ꞌRooma 13
13
Itingolli makayyiook
1Aꞌnyĩĩk eet vẽlẽk hõdẽĩ hõdẽĩ hitingolli makayyiook ꞌcĩg aggam ĩhõõggõ, hĩnĩngĩtĩ aitiõõ makaaꞌthĩt umwaa tõõ, makaaꞌthĩt baa aarĩk Nyekuci diooni. Nẽ makaaꞌthĩt ꞌcĩ aaĩ loota nĩnga ho, makaaꞌthĩt baa aarĩk Nyekuci diooni. 2Nẽẽthĩ hoti ho, eeta ꞌcĩg abũrĩ makayyiook, abũrĩ nẽẽg makaaꞌthĩt baa aarĩk Nyekuci. Nẽ eeta ꞌcĩg adĩman noho, aĩnanaak hatĩ nẽẽg eleeti cĩggĩĩng ukẽẽnĩt. 3Hĩnĩngĩtĩ hõllõngaa uuk makayyiooha eet ꞌcĩg adĩman thõõth ꞌcĩ aũlanĩ, nẽẽthĩ uuk nẽẽg eet ꞌcĩg ẽꞌthẽcan thooꞌthiok. Adiimmu niig hiittiõõ hõllõngaa uukuung makayyiooha ꞌcĩg aggammuung ngagiita? Ĩdĩmanit thĩ thooꞌthiok ꞌcĩg aũlanĩ, hátĩ haccamattaauung nẽẽgĩ. 4Hĩnĩngĩtĩ ĩĩn makayyiooha dticcianniook cĩg Nyekuci ꞌcĩg eelluung ngagiita. Nẽẽthĩ, má ẽꞌthẽcannu niig thooꞌthiok, itingolli ĩhõõggõ, hĩnĩngĩtĩ aꞌnyak nẽẽg makaaꞌthĩt ꞌcĩ occa uukuung ngagiita. Ĩĩn nẽẽg dticccianniook cĩg Nyekuci, ꞌcĩg occa uuk eet hetereꞌthia lilii cĩ Nyekuci. 5Nẽẽthĩ hoti ho, abũnnaa ngaatĩ hathĩknĩ makayyiook, hõllõngaa hĩnĩngĩtĩ ukẽẽnĩt diooni, nẽẽthĩ, hĩnĩngĩtĩ ĩĩn thõõth ꞌcĩ aũlan ꞌcĩ occa hadĩmanĩ. 6Ĩnõõ thõõth ꞌcĩ adũmannu niig occoro buúk ko, hĩnĩngĩtĩ ĩĩn makayyiooha dticcianniook cĩg Nyekuci, ꞌcĩg ũũha eet hõdõõkõthĩ. 7Ũdũmatteek makayyiook occoro hode ꞌrabbẽẽt nẽ itingollieeu ĩhõõggõ.
Ĩmmĩnanit ꞌgoonogu
8Aanytĩk mĩnnan hĩĩ dtiic cunuung! Má ammĩnannu niig ꞌgoonogu, ĩdĩmattu niig ꞌgii vẽlẽk ꞌcĩ adiim nyattalĩ. 9Hĩnĩngĩtĩ tilooiniti ꞌcĩ aĩ, “Ma hattihi ngaa cĩ eet umwa, ma haruhi, ma hĩgõrꞌthĩ, ma habũraneehi ꞌgii cĩ eet umwa,”#Tigiil ꞌBuuk cĩ Luugithõõ 20:13-17; Ditoronomi 5:17-19, 21; ꞌLuuka 10:27-37 nẽ tilooiniti ciee hĩ ũgĩ vẽlẽk, arummiaa tilooittaa ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnani ẽlẽ cunni.”#Tigiil ꞌBuuk cĩ Levitiko 19:18 10Hõllõngaa adĩman mĩnnani eet ꞌcĩ haarõõ ꞌbuth. Nẽẽthĩ hoti ho, adtican mĩnnanĩ thooꞌthiok vẽlẽk ꞌcĩg adiim nyattalĩ.
Kõr ꞌcĩ hatĩ õbõdaanĩ Krĩstõ
11Agayyu niig korriook iigia ꞌcĩg haattiyyi naag ko, nẽẽthĩ hoti ho, adiim occa aattiyyu jurrung. Ma hattumaniinnu, hĩnĩngĩtĩ agayyu niig õbõhĩ kõrra ꞌcĩ hatĩ heellianĩ naaga, hĩllõõan korriook baag hẽlẽmmĩ naag Makayyioohit. 12Õbõhĩ edeccia baalini nẽ uppwaanna hatĩ kõrra. Occa hõllõngaa haattĩg naag hĩ eeta ꞌcĩg aattĩg muguuratõõ, hũkũmattoothĩk haaut lanyita. 13Ĩdĩmanit thooꞌthiok ꞌcĩg abũnnaa ꞌcĩg accamana Nyekuci, ma hookoroonnu hĩ eet ꞌcĩg abathĩ, hode aduunnu thõng, ma hattihoonnu tahatak, hode eggerꞌnyoonnu hode ma hiinannu hẽlẽggĩ cĩg eetuk. 14Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.
Currently Selected:
ꞌRooma 13: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌRooma 13
13
Itingolli makayyiook
1Aꞌnyĩĩk eet vẽlẽk hõdẽĩ hõdẽĩ hitingolli makayyiook ꞌcĩg aggam ĩhõõggõ, hĩnĩngĩtĩ aitiõõ makaaꞌthĩt umwaa tõõ, makaaꞌthĩt baa aarĩk Nyekuci diooni. Nẽ makaaꞌthĩt ꞌcĩ aaĩ loota nĩnga ho, makaaꞌthĩt baa aarĩk Nyekuci diooni. 2Nẽẽthĩ hoti ho, eeta ꞌcĩg abũrĩ makayyiook, abũrĩ nẽẽg makaaꞌthĩt baa aarĩk Nyekuci. Nẽ eeta ꞌcĩg adĩman noho, aĩnanaak hatĩ nẽẽg eleeti cĩggĩĩng ukẽẽnĩt. 3Hĩnĩngĩtĩ hõllõngaa uuk makayyiooha eet ꞌcĩg adĩman thõõth ꞌcĩ aũlanĩ, nẽẽthĩ uuk nẽẽg eet ꞌcĩg ẽꞌthẽcan thooꞌthiok. Adiimmu niig hiittiõõ hõllõngaa uukuung makayyiooha ꞌcĩg aggammuung ngagiita? Ĩdĩmanit thĩ thooꞌthiok ꞌcĩg aũlanĩ, hátĩ haccamattaauung nẽẽgĩ. 4Hĩnĩngĩtĩ ĩĩn makayyiooha dticcianniook cĩg Nyekuci ꞌcĩg eelluung ngagiita. Nẽẽthĩ, má ẽꞌthẽcannu niig thooꞌthiok, itingolli ĩhõõggõ, hĩnĩngĩtĩ aꞌnyak nẽẽg makaaꞌthĩt ꞌcĩ occa uukuung ngagiita. Ĩĩn nẽẽg dticccianniook cĩg Nyekuci, ꞌcĩg occa uuk eet hetereꞌthia lilii cĩ Nyekuci. 5Nẽẽthĩ hoti ho, abũnnaa ngaatĩ hathĩknĩ makayyiook, hõllõngaa hĩnĩngĩtĩ ukẽẽnĩt diooni, nẽẽthĩ, hĩnĩngĩtĩ ĩĩn thõõth ꞌcĩ aũlan ꞌcĩ occa hadĩmanĩ. 6Ĩnõõ thõõth ꞌcĩ adũmannu niig occoro buúk ko, hĩnĩngĩtĩ ĩĩn makayyiooha dticcianniook cĩg Nyekuci, ꞌcĩg ũũha eet hõdõõkõthĩ. 7Ũdũmatteek makayyiook occoro hode ꞌrabbẽẽt nẽ itingollieeu ĩhõõggõ.
Ĩmmĩnanit ꞌgoonogu
8Aanytĩk mĩnnan hĩĩ dtiic cunuung! Má ammĩnannu niig ꞌgoonogu, ĩdĩmattu niig ꞌgii vẽlẽk ꞌcĩ adiim nyattalĩ. 9Hĩnĩngĩtĩ tilooiniti ꞌcĩ aĩ, “Ma hattihi ngaa cĩ eet umwa, ma haruhi, ma hĩgõrꞌthĩ, ma habũraneehi ꞌgii cĩ eet umwa,”#Tigiil ꞌBuuk cĩ Luugithõõ 20:13-17; Ditoronomi 5:17-19, 21; ꞌLuuka 10:27-37 nẽ tilooiniti ciee hĩ ũgĩ vẽlẽk, arummiaa tilooittaa ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnani ẽlẽ cunni.”#Tigiil ꞌBuuk cĩ Levitiko 19:18 10Hõllõngaa adĩman mĩnnani eet ꞌcĩ haarõõ ꞌbuth. Nẽẽthĩ hoti ho, adtican mĩnnanĩ thooꞌthiok vẽlẽk ꞌcĩg adiim nyattalĩ.
Kõr ꞌcĩ hatĩ õbõdaanĩ Krĩstõ
11Agayyu niig korriook iigia ꞌcĩg haattiyyi naag ko, nẽẽthĩ hoti ho, adiim occa aattiyyu jurrung. Ma hattumaniinnu, hĩnĩngĩtĩ agayyu niig õbõhĩ kõrra ꞌcĩ hatĩ heellianĩ naaga, hĩllõõan korriook baag hẽlẽmmĩ naag Makayyioohit. 12Õbõhĩ edeccia baalini nẽ uppwaanna hatĩ kõrra. Occa hõllõngaa haattĩg naag hĩ eeta ꞌcĩg aattĩg muguuratõõ, hũkũmattoothĩk haaut lanyita. 13Ĩdĩmanit thooꞌthiok ꞌcĩg abũnnaa ꞌcĩg accamana Nyekuci, ma hookoroonnu hĩ eet ꞌcĩg abathĩ, hode aduunnu thõng, ma hattihoonnu tahatak, hode eggerꞌnyoonnu hode ma hiinannu hẽlẽggĩ cĩg eetuk. 14Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.