ꞌRooma 2
2
Aũlan Nyekuci hatĩ ẽttẽẽd thõõth
1Õhõppõõcannu niig eet ũgĩ ainnu ẽꞌthẽcan thooꞌthiok. Nẽẽthĩ, aitiõõ ꞌgõõl ꞌcĩ occa ẽppẽhannu niig thooꞌthiok ꞌcĩg adĩmannu niig ko tõõ. Má etteediku niig ꞌgoonogu thõõth, etteediku eleeti cugguung buúk, hĩnĩngĩtĩ adĩmannu niig buúk thooꞌthiok tĩko dẽẽdẽ. 2Nẽẽthĩ ꞌyioko, haga naag ẽbẽaneek Nyekuci ngaatĩ ẽttẽẽdĩkĩ eet ꞌcĩg adĩman thooꞌthiok ꞌcĩg aattĩg noho ho thõõth, thõõthaa ꞌcĩ ĩĩn dĩdĩ. 3Nẽ ꞌyioko ma etteedihi nii ẽẽtĩ ꞌcĩ holli õõ haaga ĩhõõggõ thõõth nẽ nẽẽ aalla adĩmani thooꞌthiok tĩko dẽẽdẽ, ammuhi nii aini alĩĩta hatĩ ukẽẽnĩt cĩ Nyekuci? 4Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?
5Nẽẽthĩ, hĩnĩngĩtĩ ꞌlõõrĩth cunni hĩ thõõth ꞌcĩ hõllõngaa abũrrĩ ꞌthẽccanẽẽt cugunnig, athadeehi nii liilii cĩ Nyekuci ẽllaa cunni, hatĩ ikia kõrra ꞌcĩ alĩĩllĩ Nyekuci, hatĩ kõr ꞌcĩ ẽttẽẽdĩ nẽẽ thõõth ꞌgõõlaa cĩnnĩ ĩcĩ aũlanĩ. 6“Adũmanneet hatĩ Nyekuci ngagĩĩt hõdẽĩ hõdẽĩ, hĩnĩngĩtĩ dtiicanĩ ꞌcĩg baag hadĩman naaga.”#Tigiil ꞌBuuk cĩ Tegellwaanu 62:12; ꞌGẽẽnyĩthõõ 24:12 7Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo. 8Nẽẽthĩ, eeta ꞌcĩg ammĩnan eleeti cĩggĩĩng hĩ ꞌcĩg abũrĩ thõõth ꞌcĩ ĩĩn dĩdĩ nẽ ũnnẽẽcõ thooꞌthiok ꞌcĩg abathĩ, alĩĩllĩk hatĩ Nyekuci ĩhõõggõ gẽrrẽẽt. 9Uuki hatĩ ꞌthẽccanniooha vẽlẽk ꞌcannaana, tananga eet cĩg ꞌJudeei hode ꞌcĩg hõllõngaa ĩĩn ꞌJudeei. 10Nẽẽthĩ, eeta ꞌcĩg adĩman thooꞌthiok ꞌcĩg abũnnaa, adũmanni hatĩ nẽẽg bulẽẽtta hĩ tẽẽlꞌthĩta hĩ ganõõna, tananga ĩĩn eet cĩg ꞌJudeei hode ꞌcĩg hõllõngaa ĩĩn ꞌJudeei. 11Hĩnĩngĩtĩ hõllõngaa ahal Nyekuci eeta.
12Eeta ꞌcĩg hõllõngaa aga nyattal cĩ Nyekuci, nga hatĩ aalla uuki nẽẽg, hĩnĩngĩtĩ ꞌgii ꞌcĩ ẽꞌthẽcan nẽẽgĩ. Nẽ adticaniini hatĩ Nyekuci nyattal hẽttẽẽdĩ thooꞌthiok cĩg eet vẽlẽk ꞌcĩg aga thõõth ꞌcĩ aduha nyattalĩ. 13Hĩnĩngĩtĩ hõllõngaa eet ꞌcĩg athĩhĩ nyattal ꞌcĩg aũlan thõõth cĩnĩĩng muumaa cĩ Nyekuci, nẽẽthĩ hinnia eet ꞌcĩg aꞌthũũnnĩ nyattal dioo ꞌcĩg hatĩ adukiaa aĩ, ĩĩn eet ꞌcĩg abũnnaa. 14Nẽ eeta ũgẽẽgĩ ꞌcĩg hõllõngaa ĩĩn ꞌJudeei, aꞌthũũnnĩ nyattal tananga hõllõngaa aꞌnyak nyattal ꞌcĩ eheeddi loota. 15Ẽtẽrꞌtha nẽẽg aĩ, eheeddi nyattalĩ cĩ Nyekuci ꞌthinneetinitõõ cĩggĩĩng, hĩnĩngĩtĩ eterꞌtheek muhẽẽnĩtĩ cĩ ꞌthinneeti cĩggĩĩng ĩhõõggõ thõõth ꞌcĩ abũnnaa hĩ thõõth ꞌcĩ abathĩ. 16Edeeꞌnyia hatĩ thõõth ciee kõr ꞌcĩ hatĩ aaꞌnyĩkĩ Nyekuci Yeesu Krĩstõ hẽttẽẽd thooꞌthiok ꞌcĩg adĩman eeta burkiitina, hĩcĩ aduha nyeemuut caannĩ ꞌcĩ abũnnaa ho.
Eet cĩg ꞌJudeei hĩ nyattal
17Nii ꞌcĩ aini hĩĩnĩ ꞌJudeeinit nẽ aarihuu ꞌthĩnĩt cunni nyattaalaa cĩ Nyekuci nẽ tarĩ ĩthĩngõõnyanuu hĩnĩngĩtĩ Nyekuc. 18Tigiil ꞌBuuk cĩ Nyekuci, hátĩ mũda authet ꞌcĩ adiimmi Nyekuci nganiit avvi hátĩ mũda thõõth ꞌcĩ ĩĩn dĩdĩ nyattaalaa cĩnnĩ. 19Aga nii ngaatĩ ĩĩnnĩ ꞌtiꞌthittioohit cĩ eet ꞌcĩg rubettĩg nẽ iinu lanyit cĩ eet ꞌcĩg aattĩg muguratõõ, 20ammuhi nii aini, occa eterethi eet ꞌcĩg aggiithi nẽ illimanuu lõhõlĩ ꞌcĩg hidicig thõõth cĩ Nyekuci. Hĩnĩngĩtĩ aga nii jurrung ngaatĩ aaꞌnyi nyattalĩ cĩ Nyekuci ꞌgẽẽnyĩth hũtũrũũr hĩ thõõth ꞌcĩ ĩĩn dĩdĩ. 21Nẽẽthĩ, nii ꞌcĩ allimani ꞌgoonogu ho, hõllõngaa thĩ allimani ẽlẽ cunni buúk inni? Nii ꞌcĩ irriooni thõõth cĩ ĩgoro ho, aitiõõ nii hõllõngaa ĩgõrꞌthĩ? 22Nii ꞌcĩ othoothi aini, ma hattihi ngaa cĩ eeto ho, aitiõõ nii hõllõngaa attihi ngaa cĩ eeto? Nii ꞌcĩ aaburreehi nyekuꞌnya ꞌcĩg hõllõngaa ĩĩn dĩdĩ ho, aitiõõ nii hõllõngaa ĩgõrꞌthĩ ꞌcieethinii cĩggĩĩng ko? 23Nii ꞌcĩ irriani nyattal cĩ Nyekuci ho, hõllõngaa aburi nii thõõth cĩ Nyekuci, ngaatĩ hõllõngaa aꞌthũũnnĩ nyattal cĩnnĩ? 24Aaĩ hĩcĩ eheeddi ꞌBuuhaa cĩ Nyekuci aĩ, “Ẽlẽmtaahu niig eet ꞌcĩg hõllõngaa ĩĩn ꞌJudeei hodoomito Nyekuc, hĩnĩngĩtĩ ngagiita.”#Tigiil ꞌBuuk cĩ Iꞌthaia 52:5; Eꞌthekiele 36:22
25Tiir ꞌteediniti cĩ ello hatĩ aꞌthuunnu nyattal, nẽẽthĩ, má hõllõngaa aꞌthuunnu nyattal, au hinnia aattiyyu hĩcĩ nga hetteeddi eleeti.#2:25 ꞌTeedinit cĩ ẽlẽ cĩ eet ꞌcĩ maacĩ: Baa aduhaak Nyekuci Abũrahaamõ anneek ꞌtẽẽda rucci cĩg eleeti cĩg eet ꞌcĩg maacĩg lõhõlẽẽnĩĩ ꞌcĩg maacĩg urutaa cĩ waathinniook turkiyyio, ĩnõõ ꞌcĩ ẽttẽẽdĩ nẽẽ eleeti cĩg lõhõlĩ ꞌcĩg maacĩg, hátĩ hiita hĩĩtõ lõhõlĩ cĩg Nyekuci. ꞌBuuk cĩ ꞌThianaattõ 17:10-14. 26Má aꞌthũũnnĩ eeta ꞌcĩg hõllõngaa etteeddi eleeti hẽlẽggĩ ꞌcĩg adiim nyattalĩ, hõllõngaa occa aga Nyekuci aĩ, aduhõõ nẽẽg hĩ eet ꞌcĩg etteeddi eleeti thõng? 27Nẽẽthĩ dĩdĩ, ẽẽtĩ ꞌcĩ nga hẽttẽẽdĩ ẽlẽ nẽ ũꞌthũũtĩ nyattal, etteedikuung hatĩ ngagiit thõõth, tananga aꞌnyaku nyattal ꞌcĩ eheeddi loota nẽ etteeddi eleeti cugguung, aalla hõllõngaa aꞌthuunnu nyattal noho.
28Hõllõngaa ĩĩn ẽẽtĩ ꞌJudeeinit hatĩ ẽttẽẽdĩ ẽlẽ cĩnnĩ thõng diooni, ĩĩn hĩnĩngĩtĩ hõllõngaa ĩĩn ꞌteediniti ꞌgii ꞌcĩ ello diooni. 29Aitiõõ, ĩĩn ẽẽtĩ ꞌJudeeinit hatĩ ĩĩn ꞌJudeeinit ꞌthĩnĩtatõõ dĩdĩ nẽ hõllõngaa ĩĩn ciee ꞌteedinit cĩ ello, ĩĩn ꞌteedinit cĩ ꞌthĩnĩtõ Loriiaa ꞌcĩ Ẽllẽẽmĩthĩ nẽ hõllõngaa nyattaala ꞌcĩ eheeddi loota. Aku dĩhĩthẽẽnĩtĩ cĩ eet ꞌcĩ aaĩ hoti hĩ Nyekuc, hõllõngaa aku hĩ eeta.
Currently Selected:
ꞌRooma 2: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌRooma 2
2
Aũlan Nyekuci hatĩ ẽttẽẽd thõõth
1Õhõppõõcannu niig eet ũgĩ ainnu ẽꞌthẽcan thooꞌthiok. Nẽẽthĩ, aitiõõ ꞌgõõl ꞌcĩ occa ẽppẽhannu niig thooꞌthiok ꞌcĩg adĩmannu niig ko tõõ. Má etteediku niig ꞌgoonogu thõõth, etteediku eleeti cugguung buúk, hĩnĩngĩtĩ adĩmannu niig buúk thooꞌthiok tĩko dẽẽdẽ. 2Nẽẽthĩ ꞌyioko, haga naag ẽbẽaneek Nyekuci ngaatĩ ẽttẽẽdĩkĩ eet ꞌcĩg adĩman thooꞌthiok ꞌcĩg aattĩg noho ho thõõth, thõõthaa ꞌcĩ ĩĩn dĩdĩ. 3Nẽ ꞌyioko ma etteedihi nii ẽẽtĩ ꞌcĩ holli õõ haaga ĩhõõggõ thõõth nẽ nẽẽ aalla adĩmani thooꞌthiok tĩko dẽẽdẽ, ammuhi nii aini alĩĩta hatĩ ukẽẽnĩt cĩ Nyekuci? 4Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?
5Nẽẽthĩ, hĩnĩngĩtĩ ꞌlõõrĩth cunni hĩ thõõth ꞌcĩ hõllõngaa abũrrĩ ꞌthẽccanẽẽt cugunnig, athadeehi nii liilii cĩ Nyekuci ẽllaa cunni, hatĩ ikia kõrra ꞌcĩ alĩĩllĩ Nyekuci, hatĩ kõr ꞌcĩ ẽttẽẽdĩ nẽẽ thõõth ꞌgõõlaa cĩnnĩ ĩcĩ aũlanĩ. 6“Adũmanneet hatĩ Nyekuci ngagĩĩt hõdẽĩ hõdẽĩ, hĩnĩngĩtĩ dtiicanĩ ꞌcĩg baag hadĩman naaga.”#Tigiil ꞌBuuk cĩ Tegellwaanu 62:12; ꞌGẽẽnyĩthõõ 24:12 7Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo. 8Nẽẽthĩ, eeta ꞌcĩg ammĩnan eleeti cĩggĩĩng hĩ ꞌcĩg abũrĩ thõõth ꞌcĩ ĩĩn dĩdĩ nẽ ũnnẽẽcõ thooꞌthiok ꞌcĩg abathĩ, alĩĩllĩk hatĩ Nyekuci ĩhõõggõ gẽrrẽẽt. 9Uuki hatĩ ꞌthẽccanniooha vẽlẽk ꞌcannaana, tananga eet cĩg ꞌJudeei hode ꞌcĩg hõllõngaa ĩĩn ꞌJudeei. 10Nẽẽthĩ, eeta ꞌcĩg adĩman thooꞌthiok ꞌcĩg abũnnaa, adũmanni hatĩ nẽẽg bulẽẽtta hĩ tẽẽlꞌthĩta hĩ ganõõna, tananga ĩĩn eet cĩg ꞌJudeei hode ꞌcĩg hõllõngaa ĩĩn ꞌJudeei. 11Hĩnĩngĩtĩ hõllõngaa ahal Nyekuci eeta.
12Eeta ꞌcĩg hõllõngaa aga nyattal cĩ Nyekuci, nga hatĩ aalla uuki nẽẽg, hĩnĩngĩtĩ ꞌgii ꞌcĩ ẽꞌthẽcan nẽẽgĩ. Nẽ adticaniini hatĩ Nyekuci nyattal hẽttẽẽdĩ thooꞌthiok cĩg eet vẽlẽk ꞌcĩg aga thõõth ꞌcĩ aduha nyattalĩ. 13Hĩnĩngĩtĩ hõllõngaa eet ꞌcĩg athĩhĩ nyattal ꞌcĩg aũlan thõõth cĩnĩĩng muumaa cĩ Nyekuci, nẽẽthĩ hinnia eet ꞌcĩg aꞌthũũnnĩ nyattal dioo ꞌcĩg hatĩ adukiaa aĩ, ĩĩn eet ꞌcĩg abũnnaa. 14Nẽ eeta ũgẽẽgĩ ꞌcĩg hõllõngaa ĩĩn ꞌJudeei, aꞌthũũnnĩ nyattal tananga hõllõngaa aꞌnyak nyattal ꞌcĩ eheeddi loota. 15Ẽtẽrꞌtha nẽẽg aĩ, eheeddi nyattalĩ cĩ Nyekuci ꞌthinneetinitõõ cĩggĩĩng, hĩnĩngĩtĩ eterꞌtheek muhẽẽnĩtĩ cĩ ꞌthinneeti cĩggĩĩng ĩhõõggõ thõõth ꞌcĩ abũnnaa hĩ thõõth ꞌcĩ abathĩ. 16Edeeꞌnyia hatĩ thõõth ciee kõr ꞌcĩ hatĩ aaꞌnyĩkĩ Nyekuci Yeesu Krĩstõ hẽttẽẽd thooꞌthiok ꞌcĩg adĩman eeta burkiitina, hĩcĩ aduha nyeemuut caannĩ ꞌcĩ abũnnaa ho.
Eet cĩg ꞌJudeei hĩ nyattal
17Nii ꞌcĩ aini hĩĩnĩ ꞌJudeeinit nẽ aarihuu ꞌthĩnĩt cunni nyattaalaa cĩ Nyekuci nẽ tarĩ ĩthĩngõõnyanuu hĩnĩngĩtĩ Nyekuc. 18Tigiil ꞌBuuk cĩ Nyekuci, hátĩ mũda authet ꞌcĩ adiimmi Nyekuci nganiit avvi hátĩ mũda thõõth ꞌcĩ ĩĩn dĩdĩ nyattaalaa cĩnnĩ. 19Aga nii ngaatĩ ĩĩnnĩ ꞌtiꞌthittioohit cĩ eet ꞌcĩg rubettĩg nẽ iinu lanyit cĩ eet ꞌcĩg aattĩg muguratõõ, 20ammuhi nii aini, occa eterethi eet ꞌcĩg aggiithi nẽ illimanuu lõhõlĩ ꞌcĩg hidicig thõõth cĩ Nyekuci. Hĩnĩngĩtĩ aga nii jurrung ngaatĩ aaꞌnyi nyattalĩ cĩ Nyekuci ꞌgẽẽnyĩth hũtũrũũr hĩ thõõth ꞌcĩ ĩĩn dĩdĩ. 21Nẽẽthĩ, nii ꞌcĩ allimani ꞌgoonogu ho, hõllõngaa thĩ allimani ẽlẽ cunni buúk inni? Nii ꞌcĩ irriooni thõõth cĩ ĩgoro ho, aitiõõ nii hõllõngaa ĩgõrꞌthĩ? 22Nii ꞌcĩ othoothi aini, ma hattihi ngaa cĩ eeto ho, aitiõõ nii hõllõngaa attihi ngaa cĩ eeto? Nii ꞌcĩ aaburreehi nyekuꞌnya ꞌcĩg hõllõngaa ĩĩn dĩdĩ ho, aitiõõ nii hõllõngaa ĩgõrꞌthĩ ꞌcieethinii cĩggĩĩng ko? 23Nii ꞌcĩ irriani nyattal cĩ Nyekuci ho, hõllõngaa aburi nii thõõth cĩ Nyekuci, ngaatĩ hõllõngaa aꞌthũũnnĩ nyattal cĩnnĩ? 24Aaĩ hĩcĩ eheeddi ꞌBuuhaa cĩ Nyekuci aĩ, “Ẽlẽmtaahu niig eet ꞌcĩg hõllõngaa ĩĩn ꞌJudeei hodoomito Nyekuc, hĩnĩngĩtĩ ngagiita.”#Tigiil ꞌBuuk cĩ Iꞌthaia 52:5; Eꞌthekiele 36:22
25Tiir ꞌteediniti cĩ ello hatĩ aꞌthuunnu nyattal, nẽẽthĩ, má hõllõngaa aꞌthuunnu nyattal, au hinnia aattiyyu hĩcĩ nga hetteeddi eleeti.#2:25 ꞌTeedinit cĩ ẽlẽ cĩ eet ꞌcĩ maacĩ: Baa aduhaak Nyekuci Abũrahaamõ anneek ꞌtẽẽda rucci cĩg eleeti cĩg eet ꞌcĩg maacĩg lõhõlẽẽnĩĩ ꞌcĩg maacĩg urutaa cĩ waathinniook turkiyyio, ĩnõõ ꞌcĩ ẽttẽẽdĩ nẽẽ eleeti cĩg lõhõlĩ ꞌcĩg maacĩg, hátĩ hiita hĩĩtõ lõhõlĩ cĩg Nyekuci. ꞌBuuk cĩ ꞌThianaattõ 17:10-14. 26Má aꞌthũũnnĩ eeta ꞌcĩg hõllõngaa etteeddi eleeti hẽlẽggĩ ꞌcĩg adiim nyattalĩ, hõllõngaa occa aga Nyekuci aĩ, aduhõõ nẽẽg hĩ eet ꞌcĩg etteeddi eleeti thõng? 27Nẽẽthĩ dĩdĩ, ẽẽtĩ ꞌcĩ nga hẽttẽẽdĩ ẽlẽ nẽ ũꞌthũũtĩ nyattal, etteedikuung hatĩ ngagiit thõõth, tananga aꞌnyaku nyattal ꞌcĩ eheeddi loota nẽ etteeddi eleeti cugguung, aalla hõllõngaa aꞌthuunnu nyattal noho.
28Hõllõngaa ĩĩn ẽẽtĩ ꞌJudeeinit hatĩ ẽttẽẽdĩ ẽlẽ cĩnnĩ thõng diooni, ĩĩn hĩnĩngĩtĩ hõllõngaa ĩĩn ꞌteediniti ꞌgii ꞌcĩ ello diooni. 29Aitiõõ, ĩĩn ẽẽtĩ ꞌJudeeinit hatĩ ĩĩn ꞌJudeeinit ꞌthĩnĩtatõõ dĩdĩ nẽ hõllõngaa ĩĩn ciee ꞌteedinit cĩ ello, ĩĩn ꞌteedinit cĩ ꞌthĩnĩtõ Loriiaa ꞌcĩ Ẽllẽẽmĩthĩ nẽ hõllõngaa nyattaala ꞌcĩ eheeddi loota. Aku dĩhĩthẽẽnĩtĩ cĩ eet ꞌcĩ aaĩ hoti hĩ Nyekuc, hõllõngaa aku hĩ eeta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.