Luugithõõ 20
20
Tilooinit cĩ Nyekuci ꞌcĩg ĩĩn õmmõtõ
1Baa aduha Nyekuci thooꞌthiok iccig vẽlẽk aĩ,
2“Hĩĩnĩ naa Makayyioohit Nyekuc cunuung, baa haluugannuung Ijjiba looccaa ĩbaa iiginnu appahacaaꞌnya.
3Ma halayyu nyekuꞌnya ũgĩ, ubuluꞌthiaangu nganĩĩt diooni.
4Ma hẽhẽnytaaku eleeti cugguung hẽlẽggĩ ꞌcĩg aarru hĩĩtõ nyekuꞌnya ꞌcĩg ĩthakꞌtheeku hẽlẽggĩ ũgĩ cĩg hẽẽtkujjieen hode hẽlẽggĩ cĩg lootu hode hẽlẽggĩ ꞌcĩg aattĩg bũlũccwaanĩtõõ. 5Ma hakanneeku ĩhõõggõ huruꞌnyia hode alayyu ĩhõõggõ, hĩnĩngĩtĩ naa Makayyioohiti Nyekuci cunuung, hĩĩnĩ Nyekuc ꞌcĩ hõllõngaa haccamanoothihi, hatĩ abuluꞌthu nyekuꞌnya ũgĩ, occa huuki lõhõlĩ, hĩnĩngĩtĩ ꞌthẽccanẽẽt cĩg maajihi cĩggĩĩng, ĩꞌthõng lõhõlĩ cĩg lõhõlĩ cĩggĩĩng ꞌcĩg aaburreeka nganĩĩta. 6Nẽẽthĩ, heterꞌtheehi hatĩ naa mĩnnan caannĩ lõhõlĩ cĩg lõhõlĩ cugguung, ꞌcĩg hatĩ nga arrittiaa irkiꞌnyia aalibꞌnya hĩ aalibꞌnya ꞌcĩg ammĩnannaa nganĩĩt nẽ ĩthĩhĩt tilooinit caannĩ.
7Occa hõllõngaa urangannu ꞌthaar cĩg Makayyioohit Nyekuc cunuung, hĩnĩngĩtĩ hõllõngaa occa ũũnnĩk Makayyioohiti eet umwa ꞌcĩ uranganĩ ꞌthaar cĩgĩnnĩg haaga.
8Ummuhuttooth Kõr cĩ ꞌYiommaanõ ngaatĩ aꞌthuunnu hĩĩ kõr ꞌcĩ aꞌngirannii. 9Waathinnioohĩĩ ꞌcĩg ĩĩn tõrkõnõn, occa adticannu dtiicanĩ cugguung vẽlẽk, 10nẽẽthĩ kõrra ꞌcĩ ĩĩn tũkĩramma, ĩĩn Kõr cĩ ꞌYiommaanõ, ꞌcĩ aaꞌnyĩhoothĩk Makayyioohit Nyekuc cunuung. Kõr niccia, occa hõllõngaa adticannu niig dtiic umwa ũdũt, hode lohollia cugguung ꞌcĩg maacĩg hĩ ꞌcĩg ngayyig hode appahacaaꞌnya cugguung ꞌcĩg maacĩg hĩ ꞌcĩg ngayyig, hode hẽlẽggĩ ꞌcĩg aballu, hode eeta cugguung ꞌcĩg ĩĩn mĩrõk ꞌcĩg ũrũmteeu hĩ ngagiita. 11Hĩnĩngĩtĩ waathinniooha ꞌcĩg ĩĩn tõrkõnõn ko, ĩĩn waathinniook baag ẽhẽnytaanĩ Makayyioohiti hẽẽtkujjieen hĩ looc hĩ bũlũccwa hĩ hẽlẽggĩ vẽlẽk ꞌcĩg aattiyyi ĩhõõggõ, nẽẽthĩ, baa iyyioman nẽẽ kõrraa ꞌcĩ ĩĩn tũrkĩramma. Nẽẽthĩ hoti ho, aggatan Makayyioohiti Kõr cĩ ꞌYiommaanõ nẽ aaꞌnyĩk hiꞌngiranĩ.
12Tingõlĩ maaꞌnyu hĩ ngaanu, hátĩ rũũg ĩꞌthõng looccaa ꞌcĩ aaꞌnyuung Makayyioohiti Nyekuci cunuung ko.
13Ma haruhi.
14Ma hattihi ngaa cĩ eet umwa.
15Ma hĩgõrꞌthĩ.
16Ma haddangaahi eet ꞌcĩ aaronnu.
17Ma habũraneehi ꞌcieeth cĩ eet ꞌcĩ aaronnu. Ma habũraneehi ngaa cĩ eet ꞌcĩ aaronnu hode dticciannioohit cĩnnĩ ꞌcĩ maacĩ hode ꞌcĩ ngayyi hode olĩ cĩnnĩ hode thigir cĩnnĩ hode ꞌthẽk ꞌgiimwa cĩ eet ꞌcĩ aaronnu.”
18Ma baa adtuuha eeta madĩĩth nẽ ĩthĩhĩt ꞌgerenyi cĩ tammwo nẽ ĩthĩhĩt tũũrĩ nẽ tarĩ udtuukta bũrrẽt muura hujjieen ko, iita abarritit nẽẽg tẽẽlꞌthĩta, nĩngĩtĩ abĩllaanĩ ꞌrẽẽna, 19nẽ ĩĩttĩk Mũũꞌtha, “Má othoothĩkeet niina, occa hathĩkniina. Nẽẽthĩ, ma hẽlẽmaakĩ Nyekuc hothoothĩheet ngagĩĩta, hadaakna hinnia hatĩnĩ.”
20Ẽdẽcĩ Mũũꞌtha ĩhõõggõ anneek, “Hõlõ, ma hiteelinnu. Aku attĩmannuung ngagiit Nyekuci thõng, haau tẽẽlꞌthĩtĩ cĩ Nyekuci hĩ ngagiit, hátĩ ũtũngteek niig ꞌthẽccan.”
21Baa abĩllaa eeta ꞌrẽẽna, baa nga aduhun Mũũꞌtha muguratõõ ꞌcĩ holittup ĩcĩ aayyi Nyekuci.
Nyekuꞌnya hĩ ꞌgoolliok ꞌcĩg ĩbbõõrĩ eeta ꞌgaarriẽẽn
22Ma ho, ĩĩnnĩk Makayyioohiti Mũũꞌtha, “Duhaak eet cĩg Ĩꞌthĩraẽlĩ thõõth icci, ‘Icittu thĩ aattĩ ngaatĩ hõthõõthakuung naa ngagiit hẽẽtahujjieen. 23Ma hadĩmanaannu nyekuꞌnya ꞌcĩg ĩthakꞌtheekaangu nganĩĩta, ma hadĩmanaaku eleeti cugguung nyekuꞌnya ꞌcĩg ĩĩn maccĩrẽẽn hode nyekuꞌnya ꞌcĩg ĩĩn ꞌdaab.
24“ ‘Etehenyteehaangu nganĩĩt nĩngĩtĩ ĩbboorĩkaangu ꞌgaarrieenit dooba nẽ ĩbboorrihaangu ꞌgaarriẽẽn cugguung, ꞌgaarriẽẽn ꞌcĩg ĩwaaddu hĩĩ ꞌbaaninit nẽ ĩĩtõ ꞌgaarriẽẽn ꞌcĩg ĩĩn ꞌbaaninit cĩ ganõõnõ. Ĩbboorit aꞌtha hĩ ẽẽtha hĩ tĩĩn cugguung. Etehenyit nĩngĩtĩ ĩbboorini ꞌgaarrieeniti, hátĩ ma hidiima naa ꞌthaar cĩgannĩg hummukta eeta, halluuccia loota nẽ hikia haggatanuung ngagiita. 25Má ehenyteekaangu nganĩĩt nĩngĩtĩ ĩbboorĩkaangu ꞌgaarriẽẽn biyyiẽẽnĩ, ma hacciꞌthu biyyiẽẽn dtoongwẽẽtĩ, hĩnĩngĩtĩ ẽꞌthẽcannu hinnia hatĩ nĩngĩtĩ ꞌboorittõõ. 26Nẽẽthĩ, ma hehenyittu nĩngĩtĩ ĩbboorini ꞌgaarrieeniti caannĩ, haꞌnyak lõkĩrrĩhẽẽt ꞌcĩg õtõdĩ eeta. Ma ĩdĩmattu noho, horoong hatĩ acĩnoothi eet umwaa arriẽẽꞌthĩt cunuung ceremwaanĩtõõ cugguung hatĩ otoddu lõkĩrrĩhẽẽta.’ ”
Currently Selected:
Luugithõõ 20: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Luugithõõ 20
20
Tilooinit cĩ Nyekuci ꞌcĩg ĩĩn õmmõtõ
1Baa aduha Nyekuci thooꞌthiok iccig vẽlẽk aĩ,
2“Hĩĩnĩ naa Makayyioohit Nyekuc cunuung, baa haluugannuung Ijjiba looccaa ĩbaa iiginnu appahacaaꞌnya.
3Ma halayyu nyekuꞌnya ũgĩ, ubuluꞌthiaangu nganĩĩt diooni.
4Ma hẽhẽnytaaku eleeti cugguung hẽlẽggĩ ꞌcĩg aarru hĩĩtõ nyekuꞌnya ꞌcĩg ĩthakꞌtheeku hẽlẽggĩ ũgĩ cĩg hẽẽtkujjieen hode hẽlẽggĩ cĩg lootu hode hẽlẽggĩ ꞌcĩg aattĩg bũlũccwaanĩtõõ. 5Ma hakanneeku ĩhõõggõ huruꞌnyia hode alayyu ĩhõõggõ, hĩnĩngĩtĩ naa Makayyioohiti Nyekuci cunuung, hĩĩnĩ Nyekuc ꞌcĩ hõllõngaa haccamanoothihi, hatĩ abuluꞌthu nyekuꞌnya ũgĩ, occa huuki lõhõlĩ, hĩnĩngĩtĩ ꞌthẽccanẽẽt cĩg maajihi cĩggĩĩng, ĩꞌthõng lõhõlĩ cĩg lõhõlĩ cĩggĩĩng ꞌcĩg aaburreeka nganĩĩta. 6Nẽẽthĩ, heterꞌtheehi hatĩ naa mĩnnan caannĩ lõhõlĩ cĩg lõhõlĩ cugguung, ꞌcĩg hatĩ nga arrittiaa irkiꞌnyia aalibꞌnya hĩ aalibꞌnya ꞌcĩg ammĩnannaa nganĩĩt nẽ ĩthĩhĩt tilooinit caannĩ.
7Occa hõllõngaa urangannu ꞌthaar cĩg Makayyioohit Nyekuc cunuung, hĩnĩngĩtĩ hõllõngaa occa ũũnnĩk Makayyioohiti eet umwa ꞌcĩ uranganĩ ꞌthaar cĩgĩnnĩg haaga.
8Ummuhuttooth Kõr cĩ ꞌYiommaanõ ngaatĩ aꞌthuunnu hĩĩ kõr ꞌcĩ aꞌngirannii. 9Waathinnioohĩĩ ꞌcĩg ĩĩn tõrkõnõn, occa adticannu dtiicanĩ cugguung vẽlẽk, 10nẽẽthĩ kõrra ꞌcĩ ĩĩn tũkĩramma, ĩĩn Kõr cĩ ꞌYiommaanõ, ꞌcĩ aaꞌnyĩhoothĩk Makayyioohit Nyekuc cunuung. Kõr niccia, occa hõllõngaa adticannu niig dtiic umwa ũdũt, hode lohollia cugguung ꞌcĩg maacĩg hĩ ꞌcĩg ngayyig hode appahacaaꞌnya cugguung ꞌcĩg maacĩg hĩ ꞌcĩg ngayyig, hode hẽlẽggĩ ꞌcĩg aballu, hode eeta cugguung ꞌcĩg ĩĩn mĩrõk ꞌcĩg ũrũmteeu hĩ ngagiita. 11Hĩnĩngĩtĩ waathinniooha ꞌcĩg ĩĩn tõrkõnõn ko, ĩĩn waathinniook baag ẽhẽnytaanĩ Makayyioohiti hẽẽtkujjieen hĩ looc hĩ bũlũccwa hĩ hẽlẽggĩ vẽlẽk ꞌcĩg aattiyyi ĩhõõggõ, nẽẽthĩ, baa iyyioman nẽẽ kõrraa ꞌcĩ ĩĩn tũrkĩramma. Nẽẽthĩ hoti ho, aggatan Makayyioohiti Kõr cĩ ꞌYiommaanõ nẽ aaꞌnyĩk hiꞌngiranĩ.
12Tingõlĩ maaꞌnyu hĩ ngaanu, hátĩ rũũg ĩꞌthõng looccaa ꞌcĩ aaꞌnyuung Makayyioohiti Nyekuci cunuung ko.
13Ma haruhi.
14Ma hattihi ngaa cĩ eet umwa.
15Ma hĩgõrꞌthĩ.
16Ma haddangaahi eet ꞌcĩ aaronnu.
17Ma habũraneehi ꞌcieeth cĩ eet ꞌcĩ aaronnu. Ma habũraneehi ngaa cĩ eet ꞌcĩ aaronnu hode dticciannioohit cĩnnĩ ꞌcĩ maacĩ hode ꞌcĩ ngayyi hode olĩ cĩnnĩ hode thigir cĩnnĩ hode ꞌthẽk ꞌgiimwa cĩ eet ꞌcĩ aaronnu.”
18Ma baa adtuuha eeta madĩĩth nẽ ĩthĩhĩt ꞌgerenyi cĩ tammwo nẽ ĩthĩhĩt tũũrĩ nẽ tarĩ udtuukta bũrrẽt muura hujjieen ko, iita abarritit nẽẽg tẽẽlꞌthĩta, nĩngĩtĩ abĩllaanĩ ꞌrẽẽna, 19nẽ ĩĩttĩk Mũũꞌtha, “Má othoothĩkeet niina, occa hathĩkniina. Nẽẽthĩ, ma hẽlẽmaakĩ Nyekuc hothoothĩheet ngagĩĩta, hadaakna hinnia hatĩnĩ.”
20Ẽdẽcĩ Mũũꞌtha ĩhõõggõ anneek, “Hõlõ, ma hiteelinnu. Aku attĩmannuung ngagiit Nyekuci thõng, haau tẽẽlꞌthĩtĩ cĩ Nyekuci hĩ ngagiit, hátĩ ũtũngteek niig ꞌthẽccan.”
21Baa abĩllaa eeta ꞌrẽẽna, baa nga aduhun Mũũꞌtha muguratõõ ꞌcĩ holittup ĩcĩ aayyi Nyekuci.
Nyekuꞌnya hĩ ꞌgoolliok ꞌcĩg ĩbbõõrĩ eeta ꞌgaarriẽẽn
22Ma ho, ĩĩnnĩk Makayyioohiti Mũũꞌtha, “Duhaak eet cĩg Ĩꞌthĩraẽlĩ thõõth icci, ‘Icittu thĩ aattĩ ngaatĩ hõthõõthakuung naa ngagiit hẽẽtahujjieen. 23Ma hadĩmanaannu nyekuꞌnya ꞌcĩg ĩthakꞌtheekaangu nganĩĩta, ma hadĩmanaaku eleeti cugguung nyekuꞌnya ꞌcĩg ĩĩn maccĩrẽẽn hode nyekuꞌnya ꞌcĩg ĩĩn ꞌdaab.
24“ ‘Etehenyteehaangu nganĩĩt nĩngĩtĩ ĩbboorĩkaangu ꞌgaarrieenit dooba nẽ ĩbboorrihaangu ꞌgaarriẽẽn cugguung, ꞌgaarriẽẽn ꞌcĩg ĩwaaddu hĩĩ ꞌbaaninit nẽ ĩĩtõ ꞌgaarriẽẽn ꞌcĩg ĩĩn ꞌbaaninit cĩ ganõõnõ. Ĩbboorit aꞌtha hĩ ẽẽtha hĩ tĩĩn cugguung. Etehenyit nĩngĩtĩ ĩbboorini ꞌgaarrieeniti, hátĩ ma hidiima naa ꞌthaar cĩgannĩg hummukta eeta, halluuccia loota nẽ hikia haggatanuung ngagiita. 25Má ehenyteekaangu nganĩĩt nĩngĩtĩ ĩbboorĩkaangu ꞌgaarriẽẽn biyyiẽẽnĩ, ma hacciꞌthu biyyiẽẽn dtoongwẽẽtĩ, hĩnĩngĩtĩ ẽꞌthẽcannu hinnia hatĩ nĩngĩtĩ ꞌboorittõõ. 26Nẽẽthĩ, ma hehenyittu nĩngĩtĩ ĩbboorini ꞌgaarrieeniti caannĩ, haꞌnyak lõkĩrrĩhẽẽt ꞌcĩg õtõdĩ eeta. Ma ĩdĩmattu noho, horoong hatĩ acĩnoothi eet umwaa arriẽẽꞌthĩt cunuung ceremwaanĩtõõ cugguung hatĩ otoddu lõkĩrrĩhẽẽta.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.