Eevvetho 6
6
Lõhõlĩ hĩ maajihi hĩ ngaaggi
1Niig lohollia, ĩthĩhĩt maajihu hĩ ngaaggu cugguung, hĩnĩngĩtĩ, thõõth ꞌcĩ aũlan ꞌcĩ occa adĩmannu niig cieeni.#Tigiil Waraga cĩ Kolooꞌthe 3:20 2“Itingolli maajihu hĩ ngaaggu,” tilooinit ꞌcĩ ĩĩn hõdẽĩ ꞌcĩ aduha Nyekuci cieeni:#Tigiil ꞌBuuk cĩ Luugithõõ 20:12; Ditoronomi 5:16 3Nẽẽthĩ, má iꞌngoliinnu niig maajihu hĩ ngaaggu, “Accamanoothiku hatĩ nẽ ũrũgtu looccaa nĩĩcĩ ĩꞌthõng.”#Tigiil ꞌBuuk cĩ Luugithõõ 20:12; Ditoronomi 5:16 4Niig maajihi loholeenu, ma hõhõggõõrannu lõhõlĩ cugguung. Illimanit ĩhõõggõ ngaatĩ eterꞌtheeku thõõth cĩ Makayyiookto.#Tigiil Waraga cĩ Kolooꞌthe 3:21
Appahacaaꞌnya hĩ Makayyiook
5Niig appahacaaꞌnya, ĩthĩhĩt makayyiook cugguung cĩg looc nicci. Itingolli nẽ ĩthĩktu ĩhõõggõ, haau hĩcĩ occa athiknu Krĩstõ.#Tigiil Waraga cĩ Kolooꞌthe 3:22-25 6Ĩthĩhĩt ĩhõõggõ, hõllõngaa hĩnĩngĩtĩ haccamattoothĩk nẽẽg hatĩ ebekuung ngagiit thõng diooni, nẽẽthĩ, ĩthĩhĩt ĩhõõggõ hĩ appahacaaꞌnya cĩg Krĩstõ ꞌcĩg adĩman tabiinit cĩ Nyekuci ꞌthinneetini dĩdĩ. 7Idticattoothĩk makayyiook cugguung taliitta, hĩcĩ occa adticanoothiku Makayyioohit, hõllõngaa adticanoothiku eet haaga. 8Hĩnĩngĩtĩ agayyu niig ngaatĩ hatĩ adũmanĩ Makayyioohiti eet hõdẽĩ hõdẽĩ, hĩnĩngĩtĩ dtiicanĩ ꞌcĩg abũnnaa ꞌcĩg baag adĩman nẽẽgĩ, tananga eet ꞌcĩ baa ĩĩn appahaca hode ꞌcĩ hõllõngaa ĩĩn appahaca.
9Nẽ niig makayyiooha, ĩdĩmanit niig buúk appahacaaꞌnya cugguung jurrung. Ma hadĩmannu ĩhõõggõ ꞌbuth, hĩnĩngĩtĩ agayyu niig aꞌnyak nẽẽg buúk Makayyioohit ꞌcĩ aaĩ hẽẽtahujjieen ꞌcĩ aduhõõ hĩ ꞌcĩ aꞌnyaku niiga, makayyioohit ꞌcĩ hõllõngaa ahal eeta.#Tigiil Waraga cĩ Kolooꞌthe 4:1; Ditoronomi 10:17
Jore ꞌcĩ haruhõõnĩ hĩ loriẽẽt ꞌcĩg abathĩ
10Nẽ thõõthaa ꞌcĩ adtuurna, aanytĩk ꞌtirrian cobbi gẽrrẽẽt cĩ Makayyiookto haaꞌnyuung ittiranit. 11Itihimit ijjio cĩg joraak ꞌcĩg aaꞌnyuung Nyekuci, hátĩ eteyyiõõĩ eleeti cugguung hatĩ iggoolluung habuui cĩ loriẽẽt ꞌcĩg abathĩ. 12Hĩnĩngĩtĩ hõllõngaa haruhõõ naag hĩ mĩrõk ꞌcĩg ĩĩn eeta. Haruhõõ naag hĩ mĩrõk ꞌcĩg ĩĩn loriẽẽt hĩ makayyiook ꞌcĩg abathĩ ꞌcĩg attiran nẽ aꞌnyahit makaaꞌthĩt loonyini hẽẽtahujjieen. 13Nẽẽthĩ hoti ho, itihimit ceremwa cĩg joraak ꞌcĩg aaꞌnyuung Nyekuci ngagiit, hátĩ eteyyiõõĩ eleeti cugguung. Ma hatĩ ikia kõrra cĩ bathiitto, agayyu hatĩ ngaatĩ eteiinnu eleeti cugguung. Ma hatĩ edeccia jõrẽẽĩ, ammũdeek hatĩ nga okommu. 14Ũkũmattoothĩk! Itihimit thõõth ꞌcĩ ĩĩn dĩdĩ haau hĩ hadẽẽngõ nẽ aanytĩhu bũnnai cĩ Nyekuci heteooyyuung ngagiit hatĩ ooyyu jora. 15Itihimit ganõn ꞌcĩ aku nyeemuutaa ꞌcĩ abũnnaa hĩ caawa, hátĩ ũkũmattoothĩk jurrung. 16Aanytĩk lemiinit cunuung haau hĩ hiliba, hátĩ ibilli lĩꞌthaanĩt cĩg ꞌThĩttaanak ꞌcĩg alanyĩt ĩĩn ꞌgwoo. 17Aanytĩk ꞌtirrian cĩ Nyekuci ꞌcĩ ẽẽlanneet ngagĩĩt, haau hĩ tẽmẽdẽhĩ ꞌcĩ ĩĩn naꞌngaala nẽ aanytĩhu nyeemuut cĩ Nyekuci ꞌcĩ aku hĩ Lori cĩnnĩ, haau hĩ nyetuboota. 18Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.
19Alayyiooyyiaangu nganĩĩt buúk, hátĩ haaꞌnya Nyekuci nyeemuut ꞌcĩ hothoothi nẽ hillimmana thõõth cĩ nyeemuut ꞌcĩ abũnnaa baa ammiꞌthi ꞌthĩnĩtaa ꞌcĩ õkõmĩ, 20hĩnĩngĩtĩ hĩĩnĩ naa ꞌthooyyiahit ꞌcĩ hecebbi baabuutha. Alayyiooyyiaangu, hátĩ hillimanõ ꞌthĩnĩtaa ꞌcĩ õkõmĩ hĩcĩ occa hallimannii.
ꞌThaainit ꞌcĩ adtuurna
21Aduhaakuung hatĩ Ticiko ꞌgõtõõnẽẽtĩ cĩnaac ꞌcĩ ĩĩn dticciannioohit ꞌcĩ abũnnaa cĩ Makayyiookto thõõth vẽlẽk, hátĩ agaac niig buúk ꞌgõõl ꞌcĩ haayyi naa hĩ dtiic ꞌcĩ hadticani. 22Thõõth icci dẽẽdẽ ꞌcĩ hĩꞌthõõakuung naa ngagiit ĩnõõnnõ ho, hátĩ agaac niig ꞌgõõl ꞌcĩ haattiyyia naaga, hátĩ hũkũtanuung Ticiko ngagiita.
23Aꞌnyĩĩk ganõn hĩ mĩnnan hĩ lemiinit ꞌcĩ aku hĩ Baangeet Nyekuc hĩ Makayyioohit cĩnaac Yeesu Krĩstõ, haau hĩ ngagiit ꞌgotoonoga hĩ ngoonoga. 24Aꞌnyĩĩk Nyekuc hĩĩ tarbal hĩ eet vẽlẽk ꞌcĩg aalla ammĩnan Makayyioohit cĩnaac Yeesu Krĩstõ.
Currently Selected:
Eevvetho 6: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Eevvetho 6
6
Lõhõlĩ hĩ maajihi hĩ ngaaggi
1Niig lohollia, ĩthĩhĩt maajihu hĩ ngaaggu cugguung, hĩnĩngĩtĩ, thõõth ꞌcĩ aũlan ꞌcĩ occa adĩmannu niig cieeni.#Tigiil Waraga cĩ Kolooꞌthe 3:20 2“Itingolli maajihu hĩ ngaaggu,” tilooinit ꞌcĩ ĩĩn hõdẽĩ ꞌcĩ aduha Nyekuci cieeni:#Tigiil ꞌBuuk cĩ Luugithõõ 20:12; Ditoronomi 5:16 3Nẽẽthĩ, má iꞌngoliinnu niig maajihu hĩ ngaaggu, “Accamanoothiku hatĩ nẽ ũrũgtu looccaa nĩĩcĩ ĩꞌthõng.”#Tigiil ꞌBuuk cĩ Luugithõõ 20:12; Ditoronomi 5:16 4Niig maajihi loholeenu, ma hõhõggõõrannu lõhõlĩ cugguung. Illimanit ĩhõõggõ ngaatĩ eterꞌtheeku thõõth cĩ Makayyiookto.#Tigiil Waraga cĩ Kolooꞌthe 3:21
Appahacaaꞌnya hĩ Makayyiook
5Niig appahacaaꞌnya, ĩthĩhĩt makayyiook cugguung cĩg looc nicci. Itingolli nẽ ĩthĩktu ĩhõõggõ, haau hĩcĩ occa athiknu Krĩstõ.#Tigiil Waraga cĩ Kolooꞌthe 3:22-25 6Ĩthĩhĩt ĩhõõggõ, hõllõngaa hĩnĩngĩtĩ haccamattoothĩk nẽẽg hatĩ ebekuung ngagiit thõng diooni, nẽẽthĩ, ĩthĩhĩt ĩhõõggõ hĩ appahacaaꞌnya cĩg Krĩstõ ꞌcĩg adĩman tabiinit cĩ Nyekuci ꞌthinneetini dĩdĩ. 7Idticattoothĩk makayyiook cugguung taliitta, hĩcĩ occa adticanoothiku Makayyioohit, hõllõngaa adticanoothiku eet haaga. 8Hĩnĩngĩtĩ agayyu niig ngaatĩ hatĩ adũmanĩ Makayyioohiti eet hõdẽĩ hõdẽĩ, hĩnĩngĩtĩ dtiicanĩ ꞌcĩg abũnnaa ꞌcĩg baag adĩman nẽẽgĩ, tananga eet ꞌcĩ baa ĩĩn appahaca hode ꞌcĩ hõllõngaa ĩĩn appahaca.
9Nẽ niig makayyiooha, ĩdĩmanit niig buúk appahacaaꞌnya cugguung jurrung. Ma hadĩmannu ĩhõõggõ ꞌbuth, hĩnĩngĩtĩ agayyu niig aꞌnyak nẽẽg buúk Makayyioohit ꞌcĩ aaĩ hẽẽtahujjieen ꞌcĩ aduhõõ hĩ ꞌcĩ aꞌnyaku niiga, makayyioohit ꞌcĩ hõllõngaa ahal eeta.#Tigiil Waraga cĩ Kolooꞌthe 4:1; Ditoronomi 10:17
Jore ꞌcĩ haruhõõnĩ hĩ loriẽẽt ꞌcĩg abathĩ
10Nẽ thõõthaa ꞌcĩ adtuurna, aanytĩk ꞌtirrian cobbi gẽrrẽẽt cĩ Makayyiookto haaꞌnyuung ittiranit. 11Itihimit ijjio cĩg joraak ꞌcĩg aaꞌnyuung Nyekuci, hátĩ eteyyiõõĩ eleeti cugguung hatĩ iggoolluung habuui cĩ loriẽẽt ꞌcĩg abathĩ. 12Hĩnĩngĩtĩ hõllõngaa haruhõõ naag hĩ mĩrõk ꞌcĩg ĩĩn eeta. Haruhõõ naag hĩ mĩrõk ꞌcĩg ĩĩn loriẽẽt hĩ makayyiook ꞌcĩg abathĩ ꞌcĩg attiran nẽ aꞌnyahit makaaꞌthĩt loonyini hẽẽtahujjieen. 13Nẽẽthĩ hoti ho, itihimit ceremwa cĩg joraak ꞌcĩg aaꞌnyuung Nyekuci ngagiit, hátĩ eteyyiõõĩ eleeti cugguung. Ma hatĩ ikia kõrra cĩ bathiitto, agayyu hatĩ ngaatĩ eteiinnu eleeti cugguung. Ma hatĩ edeccia jõrẽẽĩ, ammũdeek hatĩ nga okommu. 14Ũkũmattoothĩk! Itihimit thõõth ꞌcĩ ĩĩn dĩdĩ haau hĩ hadẽẽngõ nẽ aanytĩhu bũnnai cĩ Nyekuci heteooyyuung ngagiit hatĩ ooyyu jora. 15Itihimit ganõn ꞌcĩ aku nyeemuutaa ꞌcĩ abũnnaa hĩ caawa, hátĩ ũkũmattoothĩk jurrung. 16Aanytĩk lemiinit cunuung haau hĩ hiliba, hátĩ ibilli lĩꞌthaanĩt cĩg ꞌThĩttaanak ꞌcĩg alanyĩt ĩĩn ꞌgwoo. 17Aanytĩk ꞌtirrian cĩ Nyekuci ꞌcĩ ẽẽlanneet ngagĩĩt, haau hĩ tẽmẽdẽhĩ ꞌcĩ ĩĩn naꞌngaala nẽ aanytĩhu nyeemuut cĩ Nyekuci ꞌcĩ aku hĩ Lori cĩnnĩ, haau hĩ nyetuboota. 18Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.
19Alayyiooyyiaangu nganĩĩt buúk, hátĩ haaꞌnya Nyekuci nyeemuut ꞌcĩ hothoothi nẽ hillimmana thõõth cĩ nyeemuut ꞌcĩ abũnnaa baa ammiꞌthi ꞌthĩnĩtaa ꞌcĩ õkõmĩ, 20hĩnĩngĩtĩ hĩĩnĩ naa ꞌthooyyiahit ꞌcĩ hecebbi baabuutha. Alayyiooyyiaangu, hátĩ hillimanõ ꞌthĩnĩtaa ꞌcĩ õkõmĩ hĩcĩ occa hallimannii.
ꞌThaainit ꞌcĩ adtuurna
21Aduhaakuung hatĩ Ticiko ꞌgõtõõnẽẽtĩ cĩnaac ꞌcĩ ĩĩn dticciannioohit ꞌcĩ abũnnaa cĩ Makayyiookto thõõth vẽlẽk, hátĩ agaac niig buúk ꞌgõõl ꞌcĩ haayyi naa hĩ dtiic ꞌcĩ hadticani. 22Thõõth icci dẽẽdẽ ꞌcĩ hĩꞌthõõakuung naa ngagiit ĩnõõnnõ ho, hátĩ agaac niig ꞌgõõl ꞌcĩ haattiyyia naaga, hátĩ hũkũtanuung Ticiko ngagiita.
23Aꞌnyĩĩk ganõn hĩ mĩnnan hĩ lemiinit ꞌcĩ aku hĩ Baangeet Nyekuc hĩ Makayyioohit cĩnaac Yeesu Krĩstõ, haau hĩ ngagiit ꞌgotoonoga hĩ ngoonoga. 24Aꞌnyĩĩk Nyekuc hĩĩ tarbal hĩ eet vẽlẽk ꞌcĩg aalla ammĩnan Makayyioohit cĩnaac Yeesu Krĩstõ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.