Yõõna 4
4
Alĩĩllĩk Yõõna Nyekuc
1Baa alĩĩlĩ Yõõna gẽrrẽẽt ngaatĩ ũũhũĩ Makayyioohiti muhẽẽnĩt cĩnnĩ. 2Nĩngĩtĩ alaĩ nẽẽ Makayyioohit annẽẽkĩ, “Baa hagawa naa thõõth icci baa ĩĩcĩ oou hĩĩna, aitiõõ hatĩ nii hõllõngaa aruhi eet cĩg ꞌtaaũn cĩ Nineve. Ĩnõõ ꞌcĩ hũũnnĩkĩĩ naa looc caannĩ dẽẽdẽ nẽ hũũha ĩĩcĩ looc cĩ Tarthithi ho. Ĩĩnĩ nii Nyekuc ꞌcĩ tarbalĩ nẽ atamaatihuu eeta nẽ emmeethi thooꞌthiok gẽrrẽẽt. Ẽtẽrꞌtha nii mĩnnan hõdõõkõthĩ nẽ hõllõngaa adiim uuki eet umwa, tananga eet cĩg looc ꞌcĩ ꞌrĩĩng. 3Nẽẽthĩ ꞌyioko, ruhaa nganĩĩta Makayyioohit, mẽẽn ngaatĩ occa hadaaknĩ hĩllõõan ngaatĩ occa harũgnĩ, hatĩ hõllõngaa aku edeeꞌnyia thõõth baa haduha naa hĩĩ dĩdĩ.”
4Ẽdẽcĩ Makayyioohiti ĩnõõnnõ anneek, “Abũnnaa hĩ nganiit ngaatĩ alĩĩllĩ, hĩnĩngĩtĩ thõõth icci?”
5Ma ho, ĩtĩnga Yõõna uduhun ũũk ꞌtaaũnaa cobbi battaala hattũũgaa cobbi ĩcĩ aaĩ ĩĩcĩ uruto, nĩngĩtĩ õkõ aarĩkĩ hẽbẽrkẽk hĩĩ ꞌrii ꞌcĩ ereeini nĩngaata, hátĩ hĩcĩn ne occa hatĩ ꞌcĩ adĩmanoothĩk ꞌtaaũn cobbi ho. 6Ma baa ho, aaꞌnyĩk Makayyioohiti Nyekuci hẽẽt umwa hũbũtha nĩngaata hĩĩ ꞌrii ꞌcĩ ẽẽl Yõõna nẽ baa accamanoothĩk nẽẽ gẽrrẽẽt, hĩnĩngĩtĩ hẽẽt tĩho. 7Ma hinnia baa loohoth ꞌcĩ ꞌrĩĩng ngerrenita, ĩꞌthõõa Nyekuci hulutaac umwa hikia hadak hẽẽt tĩho, nĩngĩtĩ õdõhõknĩ hẽẽt. 8Ma baa ĩꞌngõtha kõrra, ĩꞌthõõa Nyekuci ngõõt ꞌcĩ aaburii ꞌcĩ aku ĩĩcĩ uruto, huuhan Yõõna. Baa atũũth kõrra Yõõna hũbũcanniaa hidiim hatawaal nẽ ũbũraneek daahĩth nẽ õthõõth ĩĩ, “Mẽẽn daahĩthĩ hĩllõõan ngaatĩ harũgnĩ hĩ ꞌyioko ho!”
9Ẽdẽcĩ hinnia Nyekuci Yõõna anneek, “Aꞌnyahi nii thõõth umwa ꞌcĩ alĩĩllĩ hẽẽt icci?”
Ẽdẽcĩ Yõõna aĩ, “Eei, halĩĩlĩ gẽrrẽẽt hĩcĩ haĩ hadaahi.”
10Nĩngĩtĩ aĩnnĩ Makayyioohiti, “Arrĩcanaa gõõng hẽẽt baa hõllõngaa atiboolani hode aꞌthũũnnĩ buúk ko inni? Baa alĩꞌtha hẽẽt ciee baalin hõdẽẽthõng nẽ adaak baalin ꞌcĩ anũẽẽkĩ. 11Nẽẽthĩ, baa mẽẽlĩg eeta cĩg ꞌtaaũn cĩ Nineve vẽlẽk ĩllõõan aalibꞌnya ꞌmiia hõdẽĩ hĩ hẽẽn ꞌramma (120,000), ꞌcĩg hõllõngaa aga thõõth ꞌcĩ abathĩ hĩ ꞌcĩ abũnnaa nẽ baa mẽẽlĩg hẽlẽggĩ buúk. Aitiõõ nii hõllõngaa ammuhi aini, occa hammaannihi naa ꞌtaaũn cobbi ho?”
Currently Selected:
Yõõna 4: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Yõõna 4
4
Alĩĩllĩk Yõõna Nyekuc
1Baa alĩĩlĩ Yõõna gẽrrẽẽt ngaatĩ ũũhũĩ Makayyioohiti muhẽẽnĩt cĩnnĩ. 2Nĩngĩtĩ alaĩ nẽẽ Makayyioohit annẽẽkĩ, “Baa hagawa naa thõõth icci baa ĩĩcĩ oou hĩĩna, aitiõõ hatĩ nii hõllõngaa aruhi eet cĩg ꞌtaaũn cĩ Nineve. Ĩnõõ ꞌcĩ hũũnnĩkĩĩ naa looc caannĩ dẽẽdẽ nẽ hũũha ĩĩcĩ looc cĩ Tarthithi ho. Ĩĩnĩ nii Nyekuc ꞌcĩ tarbalĩ nẽ atamaatihuu eeta nẽ emmeethi thooꞌthiok gẽrrẽẽt. Ẽtẽrꞌtha nii mĩnnan hõdõõkõthĩ nẽ hõllõngaa adiim uuki eet umwa, tananga eet cĩg looc ꞌcĩ ꞌrĩĩng. 3Nẽẽthĩ ꞌyioko, ruhaa nganĩĩta Makayyioohit, mẽẽn ngaatĩ occa hadaaknĩ hĩllõõan ngaatĩ occa harũgnĩ, hatĩ hõllõngaa aku edeeꞌnyia thõõth baa haduha naa hĩĩ dĩdĩ.”
4Ẽdẽcĩ Makayyioohiti ĩnõõnnõ anneek, “Abũnnaa hĩ nganiit ngaatĩ alĩĩllĩ, hĩnĩngĩtĩ thõõth icci?”
5Ma ho, ĩtĩnga Yõõna uduhun ũũk ꞌtaaũnaa cobbi battaala hattũũgaa cobbi ĩcĩ aaĩ ĩĩcĩ uruto, nĩngĩtĩ õkõ aarĩkĩ hẽbẽrkẽk hĩĩ ꞌrii ꞌcĩ ereeini nĩngaata, hátĩ hĩcĩn ne occa hatĩ ꞌcĩ adĩmanoothĩk ꞌtaaũn cobbi ho. 6Ma baa ho, aaꞌnyĩk Makayyioohiti Nyekuci hẽẽt umwa hũbũtha nĩngaata hĩĩ ꞌrii ꞌcĩ ẽẽl Yõõna nẽ baa accamanoothĩk nẽẽ gẽrrẽẽt, hĩnĩngĩtĩ hẽẽt tĩho. 7Ma hinnia baa loohoth ꞌcĩ ꞌrĩĩng ngerrenita, ĩꞌthõõa Nyekuci hulutaac umwa hikia hadak hẽẽt tĩho, nĩngĩtĩ õdõhõknĩ hẽẽt. 8Ma baa ĩꞌngõtha kõrra, ĩꞌthõõa Nyekuci ngõõt ꞌcĩ aaburii ꞌcĩ aku ĩĩcĩ uruto, huuhan Yõõna. Baa atũũth kõrra Yõõna hũbũcanniaa hidiim hatawaal nẽ ũbũraneek daahĩth nẽ õthõõth ĩĩ, “Mẽẽn daahĩthĩ hĩllõõan ngaatĩ harũgnĩ hĩ ꞌyioko ho!”
9Ẽdẽcĩ hinnia Nyekuci Yõõna anneek, “Aꞌnyahi nii thõõth umwa ꞌcĩ alĩĩllĩ hẽẽt icci?”
Ẽdẽcĩ Yõõna aĩ, “Eei, halĩĩlĩ gẽrrẽẽt hĩcĩ haĩ hadaahi.”
10Nĩngĩtĩ aĩnnĩ Makayyioohiti, “Arrĩcanaa gõõng hẽẽt baa hõllõngaa atiboolani hode aꞌthũũnnĩ buúk ko inni? Baa alĩꞌtha hẽẽt ciee baalin hõdẽẽthõng nẽ adaak baalin ꞌcĩ anũẽẽkĩ. 11Nẽẽthĩ, baa mẽẽlĩg eeta cĩg ꞌtaaũn cĩ Nineve vẽlẽk ĩllõõan aalibꞌnya ꞌmiia hõdẽĩ hĩ hẽẽn ꞌramma (120,000), ꞌcĩg hõllõngaa aga thõõth ꞌcĩ abathĩ hĩ ꞌcĩ abũnnaa nẽ baa mẽẽlĩg hẽlẽggĩ buúk. Aitiõõ nii hõllõngaa ammuhi aini, occa hammaannihi naa ꞌtaaũn cobbi ho?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.