ꠁꠘ꠆ꠎꠤꠟ ৮: ২-ꠇꠞꠤꠘ꠆ꠔꠤꠀ ꠙꠞꠤꠌꠤꠔꠤ
ꠙꠞꠤꠌꠤꠔꠤ
ꠙꠛꠤꠔ꠆ꠞ ꠀꠍꠝꠣꠘꠤ ꠇꠤꠔꠣꠛꠞ ꠅꠃ ꠍꠤꠙꠣꠞꠣ ꠀꠟ꠆ꠟꠣ ꠙꠣꠇꠞ ꠢꠥꠇꠥꠝꠦ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠍꠣꠢꠣꠛꠤ ꠢꠎꠞꠔ ꠙꠣꠃꠟꠥꠍꠦ (ꠞꠣ꠩) ꠌꠤꠑꠤꠞ ꠀꠇꠣꠞꠦ ꠟꠦꠈꠍꠂꠘ। ꠁꠈꠣꠘ ꠅꠁꠟ ꠇꠞꠤꠘ꠆ꠔ ꠎꠝꠣꠔꠞ ꠉꠦꠍꠦ ꠔꠣꠘ ꠟꠦꠈꠣ ꠖꠥꠍꠞꠣ ꠍꠢꠤꠚꠣ। ꠅꠘꠥꠝꠣꠘ ꠇꠞꠣ ꠅꠄ, ꠢꠎꠞꠔ ꠁꠍꠣꠄ ꠛꠦꠢꠦꠡ꠆ꠔꠅ ꠔꠡꠞꠤꠚ ꠘꠦꠅꠀꠞ ২১ ꠛꠍꠞ ꠛꠣꠖꠦ ꠁꠈꠣꠘ ꠟꠦꠈꠣ ꠅꠁꠍꠦ।
ꠇꠞꠤꠘ꠆ꠔ ꠎꠝꠣꠔꠞ ꠟꠉꠦ ꠎꠦꠛꠟꠣ ꠢꠎꠞꠔ ꠙꠣꠃꠟꠥꠍꠞ ꠡꠝ꠆ꠙꠞ꠆ꠇ ꠜꠣꠟꠣ ꠀꠍꠤꠟ ꠘꠣ, ꠅꠃ ꠡꠝꠄ ꠔꠣꠁꠘ ꠎꠝꠣꠔꠞ ꠉꠦꠍꠦ ꠁ ꠌꠤꠑꠤ ꠟꠦꠈꠍꠤꠟꠣ। ꠙꠣꠃꠟꠥꠍꠞ ꠍꠣꠢꠣꠛꠤ ꠙꠖ ꠟꠁꠀ ꠇꠞꠤꠘ꠆ꠔ ꠎꠝꠣꠔꠞ ꠇꠄꠎꠘ ꠝꠣꠘꠡꠦ ꠈꠥꠛ ꠛꠤꠞꠥꠗꠤꠔꠣ ꠇꠞꠍꠤꠟ। ꠅꠃ ꠍꠤꠙꠣꠞꠣꠞ ꠝꠣꠎꠦ ꠔꠣꠁꠘ ꠁꠔꠣꠞ ꠎꠥꠀꠙ ꠖꠤꠍꠂꠘ।
ꠢꠎꠞꠔ ꠙꠣꠃꠟꠥꠍꠞ ꠟꠦꠈꠣ ꠅꠃ ꠍꠢꠤꠚꠣꠞ ꠝꠣꠎꠖꠤ ꠔꠣꠘꠞꠦ ꠀꠞꠅ ꠜꠣꠟꠣ ꠇꠞꠤ ꠌꠤꠘꠣ ꠎꠣꠄ। ꠟꠦꠈꠇꠦ ꠔꠣꠘ ꠝꠘꠞ ꠇꠕꠣ, ꠀꠟ꠆ꠟꠣꠁ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠛꠦꠙꠣꠞꠦ ꠔꠣꠘ ꠃꠔꠡꠣꠢ, ꠖꠥꠈ-ꠝꠍꠤꠛꠔꠞ ꠇꠕꠣ, ꠀꠞ ꠙꠄꠟꠣ ꠁꠍꠣꠄꠁ ꠎꠝꠣꠔꠞ ꠝꠣꠎꠦ ꠐꠦꠇꠣ-ꠙꠄꠡꠣꠞ ꠅꠜꠣꠛꠞ ꠡꠝꠄ ꠄꠇꠦ-ꠅꠁꠘ꠆ꠘꠦ ꠇꠤꠟꠣ ꠡꠣꠁꠎ꠆ꠎ ꠇꠞꠍꠂꠘ, ꠁꠔꠣ ꠅꠃ ꠍꠤꠙꠣꠞꠣꠞ ꠝꠣꠎꠦ ꠟꠦꠈꠍꠂꠘ। ꠁ ꠍꠤꠙꠣꠞꠣꠞ ꠝꠣꠎꠦ ꠃꠟ꠆ꠟꠦꠈ ꠇꠞꠣ ꠀꠍꠤꠀ ꠖꠦꠡ ꠅꠈꠘꠇꠥꠞ ꠔꠥꠞꠡ꠆ꠇ ꠖꠦꠡꠞ ꠜꠤꠔꠞꠦ, ꠀꠞ ꠝꠣꠇꠤꠖꠘꠤꠀ ꠅꠈꠘꠇꠥꠞ ꠉ꠆ꠞꠤꠍ ꠖꠦꠡꠞ ꠜꠤꠔꠞꠦ। ꠢꠃ ꠡꠝꠄ ꠁꠔꠣ ꠡ꠆ꠛꠣꠗꠤꠘ ꠖꠦꠡ ꠀꠍꠤꠟ।
ꠄꠞꠝꠣꠎꠦ ꠀꠍꠦ,
(ꠇ) ꠜꠥꠝꠤꠇꠣ ১:১-১১ ꠀꠄꠀꠔ
(ꠈ) ꠇꠞꠤꠘ꠆ꠔ ꠎꠝꠣꠔꠞ ꠟꠉꠦ ꠢꠎꠞꠔ ꠙꠣꠃꠟꠥꠍꠞ ꠡꠝ꠆ꠙꠞ꠆ꠇ ১:১২—৭:১৬
(ꠉ) ꠄꠢꠥꠖꠤꠀꠞ ꠁꠍꠣꠄꠁ ꠁꠝꠣꠘꠖꠣꠞ ꠅꠇꠟꠞ ꠟꠣꠉꠤ ꠖꠣꠘ ৮—৯ ꠞꠥꠇꠥ
(ꠊ) ꠍꠣꠢꠣꠛꠤ ꠢꠤꠡꠣꠛꠦ ꠢꠎꠞꠔ ꠙꠣꠃꠟꠥꠍꠞ ꠅꠗꠤꠇꠣꠞ ১০—১৩ ꠞꠥꠇꠥ
Currently Selected:
ꠁꠘ꠆ꠎꠤꠟ ৮: ২-ꠇꠞꠤꠘ꠆ꠔꠤꠀ ꠙꠞꠤꠌꠤꠔꠤ: sylN
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.