Luugithõõ 9
9
ꞌThẽrẽt cĩ heleggeennu
1Ma ho, uduhaak Makayyioohiti Mũũꞌtha ĩĩnnĩk, “Mũdoothĩk habu cĩ Ijjibi bĩĩt duhaak anneek, ‘Thõõth ꞌcĩ aduha Makayyioohiti Nyekuci cĩ Ebereei cieeni, “Aꞌnyĩĩk eet cĩgannĩg hõõt halayyia nganĩĩta.” 2Má ẽdẽnẽẽkĩ ĩhõõggõ ꞌgõõl nẽ aggameehu looc noho, 3aꞌnyahaak hatĩ aꞌthiiti cĩ Makayyiookto ꞌthẽrẽt ꞌcĩ abathĩ gẽrrẽẽt nyangõõllẽẽꞌnya cugguung hĩ thigirẽẽt hĩ nyaakaalnya hĩ tĩĩn hĩ aꞌtha hĩ ẽẽtha nyadaharta. 4Nẽẽthĩ, ahal hatĩ Makayyioohiti hẽlẽggĩ cĩg eet cĩg Ĩꞌthĩraẽlĩ haauto ẽmmẽn hĩ hẽlẽggĩ cĩg eet cĩg Ijjibi, hátĩ hiittiõõ hẽlẽggĩ cĩg Ĩꞌthĩraẽlĩ hõllõngaa adaahĩ.’ ”
5Ẽbẽra Makayyioohiti kõr ꞌcĩ hatĩ iꞌthianaanĩ ꞌthẽrẽt cĩ heleggeennu ẽlẽk. Uduha nẽẽ ĩĩ, “Hadĩmani hatĩ thõõth icci lohotha.” 6Ma ho, ĩdĩman Makayyioohiti hĩ baa ꞌthẽk aduha nẽẽnĩ. Loohoth tĩho, iggiirria hẽlẽggĩ cĩg eet cĩg Ijjibi vẽlẽk hĩĩ lõõcĩ ꞌthĩĩ, nẽẽthĩ, baa hiꞌthihi hẽlẽggĩ cĩg eet cĩg Ĩꞌthĩraẽlĩ ꞌcĩg adaahĩ ũdũt. 7Ma nĩngaata, ikia ĩꞌthõ habuui cĩ Ijjibi eet hõõt hotorootito, hatĩ adaahĩ hẽlẽggĩ cĩg eet cĩg Ĩꞌthĩraẽlĩ buúk, õõ hinnia ammũda hiꞌthihi hẽlẽggĩ cĩg eet cĩg Ĩꞌthĩraẽlĩ ꞌcĩg adaahĩ. Nẽ nẽẽ aalla ĩllõõrĩth habuui cĩ Ijjibi noho nẽ hõllõngaa adiim alahaneek eet hõõt buúk.
Mõõrĩth cĩ muccuhuditu
8Ma ho, ikia uduhaak Makayyioohiti Mũũꞌtha hĩ Arõõnẽ ĩĩnnĩk, “Adamuttia hatiꞌtheet umwa hithingaannĩ nẽ aanytĩhu Mũũꞌtha hutuꞌthaanĩk hẽẽtahujjieen muumaa cĩ habu cĩ Ijjibi. 9Ĩꞌthanothoothĩk hatĩ hatiꞌtheet looc cĩ Ijjibi vẽlẽk, haaꞌnyĩk hadahit eet hĩ hẽlẽggĩ muccuhudita.”
10Nĩngĩtĩ adamtwaanĩ nẽẽg hatiꞌtheet hithingaannĩ nẽ ĩbĩlĩt muumaa cĩ habu cĩ Ijjibi. Ma nĩngaata, utuꞌthaanĩk Mũũꞌtha hatiꞌtheet hẽẽtahujjieen, nĩngĩtĩ adahĩ eet muccuhudita hẽlẽggẽẽnnĩ noho. 11Baa aꞌnyaman ngarĩt ngaatĩ au abĩllĩ muumaa cĩ Mũũꞌtha, hĩnĩngĩtĩ thõõth ꞌcĩ õddõngtĩ eleeti cĩggĩĩng hĩ eet cĩg Ijjibi vẽlẽk. 12Nẽẽthĩ, baa hinnia aaꞌnyĩk Makayyioohiti habu cĩ Ijjibi hĩllõõr, hiittiõõ hõllõngaa athĩhĩ Mũũꞌtha hode Arõõnẽ, hĩ baa ꞌthẽk aduhaak Makayyioohiti Mũũꞌtha.
Tammu cĩ telleenu
13Ma tarĩ ho, ikia uduhaak Makayyioohiti Mũũꞌtha ĩĩnnĩk, “Tĩnga lohotha ngerrenita õõt ommottio hĩ habu cĩ Ijjibi nẽ ĩĩnnĩhuu, ‘Thõõth ꞌcĩ aduha Makayyioohiti Nyekuci cĩ Ebereei cieeni. Lahaneek eet cĩgannĩg hõõt halayyia nganĩĩta, 14hode hĩꞌthõõakii hinnia hatĩ kõr icci ꞌtirrian cĩ ꞌthereeni cĩgannĩg vẽlẽk, hikia hĩ nganiit hĩ makayyiook cugunnig hĩ eet cugunnig, hátĩ gaa ngaatĩ aitiõõnnĩ eet umwaa ꞌcĩ haduhoonna hĩ nganĩĩt loota nĩnga vẽlẽk tõõ. 15Hĩnĩngĩtĩ kõr icci, occa harukii naa nganiit hĩ eet cugunnig vẽlẽk, ꞌthẽrẽtaa ꞌcĩ aggĩĩrannuung loota nĩnga vẽlẽk ĩĩtõ ꞌthĩĩ. 16Nẽẽthĩ hinnianĩ, baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk. 17Nẽ nga aalla alaami eet cĩgannĩg noho. 18Nẽẽthĩ hoti ho, hĩꞌthõõa hatĩ naa lohotha hatĩ aau kõrra hĩ ꞌyioko ho, tammu cĩ telleenu ꞌcĩ gõõng nga kõr umwa hĩtĩĩl looccaa cĩ Ijjibi ũdũt, nganĩngĩtĩ teheꞌnyiaanĩt cĩ lootu. 19Uduktaak ꞌyioko eet hiꞌngiddiaak hẽlẽggĩ ꞌcĩg nga aattĩg nyadaharta vẽlẽk hiita õlõ, hĩnĩngĩtĩ õhõda hatĩ tammu cĩ telleenu ho eet hĩ hẽlẽggĩ vẽlẽk ꞌcĩg nga aattiyyiaa nyadaharta, hũcũda ĩhõõggõ vẽlẽk hĩĩ lõõcĩ ꞌthĩĩ.’ ”
20Makayyiooha cĩg habu cĩ Ijjibi ꞌcĩg baag itieelli thõõth cĩ Makayyiookto, ukulit hataman hõõt hiꞌngiddia hẽlẽggĩ hĩ appahacaaꞌnya cĩggĩĩng haꞌnyakta õlõ. 21Nẽẽthĩ hinnia, eeta ꞌcĩg baag õjõthẽẽkĩ thõõth cĩ Makayyiookto, ũtũngteek hẽlẽggĩ hĩ appahacaaꞌnya cĩggĩĩng vẽlẽk geyyia.
22Ma ho, uduhaak Makayyioohiti Mũũꞌtha ĩĩnnĩk, “Dongeek aꞌthiit cunni hẽẽtkujjieen, hátĩ hudhukiaak tammu cĩ telleenu looc cĩ Ijjibi vẽlẽk, eetini hĩ hẽlẽggẽẽnnĩ hĩ manẽẽnĩĩ cĩggĩĩng vẽlẽk.” 23Ma baa odongeek Mũũꞌtha hĩbahĩt cĩnnĩ hẽẽtkujjieen ko, ĩꞌthõõa Makayyioohiti tammu cĩ telleenu ꞌcĩ ammadĩ nẽ ĩccaaõ habath lõõcĩ dtẽc. Nĩngĩtĩ ꞌthẽk ĩꞌthõõakĩ Makayyioohiti tammu cĩ telleenu looc cĩ Ijjibi hũtũrũũr; 24atĩĩlĩ tammu cĩ telleenu ho hammad lõõcĩ vẽlẽk. Baa tammu cobbi ꞌcĩ abathĩ gẽrrẽẽt ꞌcĩ ĩllõõan looccaa cĩ Ijjibi vẽlẽk, nganĩngĩtĩ aggamĩ eeta cĩg Ijjibi looc cĩnĩĩng. 25Baa ĩcca tammu cĩ telleenu ho ꞌgii vẽlẽk mõrẽẽnĩtõõ hĩ manẽẽn vẽlẽk looccaa cĩ Ijjibi hũtũrũũr, õhõda eet hĩ hẽlẽggĩ, ammũũnyĩk manẽẽn vẽlẽk looc nẽ ũppũrũc hẽẽn vẽlẽk hĩĩ dtĩng. 26Nẽẽthĩ, baa ꞌGõcẽn dioo, ngaatĩ baa aattiyyi eeta cĩg Ĩꞌthĩraẽlĩ, ꞌcĩ baa hõllõngaa atĩĩllĩ tammu cĩ telleenu.
27Ma ho, ũtũvvũ habuui cĩ Ijjibi Mũũꞌtha hĩ Arõõnẽ nẽ ĩĩnnĩk ĩhõõggõ, “Hõlõ, hẽꞌthẽcana aattĩ naa kõr icci. Aũlan thõõth cĩ Makayyiookto nẽ hẽꞌthẽcatta naag hĩ eet cĩgannĩg. 28Alaac Makayyioohit, hĩnĩngĩtĩ ĩtĩĩl tammu cĩ telleenu ho ĩĩ maka gẽrrẽẽt, hĩccaaõ habath lõõcĩ dtẽc. Hẽlẽmaakuung hatĩ naa ngagiit õõtõ, iittiõõ aattĩ hatĩ hõllõngaa aattiyyu ngaati tarĩ.”
29Ẽdẽcĩ Mũũꞌtha habu anneek, “Ma hũtũngeeha naa ꞌtaaũn, hõkõ hatĩ hodongeehi Makayyioohit athĩn cĩgannĩg nẽ halawa. Abĩlĩ hatĩ madĩĩthĩ cĩ tammwo nẽ iittiõõ tammu cĩ telleenu ho tõõ, hátĩ gaa nii ngaatĩ ĩĩnnĩ lõõcĩ vẽlẽk cĩ Makayyiookto. 30Nẽẽthĩ, haga naa nga ꞌthẽk itingolli niig hĩ makayyiook cugunnig Makayyioohit Nyekuc.”
31Baa ẽꞌthẽcan tammu ciee mana, hĩnĩngĩtĩ baa nga ĩĩn mana ciee hoboot haaga. 32Nẽẽthĩ, baa avvũran ꞌcĩg ĩĩn ꞌgẽẽmẽ, hĩnĩngĩtĩ baa au arrit nẽẽg uruta.
33Nĩngĩtĩ ũũnnĩkĩ Mũũꞌtha habu cĩ Ijjibi nẽ ũũk battaalaa cĩ ꞌtaaũnõõ nẽ odongeek athĩn cĩgĩnnĩg Makayyioohit, nĩngĩtĩ ahulꞌthi tammu cĩ telleenu ho nẽ iittiõõ hõllõngaa ĩccaayyi. 34Ma baa acĩn habuui cĩ Ijjibi ngaatĩ ahulꞌthi tammu cĩ telleenu nẽ iittiõõ hõllõngaa ĩccaayyi ho, ikia ẽꞌthẽcanõõ tarĩ. Iita illoorito nẽẽg hĩ makayyiook cĩgĩnnĩg vẽlẽk. 35Nĩngĩtĩ ĩllõõrrĩ ꞌthẽk habuui cĩ Ijjibi haaga nẽ ũtũbũr ngaatĩ ẽlẽmaakĩ Ĩꞌthĩraẽl hõõt, hĩ baa ꞌthẽk aduha Makayyioohiti ũtũũgaa cĩ Mũũꞌtha.
Currently Selected:
Luugithõõ 9: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Luugithõõ 9
9
ꞌThẽrẽt cĩ heleggeennu
1Ma ho, uduhaak Makayyioohiti Mũũꞌtha ĩĩnnĩk, “Mũdoothĩk habu cĩ Ijjibi bĩĩt duhaak anneek, ‘Thõõth ꞌcĩ aduha Makayyioohiti Nyekuci cĩ Ebereei cieeni, “Aꞌnyĩĩk eet cĩgannĩg hõõt halayyia nganĩĩta.” 2Má ẽdẽnẽẽkĩ ĩhõõggõ ꞌgõõl nẽ aggameehu looc noho, 3aꞌnyahaak hatĩ aꞌthiiti cĩ Makayyiookto ꞌthẽrẽt ꞌcĩ abathĩ gẽrrẽẽt nyangõõllẽẽꞌnya cugguung hĩ thigirẽẽt hĩ nyaakaalnya hĩ tĩĩn hĩ aꞌtha hĩ ẽẽtha nyadaharta. 4Nẽẽthĩ, ahal hatĩ Makayyioohiti hẽlẽggĩ cĩg eet cĩg Ĩꞌthĩraẽlĩ haauto ẽmmẽn hĩ hẽlẽggĩ cĩg eet cĩg Ijjibi, hátĩ hiittiõõ hẽlẽggĩ cĩg Ĩꞌthĩraẽlĩ hõllõngaa adaahĩ.’ ”
5Ẽbẽra Makayyioohiti kõr ꞌcĩ hatĩ iꞌthianaanĩ ꞌthẽrẽt cĩ heleggeennu ẽlẽk. Uduha nẽẽ ĩĩ, “Hadĩmani hatĩ thõõth icci lohotha.” 6Ma ho, ĩdĩman Makayyioohiti hĩ baa ꞌthẽk aduha nẽẽnĩ. Loohoth tĩho, iggiirria hẽlẽggĩ cĩg eet cĩg Ijjibi vẽlẽk hĩĩ lõõcĩ ꞌthĩĩ, nẽẽthĩ, baa hiꞌthihi hẽlẽggĩ cĩg eet cĩg Ĩꞌthĩraẽlĩ ꞌcĩg adaahĩ ũdũt. 7Ma nĩngaata, ikia ĩꞌthõ habuui cĩ Ijjibi eet hõõt hotorootito, hatĩ adaahĩ hẽlẽggĩ cĩg eet cĩg Ĩꞌthĩraẽlĩ buúk, õõ hinnia ammũda hiꞌthihi hẽlẽggĩ cĩg eet cĩg Ĩꞌthĩraẽlĩ ꞌcĩg adaahĩ. Nẽ nẽẽ aalla ĩllõõrĩth habuui cĩ Ijjibi noho nẽ hõllõngaa adiim alahaneek eet hõõt buúk.
Mõõrĩth cĩ muccuhuditu
8Ma ho, ikia uduhaak Makayyioohiti Mũũꞌtha hĩ Arõõnẽ ĩĩnnĩk, “Adamuttia hatiꞌtheet umwa hithingaannĩ nẽ aanytĩhu Mũũꞌtha hutuꞌthaanĩk hẽẽtahujjieen muumaa cĩ habu cĩ Ijjibi. 9Ĩꞌthanothoothĩk hatĩ hatiꞌtheet looc cĩ Ijjibi vẽlẽk, haaꞌnyĩk hadahit eet hĩ hẽlẽggĩ muccuhudita.”
10Nĩngĩtĩ adamtwaanĩ nẽẽg hatiꞌtheet hithingaannĩ nẽ ĩbĩlĩt muumaa cĩ habu cĩ Ijjibi. Ma nĩngaata, utuꞌthaanĩk Mũũꞌtha hatiꞌtheet hẽẽtahujjieen, nĩngĩtĩ adahĩ eet muccuhudita hẽlẽggẽẽnnĩ noho. 11Baa aꞌnyaman ngarĩt ngaatĩ au abĩllĩ muumaa cĩ Mũũꞌtha, hĩnĩngĩtĩ thõõth ꞌcĩ õddõngtĩ eleeti cĩggĩĩng hĩ eet cĩg Ijjibi vẽlẽk. 12Nẽẽthĩ, baa hinnia aaꞌnyĩk Makayyioohiti habu cĩ Ijjibi hĩllõõr, hiittiõõ hõllõngaa athĩhĩ Mũũꞌtha hode Arõõnẽ, hĩ baa ꞌthẽk aduhaak Makayyioohiti Mũũꞌtha.
Tammu cĩ telleenu
13Ma tarĩ ho, ikia uduhaak Makayyioohiti Mũũꞌtha ĩĩnnĩk, “Tĩnga lohotha ngerrenita õõt ommottio hĩ habu cĩ Ijjibi nẽ ĩĩnnĩhuu, ‘Thõõth ꞌcĩ aduha Makayyioohiti Nyekuci cĩ Ebereei cieeni. Lahaneek eet cĩgannĩg hõõt halayyia nganĩĩta, 14hode hĩꞌthõõakii hinnia hatĩ kõr icci ꞌtirrian cĩ ꞌthereeni cĩgannĩg vẽlẽk, hikia hĩ nganiit hĩ makayyiook cugunnig hĩ eet cugunnig, hátĩ gaa ngaatĩ aitiõõnnĩ eet umwaa ꞌcĩ haduhoonna hĩ nganĩĩt loota nĩnga vẽlẽk tõõ. 15Hĩnĩngĩtĩ kõr icci, occa harukii naa nganiit hĩ eet cugunnig vẽlẽk, ꞌthẽrẽtaa ꞌcĩ aggĩĩrannuung loota nĩnga vẽlẽk ĩĩtõ ꞌthĩĩ. 16Nẽẽthĩ hinnianĩ, baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk. 17Nẽ nga aalla alaami eet cĩgannĩg noho. 18Nẽẽthĩ hoti ho, hĩꞌthõõa hatĩ naa lohotha hatĩ aau kõrra hĩ ꞌyioko ho, tammu cĩ telleenu ꞌcĩ gõõng nga kõr umwa hĩtĩĩl looccaa cĩ Ijjibi ũdũt, nganĩngĩtĩ teheꞌnyiaanĩt cĩ lootu. 19Uduktaak ꞌyioko eet hiꞌngiddiaak hẽlẽggĩ ꞌcĩg nga aattĩg nyadaharta vẽlẽk hiita õlõ, hĩnĩngĩtĩ õhõda hatĩ tammu cĩ telleenu ho eet hĩ hẽlẽggĩ vẽlẽk ꞌcĩg nga aattiyyiaa nyadaharta, hũcũda ĩhõõggõ vẽlẽk hĩĩ lõõcĩ ꞌthĩĩ.’ ”
20Makayyiooha cĩg habu cĩ Ijjibi ꞌcĩg baag itieelli thõõth cĩ Makayyiookto, ukulit hataman hõõt hiꞌngiddia hẽlẽggĩ hĩ appahacaaꞌnya cĩggĩĩng haꞌnyakta õlõ. 21Nẽẽthĩ hinnia, eeta ꞌcĩg baag õjõthẽẽkĩ thõõth cĩ Makayyiookto, ũtũngteek hẽlẽggĩ hĩ appahacaaꞌnya cĩggĩĩng vẽlẽk geyyia.
22Ma ho, uduhaak Makayyioohiti Mũũꞌtha ĩĩnnĩk, “Dongeek aꞌthiit cunni hẽẽtkujjieen, hátĩ hudhukiaak tammu cĩ telleenu looc cĩ Ijjibi vẽlẽk, eetini hĩ hẽlẽggẽẽnnĩ hĩ manẽẽnĩĩ cĩggĩĩng vẽlẽk.” 23Ma baa odongeek Mũũꞌtha hĩbahĩt cĩnnĩ hẽẽtkujjieen ko, ĩꞌthõõa Makayyioohiti tammu cĩ telleenu ꞌcĩ ammadĩ nẽ ĩccaaõ habath lõõcĩ dtẽc. Nĩngĩtĩ ꞌthẽk ĩꞌthõõakĩ Makayyioohiti tammu cĩ telleenu looc cĩ Ijjibi hũtũrũũr; 24atĩĩlĩ tammu cĩ telleenu ho hammad lõõcĩ vẽlẽk. Baa tammu cobbi ꞌcĩ abathĩ gẽrrẽẽt ꞌcĩ ĩllõõan looccaa cĩ Ijjibi vẽlẽk, nganĩngĩtĩ aggamĩ eeta cĩg Ijjibi looc cĩnĩĩng. 25Baa ĩcca tammu cĩ telleenu ho ꞌgii vẽlẽk mõrẽẽnĩtõõ hĩ manẽẽn vẽlẽk looccaa cĩ Ijjibi hũtũrũũr, õhõda eet hĩ hẽlẽggĩ, ammũũnyĩk manẽẽn vẽlẽk looc nẽ ũppũrũc hẽẽn vẽlẽk hĩĩ dtĩng. 26Nẽẽthĩ, baa ꞌGõcẽn dioo, ngaatĩ baa aattiyyi eeta cĩg Ĩꞌthĩraẽlĩ, ꞌcĩ baa hõllõngaa atĩĩllĩ tammu cĩ telleenu.
27Ma ho, ũtũvvũ habuui cĩ Ijjibi Mũũꞌtha hĩ Arõõnẽ nẽ ĩĩnnĩk ĩhõõggõ, “Hõlõ, hẽꞌthẽcana aattĩ naa kõr icci. Aũlan thõõth cĩ Makayyiookto nẽ hẽꞌthẽcatta naag hĩ eet cĩgannĩg. 28Alaac Makayyioohit, hĩnĩngĩtĩ ĩtĩĩl tammu cĩ telleenu ho ĩĩ maka gẽrrẽẽt, hĩccaaõ habath lõõcĩ dtẽc. Hẽlẽmaakuung hatĩ naa ngagiit õõtõ, iittiõõ aattĩ hatĩ hõllõngaa aattiyyu ngaati tarĩ.”
29Ẽdẽcĩ Mũũꞌtha habu anneek, “Ma hũtũngeeha naa ꞌtaaũn, hõkõ hatĩ hodongeehi Makayyioohit athĩn cĩgannĩg nẽ halawa. Abĩlĩ hatĩ madĩĩthĩ cĩ tammwo nẽ iittiõõ tammu cĩ telleenu ho tõõ, hátĩ gaa nii ngaatĩ ĩĩnnĩ lõõcĩ vẽlẽk cĩ Makayyiookto. 30Nẽẽthĩ, haga naa nga ꞌthẽk itingolli niig hĩ makayyiook cugunnig Makayyioohit Nyekuc.”
31Baa ẽꞌthẽcan tammu ciee mana, hĩnĩngĩtĩ baa nga ĩĩn mana ciee hoboot haaga. 32Nẽẽthĩ, baa avvũran ꞌcĩg ĩĩn ꞌgẽẽmẽ, hĩnĩngĩtĩ baa au arrit nẽẽg uruta.
33Nĩngĩtĩ ũũnnĩkĩ Mũũꞌtha habu cĩ Ijjibi nẽ ũũk battaalaa cĩ ꞌtaaũnõõ nẽ odongeek athĩn cĩgĩnnĩg Makayyioohit, nĩngĩtĩ ahulꞌthi tammu cĩ telleenu ho nẽ iittiõõ hõllõngaa ĩccaayyi. 34Ma baa acĩn habuui cĩ Ijjibi ngaatĩ ahulꞌthi tammu cĩ telleenu nẽ iittiõõ hõllõngaa ĩccaayyi ho, ikia ẽꞌthẽcanõõ tarĩ. Iita illoorito nẽẽg hĩ makayyiook cĩgĩnnĩg vẽlẽk. 35Nĩngĩtĩ ĩllõõrrĩ ꞌthẽk habuui cĩ Ijjibi haaga nẽ ũtũbũr ngaatĩ ẽlẽmaakĩ Ĩꞌthĩraẽl hõõt, hĩ baa ꞌthẽk aduha Makayyioohiti ũtũũgaa cĩ Mũũꞌtha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.