Yõõna 2

Ala Yõõna Makayyioohit

1Ma hẽẽngatõõ cĩ ulugooco, ala Yõõna Makayyioohit Nyekuc cĩnnĩ. 2Baa alayyi nẽẽ aĩ,

“Makayyioohit, baa haaĩ naa ꞌcannaana, baa halayyii nganiita

nẽ ithihu laiinit caannĩ.

Baa halayyii naa nganiit looccaa cĩ daakiahu,

nẽ edecu nii laiinit caannĩ.

3Baa adhuheekaa nii nganĩĩt ngaatĩ uuthik,

bũlũcatõõ hõrggẽẽna,

hũmmũlũũnyanaa ꞌtirriani cĩ maamu;

ukuua

ꞌtirriani cĩ maamu nganĩĩta.

4Nẽ hummuha hĩĩna, itiggiawaa bẽrẽ nii nganĩĩt

muumaa cunni,

iittiõõ hatĩ hõllõngaa hacini

ꞌcieeth cunni ꞌcĩ ẽllẽẽmĩth cĩ laiitto tarĩ.

5Baa hũbũcannia haĩ hũtũdũdĩ bũlũcatõõ.

Irriamaneeka maama cĩg bũlũcaak nganĩĩta.

Atĩttĩĩranoothĩkaa arteeniti cĩ bũlũcõ õõ caannĩ.

6Baa hiitho bũlũc hõdõlan cõrrẽẽn cĩg muurak;

baa hĩĩna baabutheenit loota ꞌthẽẽmĩtõõ, baa aꞌnyũũgĩ hattũũgẽta cĩg lootu ũdũt.

Nẽẽthĩ, ikia uvvucanaawaa nii nganĩĩt daahĩtha,

Makayyioohit Nyekuci caannĩ.

7Ma baa hĩcĩnootha õbõhĩ daahĩthĩ caannẽẽnĩ,

hummuhaai nganiita

nẽ edecu laiinit caannĩ

ꞌCieethaa cunni ĩcĩ ẽllẽẽmĩth ĩcĩ laiitto.

8Ũtũbũrĩt eeta aag gõõng ala nyekuꞌnya ꞌcĩg hõllõngaa ĩĩn dĩdĩ

bũnnai ꞌcĩ occa baa aaꞌnyĩk Nyekuci ĩhõõggõ.

9Nẽẽthĩ hinnianĩ, haaꞌnyii hatĩ naa nganiit

ꞌgaarrieenit tẽgẽlaa cĩ dĩhĩthẽẽttõ,

nẽ hattũbaneehi hatĩ lõbũtĩ caannĩ,

hĩnĩngĩtĩ aku elliaanĩtĩ caannĩ vẽlẽk hĩ Makayyioohit diooni.”

10Nĩngĩtĩ aduhaakĩ Makayyioohiti ulugooc hataꞌthahaak Yõõna battaala dẽmẽtaa cĩ bũlũcõ.

Currently Selected:

Yõõna 2: did

Highlight

Copy

Compare

Want to have your highlights saved across all your devices? Sign up or sign in

Learn More About ꞌBuuk cĩ Thõõth cĩ Nyekuci