Zobi 40
40
1Meke zama pule se Zihova koe Zobi:
2“Vea, korapa hiva toke Au goi si Arau, sa Tamasa pu tagoi sari doduru ṉiniraṉira?
Mani olaṉa sa tie pu hiva tokea sa Tamasa!”
3Meke olaṉia Zobi se Zihova:
4“Na lopu garoqu. Vea meke kote boka olaṉa atu si arau koa Goi?
Maqu va opo nia limaqu sa ṉuzuqu, maqu lopu kulu.
5Ele zama va soku hola si arau,
Ke sapu loketoṉa pule si boka zama nia arau.”
6Meke zama vura pa raneboṉi la koe Zobi se Zihova:
7“Mu turu va namanama guana tie.
Kote nanasa igo Arau si agoi,
meke kaqu olaṉa Au goi si Arau.
8Vea, Lopu toṉoto sari na Qua tinavete, gua si goi?
Ke sea si Arau meke agoi si toṉoto, gua?
9Vegua, sa limamu si ṉiṉira gua te Tamasa,
meke sa mamalaiṉimu si boka kurumu gua tugo Tanisa?
10Pude gua, si mamu va sari nia sa ṉinedala meke na tinolava,
mamu poko nia sa vina lavata na vinahesi pule tana binaṉara.
11Mamu va puzaka vura nia sa mua tinaṉaziri,
zoropo la nia koa rini pu vahesi puleni.
12Uve, doṉo la i sarini pu va ari laedi puleni,
mamu va pepekae i,
neti gore ni sari na tie kaleadi pa vasina pu koa rini.
13Mamu pomunu varigara ni pa lovu;
pusi vekoi pa popoa tadi na tie matedi.
14Pude gua si tiqe kote helahelae si Arau koa goi,
sapu sa lima mataomu si boka harupigo si agoi.
15Mu balabala ia sa kurukuru nomana variva matagutuna;
sapu tavetia Rau gua tugo sapu tavete igo Arau si agoi,
meke sapu hena duduli gua tugo na bulumakao.
16Sa ṉiniraṉira pa tinina si hola toa,
gua tugo sa masa pa tiana!
17Sa pikutuna si ṉiṉira gua tugo na huda sida
meke sari masa pa pudapudana si ṉiṉira tugo.
18Sari susurina sa si ṉiṉira gua tugo na boronizi
meke sari nenena si gua tugo na aeana,
19Asa si keke koa rini pu ta tavete kekenu!
Arau pu tavetena mo boka va kilasia si asa.
20Pa toqetoqere vagi ni sa sari gana ginani
vasina koadi sari na kurukuru pinomodi.
21Pa kauru hiqohiqo rakirakihina si eko sa,
na duduli nobi tomea pa zemizemi.
22Va paere ia sa maqomaqona sa huda rakirakihi;
vari likohae nia na tukituki pa kali tototolo.
23Totoso naqe sa ovuku loketoṉa si va nonoga ia sa;
koa va leana nana mo si asa totoso ololobagea sa kolo Zodani meke raza lamae pa isumatana.
24Vegua, boka harupu vagia goi meke va behu ia matana?
Boka sipata vagia goi meke va lopa ia isuna si asa?
Currently Selected:
Zobi 40: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
