤꠀ ꠖꠤꠟꠣ। 42ꠢꠇꠟ ꠝꠣꠘꠡꠦ ꠙꠦꠐ ꠜꠞꠤ ꠈꠣꠁꠟꠣ। 43ꠈꠣꠁꠀ ꠢꠣꠞꠟꠦ ꠛꠣꠠꠔꠤ ꠞꠥꠐꠤ ꠀꠞ ꠝꠣꠍꠞ ꠐꠥꠇꠞꠣꠁꠘ ꠘꠤꠀ ꠛꠣꠞꠅꠐꠣ ꠐꠥꠇꠞꠤ ꠜꠞꠟꠣ। 44ꠁ ꠖꠟꠞ ꠝꠣꠎꠦ ꠈꠣꠟꠤ ꠛꠦꠐꠣ ꠝꠣꠘꠥꠡꠃ ꠙꠣꠌ ꠀꠎꠣꠞ ꠎꠘꠦ ꠛꠁꠀ ꠈꠣꠁꠟꠣ।
ꠙꠣꠘꠤꠞ ꠃꠙꠞꠦꠖꠤ ꠀꠐꠣ
45ꠈꠣꠘꠤꠞ ꠛꠣꠖꠦꠃ ꠢꠎꠞꠔ ꠁꠍꠣꠄ ꠍꠣꠢꠣꠛꠤ ꠅꠇꠟꠞꠦ ꠔꠣꠉꠖꠣ ꠖꠤꠟꠣ, ꠔꠣꠞꠣ ꠘꠣꠅꠔ ꠇꠞꠤ ꠀꠅꠞꠞ ꠢꠙꠣꠞꠅ ꠛꠣꠄꠔ-ꠍꠄꠖꠣ ꠉꠣꠃꠔ ꠎꠣꠅꠀꠞ ꠟꠣꠉꠤ, ꠔꠣꠁꠘ ꠅꠘꠞ ꠝꠣꠘꠡꠞꠦꠅ ꠛꠤꠖꠣꠄ ꠖꠤꠟꠣ। 46ꠝꠣꠘꠥꠡ ꠛꠤꠖꠣꠄ ꠅꠁꠀ ꠢꠣꠞꠟꠦ ꠔꠣꠁꠘ ꠖꠥꠀ ꠇꠞꠣꠞ ꠟꠣꠉꠤ ꠙꠣꠠꠞ ꠃꠙꠞꠦ ꠃꠑꠤꠟꠣ। 47ꠞꠣꠁꠔꠞ ꠛꠣꠟꠣ ꠍꠣꠢꠣꠛꠤ ꠅꠇꠟꠞ ꠘꠣꠅ ꠀꠅꠞꠞ ꠝꠣꠎꠈꠣꠘꠅ ꠀꠍꠤꠟ, ꠅꠁꠟꠦ ꠁꠍꠣ ꠄꠇꠟꠣ ꠢꠥꠇꠘꠣꠔ ꠀꠍꠟꠣ। 48ꠔꠣꠁꠘ ꠖꠦꠈꠟꠣ, ꠃꠚꠔꠣ ꠛꠣꠔꠣꠡꠞ ꠝꠣꠎꠦ ꠄꠞꠣ ꠈꠥꠛ ꠇꠡ꠆ꠐ ꠇꠞꠤ ꠖꠣꠠ ꠛꠣꠁꠞꠣ। ꠙꠔꠣꠛꠣꠟꠣ ꠁꠍꠣꠄ ꠅꠃ ꠀꠅꠞꠞ ꠙꠣꠘꠤꠞ ꠃꠙꠞꠦꠖꠤ ꠀꠐꠤꠀ, ꠍꠣꠢꠣꠛꠤ ꠅꠇꠟꠞ ꠉꠣꠟꠣꠛꠣꠄ ꠔꠣꠞꠣꠞꠦ ꠙꠣꠞ ꠅꠁꠀ ꠀꠉꠦꠖꠤ ꠎꠣꠁꠞꠣ। 49-50ꠔꠣꠘꠞꠦ ꠀꠅꠞꠞ ꠙꠣꠘꠤꠞ ꠃꠙꠞꠦꠖꠤ ꠀꠐꠤꠀ ꠎꠣꠅꠀꠔ ꠖꠦꠈꠤꠀ, ꠜꠥꠔ ꠝꠘꠅ ꠇꠞꠤꠀ ꠒꠞꠣꠁꠀ ꠄꠞꠣ ꠢꠇꠟꠦ ꠌꠤꠇ-ꠌꠤꠟ꠆ꠟꠣꠘꠤ ꠟꠣꠉꠣꠁꠟꠣ। ꠅꠃ ꠔꠣꠁꠘ ꠇꠁꠟꠣ, “ꠒꠞꠣꠁꠅ ꠘꠣ, ꠢꠤꠝ꠆ꠝꠔ ꠇꠞꠅ, ꠁ ꠔ ꠀꠝꠤ।”
51ꠔꠣꠁꠘ ꠀꠁꠀ ꠍꠣꠢꠣꠛꠤ ꠅꠇꠟꠞ ꠘꠣꠅꠔ ꠃꠑꠔꠦꠃ ꠃꠚꠔꠣ ꠛꠣꠔꠣꠡ ꠖꠝ ꠟꠁꠟꠤꠟ। ꠁꠔꠣ ꠖꠦꠈꠤꠀ ꠄꠞꠣ ꠀꠌꠣꠘꠇ ꠔꠣꠁꠎ꠆ꠎꠥꠛ ꠛꠘꠤꠉꠦꠟꠣ। 52ꠅꠁꠟꠦ ꠀꠉꠞ ꠢꠃ ꠞꠥꠐꠤ-ꠝꠣꠍꠞ ꠉꠣꠁꠛꠤ ꠈꠣꠘꠤꠞ ꠜꠦꠖ ꠄꠞꠣ ꠛꠥꠎꠟꠣ ꠘꠣ। ꠄꠞꠣꠞ ꠖꠤꠟꠞ ꠖꠥꠀꠞ ꠔ ꠛꠘ꠆ꠖ ꠀꠍꠤꠟ।
53ꠀꠅꠞ ꠙꠣꠠꠤ ꠖꠦꠅꠀꠞ ꠛꠣꠖꠦ ꠄꠞꠣ ꠉꠤꠘꠦꠡꠞꠔ ꠄꠟꠣꠇꠣꠔ ꠀꠁꠀ ꠘꠣꠅ ꠜꠤꠠꠣꠁꠟꠣ। 54-55ꠘꠣꠅ ꠕꠣꠇꠤ ꠟꠣꠝꠔꠦꠃ ꠔꠣꠘꠦ ꠖꠦꠈꠤꠀ ꠝꠣꠘꠡꠦ ꠌꠤꠘꠤꠟꠤꠟꠣ, ꠀꠞ ꠌꠣꠁꠞꠅꠛꠣꠄ ꠖꠃꠠꠣ-ꠖꠃꠠꠤ ꠟꠣꠉꠣꠁꠟꠣ। ꠖꠃꠠꠣꠁꠀ ꠔꠣꠞꠣ ꠎꠣꠞꠎꠤꠞ ꠛꠦꠝꠣꠞꠤ ꠅꠇꠟꠞꠦ ꠙꠟꠅꠖꠤ ꠛꠁꠀ ꠀꠘꠤꠀ, ꠔꠣꠁꠘ ꠎꠦ ꠎꠣꠉꠣꠔ ꠀꠍꠟꠣ ꠅꠃ ꠎꠣꠉꠣꠔ ꠟꠁꠀ ꠀꠁꠟ। 56ꠐꠣꠃꠘꠅ ꠛꠣ ꠉꠣꠃꠔ, ꠅꠟ꠆ꠟꠤꠄ-ꠉꠟ꠆ꠟꠤꠄ ꠔꠣꠁꠘ ꠎꠦꠘꠅꠃ ꠔꠡꠞꠤꠚ ꠘꠤꠔꠣ, ꠅꠘꠅꠃ ꠝꠣꠘꠡꠦ ꠛꠦꠝꠣꠞꠤ ꠅꠇꠟꠞꠦ ꠀꠘꠤꠀ ꠛꠣꠎꠣꠞꠅ ꠖꠟꠣ ꠇꠞꠔꠣ। ꠀꠞ ꠔꠣꠘꠞꠦ ꠝꠤꠘꠔ-ꠇꠣꠎ꠆ꠎꠤ ꠇꠞꠤꠀ ꠇꠁꠔꠣ, ꠛꠦꠝꠣꠞꠤ ꠅꠇꠟꠦ ꠎꠣꠘꠥ ꠔꠣꠘ ꠌꠣꠖ꠆ꠖꠞꠞ ꠇꠥꠘꠣꠈꠣꠘꠅ ꠍꠁꠔꠣ ꠙꠣꠞꠂꠘ। ꠀꠞ ꠎꠦꠞꠣ ꠍꠁꠔꠣ, ꠢꠣꠍꠣꠃ ꠄꠞꠣꠞ ꠛꠦꠝꠣꠞ ꠡꠤꠚꠣ ꠅꠁꠎꠤꠔ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.