स्तोत्र. 136
136
परमेश्वराच्या अखंड प्रेमाबद्दल उपकारस्तुती
1परमेश्वराची उपकारस्तुती करा; कारण तो चांगला आहे,
कारण त्याची दया सर्वकाळ टिकून राहणारी आहे.
2देवांच्या देवाची उपकारस्तुती करा.
कारण त्याची दया सर्वकाळ टिकून राहणारी आहे.
3प्रभूंच्या प्रभूंची उपकारस्तुती करा.
कारण त्याची दया सर्वकाळ टिकून राहणारी आहे.
4जो एकटाच महान चमत्कार करतो त्याची उपकारस्तुती करा.
कारण त्याची दया सर्वकाळ टिकून राहणारी आहे.
5ज्याने बुद्धीने आकाश निर्माण केले त्याची, उपकारस्तुती करा,
कारण त्याची दया सर्वकाळ टिकून राहणारी आहे.
6ज्याने जलावर पृथ्वी पसरवली,
कारण त्याची दया सर्वकाळ टिकून राहणारी आहे.
7ज्याने मोठा प्रकाश निर्माण केला,
कारण त्याची दया सर्वकाळ टिकून राहणारी आहे.
8दिवसावर राज्य करण्यासाठी त्याने सूर्याची निर्मिती केली,
कारण त्याची दया सर्वकाळ टिकून राहणारी आहे.
9त्याने रात्रीवर राज्य करण्यासाठी चंद्र आणि ताऱ्यांची निर्मिती केली,
कारण त्याची दया सर्वकाळ टिकून राहणारी आहे.
10त्याने मिसराचे पहिले जन्मलेले मारून टाकले,
कारण त्याची दया सर्वकाळ टिकून राहणारी आहे.
11आणि ज्याने इस्राएलाला त्यांच्यामधून बाहेर काढले,
कारण त्याची दया सर्वकाळ टिकून राहणारी आहे.
12ज्याने सामर्थ्यी हाताने आणि बाहू उभारून त्यांना बाहेर आणले,
कारण त्याची दया सर्वकाळ टिकून राहणारी आहे.
13ज्याने लाल समुद्र दुभागला,
कारण त्याची दया सर्वकाळ टिकून राहणारी आहे.
14ज्याने इस्राएलाला त्यामधून पार नेले,
कारण त्याची दया सर्वकाळ टिकून राहणारी आहे.
15ज्याने फारोला आणि त्याच्या सैन्याला लाल समुद्रात उलथून टाकले.
कारण त्याची दया सर्वकाळ टिकून राहणारी आहे.
16ज्याने आपल्या लोकांस रानातून नेले,
कारण त्याची दया सर्वकाळ टिकून राहणारी आहे.
17ज्याने महान राजांना मारून टाकले,
कारण त्याची दया सर्वकाळ टिकून राहणारी आहे.
18आणि ज्याने प्रसिद्ध राजांना मारून टाकले,
कारण त्याची दया सर्वकाळ टिकून राहणारी आहे.
19ज्याने अमोऱ्यांच्या सीहोन राजाला मारून टाकले,
कारण त्याची दया सर्वकाळ टिकून राहणारी आहे.
20आणि ज्याने बाशानाच्या ओग राजाला मारून टाकले,
कारण त्याची दया सर्वकाळ टिकून राहणारी आहे.
21आणि ज्याने त्यांचा देश वतन असा दिला,
कारण त्याची दया सर्वकाळ टिकून राहणारी आहे.
22ज्याने तो इस्राएल त्याचा सेवक याला वतन म्हणून दिला.
कारण त्याची दया सर्वकाळ टिकून राहणारी आहे.
23ज्याने आमच्या कठीन परिस्थितीत आमची आठवण केली आणि आम्हास मदत केली,
कारण त्याची दया सर्वकाळ टिकून राहणारी आहे.
24ज्याने आम्हास आमच्या शत्रूंवर विजय दिला त्याची,
कारण त्याची दया सर्वकाळ टिकून राहणारी आहे.
25जो सर्व जिवंत प्राण्यांना अन्न देतो.
कारण त्याची दया सर्वकाळ टिकून राहणारी आहे.
26स्वर्गातील देवाची उपकारस्तुती करा.
कारण त्याची दया सर्वकाळ टिकून राहणारी आहे.
Currently Selected:
स्तोत्र. 136: IRVMar
Highlight
Share
Copy
Want to have your highlights saved across all your devices? Sign up or sign in
MAR-IRV
Creative Commons License
Indian Revised Version (IRV) - Marathi (इंडियन रिवाइज्ड वर्जन - मराठी), 2019 by Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
