ꞌThianaattõ 35
35
Õbõdõõthĩ Yakobo Bẽẽthẽla
1Nĩngĩtĩ aduhaakĩ Nyekuci Yakobo annẽẽkĩ, “Tĩnga luug bĩĩt lõman Bẽẽthẽla nẽ etehenyuu nĩngĩtĩ ĩbboorĩka nganĩĩt ꞌgaarrieenit, nganĩĩt Nyekuc baa huppwanakii kõr baa airẽẽkĩ nii ꞌgotonu Eꞌthaau.”
2Ma nĩngaata, uduhaak Yakobo eet cĩg halang cĩnnĩ vẽlẽk ĩĩnnĩk, “Ũtũngteek hẽlẽggĩ ꞌcĩg aarru hĩĩtõ nyekuꞌnya cugguung ko nẽ aanytĩhu eleeti cugguung helleemito nẽ itihimtu ceremwa ꞌcĩg tẽllĩg. 3Nẽ ꞌyioko, huluugit hũtũngteek looc icci nẽ hõõt Bẽẽthẽla, ngaatĩ hatĩ hõkõ hẽhẽnytĩ naa nĩngĩtĩ hĩbbõõrĩkĩĩ Nyekuc ꞌgaarrieenit, baa ẽẽlla nganĩĩt pĩĩrnatta waathinniook vẽlẽk ꞌgõõlaa ꞌcĩ hõvvõõĩ.”
4Nĩngĩtĩ aaꞌnyĩkĩ nẽẽg Yakobo hẽlẽggĩ ꞌcĩg aar nẽẽg hĩĩtõ nyekuꞌnya ho nẽ uppurucciaak dihidok buúk looc nẽ aanytĩk Yakobo hadaeek hẽẽtaa cobbi uruta, ngaatĩ õbõhõõ hĩ ꞌtaaũn cĩ ꞌThẽkẽmĩ ho. 5Ma baa ĩꞌngaathĩ Yakobo hĩ eet cĩgĩnnĩg ko, ikia aggam tẽẽlꞌthĩtĩ cĩ Nyekuci eet cĩg ꞌtaaũnniook ꞌcĩg õbõhõõ hĩ ĩhõõggõ, hátĩ hiittiõõ ẽẽtĩ ꞌcĩ occa iggiaoothi ĩhõõggõ tõõ.
6Ma ho, iita Yakobo hĩ eet cĩg õlõ cĩnnĩ vẽlẽk ĩꞌthõng ꞌLuuth looccaa cĩ Kanaanĩ. Haĩ ꞌtaaũn cĩ ꞌLuuthi ꞌthaar ũgĩ Bẽthẽl. 7Nĩngĩtĩ ẽhẽnytĩ Yakobo nĩngĩtĩ ĩbbõõrĩkĩ Nyekuc ꞌgaarrieenit nĩngaata nẽ akateek ꞌthaar ꞌcĩg haĩ El Bẽthẽl,#35:7 El Bẽthẽl: Aĩ ꞌthaara ꞌcĩg haĩ El Bẽthẽl ko Ebereeiyyi, Nyekuc cĩ Bẽthẽlĩ. hĩnĩngĩtĩ baa uppwaannak Nyekuci ĩnõõnnõ Bẽẽthẽla kõr baa airẽẽkĩ nẽẽ Eꞌthaau. 8Ma urutaa cĩ thõõth icci, ikia adaak Debora dticciannioohiti cĩ Rẽbẽka nẽ ũũk adaĩ hẽẽtaa cobbi uruta Bẽẽthẽla ĩĩcĩ holooc. Nganĩngĩtĩ nohota, ũtũvvẽẽcõ eeta hẽẽt tĩho ĩĩttĩk Allon Bacuth.#35:8 Allon Bacuth: Aĩ ꞌthaara ꞌcĩg haĩ Allon Bacuth ko Ebereeiyyi, uruto cĩ hẽẽt ꞌcĩ harruuẽnĩ.
9Ma baa õbõda Yakobo Paddan Arama, uppwaannak Nyekuci ĩnõõnnõ tarĩ, nĩngĩtĩ aggatanĩ ĩnõõnnõ. 10Ma nĩngaata, ĩĩnnĩk Nyekuci Yakobo, “Hainni nganiit Yakobo, nẽẽthĩ ꞌyioko, iittiõõ hatĩ hõllõngaa hainni nganiit Yakobo tarĩ, hiitti hatĩ ꞌthaar cugunnig Ĩꞌthĩraẽl.”
11Nẽ ĩĩnnĩk Nyekuci ĩnõõnnõ tarĩ, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. ꞌTira lõhõlĩ ꞌcĩg mẽẽlĩg. Au hatĩ eeta cĩg looc nicci vẽlẽk lõhõlẽẽnĩĩ cugunnig nẽ au hatĩ ĩĩn lohollia cugunnig ũgẽẽgĩ habuẽẽt ꞌcĩg obbitig. 12Haaꞌnyii hatĩ naa nganiit looc baa hippotaneehi naa Abũrahaamõ hĩ Iꞌthaako nẽ tarĩ hatĩ haaꞌnyĩha lõhõlĩ cugunnig buúk urutaa cunni.” 13Nĩngĩtĩ ũũnnĩkĩ Nyekuci Yakobo nĩngaata.
14Ma ho, ĩtĩnga Yakobo ittiha bẽẽ ꞌcĩ uuni nẽ adaeek hĩbĩl ꞌcũl nẽ urwacan mẽrtaa hĩ ngõõrra hĩĩ ꞌgaarrieenit. 15Nĩngĩtĩ akannẽẽkĩ nẽẽ nĩngĩtĩ õthõõthõnĩ hĩ Nyekuc ko annẽẽkĩ Bẽthẽl.
Daahĩth cĩ Rakĩlẽ
16Ma Bẽẽthẽla, iita uluugito Yakobo hĩ eet cĩg õlõ cĩnnĩ, õõt ĩĩcĩ looc ꞌcĩ haĩ Ẽvarath. Ma baa nga õvvõ nẽẽg ꞌgõõlaa, ikia uttur Rakĩlẽ ꞌgoonnia, nĩngĩtĩ õꞌngõnyõõnĩ hĩ tuhuyyiaanĩt ĩꞌthõng. 17Ma hĩdĩhĩdĩĩc, ikia ĩĩnnĩk ngaa ꞌcĩ ũũkca Rakĩlẽ ho, “Ma nga hiꞌngolli, ũtũhũaa loholeec ꞌcĩ maacĩ tarĩ.” 18Ma baa ukuud Rakĩlẽ haaga, uduha nẽẽ thõõth hõdẽẽthõng ĩĩ, “Haĩ loholeec caannĩ ꞌthaar Ben Oni.”#35:18 Ben Oni: Aĩ ꞌthaara ꞌcĩg haĩ Ben Oni ho Ebereeiyyi, loholeec cĩ pĩĩrnanĩt caannĩ. Aku hinnia akanneek Yakobo loholeec ꞌthaar ꞌcĩg haĩ Benyemiino.#35:18 Benyemiino: Aĩ ꞌthaara ꞌcĩg haĩ Benyemiino ho Ebereeiyyi, Loholeec caannĩ cĩ aꞌthiit cobbi.
19Ma baa adaak Rakĩlẽ, iita adaacõ eeta ĩnõõnnõ ꞌgõõlaa ꞌcĩ õkõ ĩĩcĩ ꞌtaaũn cĩ Ẽvarathĩ. Haĩ ꞌthaar cĩg Ẽvarathĩ ũgĩ Bẽtẽlẽm. 20Ma ho, adaeek Yakobo bẽẽ ꞌcĩ ĩĩn bekioohit hĩbĩl ꞌcũl biyyiẽẽnĩĩ cĩg Rakĩlẽ. Hĩĩ kõr nicci, anneek eeta nĩngĩtĩho biyyiẽẽn cĩg Rakĩlẽ.
21Nĩngĩtĩ õkõõĩ Ĩꞌthĩraẽlĩ ĩĩcĩ oou nẽ ũũk aarĩk tuggu cĩnnĩ ngaatĩ haĩ Mĩgdal Ẽdẽr ĩĩcĩ oou. 22Ma nĩngaata, ĩtĩnga ngeertĩ Ĩꞌthĩraẽlĩ ꞌcĩ oou ꞌRuubenĩ, ĩnĩhoothĩk Bĩlha ngamaacõnĩ nẽ atagguutho hĩ ĩnõõnnõ aar hĩĩ ngaa. Ma nĩngaata, ikia aga maaꞌnyia buúk thõõth icci.
Baa aꞌnyak Yakobo lõhõlĩ ꞌcĩg maacĩg õmmõtõ hĩ ꞌramma:
23Haĩ loholeec cĩ Lẽẽa
ꞌcĩ oou ꞌRuuben nẽ hĩĩtõ ũgĩ ꞌThimiõõnẽ hĩ ꞌLeevi hĩ ꞌJuuda hĩ Iꞌthakar hĩ ꞌThebulun.
24Ĩĩn ꞌcĩg arrita nẽẽ hĩ Rakĩlẽ ꞌramma:
Yothebo hĩ Benyemiino.
25Baa arrita nẽẽ lõhõlĩ ꞌramma hĩ Bĩlha, bũhẽẽc baa ĩĩn dticciannioohit cĩ Rakĩlẽ:
Ĩhõõggõ ꞌDaanĩ hĩ Navtali.
26Ĩĩn lohollia cĩg ꞌThĩlpa dticciannioohit cĩ Lẽẽa buúk ꞌramma:
Ĩhõõggõ ꞌGadĩ hĩ Aathẽr.
Baa lõhõlĩ cĩg Yakobo cieegi ꞌcĩg baag arrita nẽẽ Paddan Arama.
Daahĩth cĩ Iꞌthaako
27Ma baa ho, ikia ũmmũdoothĩk Yakobo maaꞌnyĩ Iꞌthaako looccaa cĩ Mamre ngaatĩ õbõhõõ hĩ Kiriath Arba ngaatĩ baa õlõmanĩ Abũrahamĩ hĩ Iꞌthaako. Haĩ Kiriath Arba ꞌthaar ũgĩ Heboron. 28Baa arũgĩ Iꞌthaako hatahaany hĩĩ hõrõdtõr. 29Nĩngĩtĩ adaaknĩ baa ĩĩtõ irkiꞌnyia ꞌmiia hõdẽĩ hĩ hẽẽn turkiyyio (180), nẽ iita adaacõ Yakobo hĩ Eꞌthaau ĩnõõnnõ.
Currently Selected:
ꞌThianaattõ 35: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌThianaattõ 35
35
Õbõdõõthĩ Yakobo Bẽẽthẽla
1Nĩngĩtĩ aduhaakĩ Nyekuci Yakobo annẽẽkĩ, “Tĩnga luug bĩĩt lõman Bẽẽthẽla nẽ etehenyuu nĩngĩtĩ ĩbboorĩka nganĩĩt ꞌgaarrieenit, nganĩĩt Nyekuc baa huppwanakii kõr baa airẽẽkĩ nii ꞌgotonu Eꞌthaau.”
2Ma nĩngaata, uduhaak Yakobo eet cĩg halang cĩnnĩ vẽlẽk ĩĩnnĩk, “Ũtũngteek hẽlẽggĩ ꞌcĩg aarru hĩĩtõ nyekuꞌnya cugguung ko nẽ aanytĩhu eleeti cugguung helleemito nẽ itihimtu ceremwa ꞌcĩg tẽllĩg. 3Nẽ ꞌyioko, huluugit hũtũngteek looc icci nẽ hõõt Bẽẽthẽla, ngaatĩ hatĩ hõkõ hẽhẽnytĩ naa nĩngĩtĩ hĩbbõõrĩkĩĩ Nyekuc ꞌgaarrieenit, baa ẽẽlla nganĩĩt pĩĩrnatta waathinniook vẽlẽk ꞌgõõlaa ꞌcĩ hõvvõõĩ.”
4Nĩngĩtĩ aaꞌnyĩkĩ nẽẽg Yakobo hẽlẽggĩ ꞌcĩg aar nẽẽg hĩĩtõ nyekuꞌnya ho nẽ uppurucciaak dihidok buúk looc nẽ aanytĩk Yakobo hadaeek hẽẽtaa cobbi uruta, ngaatĩ õbõhõõ hĩ ꞌtaaũn cĩ ꞌThẽkẽmĩ ho. 5Ma baa ĩꞌngaathĩ Yakobo hĩ eet cĩgĩnnĩg ko, ikia aggam tẽẽlꞌthĩtĩ cĩ Nyekuci eet cĩg ꞌtaaũnniook ꞌcĩg õbõhõõ hĩ ĩhõõggõ, hátĩ hiittiõõ ẽẽtĩ ꞌcĩ occa iggiaoothi ĩhõõggõ tõõ.
6Ma ho, iita Yakobo hĩ eet cĩg õlõ cĩnnĩ vẽlẽk ĩꞌthõng ꞌLuuth looccaa cĩ Kanaanĩ. Haĩ ꞌtaaũn cĩ ꞌLuuthi ꞌthaar ũgĩ Bẽthẽl. 7Nĩngĩtĩ ẽhẽnytĩ Yakobo nĩngĩtĩ ĩbbõõrĩkĩ Nyekuc ꞌgaarrieenit nĩngaata nẽ akateek ꞌthaar ꞌcĩg haĩ El Bẽthẽl,#35:7 El Bẽthẽl: Aĩ ꞌthaara ꞌcĩg haĩ El Bẽthẽl ko Ebereeiyyi, Nyekuc cĩ Bẽthẽlĩ. hĩnĩngĩtĩ baa uppwaannak Nyekuci ĩnõõnnõ Bẽẽthẽla kõr baa airẽẽkĩ nẽẽ Eꞌthaau. 8Ma urutaa cĩ thõõth icci, ikia adaak Debora dticciannioohiti cĩ Rẽbẽka nẽ ũũk adaĩ hẽẽtaa cobbi uruta Bẽẽthẽla ĩĩcĩ holooc. Nganĩngĩtĩ nohota, ũtũvvẽẽcõ eeta hẽẽt tĩho ĩĩttĩk Allon Bacuth.#35:8 Allon Bacuth: Aĩ ꞌthaara ꞌcĩg haĩ Allon Bacuth ko Ebereeiyyi, uruto cĩ hẽẽt ꞌcĩ harruuẽnĩ.
9Ma baa õbõda Yakobo Paddan Arama, uppwaannak Nyekuci ĩnõõnnõ tarĩ, nĩngĩtĩ aggatanĩ ĩnõõnnõ. 10Ma nĩngaata, ĩĩnnĩk Nyekuci Yakobo, “Hainni nganiit Yakobo, nẽẽthĩ ꞌyioko, iittiõõ hatĩ hõllõngaa hainni nganiit Yakobo tarĩ, hiitti hatĩ ꞌthaar cugunnig Ĩꞌthĩraẽl.”
11Nẽ ĩĩnnĩk Nyekuci ĩnõõnnõ tarĩ, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. ꞌTira lõhõlĩ ꞌcĩg mẽẽlĩg. Au hatĩ eeta cĩg looc nicci vẽlẽk lõhõlẽẽnĩĩ cugunnig nẽ au hatĩ ĩĩn lohollia cugunnig ũgẽẽgĩ habuẽẽt ꞌcĩg obbitig. 12Haaꞌnyii hatĩ naa nganiit looc baa hippotaneehi naa Abũrahaamõ hĩ Iꞌthaako nẽ tarĩ hatĩ haaꞌnyĩha lõhõlĩ cugunnig buúk urutaa cunni.” 13Nĩngĩtĩ ũũnnĩkĩ Nyekuci Yakobo nĩngaata.
14Ma ho, ĩtĩnga Yakobo ittiha bẽẽ ꞌcĩ uuni nẽ adaeek hĩbĩl ꞌcũl nẽ urwacan mẽrtaa hĩ ngõõrra hĩĩ ꞌgaarrieenit. 15Nĩngĩtĩ akannẽẽkĩ nẽẽ nĩngĩtĩ õthõõthõnĩ hĩ Nyekuc ko annẽẽkĩ Bẽthẽl.
Daahĩth cĩ Rakĩlẽ
16Ma Bẽẽthẽla, iita uluugito Yakobo hĩ eet cĩg õlõ cĩnnĩ, õõt ĩĩcĩ looc ꞌcĩ haĩ Ẽvarath. Ma baa nga õvvõ nẽẽg ꞌgõõlaa, ikia uttur Rakĩlẽ ꞌgoonnia, nĩngĩtĩ õꞌngõnyõõnĩ hĩ tuhuyyiaanĩt ĩꞌthõng. 17Ma hĩdĩhĩdĩĩc, ikia ĩĩnnĩk ngaa ꞌcĩ ũũkca Rakĩlẽ ho, “Ma nga hiꞌngolli, ũtũhũaa loholeec ꞌcĩ maacĩ tarĩ.” 18Ma baa ukuud Rakĩlẽ haaga, uduha nẽẽ thõõth hõdẽẽthõng ĩĩ, “Haĩ loholeec caannĩ ꞌthaar Ben Oni.”#35:18 Ben Oni: Aĩ ꞌthaara ꞌcĩg haĩ Ben Oni ho Ebereeiyyi, loholeec cĩ pĩĩrnanĩt caannĩ. Aku hinnia akanneek Yakobo loholeec ꞌthaar ꞌcĩg haĩ Benyemiino.#35:18 Benyemiino: Aĩ ꞌthaara ꞌcĩg haĩ Benyemiino ho Ebereeiyyi, Loholeec caannĩ cĩ aꞌthiit cobbi.
19Ma baa adaak Rakĩlẽ, iita adaacõ eeta ĩnõõnnõ ꞌgõõlaa ꞌcĩ õkõ ĩĩcĩ ꞌtaaũn cĩ Ẽvarathĩ. Haĩ ꞌthaar cĩg Ẽvarathĩ ũgĩ Bẽtẽlẽm. 20Ma ho, adaeek Yakobo bẽẽ ꞌcĩ ĩĩn bekioohit hĩbĩl ꞌcũl biyyiẽẽnĩĩ cĩg Rakĩlẽ. Hĩĩ kõr nicci, anneek eeta nĩngĩtĩho biyyiẽẽn cĩg Rakĩlẽ.
21Nĩngĩtĩ õkõõĩ Ĩꞌthĩraẽlĩ ĩĩcĩ oou nẽ ũũk aarĩk tuggu cĩnnĩ ngaatĩ haĩ Mĩgdal Ẽdẽr ĩĩcĩ oou. 22Ma nĩngaata, ĩtĩnga ngeertĩ Ĩꞌthĩraẽlĩ ꞌcĩ oou ꞌRuubenĩ, ĩnĩhoothĩk Bĩlha ngamaacõnĩ nẽ atagguutho hĩ ĩnõõnnõ aar hĩĩ ngaa. Ma nĩngaata, ikia aga maaꞌnyia buúk thõõth icci.
Baa aꞌnyak Yakobo lõhõlĩ ꞌcĩg maacĩg õmmõtõ hĩ ꞌramma:
23Haĩ loholeec cĩ Lẽẽa
ꞌcĩ oou ꞌRuuben nẽ hĩĩtõ ũgĩ ꞌThimiõõnẽ hĩ ꞌLeevi hĩ ꞌJuuda hĩ Iꞌthakar hĩ ꞌThebulun.
24Ĩĩn ꞌcĩg arrita nẽẽ hĩ Rakĩlẽ ꞌramma:
Yothebo hĩ Benyemiino.
25Baa arrita nẽẽ lõhõlĩ ꞌramma hĩ Bĩlha, bũhẽẽc baa ĩĩn dticciannioohit cĩ Rakĩlẽ:
Ĩhõõggõ ꞌDaanĩ hĩ Navtali.
26Ĩĩn lohollia cĩg ꞌThĩlpa dticciannioohit cĩ Lẽẽa buúk ꞌramma:
Ĩhõõggõ ꞌGadĩ hĩ Aathẽr.
Baa lõhõlĩ cĩg Yakobo cieegi ꞌcĩg baag arrita nẽẽ Paddan Arama.
Daahĩth cĩ Iꞌthaako
27Ma baa ho, ikia ũmmũdoothĩk Yakobo maaꞌnyĩ Iꞌthaako looccaa cĩ Mamre ngaatĩ õbõhõõ hĩ Kiriath Arba ngaatĩ baa õlõmanĩ Abũrahamĩ hĩ Iꞌthaako. Haĩ Kiriath Arba ꞌthaar ũgĩ Heboron. 28Baa arũgĩ Iꞌthaako hatahaany hĩĩ hõrõdtõr. 29Nĩngĩtĩ adaaknĩ baa ĩĩtõ irkiꞌnyia ꞌmiia hõdẽĩ hĩ hẽẽn turkiyyio (180), nẽ iita adaacõ Yakobo hĩ Eꞌthaau ĩnõõnnõ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.