Арыллыы 7
7
Израиль 144 000 киһитэ
1Бу кэнниттэн көрбүтүм – сир түөрт муннугар түөрт Аанньал, сиргэ да, муораҕа да, хайа да маска тыалырбатын диэн, сир түөрт тыалын тутан тураллара. 2Онтон тус илин диэкиттэн, күн тахсар сириттэн, атын Аанньал Тыыннаах Таҥара бэчээтин туппутунан, өрө дабайан иһэрин көрбүтүм. Кини сири, муораны буортулуур кыах бэриллибит түөрт Аанньалыгар туһаайан дорҕоонноох куолаһынан: 3«Таҥарабыт кулуттарын сүүстэригэр бэчээт ууруохпутугар диэри, сиргэ да, муораҕа да, маска да буортуну оҥорумаҥ», – диэн саҥаран дуораһыппыта. 4Онтон иһиттэхпинэ, бэчээт бэлиэлээхтэр ахсааннара Израиль бары аҕатын сүүс түөрт уон түөрт тыһыынча киһи буолбута:
5 Иуда ууһуттан уон икки тыһыынча киһи,
Рувим ууһуттан уон икки тыһыынча,
Гад ууһуттан эмиэ уон икки тыһыынча киһи,
6Асир ууһуттан уон икки тыһыынча,
Неффалим ууһуттан уон икки тыһыынча,
Манассия ууһуттан уон икки тыһыынча,
7Симеон ууһуттан уон икки тыһыынча,
Левий ууһуттан уон икки тыһыынча,
Иссахар ууһуттан уон икки тыһыынча,
8Завулон ууһуттан уон икки тыһыынча,
Иосиф ууһуттан уон икки тыһыынча,
Вениамин ууһуттан уон икки тыһыынча киһи бэчээттэммитэ.
Норуот аайыттан үтүмэн үгүс киһи
9Онтон көрбүтүм, арай ким да ситэн аахпат үтүмэн үгүс киһитэ хас биирдии омуктан, биис уустан, норуоттан, тылтан кэлэн бүрүстүөл уонна Бараан Оҕотун иннигэр маҥан таҥаһы таҥнан, пальма лабааларын тутан тураллара. 10Кинилэр: «Бүрүстүөлгэ олорор Таҥарабыт уонна Бараан Оҕото биһигини быыһаатылар!» – диир дуорааннаах саҥалара ньиргийэн иһиллэрэ. 11Аанньаллар бары бүрүстүөлү, ытык кырдьаҕастары уонна түөрт харамайы тулалаан тураллара, бүрүстүөл иннигэр сөһүргэстээн туран, Таҥараҕа бокулуон уураллара. 12«Аминь! Дьиҥ чахчы биһиги Таҥарабыт үйэттэн үйэҕэ алгыстаах, албан ааттаах, муударай. Киниэхэ махтал уонна чиэс буолуохтун, Кини былааһа, модун кыаҕа үйэттэн үйэҕэ туругура туруохтун! Аминь!» – диир саҥалара эҥсиллэн иһиллэрэ.
13Онтон кырдьаҕастартан биирдэстэрэ миигиттэн: «Бу маҥан таҥастаах дьон кимнээҕий, хантан кэлбиттэрэй?» – диэн ыйыппыта. 14Мин киниэхэ: «Тойонуом, эн билэҕин», – диэн хоруйдаабытым. Онуоха эппитэ: «Бу улуу кутурҕантан кэлбит дьон, кинилэр таҥастарын Бараан Оҕотун Хааныгар сууйан туртаппыттара. 15Ол иһин кинилэр билигин Таҥара бүрүстүөлүн иннигэр сылдьаллар, түүннэри-күнүстэри Киниэхэ Дьиэтин иһигэр сулууспалыыллар; бүрүстүөлгэ Олорооччу кинилэргэ Бэйэтинэн халыҥ хахха, суон дурда буолуоҕа. 16Аччыктыыр-утатар диэни аны хаһан да билиэхтэрэ суоҕа, күн уота кинилэри охсуо суоҕа, сыралҕан куйаас сырайыа суоҕа; 17бүрүстүөл ортотугар баар Бараан Оҕото кинилэргэ Маныыһыт буолан, өлбөт мэҥэ уутун дьүүктэтигэр сирдээн илдьиэҕэ. Таҥара кинилэр харахтарын уутун хас биирдии таммаҕын сотуоҕа».
Currently Selected:
Арыллыы 7: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
Арыллыы 7
7
Израиль 144 000 киһитэ
1Бу кэнниттэн көрбүтүм – сир түөрт муннугар түөрт Аанньал, сиргэ да, муораҕа да, хайа да маска тыалырбатын диэн, сир түөрт тыалын тутан тураллара. 2Онтон тус илин диэкиттэн, күн тахсар сириттэн, атын Аанньал Тыыннаах Таҥара бэчээтин туппутунан, өрө дабайан иһэрин көрбүтүм. Кини сири, муораны буортулуур кыах бэриллибит түөрт Аанньалыгар туһаайан дорҕоонноох куолаһынан: 3«Таҥарабыт кулуттарын сүүстэригэр бэчээт ууруохпутугар диэри, сиргэ да, муораҕа да, маска да буортуну оҥорумаҥ», – диэн саҥаран дуораһыппыта. 4Онтон иһиттэхпинэ, бэчээт бэлиэлээхтэр ахсааннара Израиль бары аҕатын сүүс түөрт уон түөрт тыһыынча киһи буолбута:
5 Иуда ууһуттан уон икки тыһыынча киһи,
Рувим ууһуттан уон икки тыһыынча,
Гад ууһуттан эмиэ уон икки тыһыынча киһи,
6Асир ууһуттан уон икки тыһыынча,
Неффалим ууһуттан уон икки тыһыынча,
Манассия ууһуттан уон икки тыһыынча,
7Симеон ууһуттан уон икки тыһыынча,
Левий ууһуттан уон икки тыһыынча,
Иссахар ууһуттан уон икки тыһыынча,
8Завулон ууһуттан уон икки тыһыынча,
Иосиф ууһуттан уон икки тыһыынча,
Вениамин ууһуттан уон икки тыһыынча киһи бэчээттэммитэ.
Норуот аайыттан үтүмэн үгүс киһи
9Онтон көрбүтүм, арай ким да ситэн аахпат үтүмэн үгүс киһитэ хас биирдии омуктан, биис уустан, норуоттан, тылтан кэлэн бүрүстүөл уонна Бараан Оҕотун иннигэр маҥан таҥаһы таҥнан, пальма лабааларын тутан тураллара. 10Кинилэр: «Бүрүстүөлгэ олорор Таҥарабыт уонна Бараан Оҕото биһигини быыһаатылар!» – диир дуорааннаах саҥалара ньиргийэн иһиллэрэ. 11Аанньаллар бары бүрүстүөлү, ытык кырдьаҕастары уонна түөрт харамайы тулалаан тураллара, бүрүстүөл иннигэр сөһүргэстээн туран, Таҥараҕа бокулуон уураллара. 12«Аминь! Дьиҥ чахчы биһиги Таҥарабыт үйэттэн үйэҕэ алгыстаах, албан ааттаах, муударай. Киниэхэ махтал уонна чиэс буолуохтун, Кини былааһа, модун кыаҕа үйэттэн үйэҕэ туругура туруохтун! Аминь!» – диир саҥалара эҥсиллэн иһиллэрэ.
13Онтон кырдьаҕастартан биирдэстэрэ миигиттэн: «Бу маҥан таҥастаах дьон кимнээҕий, хантан кэлбиттэрэй?» – диэн ыйыппыта. 14Мин киниэхэ: «Тойонуом, эн билэҕин», – диэн хоруйдаабытым. Онуоха эппитэ: «Бу улуу кутурҕантан кэлбит дьон, кинилэр таҥастарын Бараан Оҕотун Хааныгар сууйан туртаппыттара. 15Ол иһин кинилэр билигин Таҥара бүрүстүөлүн иннигэр сылдьаллар, түүннэри-күнүстэри Киниэхэ Дьиэтин иһигэр сулууспалыыллар; бүрүстүөлгэ Олорооччу кинилэргэ Бэйэтинэн халыҥ хахха, суон дурда буолуоҕа. 16Аччыктыыр-утатар диэни аны хаһан да билиэхтэрэ суоҕа, күн уота кинилэри охсуо суоҕа, сыралҕан куйаас сырайыа суоҕа; 17бүрүстүөл ортотугар баар Бараан Оҕото кинилэргэ Маныыһыт буолан, өлбөт мэҥэ уутун дьүүктэтигэр сирдээн илдьиэҕэ. Таҥара кинилэр харахтарын уутун хас биирдии таммаҕын сотуоҕа».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022