Dtiicanĩ cĩg ꞌThooyyiahu 1
1
Õdõngĩ Yeesu ũũk hẽẽtahujjieen
1Ẽlẽ Theovilo, baa hẽtẽhẽẽda naa thooꞌthiok vẽlẽk baag iꞌthianaanĩ adĩman Yeesu#1:1 Yeesu: ꞌThaara ꞌcĩg haĩ Yeesu ho aĩ, ẽẽlanneet Nyekuci. nẽ illimaneek eet ꞌbuuhaa baa nannĩ ĩĩcĩ oou, 2ĩꞌthõng hõdõlan kõr baa odongiini Yeesu õkõõĩ hẽẽtahujjieen, urutaa baa ẽtẽrẽthĩ nẽẽ ꞌthooyyiak#1:2 ꞌThooyyiak: Ĩĩn ꞌthooyyiaha eet ꞌcĩg baag ĩꞌthõ Yeesu ꞌtirriaana hõõt hillimatteek eet thõõth cĩnnĩ nẽ aaꞌnyĩk ĩhõõggõ ꞌtirrian ꞌcĩ iiggiaĩ loriẽẽt ꞌcĩg abathĩ nẽ ĩdĩmanit hẽlẽggĩ ꞌcĩg ĩnaat eeta. baag ẽbẽra nẽẽ Loriiaa ꞌcĩ Ẽllẽẽmĩthĩ.#1:2 Lori ꞌcĩ Ẽllẽẽmĩthĩ: Ĩĩn Lorii ꞌcĩ Ẽllẽẽmĩth Lori cĩ Nyekuci. Aĩ Yeesu, ĩĩn Nyekuci Maaꞌnyĩ, ne ĩĩ nẽẽ Ngeertĩ Nyekuci. Aĩ thõõth ciee, ĩĩn Maaꞌnyia Nyekuc nẽ ĩĩ Ngeerĩnĩ Yeesu Nyekuc. Nẽ ĩĩ Lorii ꞌcĩ Ẽllẽẽmĩth Nyekuc. Nẽ tarĩ ĩĩtõ Maaꞌnyia hĩ Ngeerĩnĩ hĩ Lori ꞌcĩ Ẽllẽẽmĩth vẽlẽk, Nyekuc Hõdẽẽthõng. Tigiil ꞌBuuk cĩ Yõaannẽ 1:1-18; 8:41-42; Dtiicanĩ cĩg ꞌThooyyiahu 5:3-4. 3Ma baa urutaa ꞌcĩ ĩppĩĩraĩ Yeesu ẽlẽk, ikia eteretheek nẽẽ eet ẽlẽ cĩnnĩ thooꞌthiohĩĩ ꞌcĩg arũgnaanĩ nẽẽ daahĩtha. Baa uppwaannak Yeesu ꞌthooyyiak tabattĩ mẽẽlĩg waathinnioohĩĩ baag ĩĩn hẽẽn ꞌwec nẽ othoothito thooꞌthiok cĩg habuccieet cĩ Nyekuci. 4Kõr ꞌcĩ baa aduhẽẽnĩ Yeesu hĩ ꞌthooyyiak cĩgĩnnĩg, ikia uduhaak nẽẽ ĩhõõggõ ĩĩnnĩk, “Ma huunniku ꞌJeruꞌthalẽm. Ereeyyio ĩꞌthõng hĩꞌthõõahuung Baaba Lori ꞌcĩ Ẽllẽẽmĩth, baa gõõng hanneekuung naa ĩꞌthõõa hatĩnĩ. 5Hĩnĩngĩtĩ baa aggameekuung ngagiit Yõaannẽ baattithimo#1:5 Baattithimo: Aggam ẽẽtĩ baattithimo, hátĩ hẽtẽrẽtha ngaatĩ ũtũngẽẽhĩ nẽẽ ꞌthẽccanẽẽt cĩgĩnnĩg nẽ ẽlẽm Nyekuc. maamĩ haaga. Nẽẽthĩ, waathinnioohĩĩ ꞌcĩg idionganniaa abadtẽc ko, aggammu hatĩ niig baattithimo Loriiaa ꞌcĩ Ẽllẽẽmĩthĩ.”
6Ma baa õmmõtõõ ꞌthooyyiaha vẽlẽk ngaatĩ hõdẽẽthõng ko, iita ijinit nẽẽg Yeesu ĩĩttĩk, “Makayyioohit, ꞌyioko hatĩ kõr nicci õbõdẽẽkĩ nii habuẽẽꞌthĩt eet cĩg Ĩꞌthĩraẽlĩ?”
7Baa ẽdẽcĩ Yeesu ĩhõõggõ anneek, “Hõllõngaa ĩĩn thõõth ꞌcĩ occa agayyu niig ꞌthaa hode nyĩlõhĩ cĩgĩnnĩg cieeni. Baaba dioo ꞌcĩ aga ꞌtirriaanaa cĩnnĩ. 8Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria#1:8 Thamaria: Baa ĩĩn hĩbaangĩ cĩg eet cĩg Thamaria ũgẽẽgĩ ꞌJudeei, nẽ iita ũgẽẽgĩ eetinii cĩrrĩĩng. Baa gõõng ala eeta cĩg Thamaria Nyekuc muuraa ꞌcĩ haĩ ꞌGerithim, ꞌgõõlaa ꞌcĩ hõllõngaa aduhõõ hĩ ꞌgõõl ꞌcĩ alaĩ ꞌJudeei Nyekuc. Tigiil thõõth icci ꞌBuuhaa cĩ 2 Habuẽẽt 17:27-40; Yõaannẽ 4:1-42. hĩ looc vẽlẽk.”
9Ma baa uduha Yeesu thõõth icci ẽlẽk, õdõngĩ nẽẽ ũũk hẽẽtahujjieen acĩn ꞌthooyyiaha vẽlẽk, nĩngĩtĩ ammanyaniini nẽẽ diithatõõ.
10Ma baa nga akannĩ ꞌthooyyiaha hẽbẽrĩ hẽẽtkujjieen, uppwaatta eeta ũgẽẽgĩ ꞌramma hĩdĩĩkoothong ꞌcĩg ahimit ceremwa ꞌcĩg õõppẽr, hiita hĩbĩlĩt ngadiiha. 11Ma nĩngaata ijinit ꞌthooyyiak ĩĩttĩk, “Niig eeta cĩg ꞌGalileea, abillu nĩnga nẽ ĩcĩttoothu hẽẽtkujjieen inni? Yeesu ꞌcĩ acinnu niig odongi õkõ hẽẽtahujjieen ko, õbõda hatĩ ꞌgõõlaa nĩĩcĩ dioo ĩĩcĩ acinnu ꞌyioko niig odongiini õkõõĩ hẽẽtahujjieen ko.”
Eberria Mattia hirigith nĩngĩtĩ ꞌJuuda
12Nĩngĩtĩ alluuccianĩ ꞌthooyyiaha Muuraa cĩ Olivi õõĩ ꞌJeruꞌthalẽma. Nẽ baa õbõhõõ muur ꞌcĩ haĩ Oliv ko hĩ ꞌtaaũn, occa aꞌnyak maaĩl ꞌcĩ ĩĩn ꞌnuth.#1:12 Maaĩl ꞌcĩ ĩĩn ꞌnuth: Baa occa ĩĩn maaĩl ꞌcĩ ĩĩn ꞌnuth ꞌcĩ õvvõõĩ eeta cĩg ꞌJudeei Kõrraa cĩ ꞌYiommaanõ ho. Occa õvvõ ẽẽtĩ maaĩlꞌnya iyyio ꞌthaa hõdẽĩ. 13Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot,#1:13 ꞌThilot: Ẽẽtĩ ꞌcĩ haĩ ꞌThilot ko, ĩĩn ꞌJudeeinit ꞌcĩ ĩĩn toromeec ꞌcĩ adiim iiggia habu cĩ ꞌRooma. ꞌJuuda ngeertĩ ꞌJeemithi. 14Õmmõtõõ ꞌthooyyiaha hõdõõkõthĩ nẽ alayyio ngaatĩ hõdẽẽthõng hĩ ngaaĩ ũgĩ, hĩ Maria aattĩ Yeesu hĩ ꞌgõtõõnõgĩ cĩgĩnnĩg.
15Ma waathinniook nicciag, ĩtĩnga Pẽẽtũrũ hõrggẽẽnaa cĩ nuyyiook cĩg Yeesu vẽlẽk ꞌcĩg baag ĩĩn ꞌmiia hõdẽĩ hĩ hẽẽn ꞌramma, 16nẽ õthõõth ĩĩ, “ꞌGotoonoga hĩ ngoonoga, ikia thõõth baa eheeddi ꞌBuuhaa cĩ Nyekuci edeeꞌnyia ꞌgõõlẽẽ baa aduha Lorii ꞌcĩ Ẽllẽẽmĩth baarkit ũtũũgaa cĩ Daavide,#1:16 Daavide: Baa ẽbẽra Nyekuci Daavide hikia hĩĩ habu cĩ Ĩꞌthĩraẽlĩ nẽ uduha ĩĩ, aku hatĩ habuui cobbi lõhõlẽẽnĩĩ cĩg lõhõlĩ cĩgĩnnĩg, hikia haggam looc hĩĩ habu ũdũt. Baa habu tĩho Yeesu Krĩstõ. Tigiil thõõth icci ꞌBuuhaa cĩ Tegellwaanu 132:11-12. Baa arũgĩ Daavide irkiꞌnyia ꞌcĩg occa ũũppan aalib hõdẽĩ, baa nga hittirria Yeesu. Tigiil thõõth cĩnnĩ ꞌBuuhaa cĩ ĩĩn 1 ĩcĩ Thamueele 16-30; 2 Thamueele 1-24; 1 Habueet 1-2. thõõth baa ẽtẽrꞌthẽẽkĩ ꞌJuuda Ithkarioote eet haggamit Yeesu. 17Baa ĩĩn ꞌJuuda Ithkarioote eet ꞌcĩ hõõkõr hõdẽĩ lothippitaa cĩnaac nẽ hidticattõõ hõdẽĩ.”
18Nẽ hĩnĩngĩtĩ ꞌbaaninit ꞌcĩ ammũda nẽẽ, hĩnĩngĩtĩ ꞌthẽccan cĩnnĩ ho, ũũk ũtũũwa mana. Ma ho, ũũk ẽttẽẽd looc manaa cĩnnĩ happahĩ hẽẽng hulubta hũlũttẽna battaala. 19Ma baa ĩthĩhĩt eeta ꞌJeruꞌthalẽma thõõth icci, iita akattieek mana tĩho ꞌthaar ꞌcĩg kaĩ, “Akeldama” nĩngĩtĩ aĩ thõõthaa cĩnĩĩng, “Mana cĩ Biyyieetu.”
20Nĩngĩtĩ aduhaanĩ Pẽẽtũrũ thõõth baa eheeddi ꞌBuuhaa cĩ Tegellwaanu aĩ,
“Aꞌnyĩĩk ꞌcieeth cĩnnĩ haau haaga,
hiittiõõ ẽẽtĩ ꞌcĩ aayyi tõõ.”#Tigiil ꞌBuuk cĩ Tegellwaanu 69:25
Nẽ tarĩ ĩĩ,
“Arigith occa hatĩ eet umwaa dtaaba cĩnnĩ nuun?”#Tigiil ꞌBuuk cĩ Tegellwaanu 109:8
21Nẽ thĩ ꞌyioko, hadiim hẽbẽra eet umwa eetinii ꞌcĩg gõõng harũmĩ hĩ ngagĩĩt, waathinniook baag gõõng hõõkõrĩ hĩ Makayyioohit Yeesu, 22iꞌthianaanĩ kõr baa baattithimo cĩ Yõaannẽ ĩꞌthõng hikia hõdõngĩ Yeesu hũũk hẽẽtahujjieen. Hĩnĩngĩtĩ, hátĩ hikia hĩĩ ẽẽtĩ ꞌcĩ hẽbẽra ho, hebereec cĩ thõõth baa arũgnaanĩ Makayyioohiti Yeesu.
23Ma nĩngaata, ũbbũũngĩtõ eeta vẽlẽk eet ꞌramma. Baa haĩ umwa Yothebo ꞌcĩ haĩ ꞌthaar ũgĩ Barthaba nẽ hĩĩtõ ꞌthaar cĩg Yothebo ũgĩ tarĩ Juutto nẽ baa hĩĩtõ eet umwa tarĩ Mattia. 24Ma ho, alayyio ꞌthooyyiaha vẽlẽk ĩĩtõ, “Makayyioohit, aga nii ꞌthinneeti cĩg eet vẽlẽk. Teretheeheet eet iina ꞌcĩ ẽbẽra nii, 25hirigith dtiic cĩ ꞌthooyyiahit baa ũũnnĩk ꞌJuuda Ithkarioote nẽ ũũk ngaatĩnnĩ.” 26Ma nĩngaata, uruhit tooto, nĩngĩtĩ ẽbẽraanĩ tooto Mattiia hũrũmoothĩk ꞌthooyyiak õmmõtõ hĩ hõdẽĩ.
Currently Selected:
Dtiicanĩ cĩg ꞌThooyyiahu 1: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Dtiicanĩ cĩg ꞌThooyyiahu 1
1
Õdõngĩ Yeesu ũũk hẽẽtahujjieen
1Ẽlẽ Theovilo, baa hẽtẽhẽẽda naa thooꞌthiok vẽlẽk baag iꞌthianaanĩ adĩman Yeesu#1:1 Yeesu: ꞌThaara ꞌcĩg haĩ Yeesu ho aĩ, ẽẽlanneet Nyekuci. nẽ illimaneek eet ꞌbuuhaa baa nannĩ ĩĩcĩ oou, 2ĩꞌthõng hõdõlan kõr baa odongiini Yeesu õkõõĩ hẽẽtahujjieen, urutaa baa ẽtẽrẽthĩ nẽẽ ꞌthooyyiak#1:2 ꞌThooyyiak: Ĩĩn ꞌthooyyiaha eet ꞌcĩg baag ĩꞌthõ Yeesu ꞌtirriaana hõõt hillimatteek eet thõõth cĩnnĩ nẽ aaꞌnyĩk ĩhõõggõ ꞌtirrian ꞌcĩ iiggiaĩ loriẽẽt ꞌcĩg abathĩ nẽ ĩdĩmanit hẽlẽggĩ ꞌcĩg ĩnaat eeta. baag ẽbẽra nẽẽ Loriiaa ꞌcĩ Ẽllẽẽmĩthĩ.#1:2 Lori ꞌcĩ Ẽllẽẽmĩthĩ: Ĩĩn Lorii ꞌcĩ Ẽllẽẽmĩth Lori cĩ Nyekuci. Aĩ Yeesu, ĩĩn Nyekuci Maaꞌnyĩ, ne ĩĩ nẽẽ Ngeertĩ Nyekuci. Aĩ thõõth ciee, ĩĩn Maaꞌnyia Nyekuc nẽ ĩĩ Ngeerĩnĩ Yeesu Nyekuc. Nẽ ĩĩ Lorii ꞌcĩ Ẽllẽẽmĩth Nyekuc. Nẽ tarĩ ĩĩtõ Maaꞌnyia hĩ Ngeerĩnĩ hĩ Lori ꞌcĩ Ẽllẽẽmĩth vẽlẽk, Nyekuc Hõdẽẽthõng. Tigiil ꞌBuuk cĩ Yõaannẽ 1:1-18; 8:41-42; Dtiicanĩ cĩg ꞌThooyyiahu 5:3-4. 3Ma baa urutaa ꞌcĩ ĩppĩĩraĩ Yeesu ẽlẽk, ikia eteretheek nẽẽ eet ẽlẽ cĩnnĩ thooꞌthiohĩĩ ꞌcĩg arũgnaanĩ nẽẽ daahĩtha. Baa uppwaannak Yeesu ꞌthooyyiak tabattĩ mẽẽlĩg waathinnioohĩĩ baag ĩĩn hẽẽn ꞌwec nẽ othoothito thooꞌthiok cĩg habuccieet cĩ Nyekuci. 4Kõr ꞌcĩ baa aduhẽẽnĩ Yeesu hĩ ꞌthooyyiak cĩgĩnnĩg, ikia uduhaak nẽẽ ĩhõõggõ ĩĩnnĩk, “Ma huunniku ꞌJeruꞌthalẽm. Ereeyyio ĩꞌthõng hĩꞌthõõahuung Baaba Lori ꞌcĩ Ẽllẽẽmĩth, baa gõõng hanneekuung naa ĩꞌthõõa hatĩnĩ. 5Hĩnĩngĩtĩ baa aggameekuung ngagiit Yõaannẽ baattithimo#1:5 Baattithimo: Aggam ẽẽtĩ baattithimo, hátĩ hẽtẽrẽtha ngaatĩ ũtũngẽẽhĩ nẽẽ ꞌthẽccanẽẽt cĩgĩnnĩg nẽ ẽlẽm Nyekuc. maamĩ haaga. Nẽẽthĩ, waathinnioohĩĩ ꞌcĩg idionganniaa abadtẽc ko, aggammu hatĩ niig baattithimo Loriiaa ꞌcĩ Ẽllẽẽmĩthĩ.”
6Ma baa õmmõtõõ ꞌthooyyiaha vẽlẽk ngaatĩ hõdẽẽthõng ko, iita ijinit nẽẽg Yeesu ĩĩttĩk, “Makayyioohit, ꞌyioko hatĩ kõr nicci õbõdẽẽkĩ nii habuẽẽꞌthĩt eet cĩg Ĩꞌthĩraẽlĩ?”
7Baa ẽdẽcĩ Yeesu ĩhõõggõ anneek, “Hõllõngaa ĩĩn thõõth ꞌcĩ occa agayyu niig ꞌthaa hode nyĩlõhĩ cĩgĩnnĩg cieeni. Baaba dioo ꞌcĩ aga ꞌtirriaanaa cĩnnĩ. 8Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria#1:8 Thamaria: Baa ĩĩn hĩbaangĩ cĩg eet cĩg Thamaria ũgẽẽgĩ ꞌJudeei, nẽ iita ũgẽẽgĩ eetinii cĩrrĩĩng. Baa gõõng ala eeta cĩg Thamaria Nyekuc muuraa ꞌcĩ haĩ ꞌGerithim, ꞌgõõlaa ꞌcĩ hõllõngaa aduhõõ hĩ ꞌgõõl ꞌcĩ alaĩ ꞌJudeei Nyekuc. Tigiil thõõth icci ꞌBuuhaa cĩ 2 Habuẽẽt 17:27-40; Yõaannẽ 4:1-42. hĩ looc vẽlẽk.”
9Ma baa uduha Yeesu thõõth icci ẽlẽk, õdõngĩ nẽẽ ũũk hẽẽtahujjieen acĩn ꞌthooyyiaha vẽlẽk, nĩngĩtĩ ammanyaniini nẽẽ diithatõõ.
10Ma baa nga akannĩ ꞌthooyyiaha hẽbẽrĩ hẽẽtkujjieen, uppwaatta eeta ũgẽẽgĩ ꞌramma hĩdĩĩkoothong ꞌcĩg ahimit ceremwa ꞌcĩg õõppẽr, hiita hĩbĩlĩt ngadiiha. 11Ma nĩngaata ijinit ꞌthooyyiak ĩĩttĩk, “Niig eeta cĩg ꞌGalileea, abillu nĩnga nẽ ĩcĩttoothu hẽẽtkujjieen inni? Yeesu ꞌcĩ acinnu niig odongi õkõ hẽẽtahujjieen ko, õbõda hatĩ ꞌgõõlaa nĩĩcĩ dioo ĩĩcĩ acinnu ꞌyioko niig odongiini õkõõĩ hẽẽtahujjieen ko.”
Eberria Mattia hirigith nĩngĩtĩ ꞌJuuda
12Nĩngĩtĩ alluuccianĩ ꞌthooyyiaha Muuraa cĩ Olivi õõĩ ꞌJeruꞌthalẽma. Nẽ baa õbõhõõ muur ꞌcĩ haĩ Oliv ko hĩ ꞌtaaũn, occa aꞌnyak maaĩl ꞌcĩ ĩĩn ꞌnuth.#1:12 Maaĩl ꞌcĩ ĩĩn ꞌnuth: Baa occa ĩĩn maaĩl ꞌcĩ ĩĩn ꞌnuth ꞌcĩ õvvõõĩ eeta cĩg ꞌJudeei Kõrraa cĩ ꞌYiommaanõ ho. Occa õvvõ ẽẽtĩ maaĩlꞌnya iyyio ꞌthaa hõdẽĩ. 13Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot,#1:13 ꞌThilot: Ẽẽtĩ ꞌcĩ haĩ ꞌThilot ko, ĩĩn ꞌJudeeinit ꞌcĩ ĩĩn toromeec ꞌcĩ adiim iiggia habu cĩ ꞌRooma. ꞌJuuda ngeertĩ ꞌJeemithi. 14Õmmõtõõ ꞌthooyyiaha hõdõõkõthĩ nẽ alayyio ngaatĩ hõdẽẽthõng hĩ ngaaĩ ũgĩ, hĩ Maria aattĩ Yeesu hĩ ꞌgõtõõnõgĩ cĩgĩnnĩg.
15Ma waathinniook nicciag, ĩtĩnga Pẽẽtũrũ hõrggẽẽnaa cĩ nuyyiook cĩg Yeesu vẽlẽk ꞌcĩg baag ĩĩn ꞌmiia hõdẽĩ hĩ hẽẽn ꞌramma, 16nẽ õthõõth ĩĩ, “ꞌGotoonoga hĩ ngoonoga, ikia thõõth baa eheeddi ꞌBuuhaa cĩ Nyekuci edeeꞌnyia ꞌgõõlẽẽ baa aduha Lorii ꞌcĩ Ẽllẽẽmĩth baarkit ũtũũgaa cĩ Daavide,#1:16 Daavide: Baa ẽbẽra Nyekuci Daavide hikia hĩĩ habu cĩ Ĩꞌthĩraẽlĩ nẽ uduha ĩĩ, aku hatĩ habuui cobbi lõhõlẽẽnĩĩ cĩg lõhõlĩ cĩgĩnnĩg, hikia haggam looc hĩĩ habu ũdũt. Baa habu tĩho Yeesu Krĩstõ. Tigiil thõõth icci ꞌBuuhaa cĩ Tegellwaanu 132:11-12. Baa arũgĩ Daavide irkiꞌnyia ꞌcĩg occa ũũppan aalib hõdẽĩ, baa nga hittirria Yeesu. Tigiil thõõth cĩnnĩ ꞌBuuhaa cĩ ĩĩn 1 ĩcĩ Thamueele 16-30; 2 Thamueele 1-24; 1 Habueet 1-2. thõõth baa ẽtẽrꞌthẽẽkĩ ꞌJuuda Ithkarioote eet haggamit Yeesu. 17Baa ĩĩn ꞌJuuda Ithkarioote eet ꞌcĩ hõõkõr hõdẽĩ lothippitaa cĩnaac nẽ hidticattõõ hõdẽĩ.”
18Nẽ hĩnĩngĩtĩ ꞌbaaninit ꞌcĩ ammũda nẽẽ, hĩnĩngĩtĩ ꞌthẽccan cĩnnĩ ho, ũũk ũtũũwa mana. Ma ho, ũũk ẽttẽẽd looc manaa cĩnnĩ happahĩ hẽẽng hulubta hũlũttẽna battaala. 19Ma baa ĩthĩhĩt eeta ꞌJeruꞌthalẽma thõõth icci, iita akattieek mana tĩho ꞌthaar ꞌcĩg kaĩ, “Akeldama” nĩngĩtĩ aĩ thõõthaa cĩnĩĩng, “Mana cĩ Biyyieetu.”
20Nĩngĩtĩ aduhaanĩ Pẽẽtũrũ thõõth baa eheeddi ꞌBuuhaa cĩ Tegellwaanu aĩ,
“Aꞌnyĩĩk ꞌcieeth cĩnnĩ haau haaga,
hiittiõõ ẽẽtĩ ꞌcĩ aayyi tõõ.”#Tigiil ꞌBuuk cĩ Tegellwaanu 69:25
Nẽ tarĩ ĩĩ,
“Arigith occa hatĩ eet umwaa dtaaba cĩnnĩ nuun?”#Tigiil ꞌBuuk cĩ Tegellwaanu 109:8
21Nẽ thĩ ꞌyioko, hadiim hẽbẽra eet umwa eetinii ꞌcĩg gõõng harũmĩ hĩ ngagĩĩt, waathinniook baag gõõng hõõkõrĩ hĩ Makayyioohit Yeesu, 22iꞌthianaanĩ kõr baa baattithimo cĩ Yõaannẽ ĩꞌthõng hikia hõdõngĩ Yeesu hũũk hẽẽtahujjieen. Hĩnĩngĩtĩ, hátĩ hikia hĩĩ ẽẽtĩ ꞌcĩ hẽbẽra ho, hebereec cĩ thõõth baa arũgnaanĩ Makayyioohiti Yeesu.
23Ma nĩngaata, ũbbũũngĩtõ eeta vẽlẽk eet ꞌramma. Baa haĩ umwa Yothebo ꞌcĩ haĩ ꞌthaar ũgĩ Barthaba nẽ hĩĩtõ ꞌthaar cĩg Yothebo ũgĩ tarĩ Juutto nẽ baa hĩĩtõ eet umwa tarĩ Mattia. 24Ma ho, alayyio ꞌthooyyiaha vẽlẽk ĩĩtõ, “Makayyioohit, aga nii ꞌthinneeti cĩg eet vẽlẽk. Teretheeheet eet iina ꞌcĩ ẽbẽra nii, 25hirigith dtiic cĩ ꞌthooyyiahit baa ũũnnĩk ꞌJuuda Ithkarioote nẽ ũũk ngaatĩnnĩ.” 26Ma nĩngaata, uruhit tooto, nĩngĩtĩ ẽbẽraanĩ tooto Mattiia hũrũmoothĩk ꞌthooyyiak õmmõtõ hĩ hõdẽĩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.