Buka Linge 15
15
Na Vetena Vanira Tara Vola Ge kara Bei hurura Na Hava Te Liona God.
1Lord, Ahei ke kokoeliulivuti kikinima ta valemu?
Ahei ke haghe gatu itamua ta nimua na ghotu te tabu?
2Gaira tara uhulia na nilabu te uto
mara gonighi na lei gehegehe uto haia,
mara nia kokoe na utuni tana toba maghora.
3Gaira tara mua liona
ge kara dikalara na lei tinoni nia na sori,
pa kara vahaghitailira na lei kuladira.
4Gaira tara hughulevu
mara nira sika rana tangohahi,
mara nira kikinima
tara taluutuni utunia mara taonia Lord,
mara righitaonighi didira na baubahu,
sakai vamua te vahaghitaili.
5Gaira tara mua nongia na rongo
au ivuvungana didira na rongo
tara nia hevei, mara mua liona
me ke taonia na taba itatana na tinoni te kabu maemane,
gaira tara gehetighi raini kara tughuru ngasi haia.
Currently Selected:
Buka Linge 15: nlg
Highlight
Copy
Compare
Share
Want to have your highlights saved across all your devices? Sign up or sign in
Copyright © 2015 Wyciiffe Bible Translators, Inc. All rights reserved.
