Luugithõõ 11
11
Daahĩth cĩ lõhõlĩ ꞌcĩg oou
1Nẽẽthĩ ꞌyioko, uduhaak Makayyioohiti Mũũꞌtha ĩĩnnĩk, “Nga haꞌnyahaahi naa habu cĩ Ijjibi, hĩ looc cĩ Ijjibi ꞌthẽrẽt umwa tarĩ noho. Ma urutaa cĩ, ẽlẽmaakuung hatĩ nẽẽ õõtõ, nẽẽthĩ ma ĩdĩman noho, itiggiaeehuung aattĩ hatĩ ꞌgõõl õõt ũdũt. 2Duhaak eet ꞌcĩg maacĩg ngaaĩnĩ noho, halayyia ꞌdaab hode maccĩrẽẽn hĩ eet cĩg Ijjibi ꞌcĩg aarõõ hĩ ĩhõõggõ.” 3Nĩngĩtĩ aku aaꞌnyĩkĩ Makayyioohiti eet cĩg Ijjibi hĩĩtõ õõrĩg ꞌthĩnneeti hĩ eet cĩg Ĩꞌthĩraẽlĩ nẽ baa iꞌngolli makayyiooha cĩg habu cĩ Ijjibi, hĩ eet vẽlẽk Mũũꞌtha gẽrrẽẽt.
4Ma ho, uduhaak Mũũꞌtha habu cĩ Ijjibi ĩĩnnĩk, “Thõõth ꞌcĩ aduha Makayyioohiti cieeni, ‘Hatĩ ẽttẽẽdĩ baalini, hõvvõ hatĩ naa looc cĩ Ijjibi vẽlẽk. 5Adaahĩ hatĩ lohollia ꞌcĩg maacĩg ꞌcĩg arrittiaa ĩĩcĩ oou Ijjiba, iꞌthianaanĩ loholeecaa ꞌcĩ maacĩ ĩcĩ habu cĩ Ijjibi ꞌcĩ arrittiaa ĩĩcĩ oou, ꞌcĩ aayyi dtaaba hĩ lõhõlĩ vẽlẽk cĩg appahacaaꞌnya ꞌcĩg ngayyig ꞌcĩg ereki hirriẽẽtĩĩ cĩggĩĩng, hĩ maala ꞌcĩg arrittiaa ĩĩcĩ oou vẽlẽk. 6Maka hatĩ ulwaanĩ looc cĩ Ijjibi hũtũrũũr, ulwa ꞌcĩ baa nga haau kõr umwa nẽ hõllõngaa hatĩ aku tarĩ. 7Nẽẽthĩ, lothippitaa cĩ Ĩꞌthĩraẽlĩ, emmeethĩk hatĩ lõõcĩ nẽ hiꞌthihi hatĩ ũthũr ꞌcĩ occa oroheek eet hode hẽlẽggĩ.’ Nẽẽthĩ hatĩ iita agayyu niig ngaatĩ ẽꞌngẽrĩ Makayyioohiti eet cĩg Ĩꞌthĩraẽlĩ hĩ eet cĩg Ijjibi. 8Au hatĩ makayyiooha cugunnig ko vẽlẽk hĩ nganĩĩt nẽ alayyia ĩĩttĩhaa, ‘Ẽlẽ õõt hĩ eet cugunnig vẽlẽk ꞌcĩg anuyyi nganiita!’ Ma urutaa ꞌcĩ nẽ thĩ hatĩ hũũha naana.” Ma ho, ĩlĩĩlĩ Mũũꞌtha, nĩngĩtĩ ũũnnĩkĩ habu cĩ Ijjibi nẽ ũũha.
9Ma nĩngaata, uduhaak Makayyioohiti Mũũꞌtha ĩĩnnĩk, “Abũrĩ hatĩ habuui cĩ Ijjibi ngaatĩ athikni nganiit, hátĩ hĩĩtõ mẽẽlĩg thooꞌthioha cĩgannĩg ꞌcĩg ĩnaat eeta looccaa cĩ Ijjibi.” 10Baa adtican Mũũꞌtha hĩ Arõõnẽ thooꞌthiok iccig ĩnaat eeta ho muumaa cĩ habu cĩ Ijjibi, nẽẽthĩ, aalla aaꞌnyĩk Makayyioohiti habu cĩ Ijjibi hĩllõõr noho nẽ iittiõõ hõllõngaa ẽlẽmaakĩ eet cĩg Ĩꞌthĩraẽlĩ hũtũngteek looc cĩnnĩ.
Currently Selected:
Luugithõõ 11: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Luugithõõ 11
11
Daahĩth cĩ lõhõlĩ ꞌcĩg oou
1Nẽẽthĩ ꞌyioko, uduhaak Makayyioohiti Mũũꞌtha ĩĩnnĩk, “Nga haꞌnyahaahi naa habu cĩ Ijjibi, hĩ looc cĩ Ijjibi ꞌthẽrẽt umwa tarĩ noho. Ma urutaa cĩ, ẽlẽmaakuung hatĩ nẽẽ õõtõ, nẽẽthĩ ma ĩdĩman noho, itiggiaeehuung aattĩ hatĩ ꞌgõõl õõt ũdũt. 2Duhaak eet ꞌcĩg maacĩg ngaaĩnĩ noho, halayyia ꞌdaab hode maccĩrẽẽn hĩ eet cĩg Ijjibi ꞌcĩg aarõõ hĩ ĩhõõggõ.” 3Nĩngĩtĩ aku aaꞌnyĩkĩ Makayyioohiti eet cĩg Ijjibi hĩĩtõ õõrĩg ꞌthĩnneeti hĩ eet cĩg Ĩꞌthĩraẽlĩ nẽ baa iꞌngolli makayyiooha cĩg habu cĩ Ijjibi, hĩ eet vẽlẽk Mũũꞌtha gẽrrẽẽt.
4Ma ho, uduhaak Mũũꞌtha habu cĩ Ijjibi ĩĩnnĩk, “Thõõth ꞌcĩ aduha Makayyioohiti cieeni, ‘Hatĩ ẽttẽẽdĩ baalini, hõvvõ hatĩ naa looc cĩ Ijjibi vẽlẽk. 5Adaahĩ hatĩ lohollia ꞌcĩg maacĩg ꞌcĩg arrittiaa ĩĩcĩ oou Ijjiba, iꞌthianaanĩ loholeecaa ꞌcĩ maacĩ ĩcĩ habu cĩ Ijjibi ꞌcĩ arrittiaa ĩĩcĩ oou, ꞌcĩ aayyi dtaaba hĩ lõhõlĩ vẽlẽk cĩg appahacaaꞌnya ꞌcĩg ngayyig ꞌcĩg ereki hirriẽẽtĩĩ cĩggĩĩng, hĩ maala ꞌcĩg arrittiaa ĩĩcĩ oou vẽlẽk. 6Maka hatĩ ulwaanĩ looc cĩ Ijjibi hũtũrũũr, ulwa ꞌcĩ baa nga haau kõr umwa nẽ hõllõngaa hatĩ aku tarĩ. 7Nẽẽthĩ, lothippitaa cĩ Ĩꞌthĩraẽlĩ, emmeethĩk hatĩ lõõcĩ nẽ hiꞌthihi hatĩ ũthũr ꞌcĩ occa oroheek eet hode hẽlẽggĩ.’ Nẽẽthĩ hatĩ iita agayyu niig ngaatĩ ẽꞌngẽrĩ Makayyioohiti eet cĩg Ĩꞌthĩraẽlĩ hĩ eet cĩg Ijjibi. 8Au hatĩ makayyiooha cugunnig ko vẽlẽk hĩ nganĩĩt nẽ alayyia ĩĩttĩhaa, ‘Ẽlẽ õõt hĩ eet cugunnig vẽlẽk ꞌcĩg anuyyi nganiita!’ Ma urutaa ꞌcĩ nẽ thĩ hatĩ hũũha naana.” Ma ho, ĩlĩĩlĩ Mũũꞌtha, nĩngĩtĩ ũũnnĩkĩ habu cĩ Ijjibi nẽ ũũha.
9Ma nĩngaata, uduhaak Makayyioohiti Mũũꞌtha ĩĩnnĩk, “Abũrĩ hatĩ habuui cĩ Ijjibi ngaatĩ athikni nganiit, hátĩ hĩĩtõ mẽẽlĩg thooꞌthioha cĩgannĩg ꞌcĩg ĩnaat eeta looccaa cĩ Ijjibi.” 10Baa adtican Mũũꞌtha hĩ Arõõnẽ thooꞌthiok iccig ĩnaat eeta ho muumaa cĩ habu cĩ Ijjibi, nẽẽthĩ, aalla aaꞌnyĩk Makayyioohiti habu cĩ Ijjibi hĩllõõr noho nẽ iittiõõ hõllõngaa ẽlẽmaakĩ eet cĩg Ĩꞌthĩraẽlĩ hũtũngteek looc cĩnnĩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.