ꞌThianaattõ 3
3
ꞌThẽccan cĩ Aadamĩ hĩcĩ Ẽẽvva
1Nẽ baa ĩĩn hũkaat ꞌgeeꞌnyiahit ꞌcĩ ĩllõõan idiꞌngwa vẽlẽk baag ẽhẽnyta Makayyioohiti Nyekuci. Ma baa kõr umwa, ikia ijin hũkaat ngaa ĩĩnnĩk, “Anneekuung nẽẽꞌthẽk baa Nyekuci ngagiit, ‘Ma haduku hẽẽn ꞌcĩg abbiiri manatõõ tõõ ho’ dĩdĩ?”
2Ẽdẽcĩ Ẽẽvva anneek “Anneekeet nẽẽꞌthẽk Nyekuci, ‘Uduhit hẽẽn cĩg manu ho, 3nẽẽthĩ, ma haduku hẽẽt ꞌcĩ aaĩ hõrggẽẽnaa cĩ manu hata, hode nẽẽ ahummu haaga. Má uhumtu dẽẽdẽ, adaaknu hatĩnĩ!’ ”
4Ẽdẽcĩ hũkaat anneek, “Iggoolluung ngagiit Nyekuci thõng! Aitiõõ hatĩ hõllõngaa adaaknu. 5Õthõõth Nyekuci hoti, hĩnĩngĩtĩ aga aĩ, má uduktu, abbuuhi hatĩ hẽbẽrĩ cugguung nẽ agayyu thooꞌthiok ꞌcĩg abũnnaa hĩ ꞌcĩg abathĩ aaut hĩ nẽẽnĩ.”
6Nĩngĩtĩ acĩnĩ ngaa ngaatĩ ẽllẽẽmmĩ hẽẽt ngaatĩ hacĩnĩ hĩ ngaatĩ haduhi nẽ tarĩ ummuk ngaatĩ occa ẽggẽẽꞌnyĩ haau hĩ Nyekuci. Ma ho, ũdũũca hẽẽt nẽ uduha nẽ ẽꞌngẽraak maac cĩnnĩ umwa huduk nĩngĩtĩ aduhi. 7Ma aduk nẽẽg hẽẽt nicci hoti ho, iita iiyyiellia nẽẽg aĩ, ĩko gõõng aattĩg ngũtũtũũny. Nĩngĩtĩ arĩhanaanĩ bõllõõk cĩg ꞌmũũnĩcaak hummutti eleeti.
8Ma ꞌjiaatĩn niccia, ĩthĩhĩt nẽẽg Makayyioohit Nyekuc ngaatĩ õvvõõĩ manatõõ tõõ nẽ itieelli ĩnõõnnõ gẽrrẽẽt, nĩngĩtĩ õõ aguꞌthẽẽnĩ hẽẽnĩtõõ. 9Ma ho, ũtũvvũ Makayyioohiti Nyekuci Aadam ĩĩnnĩk, “Aadam! Aaĩ nii ngaana?”
10Ẽdẽcĩ Aadamĩ aĩ, “Hathiknii naa nganiit ngaatĩ õvvõõĩ manatõõ tõõ nẽ hitingoleeiina nĩngĩtĩ haguꞌthẽẽnĩ, hĩnĩngĩtĩ haaĩ ngũtũtũũny.”
11Ẽdẽcĩ Nyekuci ĩnõõnnõ anneek, “Nganĩ ꞌcĩ anneeki nganiit aaĩ ngũtũtũũny ko? Uduhu hatĩ nii hẽẽt baa hanneekii naa ma haduhi ho?”
12Ẽdẽcĩ Aadamĩ anneek, “Ngaa baa aaꞌnyaa nii ꞌcĩ aaꞌnya ho, nĩngĩtĩ haduhi.”
13Ma ho, ijin Makayyioohiti Nyekuci ngaa ĩĩnnĩk, “Ne hatĩ ciee ĩdĩmanuu nii ho?”
Ẽdẽcĩ ngaa Nyekuc anneek, “Iyyia alũllũũmaneeka hũkaat, nĩngĩtĩ haduhi.”
Ĩccĩĩnõ Nyekuci
14Nĩngĩtĩ accĩĩnĩ Makayyioohiti Nyekuci hũkaat annẽẽkĩ,
“Hĩ ꞌyioko ĩdĩmanuu nii hoti ho,
hacciinnii naa nganiit hõrggẽẽnaa cĩ idiꞌngwaanu vẽlẽk loota nĩnga.
Iꞌthianaanĩ kõr nicci, ogoliti hatĩ gõõng loota
nẽ uduhu ꞌthẽẽm ooo.
15Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung.
Õhõdaanni hatĩ ngeerĩnĩ nganiit õõ
nẽ etengeduu nii ĩnõõnnõ tiitinyooc cĩnnĩ.”
16Nẽ ĩccĩĩn Nyekuci ngaa ĩĩnnĩk,
“Hittoori hatĩ naa huciith hatĩ ũũkca loholeec
nẽ hatĩ gõõng ũtũhũa nii lõhõlĩ huciitha.
Abũraneehi hatĩ gõõng nii maac cunni
nẽ ĩnõõnnõ hatĩ gõõng ꞌcĩ ĩĩn makayyioohit cunni.”
17Nẽ ĩĩnnĩk Nyekuci Aadam, “Hĩ ꞌyioko hatĩ ithihu nii thõõth cĩ ngaa cunni ho nẽ uduhu hẽẽt baa hanneekii naa ma haduhi ho,
“Hĩccĩĩna naa ꞌthẽẽm, hĩnĩngĩtĩ thõõth ꞌcĩ ẽꞌthẽcani nii ho.
Ammũda hatĩ gõõng nii ꞌgẽẽn cunni vẽlẽk mũlũhĩ waathinnioohĩĩ cĩg rũgẽt cunni.
18Ẽhẽc hatĩ gõõng ꞌdwaanĩ mana cunni, hĩnĩngĩtĩ ꞌthẽccan cunni ho
nẽ hatĩ gõõng uduhu nii haal cĩgĩnnĩg.
19Ammũda hatĩ gõõng ꞌgẽẽn cunni vẽlẽk
mũlũhĩ ĩꞌthõng daahõ.
Baa ẽhẽnyta nii ꞌthẽẽmĩ,
nẽ õbõdõõthĩ hatĩ ꞌthẽẽmĩ tarĩ.”
20Nĩngĩtĩ akannẽẽkĩ Aadamĩ ngaa cĩnnĩ ꞌthaar ꞌcĩg haĩ Ẽẽvva,#3:20 Ẽẽvva: Aĩ ꞌthaara ꞌcĩg haĩ Ẽẽvva ho Ebereeiyyi, rũgẽt. hĩnĩngĩtĩ aku hatĩ ĩĩn nẽẽ aattĩ eet vẽlẽk ꞌcĩg hatĩ arũgĩ.
21Ma ho, ũttũũba Makayyioohiti Nyekuci ceremwa cĩg idiꞌngwaanu nẽ aaꞌnyĩk Aadam hĩ Ẽẽvva hitihimit.
22Nẽ ummuk Makayyioohiti Nyekuci ĩĩ, “Eggeenyito eeta cieeg aauto hĩ naaga, agaacõ thõõth ꞌcĩ abũnnaa hĩcĩ abathĩ. Hetedeyyieehi ĩhõõggõ ngaatĩ aduhi hẽẽt cĩ rũgẽtõ buúk, hátĩ hiittiõõ hõllõngaa arũgĩ ũdũt.” 23Nĩngĩtĩ iiggiaĩ Makayyioohiti Nyekuci ĩhõõggõ manatõõ cĩ Ẽẽdẽnĩ ho, hõõt battaala nẽ aaꞌnyĩk ĩhõõggõ hakatit ꞌthẽẽm baag ẽhẽnytaanĩ nẽẽgĩ. 24Ma baa iiggia Makayyioohiti Nyekuci ĩhõõggõ manaa cĩ Ẽẽdẽnĩ ho, ikia uduhaak aajĩlẽẽt#3:24 Aajĩlẽẽt: Avvĩ Ebereei aajĩlẽẽt thõõtha cĩnĩĩng anneek, Cerubim. Ĩĩn aajĩlẽẽta loriẽẽt ꞌcĩg arũmĩ hĩ Nyekuc hẽẽtahujjieen nẽ aitiõõ ĩhõõggõ eleeti tõõ. Ĩꞌthõõa Nyekuci ĩhõõggõ waathinnioohĩĩ ũgẽẽgĩ hiita haꞌnyaktaak nyeemuut cĩ Nyekuci eet loota nĩnga. ũgĩ hebehit mana nicci nẽ eꞌngeyyiõõĩ nyetuboot ꞌcĩ alanyĩt, halaamtĩ eet ꞌcĩg au adiim aduk hẽẽt ꞌcĩ rũgẽtõ ho.
Currently Selected:
ꞌThianaattõ 3: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌThianaattõ 3
3
ꞌThẽccan cĩ Aadamĩ hĩcĩ Ẽẽvva
1Nẽ baa ĩĩn hũkaat ꞌgeeꞌnyiahit ꞌcĩ ĩllõõan idiꞌngwa vẽlẽk baag ẽhẽnyta Makayyioohiti Nyekuci. Ma baa kõr umwa, ikia ijin hũkaat ngaa ĩĩnnĩk, “Anneekuung nẽẽꞌthẽk baa Nyekuci ngagiit, ‘Ma haduku hẽẽn ꞌcĩg abbiiri manatõõ tõõ ho’ dĩdĩ?”
2Ẽdẽcĩ Ẽẽvva anneek “Anneekeet nẽẽꞌthẽk Nyekuci, ‘Uduhit hẽẽn cĩg manu ho, 3nẽẽthĩ, ma haduku hẽẽt ꞌcĩ aaĩ hõrggẽẽnaa cĩ manu hata, hode nẽẽ ahummu haaga. Má uhumtu dẽẽdẽ, adaaknu hatĩnĩ!’ ”
4Ẽdẽcĩ hũkaat anneek, “Iggoolluung ngagiit Nyekuci thõng! Aitiõõ hatĩ hõllõngaa adaaknu. 5Õthõõth Nyekuci hoti, hĩnĩngĩtĩ aga aĩ, má uduktu, abbuuhi hatĩ hẽbẽrĩ cugguung nẽ agayyu thooꞌthiok ꞌcĩg abũnnaa hĩ ꞌcĩg abathĩ aaut hĩ nẽẽnĩ.”
6Nĩngĩtĩ acĩnĩ ngaa ngaatĩ ẽllẽẽmmĩ hẽẽt ngaatĩ hacĩnĩ hĩ ngaatĩ haduhi nẽ tarĩ ummuk ngaatĩ occa ẽggẽẽꞌnyĩ haau hĩ Nyekuci. Ma ho, ũdũũca hẽẽt nẽ uduha nẽ ẽꞌngẽraak maac cĩnnĩ umwa huduk nĩngĩtĩ aduhi. 7Ma aduk nẽẽg hẽẽt nicci hoti ho, iita iiyyiellia nẽẽg aĩ, ĩko gõõng aattĩg ngũtũtũũny. Nĩngĩtĩ arĩhanaanĩ bõllõõk cĩg ꞌmũũnĩcaak hummutti eleeti.
8Ma ꞌjiaatĩn niccia, ĩthĩhĩt nẽẽg Makayyioohit Nyekuc ngaatĩ õvvõõĩ manatõõ tõõ nẽ itieelli ĩnõõnnõ gẽrrẽẽt, nĩngĩtĩ õõ aguꞌthẽẽnĩ hẽẽnĩtõõ. 9Ma ho, ũtũvvũ Makayyioohiti Nyekuci Aadam ĩĩnnĩk, “Aadam! Aaĩ nii ngaana?”
10Ẽdẽcĩ Aadamĩ aĩ, “Hathiknii naa nganiit ngaatĩ õvvõõĩ manatõõ tõõ nẽ hitingoleeiina nĩngĩtĩ haguꞌthẽẽnĩ, hĩnĩngĩtĩ haaĩ ngũtũtũũny.”
11Ẽdẽcĩ Nyekuci ĩnõõnnõ anneek, “Nganĩ ꞌcĩ anneeki nganiit aaĩ ngũtũtũũny ko? Uduhu hatĩ nii hẽẽt baa hanneekii naa ma haduhi ho?”
12Ẽdẽcĩ Aadamĩ anneek, “Ngaa baa aaꞌnyaa nii ꞌcĩ aaꞌnya ho, nĩngĩtĩ haduhi.”
13Ma ho, ijin Makayyioohiti Nyekuci ngaa ĩĩnnĩk, “Ne hatĩ ciee ĩdĩmanuu nii ho?”
Ẽdẽcĩ ngaa Nyekuc anneek, “Iyyia alũllũũmaneeka hũkaat, nĩngĩtĩ haduhi.”
Ĩccĩĩnõ Nyekuci
14Nĩngĩtĩ accĩĩnĩ Makayyioohiti Nyekuci hũkaat annẽẽkĩ,
“Hĩ ꞌyioko ĩdĩmanuu nii hoti ho,
hacciinnii naa nganiit hõrggẽẽnaa cĩ idiꞌngwaanu vẽlẽk loota nĩnga.
Iꞌthianaanĩ kõr nicci, ogoliti hatĩ gõõng loota
nẽ uduhu ꞌthẽẽm ooo.
15Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung.
Õhõdaanni hatĩ ngeerĩnĩ nganiit õõ
nẽ etengeduu nii ĩnõõnnõ tiitinyooc cĩnnĩ.”
16Nẽ ĩccĩĩn Nyekuci ngaa ĩĩnnĩk,
“Hittoori hatĩ naa huciith hatĩ ũũkca loholeec
nẽ hatĩ gõõng ũtũhũa nii lõhõlĩ huciitha.
Abũraneehi hatĩ gõõng nii maac cunni
nẽ ĩnõõnnõ hatĩ gõõng ꞌcĩ ĩĩn makayyioohit cunni.”
17Nẽ ĩĩnnĩk Nyekuci Aadam, “Hĩ ꞌyioko hatĩ ithihu nii thõõth cĩ ngaa cunni ho nẽ uduhu hẽẽt baa hanneekii naa ma haduhi ho,
“Hĩccĩĩna naa ꞌthẽẽm, hĩnĩngĩtĩ thõõth ꞌcĩ ẽꞌthẽcani nii ho.
Ammũda hatĩ gõõng nii ꞌgẽẽn cunni vẽlẽk mũlũhĩ waathinnioohĩĩ cĩg rũgẽt cunni.
18Ẽhẽc hatĩ gõõng ꞌdwaanĩ mana cunni, hĩnĩngĩtĩ ꞌthẽccan cunni ho
nẽ hatĩ gõõng uduhu nii haal cĩgĩnnĩg.
19Ammũda hatĩ gõõng ꞌgẽẽn cunni vẽlẽk
mũlũhĩ ĩꞌthõng daahõ.
Baa ẽhẽnyta nii ꞌthẽẽmĩ,
nẽ õbõdõõthĩ hatĩ ꞌthẽẽmĩ tarĩ.”
20Nĩngĩtĩ akannẽẽkĩ Aadamĩ ngaa cĩnnĩ ꞌthaar ꞌcĩg haĩ Ẽẽvva,#3:20 Ẽẽvva: Aĩ ꞌthaara ꞌcĩg haĩ Ẽẽvva ho Ebereeiyyi, rũgẽt. hĩnĩngĩtĩ aku hatĩ ĩĩn nẽẽ aattĩ eet vẽlẽk ꞌcĩg hatĩ arũgĩ.
21Ma ho, ũttũũba Makayyioohiti Nyekuci ceremwa cĩg idiꞌngwaanu nẽ aaꞌnyĩk Aadam hĩ Ẽẽvva hitihimit.
22Nẽ ummuk Makayyioohiti Nyekuci ĩĩ, “Eggeenyito eeta cieeg aauto hĩ naaga, agaacõ thõõth ꞌcĩ abũnnaa hĩcĩ abathĩ. Hetedeyyieehi ĩhõõggõ ngaatĩ aduhi hẽẽt cĩ rũgẽtõ buúk, hátĩ hiittiõõ hõllõngaa arũgĩ ũdũt.” 23Nĩngĩtĩ iiggiaĩ Makayyioohiti Nyekuci ĩhõõggõ manatõõ cĩ Ẽẽdẽnĩ ho, hõõt battaala nẽ aaꞌnyĩk ĩhõõggõ hakatit ꞌthẽẽm baag ẽhẽnytaanĩ nẽẽgĩ. 24Ma baa iiggia Makayyioohiti Nyekuci ĩhõõggõ manaa cĩ Ẽẽdẽnĩ ho, ikia uduhaak aajĩlẽẽt#3:24 Aajĩlẽẽt: Avvĩ Ebereei aajĩlẽẽt thõõtha cĩnĩĩng anneek, Cerubim. Ĩĩn aajĩlẽẽta loriẽẽt ꞌcĩg arũmĩ hĩ Nyekuc hẽẽtahujjieen nẽ aitiõõ ĩhõõggõ eleeti tõõ. Ĩꞌthõõa Nyekuci ĩhõõggõ waathinnioohĩĩ ũgẽẽgĩ hiita haꞌnyaktaak nyeemuut cĩ Nyekuci eet loota nĩnga. ũgĩ hebehit mana nicci nẽ eꞌngeyyiõõĩ nyetuboot ꞌcĩ alanyĩt, halaamtĩ eet ꞌcĩg au adiim aduk hẽẽt ꞌcĩ rũgẽtõ ho.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.