ꞌGalaaꞌthia 3
3
Lemiinit dioo ꞌcĩ heellianĩ naaga
1Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk. 2Hadiimi naa haga ꞌgii hõdẽẽthõng diooni hĩ ngagiita. Ammũdaannu baa niig Lori ꞌcĩ Ẽllẽẽmĩth, hĩnĩngĩtĩ aꞌthuunnu nyattal cĩ Mũũꞌtha, hode hĩnĩngĩtĩ elemtu thõõth baa allimanoothikuung ngagiita? 3Adĩĩtennu niig noho inni? Má iꞌthiattaayyu niig ngaatĩ anuyyu Lori ꞌcĩ Ẽllẽẽmĩth, inni ꞌyioko idiimit edecciaak thõõth baa iꞌthianaaĩ Lorii ꞌcĩ Ẽllẽẽmĩth niig ẽmmẽn ko? 4Accanatteeu niig gẽrrẽẽt, hĩnĩngĩtĩ Nyeemuut cĩ Abũnnaa, ĩcca ꞌyioko õkõ ꞌcannani niccia haaga? Akannõõ hatĩ ꞌcannani niccia hĩ ne? 5Aaꞌnyuung ngagiit Nyekuci Lori ꞌcĩ Ẽllẽẽmĩth nẽ idtican thooꞌthiok ꞌcĩg ĩnaattu niiga. Adtican nẽẽ thooꞌthiok iccig, hĩnĩngĩtĩ anuyyu niig nyattal cĩ ꞌJudeei hode, hĩnĩngĩtĩ ĩthĩktu niig nẽ elemtu Yeesu Krĩstõ?
6Õthõõth ꞌBuuhi cĩ Nyekuci aĩ, “Baa ẽlẽmĩ Abũrahamĩ#3:6 Abũrahaamõ: Baa avvĩ Nyekuci Abũrahaamõ hũtũngeek eet cĩg halang cĩnnĩ hĩ looc cĩnnĩ nẽ ũnũõõthĩ Nyekuc ĩĩcĩ looc ꞌcĩ ĩĩn ngeju. Baa ikia ĩĩ Abũrahamĩ maaꞌnyĩ eet cĩg ꞌJudeei. Baa arũgĩ nẽẽ irkiꞌnyia 1,800 baa nga hittirria Yeesu. Tigiil thõõth cĩnnĩ ꞌBuuhaa cĩ ꞌThianaattõ 17-26. thõõth cĩ Nyekuci, hĩnĩngĩtĩ thõõth niccia, ikia accamana Nyekuci ĩnõõnnõ ngaatĩ ĩĩnnĩ eet ꞌcĩ abũnnaa.”#Tigiil ꞌBuuk cĩ ꞌThianaattõ 15:6 7Nẽ agaac ĩĩtõ, eeta ꞌcĩg ẽlẽmĩ Nyekuc, ĩĩn nẽẽg lõhõlĩ cĩg Abũrahamĩ.
8Baangaani, baa eheeddi ꞌBuuhaa cĩ Nyekuci aĩ nẽẽ, aga hatĩ Nyekuci eet ꞌcĩg hõllõngaa ĩĩn ꞌJudeei, hatĩ ẽlẽmĩ nẽẽg ĩnõõnnõ. Nĩngĩtĩ aduhaakĩ Nyekuci Abũrahaamõ nyeemuut ꞌcĩ abũnnaa annẽẽkĩ, “Haggatani hatĩ naa eet loonyini vẽlẽk, hĩnĩngĩtĩ nganiita.”#Tigiil ꞌBuuk cĩ ꞌThianaattõ 12:3; 18:18; 22:18 9Nẽẽthĩ, aggatan hatĩ Nyekuci eet ꞌcĩg ẽlẽmĩ ĩnõõnnõ, hĩ baa aggatan nẽẽ Abũrahaamõ, eet baa ẽlẽmĩ ĩnõõnnõ.
10Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”#Tigiil ꞌBuuk cĩ Ditoronomi 27:26 11Nẽ edeeꞌnyia ꞌthẽk jurrung aĩ, aitiõõ Nyekuci hõllõngaa ẽlẽmĩ eet umwa, hatĩ anũ ẽẽtĩ tĩho nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Arũgĩ hatĩ ẽẽtĩ ꞌcĩ abũnnaa, hĩnĩngĩtĩ ẽlẽm Nyekuci lemiinit cĩnnĩ.”#Tigiil ꞌBuuk cĩ Habakkuhi 2:4 12Aitiõõ nyattalĩ cĩ Mũũꞌtha hõllõngaa õõkõrõõ hĩ lemiinit cĩ Nyekuci, hĩnĩngĩtĩ aĩ nyattalĩ nẽẽ, “Ẽẽtĩ ꞌcĩ aꞌthũũnnĩ nyattal icci, arũgnĩ hatĩ nẽẽ nyattal.”#Tigiil ꞌBuuk cĩ Levitiko 18:5 13Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”#Tigiil ꞌBuuk cĩ Ditoronomi 21:23 14Ikia ẽẽlaeet Yeesu Krĩstõ ngagĩĩt, hátĩ haaꞌnyĩhoothĩk eet ꞌcĩg hõllõngaa ĩĩn ꞌJudeei, ꞌgattanĩ baa aaꞌnyĩk Nyekuci Abũrahaamõ, ꞌthaarĩĩ cĩg Yeesu Krĩstõ, hátĩ hummuddia naag Lori ꞌcĩ Ẽllẽẽmĩth lemiitta, hĩ baa aduha Nyekuci aĩ, hĩꞌthõõa hatĩnĩ.
Nyattal hĩ thõõth ꞌcĩ aduha Nyekuci
15ꞌGotoonoga hĩ ngoonoga, ĩꞌnya da huduhaahuung thõõth ꞌcĩ agayyu niig vẽlẽk. Ma adak eeta lõhõt, aitõõ thõõth ꞌcĩ occa ẽgẽẽranni urutaa cĩnnĩ tõõ. Aaĩ thõõth ꞌcĩ hothoothi naa ho buúk noho. 16Baa aduhaak Nyekuci Abũrahaamõ hĩ loholeec cĩnnĩ thõõth ꞌcĩ hatĩ aggatanĩ nẽẽ eet loonyini vẽlẽk, hĩnĩngĩtĩ Abũrahaamõ. Nẽ agaac ngaatĩ hõllõngaa aduhaanĩ ꞌBuuhi cĩ Nyekuci aĩnnĩ, “Hõllõngaa õkõ ꞌgattanĩ ciee hĩ lõhõlĩ cĩgĩnnĩg,” ꞌcĩg mẽẽlĩg, ĩko aĩ õkõ, “Hĩ loholeec cĩnnĩ,”#Tigiil ꞌBuuk cĩ ꞌThianaattõ 12:7; 13:15; 24:7 nẽ ĩĩn loholeec niccia Krĩstõ. 17Haĩ hĩĩ naa hoti hõlõ. Aitiõõ nyattalĩ cĩ Mũũꞌtha baa aku urutaa cĩ irkiꞌnyia ꞌmiiaꞌnya ꞌwec hĩ hẽẽn iyyio (430), hõllõngaa aku eꞌnyeehĩk lõhõt baa aaꞌnyĩk Nyekuci Abũrahaamõ ngadiiha nẽ umummuunyan thõõth baa aduha Nyekuci. 18Má hanũ naag nyattal hátĩ hummuddia ꞌgattan hĩ Nyekuc, aitiõõ ꞌgattanĩ nicciee hõllõngaa aku, hĩnĩngĩtĩ thõõth ꞌcĩ aduha Nyekuci. Nẽ Nyekuc dioo bũnnaiittaa cĩnnĩ, ꞌcĩ baa aaꞌnyĩk Abũrahaamõ ꞌgattan icci ho, thõõthaa baa aduhaak Nyekuci ĩnõõnnõ.
19Nẽẽthĩ ꞌyioko, dtiic baa ꞌthẽk cĩ nyattaalõ dẽẽdẽ nii? Baa aarĩhoothĩk nyattalĩ, hátĩ hagaac hĩĩtõ, hẽꞌthẽcan naaga. Nẽ occa baa aalla thõõth ciee ĩꞌthõng hikia Yeesu, ꞌcĩ baa adukiaak thõõtha. Baa aaꞌnyĩk Nyekuci nyattal cĩnnĩ aajĩlẽẽt, hátĩ haanytĩk Mũũꞌtha, ꞌcĩ baa ĩĩn jayyio cĩ Nyekuci hĩ eeta. 20Nẽẽthĩ, hõllõngaa õthõõthĩ jayyiõõĩ eet hõdẽẽthõng diooni, ĩĩn nẽẽ eet ꞌcĩ õthõõthĩ eet ꞌramma. Nẽẽthĩ, aitiõõ Nyekuci hõllõngaa adiim jayyio.
Appahacaaꞌnya hĩ lõhõlĩ
21Occa aaburroo nyattalĩ hĩ thõõth baa aduha Nyekuci? Aitiõõ ũdũt! Má baa haaꞌnyeet nyattalĩ rũgẽt ꞌcĩ ĩĩn ngeju, occa baa aaꞌnyeet Nyekuci ngagĩĩt hũbũttaath ngaatĩ hathĩknĩ nyattal. 22Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.
23Baa nga hedeeꞌnyia lemiiniti cieeni, baa hĩĩgĩn naag baabuuthnya cĩg nyattaalak, ꞌcĩg haattĩg baabuuthatõõ, ĩꞌthõng hikia hõõgaeet lemiiniti cĩ Yeesu Krĩstõ. 24Baa ĩĩn nyattalĩ ꞌlimman ꞌcĩ aaꞌnyeet ngagĩĩt hagaac Krĩstõ, hátĩ hikia helemeet Nyekuci ngagĩĩta, hĩnĩngĩtĩ hẽlẽmĩ naag ĩnõõnnõ. 25Nẽẽthĩ ꞌyioko, hiita haꞌnyahit naag lemiinit niccia, iittiõõ hõllõngaa aggammeet ngagĩĩt nyattalĩ tarĩ, ũdũt.
Iittu niig lõhõlĩ cĩg Nyekuci
26Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ, 27nẽ niig vẽlẽk ꞌcĩg aggamtu baattithimo ꞌthaarĩĩ cĩg Yeesu Krĩstõ ho, iita ũrũmteeu niig buúk hĩ ĩnõõnnõ. 28Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi. 29Nẽ ma iittu niig eet cĩg Krĩstõ, iita iittu niig eet cĩg halang cĩ Abũrahamĩ. Nẽ iita hatĩ ummuddiaau niig ꞌgattan cĩ thõõth baa aduhaak Nyekuci Abũrahaamõ.#Tigiil Waraga cĩ ꞌRooma 4:13
Currently Selected:
ꞌGalaaꞌthia 3: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌGalaaꞌthia 3
3
Lemiinit dioo ꞌcĩ heellianĩ naaga
1Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk. 2Hadiimi naa haga ꞌgii hõdẽẽthõng diooni hĩ ngagiita. Ammũdaannu baa niig Lori ꞌcĩ Ẽllẽẽmĩth, hĩnĩngĩtĩ aꞌthuunnu nyattal cĩ Mũũꞌtha, hode hĩnĩngĩtĩ elemtu thõõth baa allimanoothikuung ngagiita? 3Adĩĩtennu niig noho inni? Má iꞌthiattaayyu niig ngaatĩ anuyyu Lori ꞌcĩ Ẽllẽẽmĩth, inni ꞌyioko idiimit edecciaak thõõth baa iꞌthianaaĩ Lorii ꞌcĩ Ẽllẽẽmĩth niig ẽmmẽn ko? 4Accanatteeu niig gẽrrẽẽt, hĩnĩngĩtĩ Nyeemuut cĩ Abũnnaa, ĩcca ꞌyioko õkõ ꞌcannani niccia haaga? Akannõõ hatĩ ꞌcannani niccia hĩ ne? 5Aaꞌnyuung ngagiit Nyekuci Lori ꞌcĩ Ẽllẽẽmĩth nẽ idtican thooꞌthiok ꞌcĩg ĩnaattu niiga. Adtican nẽẽ thooꞌthiok iccig, hĩnĩngĩtĩ anuyyu niig nyattal cĩ ꞌJudeei hode, hĩnĩngĩtĩ ĩthĩktu niig nẽ elemtu Yeesu Krĩstõ?
6Õthõõth ꞌBuuhi cĩ Nyekuci aĩ, “Baa ẽlẽmĩ Abũrahamĩ#3:6 Abũrahaamõ: Baa avvĩ Nyekuci Abũrahaamõ hũtũngeek eet cĩg halang cĩnnĩ hĩ looc cĩnnĩ nẽ ũnũõõthĩ Nyekuc ĩĩcĩ looc ꞌcĩ ĩĩn ngeju. Baa ikia ĩĩ Abũrahamĩ maaꞌnyĩ eet cĩg ꞌJudeei. Baa arũgĩ nẽẽ irkiꞌnyia 1,800 baa nga hittirria Yeesu. Tigiil thõõth cĩnnĩ ꞌBuuhaa cĩ ꞌThianaattõ 17-26. thõõth cĩ Nyekuci, hĩnĩngĩtĩ thõõth niccia, ikia accamana Nyekuci ĩnõõnnõ ngaatĩ ĩĩnnĩ eet ꞌcĩ abũnnaa.”#Tigiil ꞌBuuk cĩ ꞌThianaattõ 15:6 7Nẽ agaac ĩĩtõ, eeta ꞌcĩg ẽlẽmĩ Nyekuc, ĩĩn nẽẽg lõhõlĩ cĩg Abũrahamĩ.
8Baangaani, baa eheeddi ꞌBuuhaa cĩ Nyekuci aĩ nẽẽ, aga hatĩ Nyekuci eet ꞌcĩg hõllõngaa ĩĩn ꞌJudeei, hatĩ ẽlẽmĩ nẽẽg ĩnõõnnõ. Nĩngĩtĩ aduhaakĩ Nyekuci Abũrahaamõ nyeemuut ꞌcĩ abũnnaa annẽẽkĩ, “Haggatani hatĩ naa eet loonyini vẽlẽk, hĩnĩngĩtĩ nganiita.”#Tigiil ꞌBuuk cĩ ꞌThianaattõ 12:3; 18:18; 22:18 9Nẽẽthĩ, aggatan hatĩ Nyekuci eet ꞌcĩg ẽlẽmĩ ĩnõõnnõ, hĩ baa aggatan nẽẽ Abũrahaamõ, eet baa ẽlẽmĩ ĩnõõnnõ.
10Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”#Tigiil ꞌBuuk cĩ Ditoronomi 27:26 11Nẽ edeeꞌnyia ꞌthẽk jurrung aĩ, aitiõõ Nyekuci hõllõngaa ẽlẽmĩ eet umwa, hatĩ anũ ẽẽtĩ tĩho nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Arũgĩ hatĩ ẽẽtĩ ꞌcĩ abũnnaa, hĩnĩngĩtĩ ẽlẽm Nyekuci lemiinit cĩnnĩ.”#Tigiil ꞌBuuk cĩ Habakkuhi 2:4 12Aitiõõ nyattalĩ cĩ Mũũꞌtha hõllõngaa õõkõrõõ hĩ lemiinit cĩ Nyekuci, hĩnĩngĩtĩ aĩ nyattalĩ nẽẽ, “Ẽẽtĩ ꞌcĩ aꞌthũũnnĩ nyattal icci, arũgnĩ hatĩ nẽẽ nyattal.”#Tigiil ꞌBuuk cĩ Levitiko 18:5 13Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”#Tigiil ꞌBuuk cĩ Ditoronomi 21:23 14Ikia ẽẽlaeet Yeesu Krĩstõ ngagĩĩt, hátĩ haaꞌnyĩhoothĩk eet ꞌcĩg hõllõngaa ĩĩn ꞌJudeei, ꞌgattanĩ baa aaꞌnyĩk Nyekuci Abũrahaamõ, ꞌthaarĩĩ cĩg Yeesu Krĩstõ, hátĩ hummuddia naag Lori ꞌcĩ Ẽllẽẽmĩth lemiitta, hĩ baa aduha Nyekuci aĩ, hĩꞌthõõa hatĩnĩ.
Nyattal hĩ thõõth ꞌcĩ aduha Nyekuci
15ꞌGotoonoga hĩ ngoonoga, ĩꞌnya da huduhaahuung thõõth ꞌcĩ agayyu niig vẽlẽk. Ma adak eeta lõhõt, aitõõ thõõth ꞌcĩ occa ẽgẽẽranni urutaa cĩnnĩ tõõ. Aaĩ thõõth ꞌcĩ hothoothi naa ho buúk noho. 16Baa aduhaak Nyekuci Abũrahaamõ hĩ loholeec cĩnnĩ thõõth ꞌcĩ hatĩ aggatanĩ nẽẽ eet loonyini vẽlẽk, hĩnĩngĩtĩ Abũrahaamõ. Nẽ agaac ngaatĩ hõllõngaa aduhaanĩ ꞌBuuhi cĩ Nyekuci aĩnnĩ, “Hõllõngaa õkõ ꞌgattanĩ ciee hĩ lõhõlĩ cĩgĩnnĩg,” ꞌcĩg mẽẽlĩg, ĩko aĩ õkõ, “Hĩ loholeec cĩnnĩ,”#Tigiil ꞌBuuk cĩ ꞌThianaattõ 12:7; 13:15; 24:7 nẽ ĩĩn loholeec niccia Krĩstõ. 17Haĩ hĩĩ naa hoti hõlõ. Aitiõõ nyattalĩ cĩ Mũũꞌtha baa aku urutaa cĩ irkiꞌnyia ꞌmiiaꞌnya ꞌwec hĩ hẽẽn iyyio (430), hõllõngaa aku eꞌnyeehĩk lõhõt baa aaꞌnyĩk Nyekuci Abũrahaamõ ngadiiha nẽ umummuunyan thõõth baa aduha Nyekuci. 18Má hanũ naag nyattal hátĩ hummuddia ꞌgattan hĩ Nyekuc, aitiõõ ꞌgattanĩ nicciee hõllõngaa aku, hĩnĩngĩtĩ thõõth ꞌcĩ aduha Nyekuci. Nẽ Nyekuc dioo bũnnaiittaa cĩnnĩ, ꞌcĩ baa aaꞌnyĩk Abũrahaamõ ꞌgattan icci ho, thõõthaa baa aduhaak Nyekuci ĩnõõnnõ.
19Nẽẽthĩ ꞌyioko, dtiic baa ꞌthẽk cĩ nyattaalõ dẽẽdẽ nii? Baa aarĩhoothĩk nyattalĩ, hátĩ hagaac hĩĩtõ, hẽꞌthẽcan naaga. Nẽ occa baa aalla thõõth ciee ĩꞌthõng hikia Yeesu, ꞌcĩ baa adukiaak thõõtha. Baa aaꞌnyĩk Nyekuci nyattal cĩnnĩ aajĩlẽẽt, hátĩ haanytĩk Mũũꞌtha, ꞌcĩ baa ĩĩn jayyio cĩ Nyekuci hĩ eeta. 20Nẽẽthĩ, hõllõngaa õthõõthĩ jayyiõõĩ eet hõdẽẽthõng diooni, ĩĩn nẽẽ eet ꞌcĩ õthõõthĩ eet ꞌramma. Nẽẽthĩ, aitiõõ Nyekuci hõllõngaa adiim jayyio.
Appahacaaꞌnya hĩ lõhõlĩ
21Occa aaburroo nyattalĩ hĩ thõõth baa aduha Nyekuci? Aitiõõ ũdũt! Má baa haaꞌnyeet nyattalĩ rũgẽt ꞌcĩ ĩĩn ngeju, occa baa aaꞌnyeet Nyekuci ngagĩĩt hũbũttaath ngaatĩ hathĩknĩ nyattal. 22Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.
23Baa nga hedeeꞌnyia lemiiniti cieeni, baa hĩĩgĩn naag baabuuthnya cĩg nyattaalak, ꞌcĩg haattĩg baabuuthatõõ, ĩꞌthõng hikia hõõgaeet lemiiniti cĩ Yeesu Krĩstõ. 24Baa ĩĩn nyattalĩ ꞌlimman ꞌcĩ aaꞌnyeet ngagĩĩt hagaac Krĩstõ, hátĩ hikia helemeet Nyekuci ngagĩĩta, hĩnĩngĩtĩ hẽlẽmĩ naag ĩnõõnnõ. 25Nẽẽthĩ ꞌyioko, hiita haꞌnyahit naag lemiinit niccia, iittiõõ hõllõngaa aggammeet ngagĩĩt nyattalĩ tarĩ, ũdũt.
Iittu niig lõhõlĩ cĩg Nyekuci
26Iittu niig vẽlẽk lõhõlĩ cĩg Nyekuci, hĩnĩngĩtĩ elemtu Yeesu Krĩstõ, 27nẽ niig vẽlẽk ꞌcĩg aggamtu baattithimo ꞌthaarĩĩ cĩg Yeesu Krĩstõ ho, iita ũrũmteeu niig buúk hĩ ĩnõõnnõ. 28Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi. 29Nẽ ma iittu niig eet cĩg Krĩstõ, iita iittu niig eet cĩg halang cĩ Abũrahamĩ. Nẽ iita hatĩ ummuddiaau niig ꞌgattan cĩ thõõth baa aduhaak Nyekuci Abũrahaamõ.#Tigiil Waraga cĩ ꞌRooma 4:13
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.