ꞌRooma 9
9
Ẽbẽra Nyekuci eet cĩg Ĩꞌthĩraẽlĩ
1Hothoothi naa thõõth dĩdĩ cĩ Krĩstõ, hõllõngaa hoolongi thõng, aduha ꞌthĩnĩt caannĩ thõõth icci Loriiaa ꞌcĩ Ẽllẽẽmĩthĩ, 2haꞌnyahi naa mothiinit cobbi gẽrrẽẽt ꞌcĩ hõllõngaa edecciaa ꞌthĩnĩtaa caannĩ. 3Hĩnĩngĩtĩ occa baa hadiimi naa ẽllaa caannĩ hĩccĩĩnĩ nẽ heꞌngerriooa hĩ Krĩstõ, hatĩ má occa ẽẽla thõõth ciee eet cĩgannĩg 4Ĩꞌthĩraẽl. Hĩnĩngĩtĩ baa ĩĩn nẽẽg eet ꞌcĩg ẽbẽra Nyekuci nẽ eterꞌtheek ĩhõõggõ bulẽẽnĩt cĩnnĩ. Baa adak nẽẽ hĩ ĩhõõggõ lõhõt nẽ aaꞌnyĩk nyattal. Aaꞌnyĩk nẽẽ ĩhõõggõ authet ꞌcĩ alaĩ ĩnõõnnõ nẽ umuddia thooꞌthiok cĩgĩnnĩg ꞌcĩg ĩllõõanĩ. 5Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.
6Nga hudhukia thõõth baa aduha Nyekuci. Hĩnĩngĩtĩ hõllõngaa lõhõlĩ ꞌcĩg Ĩꞌthĩraẽlĩ vẽlẽk ꞌcĩg ĩĩn Ĩꞌthĩraẽl. 7Tananga ĩĩn eeta lõhõlĩ cĩg Abũrahamĩ, hõllõngaa aaꞌnyĩk thõõth ciee ĩhõõggõ vẽlẽk hĩĩtõ lõhõlĩ cĩg Abũrahamĩ dĩdĩ. Hĩnĩngĩtĩ eheeddi ꞌBuuhaa cĩ Nyekuci aĩ, “Iꞌthaako#9:7 Iꞌthaako: Baa ĩĩn Iꞌthaako ngeertĩ Abũrahamĩ ꞌcĩ baa aduhaak Nyekuci Abũrahaamõ. Tigiil thõõth cĩnnĩ ꞌBuuhaa cĩ ꞌThianaattõ 17-35. hatĩ ꞌcĩ aku ĩĩn maaꞌnyĩ lõhõlĩ baag aduha Nyekuci.”#Tigiil ꞌBuuk cĩ ꞌThianaattõ 21:12 8Aĩ thõõth ciee, aitiõõ lohollia cĩg Abũrahamĩ vẽlẽk hõllõngaa ĩĩn lõhõlĩ cĩg Nyekuci. 9Hĩnĩngĩtĩ ꞌgõõl ꞌcĩ baa aduhaanĩ Nyekuci thõõth cieeni, “Ma hõbõda naa irkit cĩ gõlla kõr ꞌcĩ aaĩ hĩ cieeni, hũmmũdeeha hatĩ Thaara ũtũhũa loholeec ꞌcĩ maacĩ.”#Tigiil ꞌBuuk cĩ ꞌThianaattõ 18:10-14
10Nẽ hõllõngaa thõõth tĩho ciee diooni, nẽẽthĩ, ma baa ũꞌthũwan baangẽẽtĩ cĩnaac Iꞌthaako Rẽbẽka, ikia ũtũhũa Rẽbẽka lõhõlĩ ꞌcĩg ĩĩn heengti. 11Nẽẽthĩ, baa nga hittirria lohollia ꞌcĩg ĩĩn heengti ho, hode hĩdĩmanit ꞌgiimwa ꞌcĩ abũnnaa hode ꞌcĩ abathĩ, ikia ũmmũda Rẽbẽka nyeemuut umwa hĩ Nyekuc, ꞌcĩ aĩ, ẽbẽra Nyekuci eet hĩnĩngĩtĩ tabiinit cĩnnĩ. 12Baa aduhaak Makayyioohiti Rẽbẽka anneek, “Adticanoothĩk hatĩ loholeec cunni cobbi ꞌcĩ hidici.”#Tigiil ꞌBuuk cĩ ꞌThianaattõ 25:23 Baa aduha Makayyioohiti thõõth icci, hátĩ hẽtẽrẽtha hĩĩ, aduha nẽẽ thooꞌthiok cĩgĩnnĩg tabiittaa cĩnnĩ nẽ baa hõllõngaa hĩnĩngĩtĩ ꞌgiimwa ꞌcĩ adĩman nẽẽg ꞌcĩ abũnnaa hode ꞌcĩ abathĩ. 13Hĩcĩ eheeddi ꞌBuuhaa cĩ Nyekuci aĩ, “Hammĩnani naa Yakobo#9:13 Yothebo: Baa ĩĩn Yothebo ciee maac cĩ Maria aattĩ Yeesu. Baa hũnũũk, baa aaĩ Yothebo umwaa ꞌcĩ baa ĩĩn ngeertĩ Yakobo ꞌcĩ baa ammĩnan maaꞌnyia gẽrrẽẽt nẽ utuuyyiõõĩ ꞌgotoonoggia hũũk hĩĩ appahaca eetinii ĩcĩg Ijjibi. Tigiil thõõth cĩnnĩ ꞌBuuhaa cĩ ꞌThianaattõ 30-50. nẽ habureeha Eꞌthaau.”#Tigiil ꞌBuuk cĩ Malaaki 1:2-3
14Occa ꞌyioko hõthõõth haĩ ne? Aitiõõ Nyekuci hõllõngaa abũnnaa? Aitiõõ ũdũt! 15Hĩnĩngĩtĩ baa anneek Nyekuci põrõvẽtaac Mũũꞌtha,
“Hammaannihi hatĩ naa eet ꞌcĩg hadiimi hammaannihi naana.
Hĩĩnĩ hatĩ tarbal hĩ eet ꞌcĩg hadiimi hĩĩnĩ tarbal.”#Tigiil ꞌBuuk cĩ Luugithõõ 33:19
16Nẽẽthĩ hoti ho, arũgĩ hẽlẽggĩ vẽlẽk tamaatittaa cĩ Nyekuci nẽ hõllõngaa hĩnĩngĩtĩ ꞌgii ꞌcĩ adiim hode adtican eeta. 17Hĩnĩngĩtĩ baa aduhaak ꞌBuuhi cĩ Nyekuci habu cĩ Ijjibi anneek, “Baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk.”#Tigiil ꞌBuuk cĩ Luugithõõ 9:16 18Nẽẽthĩ hoti ho, ammaannĩk Nyekuci eet ꞌcĩg adiim ammaannĩk nẽẽnĩ nẽ aaꞌnyĩk ꞌlõõrĩth eet ꞌcĩg adiim nẽẽ hilloorito.
19Anneeka hatĩ eet umwaa hõrggẽẽnaa cunuung nẽẽ, “Nga etteedĩkeet Nyekuci ngagĩĩt thõõth noho inni? Hĩnĩngĩtĩ nganĩ ꞌcĩ abũrĩ tabiinit cĩnnĩ ho?” 20Nẽẽthĩ, nganĩ nii ẽẽtĩ ꞌcĩ occa ajini Nyekuc ko? Occa gõõng ꞌgii ꞌcĩ ẽhẽnytaa, ajin eet ꞌcĩ ẽhẽnyta ĩnõõnnõ ho anneek, “Ẽhẽnytaannaa baa hoti inni?”#Tigiil ꞌBuuk cĩ Iꞌthaia 29:16; 45:9 21Hõllõngaa occa ẽbẽra teheꞌnyioohiti cĩ ijjioꞌnyaannu ngaatĩ ẽhẽnytaanĩ ijjioꞌnya cĩg dtiicanĩ ꞌcĩg aaddi nẽ ĩĩtõ ũgẽẽgĩ ꞌcĩg dtiicanĩ aag gõõng hõdõõkõthĩ haaga.
22Baa adiim Nyekuci ẽtẽrꞌtha liilii cĩnnĩ nẽ ẽdẽẽnya ꞌtirrian cĩnnĩ hĩ eet vẽlẽk ꞌcĩg occa adiim aruhi. Nẽẽthĩ hinnianĩ, baa ẽmmẽẽthĩ nẽẽ ĩhõõggõ. 23Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ. 24Hĩĩgĩn naag eet ꞌcĩg heberriaa ho, eetinii cĩg ꞌJudeei hĩ ĩcĩg hõllõngaa ĩĩn ꞌJudeei, 25hĩcĩ õthõõth Makayyioohiti eet ꞌcĩg hõllõngaa ĩĩn ꞌJudeei ꞌBuuhaa cĩ põrõvẽtaac Hoꞌthẽa aĩ,
“Eeta baag hõllõngaa ĩĩn eet cĩgannĩg,
hũtũvva hatĩ ꞌyioko ĩhõõggõ hĩĩnnĩha eet cĩgannĩg.
Nẽ hĩmmĩnana eet
baag nga hĩmmĩnan ĩĩcĩ oou.”#Tigiil ꞌBuuk cĩ Hoꞌthẽa 2:23
26Nẽ,
“Baa adukiaak ĩhõõggõ kõr umwa aĩ,
‘Hõllõngaa iiginnu niig eet cĩgannĩg,’
nẽẽthĩ ngaatĩho noho, haĩ hatĩ ĩhõõggõ, ‘Lõhõlĩ cĩg Nyekuc ꞌcĩ arũgĩ.’ ”#Tigiil ꞌBuuk cĩ Hoꞌthẽa 1:10 27Baa ẽggẽrẽny põrõvẽtaacĩ Iꞌthaia, hĩnĩngĩtĩ eet cĩg Ĩꞌthĩraẽlĩ aĩ,
“Tananga hĩĩtõ mẽẽlĩg lohollia cĩg Ĩꞌthĩraẽlĩ haauto hĩ hathaac ꞌcĩ aaĩ dẽmẽtaa cĩ bũlũcõ,
eelliaa hatĩ ꞌcĩg idiongan ꞌcĩg abadtẽc diooni.
28Hĩnĩngĩtĩ etteedĩk hatĩ Makayyioohiti eet thõõth loota nĩnga hẽdẽcaak hĩdĩĩkoothong.”#Tigiil ꞌBuuk cĩ Iꞌthaia 10:22-23
29Baa aduha põrõvẽtaacĩ Iꞌthaia buúk aĩ,
“Má baa hiittiõõ Makayyioohiti ꞌTirriannioohiti ꞌcĩ ĩllõõan vẽlẽk
ngaatĩ anyiꞌthiaanĩ lõhõlĩ cĩggaac ũgĩ tõõ,
occa baa huduktoothĩk haauto
hĩ ꞌtaaũnniooha cĩg ꞌThõõdõmĩ hĩ ꞌGõmõõra.”#Tigiil ꞌBuuk cĩ Iꞌthaia 1:9
Ĩꞌthĩraẽl hĩ nyeemuut ꞌcĩ abũnnaa
30Occa ꞌyioko hõthõõth haĩ ne? Aĩ thõõth ciee, baa hõllõngaa attĩman eeta ꞌcĩg hõllõngaa ĩĩn ꞌJudeei, ngaatĩ ammũdaanĩ ꞌgõõl cĩ bũnnaiitto, nẽẽthĩ, iita ummuddia nẽẽg bũnnai ngaatĩ aꞌnyahĩ nẽẽg lemiinit hĩ Nyekuc. 31Nẽẽthĩ, eeta cĩg Ĩꞌthĩraẽlĩ baag anũ nyattal cĩ thõõth ꞌcĩ aũlanĩ, nga hummuddia buúk. 32Inni baa? Hĩnĩngĩtĩ baa attĩman nẽẽg, hátĩ hẽlẽm Nyekuci ĩhõõggõ ꞌgõõlaa ꞌcĩ aꞌthũũnnĩ nyattal, hĩllõõan ngaatĩ aꞌnyahĩ lemiinit hĩ Nyekuc. Baa adhuhoothĩk eeta ꞌcĩg Ĩꞌthĩraẽlĩ biyyiaa ꞌcĩ gõõng adaaca eet hetteedito looc. 33Hĩcĩ eheeddi ꞌBuuhaa cĩ Nyekuci aĩ,
“Ĩcĩnĩt nõõ, haarĩha naa ꞌtaaũnaa cĩ ꞌThionĩ,#9:33 ꞌThion: ꞌThaara ꞌcĩg haĩ ꞌThion ko, ĩĩn ꞌthaar ũgĩ cĩg ꞌJeruꞌthalẽmĩ. bẽẽ ꞌcĩ adaaca eet
hetteedito looc.
Nẽ ẽẽtĩ ꞌcĩ aꞌnyak lemiinit hĩ ĩnõõnnõ,#9:33 Ĩnõõnnõ: Õthõõth Iꞌthaia ngaati Yeesu Krĩstõ.
hõllõngaa hatĩ aggam ĩnõõnnõ ngaaoni ũdũt.”#Tigiil ꞌBuuk cĩ Iꞌthaia 8:14; 28:16
Currently Selected:
ꞌRooma 9: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌRooma 9
9
Ẽbẽra Nyekuci eet cĩg Ĩꞌthĩraẽlĩ
1Hothoothi naa thõõth dĩdĩ cĩ Krĩstõ, hõllõngaa hoolongi thõng, aduha ꞌthĩnĩt caannĩ thõõth icci Loriiaa ꞌcĩ Ẽllẽẽmĩthĩ, 2haꞌnyahi naa mothiinit cobbi gẽrrẽẽt ꞌcĩ hõllõngaa edecciaa ꞌthĩnĩtaa caannĩ. 3Hĩnĩngĩtĩ occa baa hadiimi naa ẽllaa caannĩ hĩccĩĩnĩ nẽ heꞌngerriooa hĩ Krĩstõ, hatĩ má occa ẽẽla thõõth ciee eet cĩgannĩg 4Ĩꞌthĩraẽl. Hĩnĩngĩtĩ baa ĩĩn nẽẽg eet ꞌcĩg ẽbẽra Nyekuci nẽ eterꞌtheek ĩhõõggõ bulẽẽnĩt cĩnnĩ. Baa adak nẽẽ hĩ ĩhõõggõ lõhõt nẽ aaꞌnyĩk nyattal. Aaꞌnyĩk nẽẽ ĩhõõggõ authet ꞌcĩ alaĩ ĩnõõnnõ nẽ umuddia thooꞌthiok cĩgĩnnĩg ꞌcĩg ĩllõõanĩ. 5Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.
6Nga hudhukia thõõth baa aduha Nyekuci. Hĩnĩngĩtĩ hõllõngaa lõhõlĩ ꞌcĩg Ĩꞌthĩraẽlĩ vẽlẽk ꞌcĩg ĩĩn Ĩꞌthĩraẽl. 7Tananga ĩĩn eeta lõhõlĩ cĩg Abũrahamĩ, hõllõngaa aaꞌnyĩk thõõth ciee ĩhõõggõ vẽlẽk hĩĩtõ lõhõlĩ cĩg Abũrahamĩ dĩdĩ. Hĩnĩngĩtĩ eheeddi ꞌBuuhaa cĩ Nyekuci aĩ, “Iꞌthaako#9:7 Iꞌthaako: Baa ĩĩn Iꞌthaako ngeertĩ Abũrahamĩ ꞌcĩ baa aduhaak Nyekuci Abũrahaamõ. Tigiil thõõth cĩnnĩ ꞌBuuhaa cĩ ꞌThianaattõ 17-35. hatĩ ꞌcĩ aku ĩĩn maaꞌnyĩ lõhõlĩ baag aduha Nyekuci.”#Tigiil ꞌBuuk cĩ ꞌThianaattõ 21:12 8Aĩ thõõth ciee, aitiõõ lohollia cĩg Abũrahamĩ vẽlẽk hõllõngaa ĩĩn lõhõlĩ cĩg Nyekuci. 9Hĩnĩngĩtĩ ꞌgõõl ꞌcĩ baa aduhaanĩ Nyekuci thõõth cieeni, “Ma hõbõda naa irkit cĩ gõlla kõr ꞌcĩ aaĩ hĩ cieeni, hũmmũdeeha hatĩ Thaara ũtũhũa loholeec ꞌcĩ maacĩ.”#Tigiil ꞌBuuk cĩ ꞌThianaattõ 18:10-14
10Nẽ hõllõngaa thõõth tĩho ciee diooni, nẽẽthĩ, ma baa ũꞌthũwan baangẽẽtĩ cĩnaac Iꞌthaako Rẽbẽka, ikia ũtũhũa Rẽbẽka lõhõlĩ ꞌcĩg ĩĩn heengti. 11Nẽẽthĩ, baa nga hittirria lohollia ꞌcĩg ĩĩn heengti ho, hode hĩdĩmanit ꞌgiimwa ꞌcĩ abũnnaa hode ꞌcĩ abathĩ, ikia ũmmũda Rẽbẽka nyeemuut umwa hĩ Nyekuc, ꞌcĩ aĩ, ẽbẽra Nyekuci eet hĩnĩngĩtĩ tabiinit cĩnnĩ. 12Baa aduhaak Makayyioohiti Rẽbẽka anneek, “Adticanoothĩk hatĩ loholeec cunni cobbi ꞌcĩ hidici.”#Tigiil ꞌBuuk cĩ ꞌThianaattõ 25:23 Baa aduha Makayyioohiti thõõth icci, hátĩ hẽtẽrẽtha hĩĩ, aduha nẽẽ thooꞌthiok cĩgĩnnĩg tabiittaa cĩnnĩ nẽ baa hõllõngaa hĩnĩngĩtĩ ꞌgiimwa ꞌcĩ adĩman nẽẽg ꞌcĩ abũnnaa hode ꞌcĩ abathĩ. 13Hĩcĩ eheeddi ꞌBuuhaa cĩ Nyekuci aĩ, “Hammĩnani naa Yakobo#9:13 Yothebo: Baa ĩĩn Yothebo ciee maac cĩ Maria aattĩ Yeesu. Baa hũnũũk, baa aaĩ Yothebo umwaa ꞌcĩ baa ĩĩn ngeertĩ Yakobo ꞌcĩ baa ammĩnan maaꞌnyia gẽrrẽẽt nẽ utuuyyiõõĩ ꞌgotoonoggia hũũk hĩĩ appahaca eetinii ĩcĩg Ijjibi. Tigiil thõõth cĩnnĩ ꞌBuuhaa cĩ ꞌThianaattõ 30-50. nẽ habureeha Eꞌthaau.”#Tigiil ꞌBuuk cĩ Malaaki 1:2-3
14Occa ꞌyioko hõthõõth haĩ ne? Aitiõõ Nyekuci hõllõngaa abũnnaa? Aitiõõ ũdũt! 15Hĩnĩngĩtĩ baa anneek Nyekuci põrõvẽtaac Mũũꞌtha,
“Hammaannihi hatĩ naa eet ꞌcĩg hadiimi hammaannihi naana.
Hĩĩnĩ hatĩ tarbal hĩ eet ꞌcĩg hadiimi hĩĩnĩ tarbal.”#Tigiil ꞌBuuk cĩ Luugithõõ 33:19
16Nẽẽthĩ hoti ho, arũgĩ hẽlẽggĩ vẽlẽk tamaatittaa cĩ Nyekuci nẽ hõllõngaa hĩnĩngĩtĩ ꞌgii ꞌcĩ adiim hode adtican eeta. 17Hĩnĩngĩtĩ baa aduhaak ꞌBuuhi cĩ Nyekuci habu cĩ Ijjibi anneek, “Baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk.”#Tigiil ꞌBuuk cĩ Luugithõõ 9:16 18Nẽẽthĩ hoti ho, ammaannĩk Nyekuci eet ꞌcĩg adiim ammaannĩk nẽẽnĩ nẽ aaꞌnyĩk ꞌlõõrĩth eet ꞌcĩg adiim nẽẽ hilloorito.
19Anneeka hatĩ eet umwaa hõrggẽẽnaa cunuung nẽẽ, “Nga etteedĩkeet Nyekuci ngagĩĩt thõõth noho inni? Hĩnĩngĩtĩ nganĩ ꞌcĩ abũrĩ tabiinit cĩnnĩ ho?” 20Nẽẽthĩ, nganĩ nii ẽẽtĩ ꞌcĩ occa ajini Nyekuc ko? Occa gõõng ꞌgii ꞌcĩ ẽhẽnytaa, ajin eet ꞌcĩ ẽhẽnyta ĩnõõnnõ ho anneek, “Ẽhẽnytaannaa baa hoti inni?”#Tigiil ꞌBuuk cĩ Iꞌthaia 29:16; 45:9 21Hõllõngaa occa ẽbẽra teheꞌnyioohiti cĩ ijjioꞌnyaannu ngaatĩ ẽhẽnytaanĩ ijjioꞌnya cĩg dtiicanĩ ꞌcĩg aaddi nẽ ĩĩtõ ũgẽẽgĩ ꞌcĩg dtiicanĩ aag gõõng hõdõõkõthĩ haaga.
22Baa adiim Nyekuci ẽtẽrꞌtha liilii cĩnnĩ nẽ ẽdẽẽnya ꞌtirrian cĩnnĩ hĩ eet vẽlẽk ꞌcĩg occa adiim aruhi. Nẽẽthĩ hinnianĩ, baa ẽmmẽẽthĩ nẽẽ ĩhõõggõ. 23Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ. 24Hĩĩgĩn naag eet ꞌcĩg heberriaa ho, eetinii cĩg ꞌJudeei hĩ ĩcĩg hõllõngaa ĩĩn ꞌJudeei, 25hĩcĩ õthõõth Makayyioohiti eet ꞌcĩg hõllõngaa ĩĩn ꞌJudeei ꞌBuuhaa cĩ põrõvẽtaac Hoꞌthẽa aĩ,
“Eeta baag hõllõngaa ĩĩn eet cĩgannĩg,
hũtũvva hatĩ ꞌyioko ĩhõõggõ hĩĩnnĩha eet cĩgannĩg.
Nẽ hĩmmĩnana eet
baag nga hĩmmĩnan ĩĩcĩ oou.”#Tigiil ꞌBuuk cĩ Hoꞌthẽa 2:23
26Nẽ,
“Baa adukiaak ĩhõõggõ kõr umwa aĩ,
‘Hõllõngaa iiginnu niig eet cĩgannĩg,’
nẽẽthĩ ngaatĩho noho, haĩ hatĩ ĩhõõggõ, ‘Lõhõlĩ cĩg Nyekuc ꞌcĩ arũgĩ.’ ”#Tigiil ꞌBuuk cĩ Hoꞌthẽa 1:10 27Baa ẽggẽrẽny põrõvẽtaacĩ Iꞌthaia, hĩnĩngĩtĩ eet cĩg Ĩꞌthĩraẽlĩ aĩ,
“Tananga hĩĩtõ mẽẽlĩg lohollia cĩg Ĩꞌthĩraẽlĩ haauto hĩ hathaac ꞌcĩ aaĩ dẽmẽtaa cĩ bũlũcõ,
eelliaa hatĩ ꞌcĩg idiongan ꞌcĩg abadtẽc diooni.
28Hĩnĩngĩtĩ etteedĩk hatĩ Makayyioohiti eet thõõth loota nĩnga hẽdẽcaak hĩdĩĩkoothong.”#Tigiil ꞌBuuk cĩ Iꞌthaia 10:22-23
29Baa aduha põrõvẽtaacĩ Iꞌthaia buúk aĩ,
“Má baa hiittiõõ Makayyioohiti ꞌTirriannioohiti ꞌcĩ ĩllõõan vẽlẽk
ngaatĩ anyiꞌthiaanĩ lõhõlĩ cĩggaac ũgĩ tõõ,
occa baa huduktoothĩk haauto
hĩ ꞌtaaũnniooha cĩg ꞌThõõdõmĩ hĩ ꞌGõmõõra.”#Tigiil ꞌBuuk cĩ Iꞌthaia 1:9
Ĩꞌthĩraẽl hĩ nyeemuut ꞌcĩ abũnnaa
30Occa ꞌyioko hõthõõth haĩ ne? Aĩ thõõth ciee, baa hõllõngaa attĩman eeta ꞌcĩg hõllõngaa ĩĩn ꞌJudeei, ngaatĩ ammũdaanĩ ꞌgõõl cĩ bũnnaiitto, nẽẽthĩ, iita ummuddia nẽẽg bũnnai ngaatĩ aꞌnyahĩ nẽẽg lemiinit hĩ Nyekuc. 31Nẽẽthĩ, eeta cĩg Ĩꞌthĩraẽlĩ baag anũ nyattal cĩ thõõth ꞌcĩ aũlanĩ, nga hummuddia buúk. 32Inni baa? Hĩnĩngĩtĩ baa attĩman nẽẽg, hátĩ hẽlẽm Nyekuci ĩhõõggõ ꞌgõõlaa ꞌcĩ aꞌthũũnnĩ nyattal, hĩllõõan ngaatĩ aꞌnyahĩ lemiinit hĩ Nyekuc. Baa adhuhoothĩk eeta ꞌcĩg Ĩꞌthĩraẽlĩ biyyiaa ꞌcĩ gõõng adaaca eet hetteedito looc. 33Hĩcĩ eheeddi ꞌBuuhaa cĩ Nyekuci aĩ,
“Ĩcĩnĩt nõõ, haarĩha naa ꞌtaaũnaa cĩ ꞌThionĩ,#9:33 ꞌThion: ꞌThaara ꞌcĩg haĩ ꞌThion ko, ĩĩn ꞌthaar ũgĩ cĩg ꞌJeruꞌthalẽmĩ. bẽẽ ꞌcĩ adaaca eet
hetteedito looc.
Nẽ ẽẽtĩ ꞌcĩ aꞌnyak lemiinit hĩ ĩnõõnnõ,#9:33 Ĩnõõnnõ: Õthõõth Iꞌthaia ngaati Yeesu Krĩstõ.
hõllõngaa hatĩ aggam ĩnõõnnõ ngaaoni ũdũt.”#Tigiil ꞌBuuk cĩ Iꞌthaia 8:14; 28:16
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.