Sam 53
53
Sam Kranzpnu-nzlvqn-nrade-tq (53)
Nzngqngukr Kxtrnzrlxngitiung
Nabz ne Devet kx yrbzle mz kxrmailz ngr dzbe kxnzngrng.
1Leplz kx nzngqngung mz drtwrdr nzrpilr kx, “Trpnzngr Gct.”
Leplz lcng nzvz-rbrng x nzale-txpwzng da kxtrka zlwz.
Trpnzngr leplz lcng kxtubq.
2Gct mncom Heven, x sc tqmcomle leplz amrlx,
Mz nzmc-krde neke yrplapx mz nzrtangrti-krde nide.
3A' nzesablqtilr Gct amrlx ngrdr x drtwrdr esz'ti mz nzale-krdr da kxtrka.
Trpnzngr nidr kxesz' kxtubq. #Rom 3:10-12
4Delc tqrpingr Gct kx, “Leplz lcng tztrkang tznibqtitxdr leplz nengeng
Nzapulr kx nzrnibqng da kx nangqdr.
X mrbrtr mz drtwrdr nzkrka'-krmlr bange.
?Myx kxmule, trnzkrlzlru da kxtubq?”
5A' mzli ka nzmwxlr-zlwz-krdr myaszpxpele mzli kc.
Murde Gct sa napxtxpx-ngrde enqmi rgung.
X drtqdr sa namya mz nzaovxio-alo-krgu nidr.
X namz ngrdr sa narlxbuliane-ngrbz Gct mz nrlc.
6Sutitx zlwz drtwrnge kx Gct rgu kc Saeon na-arlapxle leplz nedeng.
Murde mzli kc nayzlu-mou-ngrmle, namnc-zpwxku badr.
X nigu lr Jekop drtwrgu sa naelalzm.
X nigu lr Israel sa na-abrtz-ngrgu da lc. #Sam 14:1-7
Currently Selected:
Sam 53: ntu
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
