Terethiinit 3
3
Waraga hĩ lemmiook cĩg Thaardithi
1Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Thaardithi.
“Duhaak anneek, ĩĩn ciee nyeemuut ꞌcĩ aku hĩ eet ꞌcĩ aꞌnyak Loriẽẽt cĩg Nyekuci tũkĩramma, hĩ mũnyũny tũkĩramma, ‘Haga naa thooꞌthiok vẽlẽk ꞌcĩg adĩmannu niiga. Ammuku oho ainnu nga arũgnu niiga, ĩko nẽẽ adaaktu ẽlẽk.’ 2Ĩtĩngaac ũkũmatteek ꞌtirrian ꞌcĩ abadtẽc ꞌcĩ nga idiongan ko, hĩnĩngĩtĩ õbõhĩ edeccia. Nẽẽthĩ hoti ho, ĩttĩmanit gẽrrẽẽt, hátĩ ittiranit. Baa hũmmũda naa ngaatĩ hõllõngaa athiknu niig Nyekuc. 3Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.
4“Nẽ nga aꞌnyaku niig eet ũgĩ lothippitaa cĩ lemmiook cĩg Thaardithi, ꞌcĩg nga hĩdĩmanit thõõth ꞌcĩ abathĩ. Hõõkõrra hatĩ hĩ ĩhõõggõ, ahimit ceremwa ꞌcĩg õõrĩg, hĩnĩngĩtĩ abũnnaa nẽẽgĩ. 5Nẽ eeta ꞌcĩg ĩllõõan thõõth cĩ ꞌThĩttaanõ, ahimit hatĩ nẽẽg ceremwa ꞌcĩg õõrĩg, nẽ iitiõõ hatĩ ꞌthaara cĩggĩĩng hõllõngaa amummunyanniaa ꞌbuuhaa cĩ rũgẽtõõ. Haduhaahi hatĩ naa Baaba hĩ aajĩlẽẽt cĩgĩnnĩg hanneehi, ‘Nuyyiook cĩgannĩg cieegi.’ 6Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung.”
Waraga hĩ lemmiook cĩg Viladelvia
7Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Viladelvia.
“Duhaak anneek, ĩĩn ciee nyeemuut ꞌcĩ aku hĩ eet ꞌcĩ ẽllẽẽmĩth ꞌcĩ ĩĩn dĩdĩ, ꞌcĩ aꞌnyak mũhũta cĩ Daavide.#3:7 Daavide: Baa ẽbẽra Nyekuci Daavide hikia hĩĩ habu cĩ Ĩꞌthĩraẽlĩ nẽ uduha ĩĩ, aku hatĩ habuui cobbi lõhõlẽẽnĩĩ cĩg lõhõlĩ cĩgĩnnĩg, hikia haggam looc hĩĩ habu ũdũt. Baa habu tĩho Yeesu Krĩstõ. Tigiil thõõth icci ꞌBuuhaa cĩ Tegellwaanu 132:11-12. Baa arũgĩ Daavide irkiꞌnyia ꞌcĩg occa ũũppan aalib hõdẽĩ, baa nga hittirria Yeesu. Tigiil thõõth cĩnnĩ ꞌBuuhaa ꞌcĩ ĩĩn 1 ĩcĩ Thamueele 16-30; 2 Thamueele 1-24; 1 Habueetu 1-2. Má ubbuuk nẽẽ hattũũg, aitiõõ ẽẽtĩ ꞌcĩ occa aꞌnyũũg tarĩ tõõ nẽ má ũꞌnyũũga, aitiõõ ẽẽtĩ ꞌcĩ abbuuk tõõ. 8Haga naa thooꞌthiok vẽlẽk ꞌcĩg adĩmannu niiga. Hubbuuhihuung naa ngagiit hattũũg ꞌcĩ aitiõõ ẽẽtĩ ꞌcĩ occa aꞌnyũũg tarĩ tõõ. Aꞌnyaku nẽẽꞌthẽk ꞌtirrian ꞌcĩ abadtẽc, hĩnĩngĩtĩ nganĩĩta nẽ nga aalla aꞌthuunnu thõõth caannĩ nẽ nga ẽppẽhanit ꞌthaar cĩgannĩg ũdũt. 9Ĩcĩnĩt nõõ, hattĩnganeehi hatĩ naa eet cĩg ꞌcieeth cĩ ꞌThĩttaanõ, hiita hakattieehuung ngagiit huruꞌnyia, ĩĩn nẽẽg oloꞌngiaak ꞌcĩg õthõõth aĩ, hĩĩgĩnna eet cĩg ꞌJudeei nẽ ĩko hõllõngaa ĩĩn eet cĩg ꞌJudeei dĩdĩ. Au hatĩ aga nẽẽg ngaatĩ iiginnu niig eet ꞌcĩg hammĩnannuung naana. 10Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.
11“Hakuu hatĩ naa hĩdĩĩkoothong, uꞌthuutti thõõth caannĩ baa allimanoothikuunga, hátĩ hiittiõõ ẽẽtĩ ꞌcĩ hatĩ aggamaannuung ꞌbaaninit ꞌcĩ haaꞌnyuung naa ho tõõ. 12Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng. 13Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippit cĩ lemmioohu ho jurrung.”
Waraga hĩ lemmiook cĩg Laodicea
14Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Laodicea.
“Duhaak anneek, aku nyeemuut ciee hĩ eet ꞌcĩ haĩ Aamẽn,#3:14 Aamẽn: Thõõth ꞌcĩ haĩ Aamẽn ko, aĩ aꞌnyĩĩk haau noho. eet ꞌcĩ ẽlẽmĩ Nyekuc nẽ ĩĩ hebereec ꞌcĩ ĩĩn dĩdĩ, ĩĩn nẽẽ eet ꞌcĩ aggam looc ꞌcĩ ĩĩn ngeju ꞌcĩ nga ẽhẽnyta Nyekuci thõng. 15Haga naa thooꞌthiok vẽlẽk ꞌcĩg adĩmannu niiga nẽ aitiõõ hõllõngaa edeeꞌnyia ngaatĩ alallu hode aaburru niig lemiittaa cĩ Nyekuci. Haccamana naa ngaatĩ occa alallu hode ngaatĩ aaburru niiga. 16Nẽ hĩnĩngĩtĩ hõllõngaa aaburru hode alallu, haꞌthĩĩcannuung hatĩ naa ngagiit hĩ ammũta. 17Ainnu habaliinna nẽ haꞌnyaka ꞌgii vẽlẽk nẽ hõllõngaa adiimmu ꞌgiimwa tarĩ nẽ hõllõngaa adtuuhannu tamaati cunuung, ammaannu niig iiginnu hullaha, nẽ iittu rubettĩg nẽ aauttu ngũtũtũũny. 18Haĩ hitiloouung naa ngagiit utuuyyia hĩ nganĩĩt ꞌdaab ꞌcĩ ĩwaadĩ ꞌgwoyyia ĩĩ tẽlla, hátĩ aballio nẽ itihimtu ceremwa ꞌcĩg õõrĩg, hátĩ ũmmũtĩt ngaaoni ꞌcĩ aattiyyu ngũtũtũũny nẽ utuuyyiau ẽgẽrnaac cĩ hebereennu, hátĩ haaꞌnyuung ngagiit ĩcĩttĩ jurrung.
19“Hilooti naa eet ꞌcĩg hammĩnani, nẽẽthĩ ꞌyioko, ũtũngteek ꞌthẽccanẽẽt cugguung. 20Nẽ ĩthĩktaangu nganĩĩt jurrung ciee habili hattũũgaa cunuung nẽ huruha, má ĩthĩk eet umwaa molook caannĩ nẽ ubbuuk hattũũg, hadukna hatĩ nẽ hiita huduktooa hõdẽĩ hĩ ĩnõõnnõ.
21“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ. 22Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung.”
Currently Selected:
Terethiinit 3: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Terethiinit 3
3
Waraga hĩ lemmiook cĩg Thaardithi
1Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Thaardithi.
“Duhaak anneek, ĩĩn ciee nyeemuut ꞌcĩ aku hĩ eet ꞌcĩ aꞌnyak Loriẽẽt cĩg Nyekuci tũkĩramma, hĩ mũnyũny tũkĩramma, ‘Haga naa thooꞌthiok vẽlẽk ꞌcĩg adĩmannu niiga. Ammuku oho ainnu nga arũgnu niiga, ĩko nẽẽ adaaktu ẽlẽk.’ 2Ĩtĩngaac ũkũmatteek ꞌtirrian ꞌcĩ abadtẽc ꞌcĩ nga idiongan ko, hĩnĩngĩtĩ õbõhĩ edeccia. Nẽẽthĩ hoti ho, ĩttĩmanit gẽrrẽẽt, hátĩ ittiranit. Baa hũmmũda naa ngaatĩ hõllõngaa athiknu niig Nyekuc. 3Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.
4“Nẽ nga aꞌnyaku niig eet ũgĩ lothippitaa cĩ lemmiook cĩg Thaardithi, ꞌcĩg nga hĩdĩmanit thõõth ꞌcĩ abathĩ. Hõõkõrra hatĩ hĩ ĩhõõggõ, ahimit ceremwa ꞌcĩg õõrĩg, hĩnĩngĩtĩ abũnnaa nẽẽgĩ. 5Nẽ eeta ꞌcĩg ĩllõõan thõõth cĩ ꞌThĩttaanõ, ahimit hatĩ nẽẽg ceremwa ꞌcĩg õõrĩg, nẽ iitiõõ hatĩ ꞌthaara cĩggĩĩng hõllõngaa amummunyanniaa ꞌbuuhaa cĩ rũgẽtõõ. Haduhaahi hatĩ naa Baaba hĩ aajĩlẽẽt cĩgĩnnĩg hanneehi, ‘Nuyyiook cĩgannĩg cieegi.’ 6Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung.”
Waraga hĩ lemmiook cĩg Viladelvia
7Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Viladelvia.
“Duhaak anneek, ĩĩn ciee nyeemuut ꞌcĩ aku hĩ eet ꞌcĩ ẽllẽẽmĩth ꞌcĩ ĩĩn dĩdĩ, ꞌcĩ aꞌnyak mũhũta cĩ Daavide.#3:7 Daavide: Baa ẽbẽra Nyekuci Daavide hikia hĩĩ habu cĩ Ĩꞌthĩraẽlĩ nẽ uduha ĩĩ, aku hatĩ habuui cobbi lõhõlẽẽnĩĩ cĩg lõhõlĩ cĩgĩnnĩg, hikia haggam looc hĩĩ habu ũdũt. Baa habu tĩho Yeesu Krĩstõ. Tigiil thõõth icci ꞌBuuhaa cĩ Tegellwaanu 132:11-12. Baa arũgĩ Daavide irkiꞌnyia ꞌcĩg occa ũũppan aalib hõdẽĩ, baa nga hittirria Yeesu. Tigiil thõõth cĩnnĩ ꞌBuuhaa ꞌcĩ ĩĩn 1 ĩcĩ Thamueele 16-30; 2 Thamueele 1-24; 1 Habueetu 1-2. Má ubbuuk nẽẽ hattũũg, aitiõõ ẽẽtĩ ꞌcĩ occa aꞌnyũũg tarĩ tõõ nẽ má ũꞌnyũũga, aitiõõ ẽẽtĩ ꞌcĩ abbuuk tõõ. 8Haga naa thooꞌthiok vẽlẽk ꞌcĩg adĩmannu niiga. Hubbuuhihuung naa ngagiit hattũũg ꞌcĩ aitiõõ ẽẽtĩ ꞌcĩ occa aꞌnyũũg tarĩ tõõ. Aꞌnyaku nẽẽꞌthẽk ꞌtirrian ꞌcĩ abadtẽc, hĩnĩngĩtĩ nganĩĩta nẽ nga aalla aꞌthuunnu thõõth caannĩ nẽ nga ẽppẽhanit ꞌthaar cĩgannĩg ũdũt. 9Ĩcĩnĩt nõõ, hattĩnganeehi hatĩ naa eet cĩg ꞌcieeth cĩ ꞌThĩttaanõ, hiita hakattieehuung ngagiit huruꞌnyia, ĩĩn nẽẽg oloꞌngiaak ꞌcĩg õthõõth aĩ, hĩĩgĩnna eet cĩg ꞌJudeei nẽ ĩko hõllõngaa ĩĩn eet cĩg ꞌJudeei dĩdĩ. Au hatĩ aga nẽẽg ngaatĩ iiginnu niig eet ꞌcĩg hammĩnannuung naana. 10Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.
11“Hakuu hatĩ naa hĩdĩĩkoothong, uꞌthuutti thõõth caannĩ baa allimanoothikuunga, hátĩ hiittiõõ ẽẽtĩ ꞌcĩ hatĩ aggamaannuung ꞌbaaninit ꞌcĩ haaꞌnyuung naa ho tõõ. 12Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng. 13Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippit cĩ lemmioohu ho jurrung.”
Waraga hĩ lemmiook cĩg Laodicea
14Nẽ ĩnnĩhaa Yeesu nẽẽ, “Teheedĩk waraga aajĩlõ cĩ lothippit cĩ lemmioohu ꞌtaaũnaa cĩ Laodicea.
“Duhaak anneek, aku nyeemuut ciee hĩ eet ꞌcĩ haĩ Aamẽn,#3:14 Aamẽn: Thõõth ꞌcĩ haĩ Aamẽn ko, aĩ aꞌnyĩĩk haau noho. eet ꞌcĩ ẽlẽmĩ Nyekuc nẽ ĩĩ hebereec ꞌcĩ ĩĩn dĩdĩ, ĩĩn nẽẽ eet ꞌcĩ aggam looc ꞌcĩ ĩĩn ngeju ꞌcĩ nga ẽhẽnyta Nyekuci thõng. 15Haga naa thooꞌthiok vẽlẽk ꞌcĩg adĩmannu niiga nẽ aitiõõ hõllõngaa edeeꞌnyia ngaatĩ alallu hode aaburru niig lemiittaa cĩ Nyekuci. Haccamana naa ngaatĩ occa alallu hode ngaatĩ aaburru niiga. 16Nẽ hĩnĩngĩtĩ hõllõngaa aaburru hode alallu, haꞌthĩĩcannuung hatĩ naa ngagiit hĩ ammũta. 17Ainnu habaliinna nẽ haꞌnyaka ꞌgii vẽlẽk nẽ hõllõngaa adiimmu ꞌgiimwa tarĩ nẽ hõllõngaa adtuuhannu tamaati cunuung, ammaannu niig iiginnu hullaha, nẽ iittu rubettĩg nẽ aauttu ngũtũtũũny. 18Haĩ hitiloouung naa ngagiit utuuyyia hĩ nganĩĩt ꞌdaab ꞌcĩ ĩwaadĩ ꞌgwoyyia ĩĩ tẽlla, hátĩ aballio nẽ itihimtu ceremwa ꞌcĩg õõrĩg, hátĩ ũmmũtĩt ngaaoni ꞌcĩ aattiyyu ngũtũtũũny nẽ utuuyyiau ẽgẽrnaac cĩ hebereennu, hátĩ haaꞌnyuung ngagiit ĩcĩttĩ jurrung.
19“Hilooti naa eet ꞌcĩg hammĩnani, nẽẽthĩ ꞌyioko, ũtũngteek ꞌthẽccanẽẽt cugguung. 20Nẽ ĩthĩktaangu nganĩĩt jurrung ciee habili hattũũgaa cunuung nẽ huruha, má ĩthĩk eet umwaa molook caannĩ nẽ ubbuuk hattũũg, hadukna hatĩ nẽ hiita huduktooa hõdẽĩ hĩ ĩnõõnnõ.
21“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ. 22Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.