ꞌThianaattõ 40
40
Uduha Yothebo honoothi cĩ habuuo
1Ma baa urutaa cĩ waathinniook ũgĩ, ikia ĩlĩĩlĩeek habuui cĩ Ijjibi eet ꞌcĩ gõõng aaꞌnyĩk ĩnõõnnõ mẽrtĩ, hĩ eet ꞌcĩ gõõng ĩwaadak ĩnõõnnõ ũbũnẽẽt. 2Baa alĩĩllĩk habuui ꞌgaala ꞌcĩg ĩĩn ꞌramma ho gẽrrẽẽt, 3nẽ aarĩk ĩhõõggõ baabuuthaa ꞌcĩ baa ababuuthaniini Yothebo, halaangatõõ cĩ ꞌgaalac ꞌcĩ ĩĩn bekioohit. 4Ma nĩngaata, ikia aaꞌnyĩk ꞌgaalacĩ Yothebo hũꞌthũũtĩ eet ꞌcĩg ĩĩn ꞌramma ho.
Ma urutaa cĩ waathinniook ũgĩ, 5iita ohonooꞌthi eeta cieeg adticanoothĩk habu cĩ Ijjibi ho ꞌrammaattĩg baalin umwa. Baa aꞌnyak honoothi cĩnĩĩng ko, thooꞌthiok cũũmõ cũũmõ.
6Ma baa ammũdoothĩk Yothebo ĩhõõggõ loohoth cĩnnĩ ho, ammũdoothĩk hinnia ĩhõõggõ ommoꞌthi gẽrrẽẽt. 7Acĩn Yothebo hoti noho, nĩngĩtĩ ajini ꞌgaala cĩg habuuak annẽẽkĩ, “Aꞌngurruunyi aattĩ hatĩ ngagiit muumti kõr icci noho inni?”
8Ẽdẽcĩ nẽẽg aĩ, “Iyyia hohonoothinna naag vẽlẽk ꞌrammaattĩg aabaal honoothinit ꞌcĩ ꞌrĩĩng nẽ aitioonneet ẽẽtĩ ꞌcĩ etereꞌtheet honoothi icci tõõ.”
Ma ho, ĩĩnnĩk Yothebo ĩhõõggõ, “Hõllõngaa nooyyia Nyekuc dioo ꞌcĩ occa ẽddẽẽbakeet thooꞌthiok ꞌcĩg aduha honoothiniti? Uduktaahaangu da honoothi cunuung ko.”
9Ma hoti ho, iꞌthianaaĩ dticciannioohiti cĩ habuuo ẽdtẽbanaak Yothebo honoothinit cĩnnĩ ĩĩ, “Hohonooꞌthi hadtuuha hẽẽt cĩ viinoo, 10ꞌcĩ aꞌnyak taba iyyio. Ma hĩdĩĩkoothong, hĩcĩna accawan nẽ õddõngõt nĩĩcĩ noho. Ma tarĩ hĩdĩĩkoothong, ibbiira. 11Ma ho, hamacũeeha viino nicci hooppoaa cĩ habuuo, nĩngĩtĩ haaꞌnyĩkĩ ĩnõõnnõ hũhũd.”
12Ẽdẽcĩ Yothebo ĩnõõnnõ anneek, “Acini taba ꞌcĩg ĩĩn iyyio ho, ĩthakꞌthoothĩk waathinniook ꞌcĩg ĩĩn iyyio. 13Nẽ waathinnioohĩĩ ꞌcĩg ĩĩn iyyio ho, amaannikii hatĩ nganiit habuui nẽ õõgaiina. Õõgannii hatĩ noho nẽ obodeeki dtiicaa baa nunni tarĩ nẽ hatĩ aaꞌnyĩhuu ĩnõõnnõ mẽrtĩ hĩbaa gõõng. 14Nẽẽthĩ, má ikia edeeꞌnyia thõõth ciee ĩĩ dĩdĩ, ma baaĩ nuun hataarroꞌthanĩ. Duhaaka baaĩ habu thõõth caannĩ horoong hatĩ õõgannaanĩ. 15ꞌYioko acĩnnaa haaĩ ngaati ho, baa haggammia looccaa cĩ Ebereei nẽ tarĩ ꞌyioko ikia haꞌngaaꞌnyoothĩha baabuuth haaga.”
16Ma baa adtuuha tarĩ makayyioohiti cĩ eet ꞌcĩg atturroothĩk habu ngaatĩ ẽbẽanaanĩ Yothebo thõõth cĩ honoothi cĩ ꞌgõõnõnĩ jurrung ko, ikia ẽddẽẽbak nẽẽ buúk Yothebo honoothi cĩnnĩ ĩĩnnĩk, “Thĩĩk thĩ dako honoothi caannĩ ho buúk ẽlẽ. Hohonooꞌthi naa hatattadi lohoddwa iyyio cĩg ũbũneetu õõa. 17Lohodaa cĩ lokoru, baa abbĩꞌthĩĩ ũbũnẽẽta ꞌcĩg gõõng aduk habuui. Au hinnia avvucan hĩbaallĩ õõa caannĩ hĩĩ ꞌthĩĩ.”
18Ẽdẽcĩ Yothebo anneek, “Ĩthakꞌthoothĩk lohoddwaana ꞌcĩg ĩĩn iyyio ho waathinniook iyyio. 19Ma waathinnioohĩĩ ꞌcĩg ĩĩn iyyio ho, õõgannii hatĩ nganiit habuui lĩĩlĩẽẽtta nẽ ẽttẽẽdaii õõ noho dtum nẽ irimith ẽlẽ cunni hẽẽtahujjieen hadahit hodobwaana.”
20Ma waathinnioohĩĩ ꞌcĩg ĩĩn iyyio ho dĩdĩ, ikia aarĩk habuui karrama cĩ ammuhaanĩ nẽẽ kõr baa arrittiaanĩ, nĩngĩtĩ aku avvaanĩ ꞌgaala cĩgĩnnĩg vẽlẽk nẽ õõga makayyiook tĩko ꞌrammaattĩg hẽbẽrẽẽnnĩĩ cĩg ꞌgaala ꞌcĩg avva nẽẽ ho vẽlẽk. 21Ma nĩngaata, õbõdẽẽhĩ habuui makayyioohit gõõng aaꞌnyĩk ĩnõõnnõ mẽrtĩ dtiicaa baa nĩnnĩ. 22Ma ho, ikia itithing makayyioohit cĩ tukurrioohu hĩ baa aduha Yothebo dẽẽdẽ.
23Ma ngaati, aku hinnia atarrothi makayyioohiti baa õbõdẽẽkĩ habuui dtiica Yothebo ũdũt.
Currently Selected:
ꞌThianaattõ 40: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌThianaattõ 40
40
Uduha Yothebo honoothi cĩ habuuo
1Ma baa urutaa cĩ waathinniook ũgĩ, ikia ĩlĩĩlĩeek habuui cĩ Ijjibi eet ꞌcĩ gõõng aaꞌnyĩk ĩnõõnnõ mẽrtĩ, hĩ eet ꞌcĩ gõõng ĩwaadak ĩnõõnnõ ũbũnẽẽt. 2Baa alĩĩllĩk habuui ꞌgaala ꞌcĩg ĩĩn ꞌramma ho gẽrrẽẽt, 3nẽ aarĩk ĩhõõggõ baabuuthaa ꞌcĩ baa ababuuthaniini Yothebo, halaangatõõ cĩ ꞌgaalac ꞌcĩ ĩĩn bekioohit. 4Ma nĩngaata, ikia aaꞌnyĩk ꞌgaalacĩ Yothebo hũꞌthũũtĩ eet ꞌcĩg ĩĩn ꞌramma ho.
Ma urutaa cĩ waathinniook ũgĩ, 5iita ohonooꞌthi eeta cieeg adticanoothĩk habu cĩ Ijjibi ho ꞌrammaattĩg baalin umwa. Baa aꞌnyak honoothi cĩnĩĩng ko, thooꞌthiok cũũmõ cũũmõ.
6Ma baa ammũdoothĩk Yothebo ĩhõõggõ loohoth cĩnnĩ ho, ammũdoothĩk hinnia ĩhõõggõ ommoꞌthi gẽrrẽẽt. 7Acĩn Yothebo hoti noho, nĩngĩtĩ ajini ꞌgaala cĩg habuuak annẽẽkĩ, “Aꞌngurruunyi aattĩ hatĩ ngagiit muumti kõr icci noho inni?”
8Ẽdẽcĩ nẽẽg aĩ, “Iyyia hohonoothinna naag vẽlẽk ꞌrammaattĩg aabaal honoothinit ꞌcĩ ꞌrĩĩng nẽ aitioonneet ẽẽtĩ ꞌcĩ etereꞌtheet honoothi icci tõõ.”
Ma ho, ĩĩnnĩk Yothebo ĩhõõggõ, “Hõllõngaa nooyyia Nyekuc dioo ꞌcĩ occa ẽddẽẽbakeet thooꞌthiok ꞌcĩg aduha honoothiniti? Uduktaahaangu da honoothi cunuung ko.”
9Ma hoti ho, iꞌthianaaĩ dticciannioohiti cĩ habuuo ẽdtẽbanaak Yothebo honoothinit cĩnnĩ ĩĩ, “Hohonooꞌthi hadtuuha hẽẽt cĩ viinoo, 10ꞌcĩ aꞌnyak taba iyyio. Ma hĩdĩĩkoothong, hĩcĩna accawan nẽ õddõngõt nĩĩcĩ noho. Ma tarĩ hĩdĩĩkoothong, ibbiira. 11Ma ho, hamacũeeha viino nicci hooppoaa cĩ habuuo, nĩngĩtĩ haaꞌnyĩkĩ ĩnõõnnõ hũhũd.”
12Ẽdẽcĩ Yothebo ĩnõõnnõ anneek, “Acini taba ꞌcĩg ĩĩn iyyio ho, ĩthakꞌthoothĩk waathinniook ꞌcĩg ĩĩn iyyio. 13Nẽ waathinnioohĩĩ ꞌcĩg ĩĩn iyyio ho, amaannikii hatĩ nganiit habuui nẽ õõgaiina. Õõgannii hatĩ noho nẽ obodeeki dtiicaa baa nunni tarĩ nẽ hatĩ aaꞌnyĩhuu ĩnõõnnõ mẽrtĩ hĩbaa gõõng. 14Nẽẽthĩ, má ikia edeeꞌnyia thõõth ciee ĩĩ dĩdĩ, ma baaĩ nuun hataarroꞌthanĩ. Duhaaka baaĩ habu thõõth caannĩ horoong hatĩ õõgannaanĩ. 15ꞌYioko acĩnnaa haaĩ ngaati ho, baa haggammia looccaa cĩ Ebereei nẽ tarĩ ꞌyioko ikia haꞌngaaꞌnyoothĩha baabuuth haaga.”
16Ma baa adtuuha tarĩ makayyioohiti cĩ eet ꞌcĩg atturroothĩk habu ngaatĩ ẽbẽanaanĩ Yothebo thõõth cĩ honoothi cĩ ꞌgõõnõnĩ jurrung ko, ikia ẽddẽẽbak nẽẽ buúk Yothebo honoothi cĩnnĩ ĩĩnnĩk, “Thĩĩk thĩ dako honoothi caannĩ ho buúk ẽlẽ. Hohonooꞌthi naa hatattadi lohoddwa iyyio cĩg ũbũneetu õõa. 17Lohodaa cĩ lokoru, baa abbĩꞌthĩĩ ũbũnẽẽta ꞌcĩg gõõng aduk habuui. Au hinnia avvucan hĩbaallĩ õõa caannĩ hĩĩ ꞌthĩĩ.”
18Ẽdẽcĩ Yothebo anneek, “Ĩthakꞌthoothĩk lohoddwaana ꞌcĩg ĩĩn iyyio ho waathinniook iyyio. 19Ma waathinnioohĩĩ ꞌcĩg ĩĩn iyyio ho, õõgannii hatĩ nganiit habuui lĩĩlĩẽẽtta nẽ ẽttẽẽdaii õõ noho dtum nẽ irimith ẽlẽ cunni hẽẽtahujjieen hadahit hodobwaana.”
20Ma waathinnioohĩĩ ꞌcĩg ĩĩn iyyio ho dĩdĩ, ikia aarĩk habuui karrama cĩ ammuhaanĩ nẽẽ kõr baa arrittiaanĩ, nĩngĩtĩ aku avvaanĩ ꞌgaala cĩgĩnnĩg vẽlẽk nẽ õõga makayyiook tĩko ꞌrammaattĩg hẽbẽrẽẽnnĩĩ cĩg ꞌgaala ꞌcĩg avva nẽẽ ho vẽlẽk. 21Ma nĩngaata, õbõdẽẽhĩ habuui makayyioohit gõõng aaꞌnyĩk ĩnõõnnõ mẽrtĩ dtiicaa baa nĩnnĩ. 22Ma ho, ikia itithing makayyioohit cĩ tukurrioohu hĩ baa aduha Yothebo dẽẽdẽ.
23Ma ngaati, aku hinnia atarrothi makayyioohiti baa õbõdẽẽkĩ habuui dtiica Yothebo ũdũt.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.