Pilippi 2
2
Aaut hĩ Krĩstõ
1Akũtannuung Krĩstõ ngagiita nẽ amammaayanuung mĩnnani cĩnnẽẽnĩ. Arummuung Lorii cĩ Nyekuci ngagiita nẽ uꞌthuuttu ꞌgoonogu. 2Nẽẽthĩ ꞌyioko, adiim aaꞌnyaangu niig nganĩĩt haccamanoothĩk jurrung ꞌgõõlaa ꞌcĩ arũmeennu lõꞌngõõc hĩ ngaatĩ ammĩnannu ꞌgoonogu. Ũrũmĩt ꞌthinneeti nẽ idticattoou hõdẽĩ. 3Ma hĩĩgĩnnu muruꞌthiook nẽ ma hathĩngõõnyaneeku ꞌgoonogu. Irritatta eleeti cugguung hĩĩtõ hĩdĩcĩg nẽ icittu ꞌgoonogu haauto hĩcĩ ĩllõõannuung ngagiita. 4Abũnnaa aallaku ꞌgoonogu hĩcĩ occa aallaku eleeti cugguung.
5Aanytĩk muhẽẽnĩt cunuung hudukto hĩcĩ Yeesu Krĩstõ thõng.
6Tananga baa ĩĩn Krĩstõ Nyekuc dĩdĩ,
baa hõllõngaa aaꞌnyĩk nẽẽ ẽlẽ cĩnnĩ hudukto hĩ Nyekuc thõng.
7Baa hinnia ẽlẽmana nẽẽ ꞌgii vẽlẽk ꞌcĩ ĩĩnnĩ Nyekuc,
nẽ ikia aau hĩ dticciannioohiti
nẽ ittirria hĩ ẽẽtĩ cĩ holli õõ.
8Ma baa aau nẽẽ hĩ ẽẽtĩ ꞌcĩ holli õõ,
ikia õbõdaaĩ nẽẽ ẽlẽ cĩnnĩ hĩĩ hĩdĩca,
nẽ ĩthĩk thõõth ĩꞌthõng hẽlẽm daahĩth cĩ hurucceeo buúk.
9Nĩngĩtĩ aaꞌnyĩkĩ Nyekuci ĩnõõnnõ nĩngĩtĩ cobbi gẽrrẽẽt cĩ bulẽẽttõ
nẽ akateek ꞌthaar ꞌcĩg ĩllõõan ꞌthaarriok vẽlẽk.
10Hátĩ hakatit eeta vẽlẽk,
ꞌcĩg aattĩg hẽẽtahujjieen hĩ ꞌcĩg aattĩg loota nĩnga hĩ ꞌcĩg aattĩg looccaa cĩ miningu huruꞌnyia ꞌthaarĩĩ cĩg Yeesu,
11nẽẽthĩ, aduha hatĩ eeta vẽlẽk aĩ ĩĩn Yeesu Krĩstõ Makayyioohit
bulẽẽttaa cĩ Nyekuc Bangeet.
Lanyit looccaa nĩĩcĩ
12ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ. 13Hĩnĩngĩtĩ adticanni Nyekuci hĩ ngagiit, haaꞌnyuung accamatta tabiinit nẽ aaꞌnyuung ꞌtirriani ꞌcĩ uuluyyu ngaatĩ adĩmannu thõõth ꞌcĩ accamana nẽẽnĩ.
14Ĩdticanit thooꞌthiok vẽlẽk ꞌgõõlaa ꞌcĩ hõllõngaa ongoongoyyu hode ẽppẽhanoonnu thõng, 15hátĩ ĩmmĩrĩt nẽ iittu lõhõlĩ cĩg Nyekuci ꞌcĩg tẽllĩg ꞌcĩg aitiõõ ꞌthẽccanĩ tõõ. Aattiyyu niig looccaa cĩ eet ꞌcĩg ĩĩn ꞌloorriak ꞌcĩg abathĩ, nẽẽthĩ, aanytĩk thooꞌthiok ꞌcĩg abũnnaa ꞌcĩg adĩmannu niig ko, hatalanyit haauto hĩ mũnyũnya. 16Uꞌthuutti thõõth ꞌcĩ aꞌnyaha rũgẽt jurrung, hátĩ ma õbõda Krĩstõ, hirriani hatĩ naa gẽrrẽẽt haini, ĩko baa hõllõngaa hadticannii haaga, ĩko baa abũnnaa dtiici caannẽẽnĩ. 17Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita. 18Nẽ ꞌgõõlaa ꞌcĩ aduhõõ thõng, occa haccamanoothĩk hĩ nganĩĩt hõdẽĩ.
Timotteeo hĩ Epavorodito
19Má adiim Makayyioohiti Yeesu, hammuhi hĩꞌthõõa hatĩ naa Timotteeo hĩdĩĩkoothong, hikia hẽhẽẽrõnaahuung ngagiita. Nẽ hatĩ aaꞌnya nẽẽ nganĩĩt haccamanoothĩk ngaatĩ aku aduhaaka authet ꞌcĩ aattiyyu niiga. 20Aitiõõ eet umwaa ꞌcĩ haꞌnyahi naa ꞌcĩ aallakuung ngagiit hĩ nẽẽ tõõ. 21Aallak eeta ũgẽẽgĩ thooꞌthiok ꞌcĩg adiim nẽẽgĩ, hõllõngaa aallak thõõth cĩ Yeesu Krĩstõ. 22Nẽẽthĩ, agayyu niig ĩĩn Timotteeo eet ꞌcĩ aaĩ hutuno. Hidticattooa naag hĩ ĩnõõnnõ hĩ loholeec caannẽẽnĩ, ngaatĩ hĩꞌthaanĩka nyeemuut ꞌcĩ abũnnaa eet. 23Nẽẽthĩ hoti ho, hammuhi hĩꞌthõõakuung hatĩ ĩnõõnnõ hĩdĩĩkoothong, hatĩ hũmmũda ꞌgii ꞌcĩ hatĩ aku edeeꞌnyiakaa nganĩĩta. 24Nẽ haga naa dĩdĩ haini, ẽlẽmaaka hatĩ Makayyioohiti nganĩĩt buúk hikia hĩdĩĩkoothong.
25Hammuhi occa abũnnaa ngaatĩ hĩꞌthõõakuung ngagiit Epavorodito hõbõda hĩ ngagiit tarĩ, ĩĩn nẽẽ ꞌgõtõna, dticciannioohit nẽ ĩĩ ũũrũtaac ꞌcĩ hadticaniinna hõdẽĩ, ꞌcĩ ĩĩn ꞌthooyyiahit cunuung baa ĩꞌthõõannnu niig hikia hũꞌthũũtta nganĩĩta. 26Hĩꞌthõõakuung naa ngagiit ĩnõõnnõ, hĩnĩngĩtĩ baa abũraneek nẽẽ ngaatĩ aku acĩnnuung ngagiita, baa ommoꞌthi nẽẽ gẽrrẽẽt, hĩnĩngĩtĩ aga aĩ, udukiaahuung ngagiit nyeemuut cĩ mõõrĩth cĩnnĩ. 27Nẽ dĩdĩ, baa õmmõõrĩ Epavorodito gẽrrẽẽt hõbõhĩ hadaak. Nẽ baa ammaannĩk Nyekuci ĩnõõnnõ hĩ nganĩĩt buúk, hẽẽlawaa nganĩĩt mothiitta cobbi. 28Nẽẽthĩ hoti ho, hidiima ꞌthẽk hĩꞌthõõahuung Epavorodito hõbõda hĩ ngagiit tarĩ, hátĩ ma icittu ĩnõõnnõ tarĩ, atallu hatĩ nẽ ikia ĩĩ hĩdĩc nganĩĩt buúk puppudi. 29Iita ũrũmtĩ hĩ ĩnõõnnõ hõrggẽẽnaa cunuung lõꞌngõõc hĩ lemmioohiti cĩ Makayyiookto nẽ itingollieeu eet ꞌcĩ aaĩ hĩ nẽẽnĩ, 30hĩnĩngĩtĩ baa õbõhĩ Epavorodito adaak thõõthaa cĩ dtiic cĩ Krĩstõ, ikia ẽlẽmana nẽẽ rũgẽt cĩnnĩ hidticaneeha nganĩĩt thõõth ꞌcĩ occa baa hõllõngaa adĩmaneekaangu niig nganĩĩt, hĩnĩngĩtĩ iiginnu ꞌrẽẽttĩg.
Currently Selected:
Pilippi 2: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Pilippi 2
2
Aaut hĩ Krĩstõ
1Akũtannuung Krĩstõ ngagiita nẽ amammaayanuung mĩnnani cĩnnẽẽnĩ. Arummuung Lorii cĩ Nyekuci ngagiita nẽ uꞌthuuttu ꞌgoonogu. 2Nẽẽthĩ ꞌyioko, adiim aaꞌnyaangu niig nganĩĩt haccamanoothĩk jurrung ꞌgõõlaa ꞌcĩ arũmeennu lõꞌngõõc hĩ ngaatĩ ammĩnannu ꞌgoonogu. Ũrũmĩt ꞌthinneeti nẽ idticattoou hõdẽĩ. 3Ma hĩĩgĩnnu muruꞌthiook nẽ ma hathĩngõõnyaneeku ꞌgoonogu. Irritatta eleeti cugguung hĩĩtõ hĩdĩcĩg nẽ icittu ꞌgoonogu haauto hĩcĩ ĩllõõannuung ngagiita. 4Abũnnaa aallaku ꞌgoonogu hĩcĩ occa aallaku eleeti cugguung.
5Aanytĩk muhẽẽnĩt cunuung hudukto hĩcĩ Yeesu Krĩstõ thõng.
6Tananga baa ĩĩn Krĩstõ Nyekuc dĩdĩ,
baa hõllõngaa aaꞌnyĩk nẽẽ ẽlẽ cĩnnĩ hudukto hĩ Nyekuc thõng.
7Baa hinnia ẽlẽmana nẽẽ ꞌgii vẽlẽk ꞌcĩ ĩĩnnĩ Nyekuc,
nẽ ikia aau hĩ dticciannioohiti
nẽ ittirria hĩ ẽẽtĩ cĩ holli õõ.
8Ma baa aau nẽẽ hĩ ẽẽtĩ ꞌcĩ holli õõ,
ikia õbõdaaĩ nẽẽ ẽlẽ cĩnnĩ hĩĩ hĩdĩca,
nẽ ĩthĩk thõõth ĩꞌthõng hẽlẽm daahĩth cĩ hurucceeo buúk.
9Nĩngĩtĩ aaꞌnyĩkĩ Nyekuci ĩnõõnnõ nĩngĩtĩ cobbi gẽrrẽẽt cĩ bulẽẽttõ
nẽ akateek ꞌthaar ꞌcĩg ĩllõõan ꞌthaarriok vẽlẽk.
10Hátĩ hakatit eeta vẽlẽk,
ꞌcĩg aattĩg hẽẽtahujjieen hĩ ꞌcĩg aattĩg loota nĩnga hĩ ꞌcĩg aattĩg looccaa cĩ miningu huruꞌnyia ꞌthaarĩĩ cĩg Yeesu,
11nẽẽthĩ, aduha hatĩ eeta vẽlẽk aĩ ĩĩn Yeesu Krĩstõ Makayyioohit
bulẽẽttaa cĩ Nyekuc Bangeet.
Lanyit looccaa nĩĩcĩ
12ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ. 13Hĩnĩngĩtĩ adticanni Nyekuci hĩ ngagiit, haaꞌnyuung accamatta tabiinit nẽ aaꞌnyuung ꞌtirriani ꞌcĩ uuluyyu ngaatĩ adĩmannu thõõth ꞌcĩ accamana nẽẽnĩ.
14Ĩdticanit thooꞌthiok vẽlẽk ꞌgõõlaa ꞌcĩ hõllõngaa ongoongoyyu hode ẽppẽhanoonnu thõng, 15hátĩ ĩmmĩrĩt nẽ iittu lõhõlĩ cĩg Nyekuci ꞌcĩg tẽllĩg ꞌcĩg aitiõõ ꞌthẽccanĩ tõõ. Aattiyyu niig looccaa cĩ eet ꞌcĩg ĩĩn ꞌloorriak ꞌcĩg abathĩ, nẽẽthĩ, aanytĩk thooꞌthiok ꞌcĩg abũnnaa ꞌcĩg adĩmannu niig ko, hatalanyit haauto hĩ mũnyũnya. 16Uꞌthuutti thõõth ꞌcĩ aꞌnyaha rũgẽt jurrung, hátĩ ma õbõda Krĩstõ, hirriani hatĩ naa gẽrrẽẽt haini, ĩko baa hõllõngaa hadticannii haaga, ĩko baa abũnnaa dtiici caannẽẽnĩ. 17Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita. 18Nẽ ꞌgõõlaa ꞌcĩ aduhõõ thõng, occa haccamanoothĩk hĩ nganĩĩt hõdẽĩ.
Timotteeo hĩ Epavorodito
19Má adiim Makayyioohiti Yeesu, hammuhi hĩꞌthõõa hatĩ naa Timotteeo hĩdĩĩkoothong, hikia hẽhẽẽrõnaahuung ngagiita. Nẽ hatĩ aaꞌnya nẽẽ nganĩĩt haccamanoothĩk ngaatĩ aku aduhaaka authet ꞌcĩ aattiyyu niiga. 20Aitiõõ eet umwaa ꞌcĩ haꞌnyahi naa ꞌcĩ aallakuung ngagiit hĩ nẽẽ tõõ. 21Aallak eeta ũgẽẽgĩ thooꞌthiok ꞌcĩg adiim nẽẽgĩ, hõllõngaa aallak thõõth cĩ Yeesu Krĩstõ. 22Nẽẽthĩ, agayyu niig ĩĩn Timotteeo eet ꞌcĩ aaĩ hutuno. Hidticattooa naag hĩ ĩnõõnnõ hĩ loholeec caannẽẽnĩ, ngaatĩ hĩꞌthaanĩka nyeemuut ꞌcĩ abũnnaa eet. 23Nẽẽthĩ hoti ho, hammuhi hĩꞌthõõakuung hatĩ ĩnõõnnõ hĩdĩĩkoothong, hatĩ hũmmũda ꞌgii ꞌcĩ hatĩ aku edeeꞌnyiakaa nganĩĩta. 24Nẽ haga naa dĩdĩ haini, ẽlẽmaaka hatĩ Makayyioohiti nganĩĩt buúk hikia hĩdĩĩkoothong.
25Hammuhi occa abũnnaa ngaatĩ hĩꞌthõõakuung ngagiit Epavorodito hõbõda hĩ ngagiit tarĩ, ĩĩn nẽẽ ꞌgõtõna, dticciannioohit nẽ ĩĩ ũũrũtaac ꞌcĩ hadticaniinna hõdẽĩ, ꞌcĩ ĩĩn ꞌthooyyiahit cunuung baa ĩꞌthõõannnu niig hikia hũꞌthũũtta nganĩĩta. 26Hĩꞌthõõakuung naa ngagiit ĩnõõnnõ, hĩnĩngĩtĩ baa abũraneek nẽẽ ngaatĩ aku acĩnnuung ngagiita, baa ommoꞌthi nẽẽ gẽrrẽẽt, hĩnĩngĩtĩ aga aĩ, udukiaahuung ngagiit nyeemuut cĩ mõõrĩth cĩnnĩ. 27Nẽ dĩdĩ, baa õmmõõrĩ Epavorodito gẽrrẽẽt hõbõhĩ hadaak. Nẽ baa ammaannĩk Nyekuci ĩnõõnnõ hĩ nganĩĩt buúk, hẽẽlawaa nganĩĩt mothiitta cobbi. 28Nẽẽthĩ hoti ho, hidiima ꞌthẽk hĩꞌthõõahuung Epavorodito hõbõda hĩ ngagiit tarĩ, hátĩ ma icittu ĩnõõnnõ tarĩ, atallu hatĩ nẽ ikia ĩĩ hĩdĩc nganĩĩt buúk puppudi. 29Iita ũrũmtĩ hĩ ĩnõõnnõ hõrggẽẽnaa cunuung lõꞌngõõc hĩ lemmioohiti cĩ Makayyiookto nẽ itingollieeu eet ꞌcĩ aaĩ hĩ nẽẽnĩ, 30hĩnĩngĩtĩ baa õbõhĩ Epavorodito adaak thõõthaa cĩ dtiic cĩ Krĩstõ, ikia ẽlẽmana nẽẽ rũgẽt cĩnnĩ hidticaneeha nganĩĩt thõõth ꞌcĩ occa baa hõllõngaa adĩmaneekaangu niig nganĩĩt, hĩnĩngĩtĩ iiginnu ꞌrẽẽttĩg.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.