1 Koriniti 12:8-10
1 Koriniti 12:8-10 ROV
Koa keke tie si ta poni nia sa koasa Maqomaqo Hope pude tozia sa inavoso tanisa ginilagilana lohina, ba koa keke tie pule si ta poni nia sa pude tozia sa tinumatumae. Sa Maqomaqo Hope si ponia sa rinaṉeraṉe koa keke tie, ba pa keke tie pule, si ponia Sa sa ṉiniraṉira pude salaṉi saripu moho. Ponia sa Maqomaqo Hope koa keke tie sa ṉiniraṉira pude tavete tinavete variva magasadi, ba koa keke pule si ponia Sa sa binokaboka pude tarae nia sa zinama te Tamasa. Koa keke pule si ponia Sa sa binokaboka pude doṉo gilania sapu be maedi koari na tomate kaleadi sari na inavoso, babe koasa Maqomaqo Hope. Pa keke tie pule si ponia Sa sa binokaboka pude zama ni sari na votiki vinekala lopu ta gilanadi, meke koa keke pule si na binokaboka pude rupahi ginuadi sari na vinekala arini.
Bible App
Bible App for Kids
