ꞌThianaattõ 22
22
Ĩttĩman Nyekuci Abũrahaamõ
1Ma baa urutaa cĩ waathinniook ũgĩ, ikia ũtũvvũ Nyekuci Abũrahaamõ nẽ ĩttĩman ĩĩnnĩk, “Abũrahaamõ!”
Ẽdẽcĩ Abũrahamĩ anneek, “Ee! Nganĩĩt cieeni!”
2Ma ho, uduhaak Nyekuci Abũrahaamõ ĩĩnnĩk “Bĩtĩ ngeeruni Iꞌthaako, ꞌcĩ odoyyii, ꞌcĩ ammĩnani gẽrrẽẽt ko ngaatĩ haĩ Moria nẽ ĩbboorĩhaa nganĩĩt hĩĩ ꞌgaarrieenit ꞌcĩ ĩĩn ꞌbaaninit. Bĩĩt ꞌbõõr ĩnõõnnõ muuraa ꞌcĩ hatĩ hõkõ heterꞌtheekii naana.”
3Ma baa ngerrenita, ikia ũlũta Abũrahamĩ ꞌrĩĩma ꞌcĩg occa ũũppan ngaatĩ ĩwaadĩ ꞌgaarrieenit nẽ ecebeek thigiira, nĩngĩtĩ õõĩ hĩ ngeerĩnĩ Iꞌthaako ĩbaa aduhaak Nyekuci ĩnõõnnõ. Baa õõkõr nẽẽg hĩ dticcianniook cĩgĩnnĩg ꞌramma ꞌcĩg aꞌngĩd thigir. 4Ma urutaa ꞌcĩ otooyyi nẽẽg waathinniook iyyio, ũũk ẽdẽẽnyõthĩ Abũrahamĩ nĩngĩtĩho ꞌrẽẽna. 5Nĩngĩtĩ annẽẽkĩ Abũrahamĩ dticcianniook cĩgĩnnĩg ko, “Ereeyyõĩ thigir ngaati, nga hõõ halaiinna naag hĩ loholeec nẽ hatĩ hoboddiaawa hatĩnĩ.”
6Ma nĩngaata, aaꞌnyĩk Abũrahamĩ Iꞌthaako hirriongan ꞌrĩĩma cĩg ꞌgaarrieettak ko nẽ aꞌnyak nẽẽ habath hĩ ꞌgwoo, nĩngĩtĩ õõkõrĩ nẽẽ hĩ loholeec diooni. 7Ma nĩngaata, ijin Iꞌthaako maaꞌnyĩ ĩĩnnĩk, “Baaba, ꞌgwoo cieeni nẽ ꞌrĩĩma cieegi, aꞌtheet thĩ inoo ꞌcĩ hõõ hĩbbõõr ko?”
8Ẽdẽcĩ Abũrahamĩ ngeerĩnĩ anneek, “Aaꞌnyeet hatĩ Nyekuci nẽẽnĩ.” Nĩngĩtĩ õõĩ ĩĩcĩ oou.
9Ma baa õdõlan nẽẽg nĩngĩtĩ baa aduha Nyekuci ho, ũũk ẽtẽhẽnya Abũrahamĩ nĩngĩtĩ ĩbbõõrĩ ꞌgaarrieenit nẽ ẽꞌthẽdaneek ꞌrĩĩma lokora. Nĩngĩtĩ ẽcẽbĩ nẽẽ Iꞌthaako nẽ ataadĩk ĩnõõnnõ ꞌrĩĩma lokora. 10Ma ho, ittiha habath aĩ hucuuhan ĩnõõnnõ. 11Ma hĩdĩĩkoothong, õthõõthak aajĩlõ cĩ Makayyiookto ĩnõõnnõ hẽẽtahujjieen ĩĩnnĩk, “Abũrahaamõ! Abũrahaamõ!”
Ẽdẽcĩ Abũrahamĩ ĩnõõnnõ anneek, “Ee! Nganĩĩt cieeni!”
12Ma nĩngaata, ĩĩnnĩk aajĩlõ ĩnõõnnõ, “Ma haruhi loholeec! Hagawa naa ngaatĩ iꞌngoliini nii Nyekuc dĩdĩ, hĩnĩngĩtĩ hõllõngaa ẽdẽnĩ nii ngeeruni ꞌcĩ odoyyii ho.”
13Ma baa abbuudi Abũrahamĩ ho, adtuuha hinnia merkec tumuthatõõ ꞌcĩ aggam hẽẽna otto. Ma ho, ũũk utugura merkec nicci nẽ ikia ĩbboorĩk Nyekuc hĩĩ ꞌgaarrieenit, hirigith nĩngĩtĩ loholeec cĩnnĩ ho.
14Nĩngĩtĩ akannẽẽkĩ Abũrahamĩ nĩngĩtĩho ꞌthaar ꞌcĩg haĩ, “Aaꞌnya hatĩ Makayyioohiti.” Tananga ꞌyioko buúk, nga õthõõth eeta aĩ, “Aaꞌnyeet hatĩ Makayyioohiti muuraa cĩnnĩ.”
15Ma ho, õthõõthak aajĩlõ cĩ Makayyiookto Abũrahaamõ 16tarĩ ĩĩnnĩk, “Habũtani ꞌthaarĩĩ cĩgannĩg, nganĩĩt Makayyioohit ꞌcĩ hothoothi ho, haggatannii hatĩ naa nganiit gẽrrẽẽt, hĩnĩngĩtĩ thõõth ꞌcĩ ẽlẽmaaka loholeec cunni ꞌcĩ odoyyii ho. 17Haduhaakii ꞌyioko hanneekii nẽẽ, haaꞌnyii hatĩ naa lõhõlĩ ꞌcĩg mẽẽlĩg gẽrrẽẽt ꞌcĩg hatĩ ĩĩkĩ mũnyũny cĩg hẽẽtkujjieen ko, hode ꞌcĩg mẽẽlĩg ĩĩkĩ hathaac ꞌcĩ aaĩ dẽmẽtaa cĩ bũlũcõ. Ĩllõõan hatĩ lohollia cugunnig mĩrõk nẽ aggamta ĩhõõggõ ꞌtaaũnniook cĩggĩĩng. 18Nẽ hĩnĩngĩtĩ athĩknaa nii nganĩĩta, ammũda hatĩ eeta cĩg loonyinu vẽlẽk ꞌgattan lõhõlẽẽnĩĩ cugunnig.”
19Ma nĩngaata, ikia õbõdõõthĩ Abũrahamĩ ũmmũdoothĩk dticcianniook cĩgĩnnĩg nẽ oboddioothĩ õlõ Bẽẽrthẽbattĩ.
Buul cĩg Naahõrĩ
20Ma baa urutaa cĩ waathinniook ũgĩ, ikia ĩthĩk Abũrahamĩ aĩ, ittiho ꞌgotonnia Naahõrĩ buúk. Baa haĩ ngaa cĩnnĩ Mĩĩlka nẽ baa aꞌnyak nẽẽg lõhõlĩ ꞌcĩg maacĩg. 21Baa haĩ ꞌcĩ oou Uth nẽ baa haĩ ꞌgõtõnĩ umwa Buuth nẽ haĩ umwa Kemuele. Baa nẽ ikia aꞌnyak Kemuele ngeerĩnĩ ꞌcĩ haĩ Aram. 22Baa aꞌnyak Naahõrĩ hĩ Mĩĩlka lõhõlĩ ũgĩ tarĩ ꞌcĩg haĩ Kethed hĩ Hatho hĩ Pildath hĩ ꞌJidilav hĩ Bethuele. 23Baa nẽ ikia ittira Bethuele bũhẽẽc ꞌcĩ haĩ Rẽbẽka. Nẽẽthĩ hoti ho, baa arrita Mĩĩlka lõhõlĩ ꞌcĩg ĩĩn turkiyyio ho hĩ Naahõr ꞌgõtõnĩ Abũrahamĩ. 24Baa aꞌnyak Naahõrĩ ngaa ꞌcĩ hidici ꞌcĩ haĩ ꞌReuma. Baa arrita nẽẽ hĩ ngaa icci buúk lõhõlĩ ꞌcĩg maacĩg ꞌcĩg haĩ Teba, hĩ ꞌGaham hĩ Tahath hĩ Maaka.
Currently Selected:
ꞌThianaattõ 22: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌThianaattõ 22
22
Ĩttĩman Nyekuci Abũrahaamõ
1Ma baa urutaa cĩ waathinniook ũgĩ, ikia ũtũvvũ Nyekuci Abũrahaamõ nẽ ĩttĩman ĩĩnnĩk, “Abũrahaamõ!”
Ẽdẽcĩ Abũrahamĩ anneek, “Ee! Nganĩĩt cieeni!”
2Ma ho, uduhaak Nyekuci Abũrahaamõ ĩĩnnĩk “Bĩtĩ ngeeruni Iꞌthaako, ꞌcĩ odoyyii, ꞌcĩ ammĩnani gẽrrẽẽt ko ngaatĩ haĩ Moria nẽ ĩbboorĩhaa nganĩĩt hĩĩ ꞌgaarrieenit ꞌcĩ ĩĩn ꞌbaaninit. Bĩĩt ꞌbõõr ĩnõõnnõ muuraa ꞌcĩ hatĩ hõkõ heterꞌtheekii naana.”
3Ma baa ngerrenita, ikia ũlũta Abũrahamĩ ꞌrĩĩma ꞌcĩg occa ũũppan ngaatĩ ĩwaadĩ ꞌgaarrieenit nẽ ecebeek thigiira, nĩngĩtĩ õõĩ hĩ ngeerĩnĩ Iꞌthaako ĩbaa aduhaak Nyekuci ĩnõõnnõ. Baa õõkõr nẽẽg hĩ dticcianniook cĩgĩnnĩg ꞌramma ꞌcĩg aꞌngĩd thigir. 4Ma urutaa ꞌcĩ otooyyi nẽẽg waathinniook iyyio, ũũk ẽdẽẽnyõthĩ Abũrahamĩ nĩngĩtĩho ꞌrẽẽna. 5Nĩngĩtĩ annẽẽkĩ Abũrahamĩ dticcianniook cĩgĩnnĩg ko, “Ereeyyõĩ thigir ngaati, nga hõõ halaiinna naag hĩ loholeec nẽ hatĩ hoboddiaawa hatĩnĩ.”
6Ma nĩngaata, aaꞌnyĩk Abũrahamĩ Iꞌthaako hirriongan ꞌrĩĩma cĩg ꞌgaarrieettak ko nẽ aꞌnyak nẽẽ habath hĩ ꞌgwoo, nĩngĩtĩ õõkõrĩ nẽẽ hĩ loholeec diooni. 7Ma nĩngaata, ijin Iꞌthaako maaꞌnyĩ ĩĩnnĩk, “Baaba, ꞌgwoo cieeni nẽ ꞌrĩĩma cieegi, aꞌtheet thĩ inoo ꞌcĩ hõõ hĩbbõõr ko?”
8Ẽdẽcĩ Abũrahamĩ ngeerĩnĩ anneek, “Aaꞌnyeet hatĩ Nyekuci nẽẽnĩ.” Nĩngĩtĩ õõĩ ĩĩcĩ oou.
9Ma baa õdõlan nẽẽg nĩngĩtĩ baa aduha Nyekuci ho, ũũk ẽtẽhẽnya Abũrahamĩ nĩngĩtĩ ĩbbõõrĩ ꞌgaarrieenit nẽ ẽꞌthẽdaneek ꞌrĩĩma lokora. Nĩngĩtĩ ẽcẽbĩ nẽẽ Iꞌthaako nẽ ataadĩk ĩnõõnnõ ꞌrĩĩma lokora. 10Ma ho, ittiha habath aĩ hucuuhan ĩnõõnnõ. 11Ma hĩdĩĩkoothong, õthõõthak aajĩlõ cĩ Makayyiookto ĩnõõnnõ hẽẽtahujjieen ĩĩnnĩk, “Abũrahaamõ! Abũrahaamõ!”
Ẽdẽcĩ Abũrahamĩ ĩnõõnnõ anneek, “Ee! Nganĩĩt cieeni!”
12Ma nĩngaata, ĩĩnnĩk aajĩlõ ĩnõõnnõ, “Ma haruhi loholeec! Hagawa naa ngaatĩ iꞌngoliini nii Nyekuc dĩdĩ, hĩnĩngĩtĩ hõllõngaa ẽdẽnĩ nii ngeeruni ꞌcĩ odoyyii ho.”
13Ma baa abbuudi Abũrahamĩ ho, adtuuha hinnia merkec tumuthatõõ ꞌcĩ aggam hẽẽna otto. Ma ho, ũũk utugura merkec nicci nẽ ikia ĩbboorĩk Nyekuc hĩĩ ꞌgaarrieenit, hirigith nĩngĩtĩ loholeec cĩnnĩ ho.
14Nĩngĩtĩ akannẽẽkĩ Abũrahamĩ nĩngĩtĩho ꞌthaar ꞌcĩg haĩ, “Aaꞌnya hatĩ Makayyioohiti.” Tananga ꞌyioko buúk, nga õthõõth eeta aĩ, “Aaꞌnyeet hatĩ Makayyioohiti muuraa cĩnnĩ.”
15Ma ho, õthõõthak aajĩlõ cĩ Makayyiookto Abũrahaamõ 16tarĩ ĩĩnnĩk, “Habũtani ꞌthaarĩĩ cĩgannĩg, nganĩĩt Makayyioohit ꞌcĩ hothoothi ho, haggatannii hatĩ naa nganiit gẽrrẽẽt, hĩnĩngĩtĩ thõõth ꞌcĩ ẽlẽmaaka loholeec cunni ꞌcĩ odoyyii ho. 17Haduhaakii ꞌyioko hanneekii nẽẽ, haaꞌnyii hatĩ naa lõhõlĩ ꞌcĩg mẽẽlĩg gẽrrẽẽt ꞌcĩg hatĩ ĩĩkĩ mũnyũny cĩg hẽẽtkujjieen ko, hode ꞌcĩg mẽẽlĩg ĩĩkĩ hathaac ꞌcĩ aaĩ dẽmẽtaa cĩ bũlũcõ. Ĩllõõan hatĩ lohollia cugunnig mĩrõk nẽ aggamta ĩhõõggõ ꞌtaaũnniook cĩggĩĩng. 18Nẽ hĩnĩngĩtĩ athĩknaa nii nganĩĩta, ammũda hatĩ eeta cĩg loonyinu vẽlẽk ꞌgattan lõhõlẽẽnĩĩ cugunnig.”
19Ma nĩngaata, ikia õbõdõõthĩ Abũrahamĩ ũmmũdoothĩk dticcianniook cĩgĩnnĩg nẽ oboddioothĩ õlõ Bẽẽrthẽbattĩ.
Buul cĩg Naahõrĩ
20Ma baa urutaa cĩ waathinniook ũgĩ, ikia ĩthĩk Abũrahamĩ aĩ, ittiho ꞌgotonnia Naahõrĩ buúk. Baa haĩ ngaa cĩnnĩ Mĩĩlka nẽ baa aꞌnyak nẽẽg lõhõlĩ ꞌcĩg maacĩg. 21Baa haĩ ꞌcĩ oou Uth nẽ baa haĩ ꞌgõtõnĩ umwa Buuth nẽ haĩ umwa Kemuele. Baa nẽ ikia aꞌnyak Kemuele ngeerĩnĩ ꞌcĩ haĩ Aram. 22Baa aꞌnyak Naahõrĩ hĩ Mĩĩlka lõhõlĩ ũgĩ tarĩ ꞌcĩg haĩ Kethed hĩ Hatho hĩ Pildath hĩ ꞌJidilav hĩ Bethuele. 23Baa nẽ ikia ittira Bethuele bũhẽẽc ꞌcĩ haĩ Rẽbẽka. Nẽẽthĩ hoti ho, baa arrita Mĩĩlka lõhõlĩ ꞌcĩg ĩĩn turkiyyio ho hĩ Naahõr ꞌgõtõnĩ Abũrahamĩ. 24Baa aꞌnyak Naahõrĩ ngaa ꞌcĩ hidici ꞌcĩ haĩ ꞌReuma. Baa arrita nẽẽ hĩ ngaa icci buúk lõhõlĩ ꞌcĩg maacĩg ꞌcĩg haĩ Teba, hĩ ꞌGaham hĩ Tahath hĩ Maaka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.