2 Korinthia 3
3
1Hiꞌthiattaayyia ꞌyioko naag ngaatĩ haduhaanna eleeti cĩggaang ꞌrianĩĩtha tarĩ? Hode hadiimma waragẽẽt ꞌcĩg ẽtẽrꞌtha eleeti cĩggaang hĩ ngagiita? Hode hadiimma naag waragẽẽt hĩ ngagiit ꞌcĩg ẽtẽrẽth eet ũgĩ eleeti cĩggaang? 2Aattiyyu niig hĩ waraga ꞌcĩ eheeddi ꞌthinneetinii cĩggaang, ꞌcĩ aduhaak eet vẽlẽk thõõth cĩ Nyekuci ꞌcĩ hadticanna naaga. 3Aattiyyu niig hĩ waraga ꞌcĩ ẽhẽẽd Krĩstõ nẽ haꞌnyaktaawa naaga. Hĩnĩngĩtĩ hõllõngaa eheedinnu niig ꞌgaalama, hode biyyiẽẽnĩĩ cĩg ꞌthabalĩg. Baa eheedĩk Lorii cĩ Nyekuc ꞌcĩ arũgĩ waraga icci ꞌthinneetinii cĩg eetuk.
4Thõõth ꞌcĩ ĩĩn dĩdĩ ꞌcĩ hagayyia naag hĩ Nyekuc cieeni, má aggamtu niig nyeemuut cĩnaang ko, eelluung hatĩ Krĩstõ aaut hĩcĩ adiim Nyekuci. 5Aitiõõ ngagĩĩt ꞌtirriani ꞌcĩ occa haĩnna hidticatta thooꞌthiok vẽlẽk nyaagwaana tõõ. Nyekuc ꞌcĩ aaꞌnyeet ngagĩĩt makaaꞌthĩt vẽlẽk ꞌcĩ hadticanna hẽlẽggĩ vẽlẽk ꞌcĩg hadiimma hadticanna. 6Aaꞌnyeet nẽẽ ngagĩĩt ꞌtirrian vẽlẽk ꞌcĩ hĩĩgĩnna dticcianniook cĩg lõhõt ꞌcĩ ĩĩn ngeju ꞌcĩ aku hĩ Lori ꞌcĩ Ẽllẽẽmĩth, ꞌcĩ hõllõngaa aku hĩ nyattal baa eheeddi loota. Nẽẽthĩ, aꞌnyaha nyattalĩ daahĩth nẽ aꞌnyaha Lorii rũgẽt.
Bulẽẽnĩt cĩ lõhõt ꞌcĩ ĩĩn ngeju
7Baa aku aꞌnyaha nyattalĩ cĩ Mũũꞌtha#3:7 Mũũꞌtha: Urutaa cĩ daahĩth cĩ Yothebo, iita ĩĩtõ lohollia cĩg Ĩꞌthĩraẽlĩ appahacaaꞌnya Ijjiba irkiꞌnyia ꞌmiiaꞌnya ꞌwec. Baa adticaniini Nyekuci Mũũꞌtha hõõgaĩ eet cĩg Ĩꞌthĩraẽlĩ appahacẽẽꞌthĩta. Baa aaꞌnyĩk Nyekuci lõhõlĩ cĩg Ĩꞌthĩraẽlĩ nyattal, hĩnĩngĩtĩ Mũũꞌtha. Ĩnõõ ꞌcĩ haĩnnĩ nyattal icci nyattal cĩ Mũũꞌtha ho. Baa arũgĩ Mũũꞌtha irkiꞌnyia aalib hõdẽĩ hĩ ꞌmiiaꞌnya ꞌwec, baa nga hittirria Yeesu. Tigiil thõõth cĩnnĩ ꞌBuuhaa cĩ Luugithõõ 2-24. daahĩth, tananga baa eheeddi nyattalĩ ciee biyyiẽẽnĩ nẽ aaꞌnyĩhoothĩk eet cĩg Ĩꞌthĩraẽlĩ ꞌgõõlaa cĩ tiiri gẽrrẽẽt. Nẽ baa aalla nyattalĩ aaꞌnyĩk muum cĩ Mũũꞌtha hattaal gẽrrẽẽt haau hĩ kõrra, hiittiõõ eeta cĩg Ĩꞌthĩraẽlĩ hõllõngaa occa ẽbẽk ĩnõõnnõ, tananga baa ĩĩn ciee bulẽẽnĩt ꞌcĩ hatĩ aꞌnginoothi. 8Hõllõngaa occa hatĩ aꞌnyaha dtiici cĩ Lori ꞌcĩ Ẽllẽẽmĩth bulẽẽnĩt cobbi gẽrrẽẽt hĩllõõan nyattal baa Mũũꞌtha? 9Má occa aꞌnyaha nyattalĩ daahĩth nẽ aaꞌnyĩhoothĩk bulẽẽnĩtĩ cobbiẽẽnĩ, ma lõhõt ꞌcĩ ĩĩn ngeju ꞌcĩ aaꞌnyeet bũnnai hĩ Nyekuc ko, hõllõngaa occa aaꞌnyĩhoothĩk bulẽẽnĩtĩ cĩ ĩllõõan cobbi ho? 10Nẽẽthĩ, ẽllẽẽmĩth lõhõt ꞌcĩ ĩĩn ngeju ho gẽrrẽẽt, hĩllõõan bulẽẽnĩt cĩ nyattal baa eheeddi ĩĩcĩ oou. 11Baa aaꞌnyĩhoothĩk nyattal bulẽẽnĩtĩ baa aꞌnginoothi haaga. Nẽ maka bulẽẽnĩtĩ cĩ lõhõt ꞌcĩ ĩĩn ngeju ho gẽrrẽẽt hĩllõõan, hĩnĩngĩtĩ aitiõõ nẽẽ hõllõngaa aꞌnginoothi.
12Hĩcĩ haꞌnyak naag muhẽẽnĩt icci dĩdĩ, occa hõllõngaa hiꞌngolli naag ngaatĩ hadticanĩ thõõth cĩ Nyekuci. 13Hõllõngaa haattĩg naag hĩ Mũũꞌtha baa ammũt muum cĩnnĩ hiittiõõ eeta cĩg Ĩꞌthĩraẽl hõllõngaa acĩn lanyit cĩ bulẽẽnĩt cĩ Nyekuci, ngaatĩ hatĩ õkõ aꞌnginõõꞌthĩ. 14Nẽẽthĩ hinnia, nga adĩĩtĩ ĩhõõggõ ooti pĩd hĩĩ kõr hĩ niccieeni, hiittiõõ hõllõngaa acĩn thõõth ꞌcĩ ĩĩn dĩdĩ, hatĩ agiili lõhõt baa baarkit. Nẽ Krĩstõ dioo ꞌcĩ occa abbuuk hẽbẽrĩ cĩggĩĩng hĩcĩttĩ.
15Tananga agiil eeta nyattal cĩ Mũũꞌtha hĩĩ kõr hĩ niccieeni, aalla nga adĩĩtĩ ooti cĩggĩĩng noho. 16Nẽ má ẽlẽm ẽẽtĩ umwaa Makayyioohit Yeesu, ĩnõõnnõ dioo ꞌcĩ hatĩ abbuuk hẽbẽrĩ cĩg eet tĩho. 17Nẽẽthĩ ꞌyioko, ĩĩn Makayyioohiti Lori ꞌcĩ Ẽllẽẽmĩthĩ nẽ nĩngĩtĩ aayyi Lorii cĩ Makayyiookto, aattĩg eeta ngaatĩho lõꞌngõõc. 18Nẽ naag nuyyiooha cĩg Krĩstõ, ꞌcĩg hõllõngaa ammũtĩ muumti, hedeenyothi naag bulẽẽnĩt cĩ Makayyiookto nẽ ũtũhũeet Lorii cĩ Ẽllẽẽmĩth hiriiri, haaut hĩ Makayyioohiti cĩ abuli.
Currently Selected:
2 Korinthia 3: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
2 Korinthia 3
3
1Hiꞌthiattaayyia ꞌyioko naag ngaatĩ haduhaanna eleeti cĩggaang ꞌrianĩĩtha tarĩ? Hode hadiimma waragẽẽt ꞌcĩg ẽtẽrꞌtha eleeti cĩggaang hĩ ngagiita? Hode hadiimma naag waragẽẽt hĩ ngagiit ꞌcĩg ẽtẽrẽth eet ũgĩ eleeti cĩggaang? 2Aattiyyu niig hĩ waraga ꞌcĩ eheeddi ꞌthinneetinii cĩggaang, ꞌcĩ aduhaak eet vẽlẽk thõõth cĩ Nyekuci ꞌcĩ hadticanna naaga. 3Aattiyyu niig hĩ waraga ꞌcĩ ẽhẽẽd Krĩstõ nẽ haꞌnyaktaawa naaga. Hĩnĩngĩtĩ hõllõngaa eheedinnu niig ꞌgaalama, hode biyyiẽẽnĩĩ cĩg ꞌthabalĩg. Baa eheedĩk Lorii cĩ Nyekuc ꞌcĩ arũgĩ waraga icci ꞌthinneetinii cĩg eetuk.
4Thõõth ꞌcĩ ĩĩn dĩdĩ ꞌcĩ hagayyia naag hĩ Nyekuc cieeni, má aggamtu niig nyeemuut cĩnaang ko, eelluung hatĩ Krĩstõ aaut hĩcĩ adiim Nyekuci. 5Aitiõõ ngagĩĩt ꞌtirriani ꞌcĩ occa haĩnna hidticatta thooꞌthiok vẽlẽk nyaagwaana tõõ. Nyekuc ꞌcĩ aaꞌnyeet ngagĩĩt makaaꞌthĩt vẽlẽk ꞌcĩ hadticanna hẽlẽggĩ vẽlẽk ꞌcĩg hadiimma hadticanna. 6Aaꞌnyeet nẽẽ ngagĩĩt ꞌtirrian vẽlẽk ꞌcĩ hĩĩgĩnna dticcianniook cĩg lõhõt ꞌcĩ ĩĩn ngeju ꞌcĩ aku hĩ Lori ꞌcĩ Ẽllẽẽmĩth, ꞌcĩ hõllõngaa aku hĩ nyattal baa eheeddi loota. Nẽẽthĩ, aꞌnyaha nyattalĩ daahĩth nẽ aꞌnyaha Lorii rũgẽt.
Bulẽẽnĩt cĩ lõhõt ꞌcĩ ĩĩn ngeju
7Baa aku aꞌnyaha nyattalĩ cĩ Mũũꞌtha#3:7 Mũũꞌtha: Urutaa cĩ daahĩth cĩ Yothebo, iita ĩĩtõ lohollia cĩg Ĩꞌthĩraẽlĩ appahacaaꞌnya Ijjiba irkiꞌnyia ꞌmiiaꞌnya ꞌwec. Baa adticaniini Nyekuci Mũũꞌtha hõõgaĩ eet cĩg Ĩꞌthĩraẽlĩ appahacẽẽꞌthĩta. Baa aaꞌnyĩk Nyekuci lõhõlĩ cĩg Ĩꞌthĩraẽlĩ nyattal, hĩnĩngĩtĩ Mũũꞌtha. Ĩnõõ ꞌcĩ haĩnnĩ nyattal icci nyattal cĩ Mũũꞌtha ho. Baa arũgĩ Mũũꞌtha irkiꞌnyia aalib hõdẽĩ hĩ ꞌmiiaꞌnya ꞌwec, baa nga hittirria Yeesu. Tigiil thõõth cĩnnĩ ꞌBuuhaa cĩ Luugithõõ 2-24. daahĩth, tananga baa eheeddi nyattalĩ ciee biyyiẽẽnĩ nẽ aaꞌnyĩhoothĩk eet cĩg Ĩꞌthĩraẽlĩ ꞌgõõlaa cĩ tiiri gẽrrẽẽt. Nẽ baa aalla nyattalĩ aaꞌnyĩk muum cĩ Mũũꞌtha hattaal gẽrrẽẽt haau hĩ kõrra, hiittiõõ eeta cĩg Ĩꞌthĩraẽlĩ hõllõngaa occa ẽbẽk ĩnõõnnõ, tananga baa ĩĩn ciee bulẽẽnĩt ꞌcĩ hatĩ aꞌnginoothi. 8Hõllõngaa occa hatĩ aꞌnyaha dtiici cĩ Lori ꞌcĩ Ẽllẽẽmĩth bulẽẽnĩt cobbi gẽrrẽẽt hĩllõõan nyattal baa Mũũꞌtha? 9Má occa aꞌnyaha nyattalĩ daahĩth nẽ aaꞌnyĩhoothĩk bulẽẽnĩtĩ cobbiẽẽnĩ, ma lõhõt ꞌcĩ ĩĩn ngeju ꞌcĩ aaꞌnyeet bũnnai hĩ Nyekuc ko, hõllõngaa occa aaꞌnyĩhoothĩk bulẽẽnĩtĩ cĩ ĩllõõan cobbi ho? 10Nẽẽthĩ, ẽllẽẽmĩth lõhõt ꞌcĩ ĩĩn ngeju ho gẽrrẽẽt, hĩllõõan bulẽẽnĩt cĩ nyattal baa eheeddi ĩĩcĩ oou. 11Baa aaꞌnyĩhoothĩk nyattal bulẽẽnĩtĩ baa aꞌnginoothi haaga. Nẽ maka bulẽẽnĩtĩ cĩ lõhõt ꞌcĩ ĩĩn ngeju ho gẽrrẽẽt hĩllõõan, hĩnĩngĩtĩ aitiõõ nẽẽ hõllõngaa aꞌnginoothi.
12Hĩcĩ haꞌnyak naag muhẽẽnĩt icci dĩdĩ, occa hõllõngaa hiꞌngolli naag ngaatĩ hadticanĩ thõõth cĩ Nyekuci. 13Hõllõngaa haattĩg naag hĩ Mũũꞌtha baa ammũt muum cĩnnĩ hiittiõõ eeta cĩg Ĩꞌthĩraẽl hõllõngaa acĩn lanyit cĩ bulẽẽnĩt cĩ Nyekuci, ngaatĩ hatĩ õkõ aꞌnginõõꞌthĩ. 14Nẽẽthĩ hinnia, nga adĩĩtĩ ĩhõõggõ ooti pĩd hĩĩ kõr hĩ niccieeni, hiittiõõ hõllõngaa acĩn thõõth ꞌcĩ ĩĩn dĩdĩ, hatĩ agiili lõhõt baa baarkit. Nẽ Krĩstõ dioo ꞌcĩ occa abbuuk hẽbẽrĩ cĩggĩĩng hĩcĩttĩ.
15Tananga agiil eeta nyattal cĩ Mũũꞌtha hĩĩ kõr hĩ niccieeni, aalla nga adĩĩtĩ ooti cĩggĩĩng noho. 16Nẽ má ẽlẽm ẽẽtĩ umwaa Makayyioohit Yeesu, ĩnõõnnõ dioo ꞌcĩ hatĩ abbuuk hẽbẽrĩ cĩg eet tĩho. 17Nẽẽthĩ ꞌyioko, ĩĩn Makayyioohiti Lori ꞌcĩ Ẽllẽẽmĩthĩ nẽ nĩngĩtĩ aayyi Lorii cĩ Makayyiookto, aattĩg eeta ngaatĩho lõꞌngõõc. 18Nẽ naag nuyyiooha cĩg Krĩstõ, ꞌcĩg hõllõngaa ammũtĩ muumti, hedeenyothi naag bulẽẽnĩt cĩ Makayyiookto nẽ ũtũhũeet Lorii cĩ Ẽllẽẽmĩth hiriiri, haaut hĩ Makayyioohiti cĩ abuli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.