ꞌJuud 1
1
ꞌThaainit ꞌcĩ aku hĩ ꞌJuud
1Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni.
Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.
2Halayyi naa, hátĩ haggatanuung Nyekuci gẽrrẽẽt tamaatitta hĩ ganõõna hĩ mĩnnaana.
Bathi cĩ ꞌlimmanniook ꞌcĩg ĩĩn oloꞌngiaak
3ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng. 4Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.
5Ma hataarroꞌthu thõõth cĩ eet baag ẽẽla Makayyioohiti Ijjiba. Baa hõllõngaa ẽlẽmĩ nẽẽg ũgẽẽgĩ Nyekuc, nĩngĩtĩ aruhi nẽẽ ĩhõõggõ baa uruta. 6Nẽ agayyu niig buúk thõõth cĩ aajĩlẽẽt baag hõllõngaa adtican dtiic cĩnĩĩng, nĩngĩtĩ ũũnnĩkĩ nĩngĩtĩ nĩĩng cĩ dtiico.#Tigiil ꞌBuuk cĩ ꞌThianaattõ 6:2 Baa ẽcẽb Nyekuci ĩhõõggõ nyerikooꞌnyanĩĩ ꞌcĩg aalla ooo nẽ ꞌyioko nga aalla aaꞌnyĩk Nyekuci ĩhõõggõ haauto ꞌlõõhĩtĩĩ ꞌcĩg ĩĩn muguur, ĩꞌthõng hatĩ kõr cĩ decciaanĩt cĩ lootu, ꞌcĩ hatĩ aku ẽttẽẽdĩ nẽẽ thooꞌthiok cĩg eetuk. 7Nẽ ma hatarroꞌthu thõõth baa ꞌtaaũn cĩ ꞌThõõdõmĩ hĩ ꞌGõmõõra,#1:7 ꞌThõõdõm hĩ ꞌGõmõõra: Waathinnioohĩĩ baag aayyi Abũrahamĩ loota nĩnga, baa aattĩg eeta ꞌcĩg abathĩ gẽrrẽẽt ꞌtaaũnnioohĩĩ cĩg ꞌThõõdõm hĩ ꞌGõmõõra nẽ baa uruk Nyekuci ĩhõõggõ hĩĩtõ ꞌthĩĩ. hĩ ꞌtaaũnniook ũgĩ baag õbõhõõ hĩ ĩhõõggõ, baa adĩman eeta cĩg ꞌtaaũnniook iccig thooꞌthiok vẽlẽk ꞌcĩg abathĩ ꞌcĩg ĩĩn ꞌriiring. Nĩngĩtĩ aku atũũthĩ Nyekuci ꞌtaaũnniook tĩko ꞌgwoyyia, hĩĩ tilooinit ꞌcĩ uuki nẽẽ eet ꞌgwoyyiaa ꞌcĩ aalla ooo.
8Aattĩg eeta ꞌcĩg hothoothi naa ho, hĩ eeta ꞌcĩg ohonooꞌthi nẽ ẽꞌthẽcanit eleeti cĩggĩĩng ngaatĩ adĩmanĩ thooꞌthiok ꞌcĩg ĩĩn ꞌriiring. Abũrĩ nẽẽg makaaꞌthĩt vẽlẽk nẽ odoomito aajĩlẽẽt cĩg Nyekuci. 9Tananga Mikaĩlẽ habuui cĩ aajĩleetu buúk, baa hõllõngaa ũũlũ ngaatĩ õdõõmĩ habu cĩ loriẽẽt ꞌcĩg abathĩ baa ẽppẽhanõõnĩ nẽẽg ꞌrammaattĩg ẽlẽ cĩ Mũũꞌtha.#1:9 Mũũꞌtha: Urutaa cĩ daahĩth cĩ Yothebo, iita ĩĩtõ lohollia cĩg Ĩꞌthĩraẽlĩ appahacaaꞌnya Ijjiba irkiꞌnyia ꞌmiiaꞌnya ꞌwec. Baa adticaniini Nyekuci Mũũꞌtha hõõgaĩ eet cĩg Ĩꞌthĩraẽlĩ appahacẽẽꞌthĩta. Baa aaꞌnyĩk Nyekuci lõhõlĩ cĩg Ĩꞌthĩraẽlĩ nyattal, hĩnĩngĩtĩ Mũũꞌtha. Ĩnõõ ꞌcĩ haĩnnĩ nyattal icci nyattal cĩ Mũũꞌtha ho. Baa arũgĩ Mũũꞌtha irkiꞌnyia aalib hõdẽĩ hĩ ꞌmiiaꞌnya ꞌwec, baa nga hittirria Yeesu. Tigiil thõõth cĩnnĩ ꞌBuuhaa cĩ Luugithõõ 2-24. Thõõth vẽlẽk ꞌcĩ baa õthõõth Mikaĩlẽ dioo ꞌcĩ aĩ, “Uuki hatĩ nganiit Makayyioohiti!” 10Õdõõm hinnia eeta cieeg makaaꞌthĩt cĩ hẽẽtkujjieen ꞌcĩ hõllõngaa aga nẽẽgĩ. Aattĩg nẽẽg hĩ idiꞌngwaana ꞌcĩg hõllõngaa aꞌnyak muhẽẽnĩt, adĩman nẽẽg hẽlẽggĩ ꞌcĩg aduhaak muhẽẽnĩtĩ cĩnĩĩng, nĩngĩtĩ ĩkõõthakĩ eleeti cĩggĩĩng daahĩth ẽmmẽn.
11Nẽẽthĩ ꞌyioko, ikiaak ĩhõõggõ pĩĩrnanĩtĩ cobbi gẽrrẽẽt. Ũnnẽẽcõ nẽẽg terethiinit cĩ Kaiino baa aruk ꞌgõtõnĩ nẽ ĩdĩmanit ꞌthẽccan baa adtican Balaamĩ,#Tigiil ꞌBuuk cĩ Tigiilẽttõõ 22:24; 24:13; 25:1-3; 31:16 ngaatĩ arrĩcanaanĩ thõõth cĩ ꞌrabbeetu diooni. Nẽ tarĩ, ũtũbũrĩt Nyekuc buúk hĩ baa abũrĩ Kõõra.#Tigiil ꞌBuuk cĩ Tigiilẽttõõ 16:1-35; 6:9, 10 Hĩnĩngĩtĩ thooꞌthiok iccig vẽlẽk, aruk hatĩ Nyekuci ĩhõõggõ.
12Aꞌnyak eeta cieeg ooti ꞌcĩg abathĩ nẽ ẽꞌthẽcanit ꞌgẽẽn ꞌcĩ adaku hõdẽĩ hĩ ĩhõõggõ, dtiicanẽẽnnĩĩ cĩggĩĩng ĩcĩg ngaaoniittak hĩ ĩcĩg muruꞌthẽẽtak. Aattĩg nẽẽg hĩ diiꞌthioha ꞌcĩg uuhan ngõõtĩ, nẽ hõllõngaa aꞌnyaha tammu buúk. Aattĩg nẽẽg hĩ hẽẽna ꞌcĩg aitiõõ bõllõõha tõõ ꞌcĩg ubbutattaa ẽlẽk nẽ aitiõõ hẽẽna ꞌcĩg abbiiri tõõ. 13Attiran eeta ꞌcĩg abũrĩ Nyekuc aattĩg hĩ tawanĩ, ꞌcĩ attarraak tahaha dẽmẽtaa cĩ liilu. Aꞌnyaha dtiicanĩ cĩggĩĩng ꞌcĩg abathĩ ho, ngaaoni. Aattĩg nẽẽg hĩ mũnyũnya ꞌcĩg arahanit ꞌcĩg õõt udtuuttĩk muguuraa cobbi gẽrrẽẽt ĩĩcĩ aalla ooo.
14Baa ĩĩn Ẽẽnõhĩ eet ꞌcĩ ĩĩn tũkĩramma ngaatĩ anũõõꞌthĩ Aadam,#1:14 Aadam: Baa ĩĩn Aadamĩ eet ꞌcĩ ẽhẽnyta Nyekuci ĩĩcĩ oou, nẽ ĩĩ maaꞌnyĩ eet vẽlẽk loota nĩnga. Ĩĩn ngaa cĩnnĩ Ẽẽvva aattĩ eet vẽlẽk loota nĩnga. Tigiil thõõth cĩnnĩ ꞌBuuhaa cĩ ꞌThianaattõ 1-5. nẽ baa õthõõth nẽẽ thõõth cĩ eet iccig aĩ, “Ĩcĩnĩt nõõ! Aku hatĩ Makayyioohiti õõkõra hĩ aalibꞌnya cĩg aajĩlẽẽt ꞌcĩg ẽllẽẽmĩth ꞌcĩg occa hõllõngaa agiili, 15ꞌcĩg au ẽttẽẽd thooꞌthiok cĩg eet vẽlẽk. Uuk hatĩ Makayyioohiti ꞌthẽccanniook ꞌcĩg hõllõngaa ẽlẽmĩ ĩnõõnnõ, hĩnĩngĩtĩ ꞌthẽccanẽẽt ꞌcĩg baag adĩman nẽẽg hĩ ꞌcĩg õdõõmĩ Nyekuc.” 16Õngõõngõ eeta cieeg nẽ aauto thooꞌthiohĩĩ ꞌcĩg abũraneek nẽẽg diooni. Athĩngõõnyan nẽẽg nẽ iggoolito eet ũgĩ, hátĩ hummuddia thooꞌthiok ꞌcĩg adiim nẽẽgĩ.
Tilooinit umwa tarĩ
17ꞌGotoonoga hĩ ngoonoga, ummuhuttooth tilooinit baa aduhaakuung ꞌthooyyiaha cĩg Makayyioohit cĩnaac Yeesu Krĩstõ baa ĩĩcĩ oou. 18Baa aduhaakuung nẽẽg aĩ, ma õbõhĩ decciaanĩtĩ cĩ lootu, aattĩg hatĩ eeta ꞌcĩg arannĩ Nyekuc nẽ ĩrrĩcatta thooꞌthiok ꞌcĩg abũraneek eleeti cĩggĩĩng dioo rũgẽtaa cĩnĩĩng. 19Nẽ ꞌyioko, ĩĩn eeta cieeg eet ꞌcĩg arumuꞌthuung ngagiit urukto nyaagwaana. Ammuk nẽẽg thooꞌthiok cĩg looc nicci dioo nẽ aitiõõ Lorii cĩ Nyekuci hĩ ĩhõõggõ tõõ.
20Nẽẽthĩ, ꞌgotoonoga hĩ ngoonoga, aallattia uꞌthuutti lemiinit thõõthaa ĩbaa ẽllẽẽmĩth allimanoothikuung ngagiita, hĩcĩ eelluung Lorii ꞌcĩ Ẽllẽẽmĩth ngagiit alayyio ho. 21Uꞌthuutti ꞌgoolliok cĩg mĩnnan cĩ Nyekuci, hĩcĩ nga ereeyyu Makayyioohit cĩnaac Yeesu Krĩstõ hẽtẽrẽtha tamaati cĩnnĩ ngaatĩ aaꞌnyuung rũgẽt ꞌcĩ aalla ooo.
22Atamaattik eet ꞌcĩg ĩccaad thõõth cĩ lemiinit cĩnĩĩng. 23Eellia eet ꞌcĩg adiim eelliaa ꞌgwoyyiaa ꞌcĩ aalla ũdũt. Nẽ tẽẽlꞌthĩtaa cĩ ꞌthinneeti cugguung, atamaattik eet ꞌcĩg adiim tamaati cunuung. Nẽẽthĩ, ĩcĩnĩt jurrung, umuddia ꞌgõõl ꞌcĩ occa aburru ꞌthẽccanẽẽt ꞌcĩg ẽꞌthẽcan rũgẽt cĩnĩĩng.
Laiinit ꞌcĩ udtuura
24Nẽ ꞌyioko, aꞌnyĩĩk bulẽẽnĩt vẽlẽk hũũk hĩ Nyekuc, ꞌcĩ ũũlũ ngaatĩ aꞌthuunnuung ngagiit ꞌgõõlaa ꞌcĩ occa arahannu, nẽ aꞌnyahaauung ngagiit taliittaa cobbi gẽrrẽẽt iita ngaatĩ aayyi nẽẽ bulẽẽttaa cĩnnĩ ĩĩcĩ hiꞌthihi ꞌthẽccan umwa. 25Aꞌnyĩĩk bulẽẽnĩt vẽlẽk hũũk hĩ Nyekuc ꞌcĩ odoyyii, hĩnĩngĩtĩ Yeesu Krĩstõ Ellioohit Makayyioohit cĩnaac. Ĩĩn bulẽẽnĩtĩ vẽlẽk hĩ makaaꞌthĩt cĩgĩnnĩg, ngaanĩngĩtĩ baarkit hĩ ꞌyioko, hĩ irkiꞌnyia vẽlẽk! Aamẽn.
Currently Selected:
ꞌJuud 1: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌJuud 1
1
ꞌThaainit ꞌcĩ aku hĩ ꞌJuud
1Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni.
Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.
2Halayyi naa, hátĩ haggatanuung Nyekuci gẽrrẽẽt tamaatitta hĩ ganõõna hĩ mĩnnaana.
Bathi cĩ ꞌlimmanniook ꞌcĩg ĩĩn oloꞌngiaak
3ꞌGotoonoga hĩ ngoonoga, baa habũraneehi naa gẽrrẽẽt ngaatĩ hẽhẽẽdakuung ngagiit thõõth cĩ elliaanĩt cĩ Nyekuci ꞌcĩ hatĩ hõthõl naag vẽlẽk ko. Nẽẽthĩ ꞌyioko, hummuha hĩĩna hidiima hẽtẽhẽẽdahuung thõõth umwa cĩrrĩĩng, hátĩ hũkũtanuung eteyyiõõĩ lemiinit baa aaꞌnyĩk Nyekuci eet cĩgĩnnĩg vẽlẽk ꞌcĩg ẽllẽẽmĩth tabattĩ hõdẽẽthõng. 4Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.
5Ma hataarroꞌthu thõõth cĩ eet baag ẽẽla Makayyioohiti Ijjiba. Baa hõllõngaa ẽlẽmĩ nẽẽg ũgẽẽgĩ Nyekuc, nĩngĩtĩ aruhi nẽẽ ĩhõõggõ baa uruta. 6Nẽ agayyu niig buúk thõõth cĩ aajĩlẽẽt baag hõllõngaa adtican dtiic cĩnĩĩng, nĩngĩtĩ ũũnnĩkĩ nĩngĩtĩ nĩĩng cĩ dtiico.#Tigiil ꞌBuuk cĩ ꞌThianaattõ 6:2 Baa ẽcẽb Nyekuci ĩhõõggõ nyerikooꞌnyanĩĩ ꞌcĩg aalla ooo nẽ ꞌyioko nga aalla aaꞌnyĩk Nyekuci ĩhõõggõ haauto ꞌlõõhĩtĩĩ ꞌcĩg ĩĩn muguur, ĩꞌthõng hatĩ kõr cĩ decciaanĩt cĩ lootu, ꞌcĩ hatĩ aku ẽttẽẽdĩ nẽẽ thooꞌthiok cĩg eetuk. 7Nẽ ma hatarroꞌthu thõõth baa ꞌtaaũn cĩ ꞌThõõdõmĩ hĩ ꞌGõmõõra,#1:7 ꞌThõõdõm hĩ ꞌGõmõõra: Waathinnioohĩĩ baag aayyi Abũrahamĩ loota nĩnga, baa aattĩg eeta ꞌcĩg abathĩ gẽrrẽẽt ꞌtaaũnnioohĩĩ cĩg ꞌThõõdõm hĩ ꞌGõmõõra nẽ baa uruk Nyekuci ĩhõõggõ hĩĩtõ ꞌthĩĩ. hĩ ꞌtaaũnniook ũgĩ baag õbõhõõ hĩ ĩhõõggõ, baa adĩman eeta cĩg ꞌtaaũnniook iccig thooꞌthiok vẽlẽk ꞌcĩg abathĩ ꞌcĩg ĩĩn ꞌriiring. Nĩngĩtĩ aku atũũthĩ Nyekuci ꞌtaaũnniook tĩko ꞌgwoyyia, hĩĩ tilooinit ꞌcĩ uuki nẽẽ eet ꞌgwoyyiaa ꞌcĩ aalla ooo.
8Aattĩg eeta ꞌcĩg hothoothi naa ho, hĩ eeta ꞌcĩg ohonooꞌthi nẽ ẽꞌthẽcanit eleeti cĩggĩĩng ngaatĩ adĩmanĩ thooꞌthiok ꞌcĩg ĩĩn ꞌriiring. Abũrĩ nẽẽg makaaꞌthĩt vẽlẽk nẽ odoomito aajĩlẽẽt cĩg Nyekuci. 9Tananga Mikaĩlẽ habuui cĩ aajĩleetu buúk, baa hõllõngaa ũũlũ ngaatĩ õdõõmĩ habu cĩ loriẽẽt ꞌcĩg abathĩ baa ẽppẽhanõõnĩ nẽẽg ꞌrammaattĩg ẽlẽ cĩ Mũũꞌtha.#1:9 Mũũꞌtha: Urutaa cĩ daahĩth cĩ Yothebo, iita ĩĩtõ lohollia cĩg Ĩꞌthĩraẽlĩ appahacaaꞌnya Ijjiba irkiꞌnyia ꞌmiiaꞌnya ꞌwec. Baa adticaniini Nyekuci Mũũꞌtha hõõgaĩ eet cĩg Ĩꞌthĩraẽlĩ appahacẽẽꞌthĩta. Baa aaꞌnyĩk Nyekuci lõhõlĩ cĩg Ĩꞌthĩraẽlĩ nyattal, hĩnĩngĩtĩ Mũũꞌtha. Ĩnõõ ꞌcĩ haĩnnĩ nyattal icci nyattal cĩ Mũũꞌtha ho. Baa arũgĩ Mũũꞌtha irkiꞌnyia aalib hõdẽĩ hĩ ꞌmiiaꞌnya ꞌwec, baa nga hittirria Yeesu. Tigiil thõõth cĩnnĩ ꞌBuuhaa cĩ Luugithõõ 2-24. Thõõth vẽlẽk ꞌcĩ baa õthõõth Mikaĩlẽ dioo ꞌcĩ aĩ, “Uuki hatĩ nganiit Makayyioohiti!” 10Õdõõm hinnia eeta cieeg makaaꞌthĩt cĩ hẽẽtkujjieen ꞌcĩ hõllõngaa aga nẽẽgĩ. Aattĩg nẽẽg hĩ idiꞌngwaana ꞌcĩg hõllõngaa aꞌnyak muhẽẽnĩt, adĩman nẽẽg hẽlẽggĩ ꞌcĩg aduhaak muhẽẽnĩtĩ cĩnĩĩng, nĩngĩtĩ ĩkõõthakĩ eleeti cĩggĩĩng daahĩth ẽmmẽn.
11Nẽẽthĩ ꞌyioko, ikiaak ĩhõõggõ pĩĩrnanĩtĩ cobbi gẽrrẽẽt. Ũnnẽẽcõ nẽẽg terethiinit cĩ Kaiino baa aruk ꞌgõtõnĩ nẽ ĩdĩmanit ꞌthẽccan baa adtican Balaamĩ,#Tigiil ꞌBuuk cĩ Tigiilẽttõõ 22:24; 24:13; 25:1-3; 31:16 ngaatĩ arrĩcanaanĩ thõõth cĩ ꞌrabbeetu diooni. Nẽ tarĩ, ũtũbũrĩt Nyekuc buúk hĩ baa abũrĩ Kõõra.#Tigiil ꞌBuuk cĩ Tigiilẽttõõ 16:1-35; 6:9, 10 Hĩnĩngĩtĩ thooꞌthiok iccig vẽlẽk, aruk hatĩ Nyekuci ĩhõõggõ.
12Aꞌnyak eeta cieeg ooti ꞌcĩg abathĩ nẽ ẽꞌthẽcanit ꞌgẽẽn ꞌcĩ adaku hõdẽĩ hĩ ĩhõõggõ, dtiicanẽẽnnĩĩ cĩggĩĩng ĩcĩg ngaaoniittak hĩ ĩcĩg muruꞌthẽẽtak. Aattĩg nẽẽg hĩ diiꞌthioha ꞌcĩg uuhan ngõõtĩ, nẽ hõllõngaa aꞌnyaha tammu buúk. Aattĩg nẽẽg hĩ hẽẽna ꞌcĩg aitiõõ bõllõõha tõõ ꞌcĩg ubbutattaa ẽlẽk nẽ aitiõõ hẽẽna ꞌcĩg abbiiri tõõ. 13Attiran eeta ꞌcĩg abũrĩ Nyekuc aattĩg hĩ tawanĩ, ꞌcĩ attarraak tahaha dẽmẽtaa cĩ liilu. Aꞌnyaha dtiicanĩ cĩggĩĩng ꞌcĩg abathĩ ho, ngaaoni. Aattĩg nẽẽg hĩ mũnyũnya ꞌcĩg arahanit ꞌcĩg õõt udtuuttĩk muguuraa cobbi gẽrrẽẽt ĩĩcĩ aalla ooo.
14Baa ĩĩn Ẽẽnõhĩ eet ꞌcĩ ĩĩn tũkĩramma ngaatĩ anũõõꞌthĩ Aadam,#1:14 Aadam: Baa ĩĩn Aadamĩ eet ꞌcĩ ẽhẽnyta Nyekuci ĩĩcĩ oou, nẽ ĩĩ maaꞌnyĩ eet vẽlẽk loota nĩnga. Ĩĩn ngaa cĩnnĩ Ẽẽvva aattĩ eet vẽlẽk loota nĩnga. Tigiil thõõth cĩnnĩ ꞌBuuhaa cĩ ꞌThianaattõ 1-5. nẽ baa õthõõth nẽẽ thõõth cĩ eet iccig aĩ, “Ĩcĩnĩt nõõ! Aku hatĩ Makayyioohiti õõkõra hĩ aalibꞌnya cĩg aajĩlẽẽt ꞌcĩg ẽllẽẽmĩth ꞌcĩg occa hõllõngaa agiili, 15ꞌcĩg au ẽttẽẽd thooꞌthiok cĩg eet vẽlẽk. Uuk hatĩ Makayyioohiti ꞌthẽccanniook ꞌcĩg hõllõngaa ẽlẽmĩ ĩnõõnnõ, hĩnĩngĩtĩ ꞌthẽccanẽẽt ꞌcĩg baag adĩman nẽẽg hĩ ꞌcĩg õdõõmĩ Nyekuc.” 16Õngõõngõ eeta cieeg nẽ aauto thooꞌthiohĩĩ ꞌcĩg abũraneek nẽẽg diooni. Athĩngõõnyan nẽẽg nẽ iggoolito eet ũgĩ, hátĩ hummuddia thooꞌthiok ꞌcĩg adiim nẽẽgĩ.
Tilooinit umwa tarĩ
17ꞌGotoonoga hĩ ngoonoga, ummuhuttooth tilooinit baa aduhaakuung ꞌthooyyiaha cĩg Makayyioohit cĩnaac Yeesu Krĩstõ baa ĩĩcĩ oou. 18Baa aduhaakuung nẽẽg aĩ, ma õbõhĩ decciaanĩtĩ cĩ lootu, aattĩg hatĩ eeta ꞌcĩg arannĩ Nyekuc nẽ ĩrrĩcatta thooꞌthiok ꞌcĩg abũraneek eleeti cĩggĩĩng dioo rũgẽtaa cĩnĩĩng. 19Nẽ ꞌyioko, ĩĩn eeta cieeg eet ꞌcĩg arumuꞌthuung ngagiit urukto nyaagwaana. Ammuk nẽẽg thooꞌthiok cĩg looc nicci dioo nẽ aitiõõ Lorii cĩ Nyekuci hĩ ĩhõõggõ tõõ.
20Nẽẽthĩ, ꞌgotoonoga hĩ ngoonoga, aallattia uꞌthuutti lemiinit thõõthaa ĩbaa ẽllẽẽmĩth allimanoothikuung ngagiita, hĩcĩ eelluung Lorii ꞌcĩ Ẽllẽẽmĩth ngagiit alayyio ho. 21Uꞌthuutti ꞌgoolliok cĩg mĩnnan cĩ Nyekuci, hĩcĩ nga ereeyyu Makayyioohit cĩnaac Yeesu Krĩstõ hẽtẽrẽtha tamaati cĩnnĩ ngaatĩ aaꞌnyuung rũgẽt ꞌcĩ aalla ooo.
22Atamaattik eet ꞌcĩg ĩccaad thõõth cĩ lemiinit cĩnĩĩng. 23Eellia eet ꞌcĩg adiim eelliaa ꞌgwoyyiaa ꞌcĩ aalla ũdũt. Nẽ tẽẽlꞌthĩtaa cĩ ꞌthinneeti cugguung, atamaattik eet ꞌcĩg adiim tamaati cunuung. Nẽẽthĩ, ĩcĩnĩt jurrung, umuddia ꞌgõõl ꞌcĩ occa aburru ꞌthẽccanẽẽt ꞌcĩg ẽꞌthẽcan rũgẽt cĩnĩĩng.
Laiinit ꞌcĩ udtuura
24Nẽ ꞌyioko, aꞌnyĩĩk bulẽẽnĩt vẽlẽk hũũk hĩ Nyekuc, ꞌcĩ ũũlũ ngaatĩ aꞌthuunnuung ngagiit ꞌgõõlaa ꞌcĩ occa arahannu, nẽ aꞌnyahaauung ngagiit taliittaa cobbi gẽrrẽẽt iita ngaatĩ aayyi nẽẽ bulẽẽttaa cĩnnĩ ĩĩcĩ hiꞌthihi ꞌthẽccan umwa. 25Aꞌnyĩĩk bulẽẽnĩt vẽlẽk hũũk hĩ Nyekuc ꞌcĩ odoyyii, hĩnĩngĩtĩ Yeesu Krĩstõ Ellioohit Makayyioohit cĩnaac. Ĩĩn bulẽẽnĩtĩ vẽlẽk hĩ makaaꞌthĩt cĩgĩnnĩg, ngaanĩngĩtĩ baarkit hĩ ꞌyioko, hĩ irkiꞌnyia vẽlẽk! Aamẽn.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.