یسعیاہ 46
46
1بیل جُھکتا ہے نبُو خم ہوتا ہے۔
اُن کے بُت جانوروں اور چَوپایوں پر لدے ہیں۔
جو چِیزیں تُم اُٹھائے پِھرتے تھے تھکے ہُوئے
چَوپایوں پر لدی ہیں۔
2وہ جُھکتے اور باہم خم ہوتے ہیں۔
وہ اُس بوجھ کو بچا نہ سکے اور وہ آپ ہی اسِیری
میں چلے گئے ہیں۔
3اَے یعقُوبؔ کے گھرانے
اور اَے اِسرائیل کے گھر کے سب باقی ماندہ لوگو
جِن کو بطن ہی سے مَیں نے اُٹھایا اور جِن کو رَحِم
ہی سے مَیں نے گود میں لِیا میری سُنو!
4مَیں تُمہارے بُڑھاپے تک وُہی ہُوں
اور سر سفید ہونے تک تُم کو اُٹھائے پِھروں گا۔
مَیں ہی نے خلق کِیا اور مَیں ہی اُٹھاتا رہُوں گا۔
مَیں ہی لِئے چلُوں گا اور رہائی دُوں گا۔
5تُم مُجھے کِس سے تشبِیہ دو گے اور مُجھے کِس کے برابر ٹھہراؤ گے
اور مُجھے کِس کی مانِند کہو گے تاکہ ہم مُشابہ ہوں؟
6جو تَھیلی سے بافراط سونا نِکالتے
اور چاندی کو ترازُو میں تولتے ہیں
وہ سُنار کو اُجرت پر لگاتے ہیں
اور وہ اُس سے ایک بُت بناتا ہے۔
پِھر وہ اُس کے سامنے جُھکتے بلکہ سِجدہ کرتے ہیں۔
7وہ اُسے کندھے پر اُٹھاتے ہیں۔
وہ اُسے لے جا کر اُس کی جگہ پر نصب کرتے ہیں
اور وہ کھڑا رہتا ہے۔
وہ اپنی جگہ سے سرکتا نہیں بلکہ اگر کوئی اُسے
پُکارے تو وہ نہ جواب دے سکتا ہے
اور نہ اُسے مُصِیبت سے چُھڑا سکتا ہے۔
8اَے گُنہگارو! اِس کو یاد رکھّو اور مَرد بنو۔
اِس پر پِھر سوچو۔
9پہلی باتوں کو جو قدِیم سے ہیں یاد کرو کہ
مَیں خُدا ہُوں اور کوئی دُوسرا نہیں۔
مَیں خُدا ہُوں اور مُجھ سا کوئی نہیں۔
10جو اِبتدا ہی سے انجام کی خبر دیتا ہُوں
اور ایّامِ قدِیم سے وہ باتیں جو اب تک وقُوع
میں نہیں آئِیں بتاتا ہُوں
اور کہتا ہُوں کہ میری مصلحت قائِم رہے گی
اور مَیں اپنی مرضی بِالکُل پُوری کرُوں گا۔
11جو مشرِق سے عُقاب کو یعنی اُس شخص کو جو میرے اِرادہ کو پُورا کرے گا
دُور کے مُلک سے بُلاتا ہُوں۔
مَیں ہی نے یہ کہا اور مَیں ہی اِس کو وُقُوع میں لاؤُں گا۔
مَیں نے اِس کا اِرادہ کِیا اور مَیں ہی اِسے پُورا کرُوں گا۔
12اَے سخت دِلو جو صداقت سے دُور ہو میری سُنو۔
13مَیں اپنی صداقت کو نزدِیک لاتا ہُوں۔
وہ دُور نہیں ہو گی
اور میری نجات تاخِیر نہ کرے گی
اور مَیں صِیُّون کو نجات اور اِسرائیل کو اپنا جلال بخشُوں گا۔
Currently Selected:
یسعیاہ 46: URD
Highlight
Share
Copy
Want to have your highlights saved across all your devices? Sign up or sign in
Revised Urdu Holy Bible © Pakistan Bible Society, 1970, 2010.