ꞌThianaattõ 6
6
ꞌThẽccanẽẽt cĩg eetuk
1Ma baa iita ĩĩtõ mẽẽlĩg eeta loota nĩnga, iita ĩꞌthaattothoothĩk looc vẽlẽk nẽ ittirria lõhõlĩ ꞌcĩg ngayyig ũgĩ buúk. 2Nẽ baa iita abarrittieek lohollia ꞌcĩg maacĩg cĩg Nyekuci lõhõlĩ ꞌcĩg ngayyig cĩg eetuk ko gẽrrẽẽt, nĩngĩtĩ aꞌthũwanĩ ũgĩ. 3Ma kõr umwa, õthõõth Nyekuci Makayyioohiti ĩĩ, “Iittiõõ hatĩ hõllõngaa hẽlẽmaakĩ Lori caannĩ ꞌcĩ aꞌnyĩĩk eet rũgẽt ko, haau hĩ ĩhõõggõ ĩꞌthõng, hĩnĩngĩtĩ ĩĩn nẽẽg eet haaga. Nẽ kõr nicci ĩꞌthõng dtuurnanĩt cĩ lootu, iittiõõ hatĩ ẽẽtĩ ꞌcĩ nga arũgĩ hallaꞌnganit irkiꞌnyia cĩgĩnnĩg hĩĩtõ ꞌmiia hõdẽĩ hĩ hẽẽn ꞌramma tõõ (120).”
4Ma urutaa cĩnnĩ, iita ittirria eeta ꞌcĩg ꞌcilangĩk gẽrrẽẽt loota nĩnga, ꞌcĩg arrita ngaaĩ baag aꞌthũwan lohollia ꞌcĩg maacĩg cĩg Nyekuci. Baa haĩ eet tĩko Nevilim. Baa ĩĩn nẽẽg eet ꞌcĩg aꞌthĩlan nẽ ubulli baarkit gẽrrẽẽt ũdũt.
5Baa aga Makayyioohiti ꞌthẽccanẽẽt ꞌcĩg adĩman eeta loota nĩnga vẽlẽk nẽ aga ngaatĩ abaꞌthĩ muhẽẽnĩtĩ vẽlẽk ꞌcĩ aꞌnyak eeta ꞌthinneetinii cĩggĩĩng buúk. 6Nĩngĩtĩ aku alĩĩllĩ Makayyioohiti nẽ õppõdan gẽrrẽẽt ngaatĩ baa ẽhẽnytaanĩ ĩhõõggõ. 7Ma ho, õthõõth Makayyioohiti ĩĩ, “Hamummuunyani hatĩ naa eet baag hẽhẽnyta loota nĩnga, hĩ idiꞌngwa hĩ hĩbaallĩ hĩ hẽlẽggĩ ꞌcĩg õgõlĩt loota buúk hĩĩ lõõcĩ ꞌthĩĩ, hĩnĩngĩtĩ halĩĩlĩ gẽrrẽẽt ngaatĩ baa hẽhẽnytaanĩ ĩhõõggõ.” 8Nẽẽthĩ, baa accamana Makayyioohiti Nõõa.
9Nẽ thõõth cĩ Nõõa cieeni:
Baa ĩĩn Nõõa eet umwa ꞌcĩ ammĩnan Nyekuci gẽrrẽẽt, hĩnĩngĩtĩ baa ĩĩn nẽẽ eet ꞌcĩ abũnnaa eetini vẽlẽk. Baa aga Nõõa ngaatĩ aayyi Nyekuci hĩ ĩnõõnnõ hõdõõkõthĩ waathinnioohĩĩ cĩg rũgẽt cĩnnĩ vẽlẽk. 10Nẽ baa aꞌnyak nẽẽ lõhõlĩ ꞌcĩg maacĩg iyyio, ꞌcĩg haĩ ꞌThẽm hĩ Haam hĩ ꞌJavẽth.
11Ma waathinnioohĩĩ ĩtĩko, baa adĩman eeta thooꞌthiok ꞌcĩg ĩĩn ꞌriiring diooni hẽbẽrẽẽnnĩĩ cĩg Nyekuci nẽ urukto tahatak lõkõrẽẽt vẽlẽk. 12Ma baa udtuuha Nyekuci ngaatĩ ũllũngattĩ ꞌthẽccanẽẽta ꞌcĩg adĩman eeta looc ko, 13ikia uduhaak nẽẽ Nõõa ĩĩnnĩk, “Hataba naa hũcũda eet hĩ looc vẽlẽk hĩĩ ꞌthĩĩ, hĩnĩngĩtĩ ꞌthẽccanẽẽt ꞌcĩg adtican nẽẽg ko. 14Nẽẽthĩ hoti ho, tẽhẽnya haahũl hẽẽnĩĩ ꞌcĩg ĩĩgĩthĩ nẽ eꞌngeru haꞌnyak ũũdaꞌnya ꞌcĩg mẽẽlĩg nẽ idilu doollianga jurrung ĩĩttõõ hĩ battaala vẽlẽk, hátĩ hiittiõõ hõllõngaa aduhun maama. 15Tẽhẽnya hĩĩ maka hĩttĩmanĩ hĩĩ ꞌthoo ꞌmiiaꞌnya ꞌwec hĩ hẽẽn ꞌtur (450) uuttetha nẽ ĩttĩmanĩ ĩĩ ꞌthoo hẽẽn tũrkĩramma hĩ ꞌtur (75) hatĩ haliit thõng nẽ tarĩ ĩttĩmanĩ ĩĩ ꞌthoo hẽẽn ꞌwec hĩ ꞌtur (45) hatĩ hõtõd lokora. 16Kũmman lokor cĩ haahũlõ jurrung nẽ ũtũngeehu nĩngĩmwa ꞌcĩ abadtẽc ꞌcĩ ũũppan ꞌthoo ꞌramma hĩĩ hutuli. Tẽhẽny ĩĩttõõ hatattadĩ hĩĩ ꞌgoolliok iyyio nẽ aarihuu hattũũg ngadiiha.
17“Hõkõ hatĩ hĩꞌthõõa naa maam ꞌcĩg au aruk eet hĩ hẽlẽggĩ vẽlẽk ꞌcĩg arũgĩ loota nĩnga hĩĩ lõõcĩ ꞌthĩĩ. 18Nẽẽthĩ, hadak hatĩ lõhõt hĩ nganiit kõr tĩho. Haaꞌnyii hatĩ bĩĩt haahũlatõõ hĩ ngaa cunni hĩ lõhõlĩ cugunnig vẽlẽk hĩ ngaaĩ cĩggĩĩng buúk. 19Haaꞌnyii hatĩ bẽra hẽlẽggĩ ꞌcĩg arũgĩ loota nĩnga vẽlẽk, ꞌcĩ ngayyi hĩ ꞌcĩ maacĩ nẽ ũũhĩ haahũlatõõ, hátĩ hũrũgĩt. 20Adukna hatĩ idiꞌngwaana vẽlẽk cũũmõ cũũmõ, ꞌcĩ ngayyi hĩ ꞌcĩ maacĩ hĩbaallĩnĩ noho buúk, hĩ hẽlẽggĩ vẽlẽk ꞌcĩg õgõlĩt loota nĩnga haahũlatõõ, hátĩ hiita hũrũgĩt. 21Õkõõĩ hatĩ ꞌgeenniok cũũmõ cũũmõ buúk cĩg idiꞌngwa vẽlẽk ꞌcĩg aattĩg haahũlatõõ ho, hĩ ꞌgẽẽn cunuung buúk.”
22Ma ho, ĩdĩman Nõõa thooꞌthiok iccig vẽlẽk hĩ baa aduhaak Nyekuci ĩnõõnnõ.
Currently Selected:
ꞌThianaattõ 6: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌThianaattõ 6
6
ꞌThẽccanẽẽt cĩg eetuk
1Ma baa iita ĩĩtõ mẽẽlĩg eeta loota nĩnga, iita ĩꞌthaattothoothĩk looc vẽlẽk nẽ ittirria lõhõlĩ ꞌcĩg ngayyig ũgĩ buúk. 2Nẽ baa iita abarrittieek lohollia ꞌcĩg maacĩg cĩg Nyekuci lõhõlĩ ꞌcĩg ngayyig cĩg eetuk ko gẽrrẽẽt, nĩngĩtĩ aꞌthũwanĩ ũgĩ. 3Ma kõr umwa, õthõõth Nyekuci Makayyioohiti ĩĩ, “Iittiõõ hatĩ hõllõngaa hẽlẽmaakĩ Lori caannĩ ꞌcĩ aꞌnyĩĩk eet rũgẽt ko, haau hĩ ĩhõõggõ ĩꞌthõng, hĩnĩngĩtĩ ĩĩn nẽẽg eet haaga. Nẽ kõr nicci ĩꞌthõng dtuurnanĩt cĩ lootu, iittiõõ hatĩ ẽẽtĩ ꞌcĩ nga arũgĩ hallaꞌnganit irkiꞌnyia cĩgĩnnĩg hĩĩtõ ꞌmiia hõdẽĩ hĩ hẽẽn ꞌramma tõõ (120).”
4Ma urutaa cĩnnĩ, iita ittirria eeta ꞌcĩg ꞌcilangĩk gẽrrẽẽt loota nĩnga, ꞌcĩg arrita ngaaĩ baag aꞌthũwan lohollia ꞌcĩg maacĩg cĩg Nyekuci. Baa haĩ eet tĩko Nevilim. Baa ĩĩn nẽẽg eet ꞌcĩg aꞌthĩlan nẽ ubulli baarkit gẽrrẽẽt ũdũt.
5Baa aga Makayyioohiti ꞌthẽccanẽẽt ꞌcĩg adĩman eeta loota nĩnga vẽlẽk nẽ aga ngaatĩ abaꞌthĩ muhẽẽnĩtĩ vẽlẽk ꞌcĩ aꞌnyak eeta ꞌthinneetinii cĩggĩĩng buúk. 6Nĩngĩtĩ aku alĩĩllĩ Makayyioohiti nẽ õppõdan gẽrrẽẽt ngaatĩ baa ẽhẽnytaanĩ ĩhõõggõ. 7Ma ho, õthõõth Makayyioohiti ĩĩ, “Hamummuunyani hatĩ naa eet baag hẽhẽnyta loota nĩnga, hĩ idiꞌngwa hĩ hĩbaallĩ hĩ hẽlẽggĩ ꞌcĩg õgõlĩt loota buúk hĩĩ lõõcĩ ꞌthĩĩ, hĩnĩngĩtĩ halĩĩlĩ gẽrrẽẽt ngaatĩ baa hẽhẽnytaanĩ ĩhõõggõ.” 8Nẽẽthĩ, baa accamana Makayyioohiti Nõõa.
9Nẽ thõõth cĩ Nõõa cieeni:
Baa ĩĩn Nõõa eet umwa ꞌcĩ ammĩnan Nyekuci gẽrrẽẽt, hĩnĩngĩtĩ baa ĩĩn nẽẽ eet ꞌcĩ abũnnaa eetini vẽlẽk. Baa aga Nõõa ngaatĩ aayyi Nyekuci hĩ ĩnõõnnõ hõdõõkõthĩ waathinnioohĩĩ cĩg rũgẽt cĩnnĩ vẽlẽk. 10Nẽ baa aꞌnyak nẽẽ lõhõlĩ ꞌcĩg maacĩg iyyio, ꞌcĩg haĩ ꞌThẽm hĩ Haam hĩ ꞌJavẽth.
11Ma waathinnioohĩĩ ĩtĩko, baa adĩman eeta thooꞌthiok ꞌcĩg ĩĩn ꞌriiring diooni hẽbẽrẽẽnnĩĩ cĩg Nyekuci nẽ urukto tahatak lõkõrẽẽt vẽlẽk. 12Ma baa udtuuha Nyekuci ngaatĩ ũllũngattĩ ꞌthẽccanẽẽta ꞌcĩg adĩman eeta looc ko, 13ikia uduhaak nẽẽ Nõõa ĩĩnnĩk, “Hataba naa hũcũda eet hĩ looc vẽlẽk hĩĩ ꞌthĩĩ, hĩnĩngĩtĩ ꞌthẽccanẽẽt ꞌcĩg adtican nẽẽg ko. 14Nẽẽthĩ hoti ho, tẽhẽnya haahũl hẽẽnĩĩ ꞌcĩg ĩĩgĩthĩ nẽ eꞌngeru haꞌnyak ũũdaꞌnya ꞌcĩg mẽẽlĩg nẽ idilu doollianga jurrung ĩĩttõõ hĩ battaala vẽlẽk, hátĩ hiittiõõ hõllõngaa aduhun maama. 15Tẽhẽnya hĩĩ maka hĩttĩmanĩ hĩĩ ꞌthoo ꞌmiiaꞌnya ꞌwec hĩ hẽẽn ꞌtur (450) uuttetha nẽ ĩttĩmanĩ ĩĩ ꞌthoo hẽẽn tũrkĩramma hĩ ꞌtur (75) hatĩ haliit thõng nẽ tarĩ ĩttĩmanĩ ĩĩ ꞌthoo hẽẽn ꞌwec hĩ ꞌtur (45) hatĩ hõtõd lokora. 16Kũmman lokor cĩ haahũlõ jurrung nẽ ũtũngeehu nĩngĩmwa ꞌcĩ abadtẽc ꞌcĩ ũũppan ꞌthoo ꞌramma hĩĩ hutuli. Tẽhẽny ĩĩttõõ hatattadĩ hĩĩ ꞌgoolliok iyyio nẽ aarihuu hattũũg ngadiiha.
17“Hõkõ hatĩ hĩꞌthõõa naa maam ꞌcĩg au aruk eet hĩ hẽlẽggĩ vẽlẽk ꞌcĩg arũgĩ loota nĩnga hĩĩ lõõcĩ ꞌthĩĩ. 18Nẽẽthĩ, hadak hatĩ lõhõt hĩ nganiit kõr tĩho. Haaꞌnyii hatĩ bĩĩt haahũlatõõ hĩ ngaa cunni hĩ lõhõlĩ cugunnig vẽlẽk hĩ ngaaĩ cĩggĩĩng buúk. 19Haaꞌnyii hatĩ bẽra hẽlẽggĩ ꞌcĩg arũgĩ loota nĩnga vẽlẽk, ꞌcĩ ngayyi hĩ ꞌcĩ maacĩ nẽ ũũhĩ haahũlatõõ, hátĩ hũrũgĩt. 20Adukna hatĩ idiꞌngwaana vẽlẽk cũũmõ cũũmõ, ꞌcĩ ngayyi hĩ ꞌcĩ maacĩ hĩbaallĩnĩ noho buúk, hĩ hẽlẽggĩ vẽlẽk ꞌcĩg õgõlĩt loota nĩnga haahũlatõõ, hátĩ hiita hũrũgĩt. 21Õkõõĩ hatĩ ꞌgeenniok cũũmõ cũũmõ buúk cĩg idiꞌngwa vẽlẽk ꞌcĩg aattĩg haahũlatõõ ho, hĩ ꞌgẽẽn cunuung buúk.”
22Ma ho, ĩdĩman Nõõa thooꞌthiok iccig vẽlẽk hĩ baa aduhaak Nyekuci ĩnõõnnõ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.