Саалтыр 88
88
1Ефам Езрахит үөрэтиитэ.
2 Айыы Тойон, мин үйэм тухары ыллыам Эн бигэ тапталгын,
көлүөнэттэн көлүөнэҕэ иһитиннэриэм Эн кырдьыккын.
3Мин билэбин#88:3 Тылыттан тылыгар түһэрдэххэ: Мин эппитим. : Эн тапталыҥ үйэлэр тухары уларыйбат,
Эн кырдьыгыҥ халлааннар курдук бигэ – тулхадыйбат.
4Эн эппитиҥ:
«Мин талыылаахпын кытта сөбүлэһии түһэристим,
кулуппар Давидка андаҕар тылбын эттим:
5„Эн удьуордарыҥ куруутун ыраахтааҕы буолуохтара,
Эн бүрүстүөлгүн Мин үйэттэн үйэҕэ туругурдуоҕум“». Села
6Халлааннар айхаллыахтара, Айыы Тойон, Эн сөҕүмэр дьайыыгын,
сибэтиэйдэр түмсүүлэригэр уруйдуохтара Эн кырдьыккын.
7Ким халлааҥҥа Айыы Тойону кытта тэҥнэһиэй?
Ким Таҥара уолаттарыттан Айыы Тойоҥҥо холонуой?
8Сибэтиэйдэр түмсүүлэригэр Айыы Тойонтон куттаналлар,
Кини кимнээҕэр да, тулатыгар бааллартан, дьулаан.
9 Айыы Тойон, Аанньал сэриитин Таҥарата,
ким баарый Эн курдук күүстээх, Айыы Тойон?
Эн кырдьыгыҥ тулаҕар илэ-бодо көстөр.
10Эн бааллырар байҕалы салайаҕын,
муора уордаах долгунун уоскутаҕын.
11Эн Раавы#88:11 Номоххо кэпсэнэр, хара дьайы көрдөрөр муора харамайа. самнаран өлөрдүҥ;
өстөөхтөргүн күүстээх илиигинэн үрэйдиҥ.
12Халлааннар – Эйиэннэрэ, сир эмиэ – Эйиэнэ,
аан дойдуну, онно баары барытын Эн олохтообутуҥ.
13Хотуну-соҕурууну Эн айбытыҥ;
Фавордаах Ермон, үөрэ-көтө, Эн ааккын айхаллыыллар.
14Эн модун быччыҥнааххын, бөҕө-таҕа илиилээххин,
Эн уҥа илиигин өрө көтөхпүккүн.
15Кырдьыктаах быһыы, көнө дьүүл –
Эн бүрүстүөлүҥ тирэҕэ;
бигэ таптал уонна кырдьык Эн иннигэр иһэллэр.
16Дьоллоох даҕаны кыайыы өрөгөйүн билбит норуот!
Айыы Тойон, кини Эн сыдьаайдаах сырдыккар сылдьар.
17Эн аатыҥ кинини уһун күн устата үөрдэр,
Эн кырдьыктаах быһыыҥ кинини үрдэтэр.
18Эн буолаҕын кини килбиэннээх күүһэ;
Эн үтүөҕүнэн биһиги кыайыыны ситиһэбит.
19 Айыы Тойон биһиэхэ көмүскээччини биэрдэ,
Израиль Сибэтиэйэ биһиэхэ ыраахтааҕыны туруорда.
20Онтон Эн бэриниилээх кулуккар көстөн эппитиҥ:
«Эр санаалаахха Мин көмө оҥордум,
норуоттан талан ылбыт киһибин өрө таһаардым.
21Давиды, Бэйэм кулуппун, буламмын,
сибэтиэй елей арыыбынан аҕаатым;
22Мин илиим кинини өрүү өйүөҕэ,
Мин күүһүм кинини бөҕөргөтүөҕэ,
23хайа да өстөөх оччоҕо кинини хотутуо суоҕа,
хара дьайыылаах булгурутуо суоҕа.
24Мин кини өстөөхтөрүн, көрөн турдаҕына, сууһарыаҕым,
кинини абааһы көрөөччүлэри самнарыаҕым.
25Мин кырдьыгым, тапталым кинини арыаллыахтара,
Мин аатым кинини кыайыылаах оҥоруоҕа.
26Байҕал далайын Мин киниэхэ баһылатыам,
улуу өрүстэри киниэхэ бас бэриннэриэм.
27Кини Миигин: „Аҕам миэнэ,
Таҥарам, быыһанар Очуоһум!“ – диэн ыҥырыаҕа.
28Кини Мин бастакы уолум буолуоҕа,
сир хайа да ыраахтааҕытыттан үөһэ туруоҕа.
29Үйэлэр тухары уларытыам суоҕа киниэхэ тапталбын,
хаһан да кэһиэм суоҕа киниэхэ эппит кэс тылбын.
30Удьуордарын үйэлэр тухары ууһата туруоҕум,
бүрүстүөлүн халлаан үйэтэ үйэлиэҕим.
31Оттон уолаттара, Мин Сокуоммун хааллараннар,
кэриэстээбиппин толорбот буоллахтарына,
32ыйыыларбын-кэрдиилэрбин кэһэннэр,
соруйбуппун тутуспакка бардахтарына,
33хара дьайыыларын иһин кинилэри тайаҕынан таһыйтыам,
буруйдарын иһин оруосканан охсуталыам.
34Оттон Давидка бигэ тапталбын Мин уларытыам суоҕа,
киниэхэ бэриниилээх сыһыаммын кубулутуом суоҕа;
35эппит кэс тылбын хаһан да көтүрүөм суоҕа,
эрэннэрбиппин кэһиэм суоҕа.
36Мин букатыннаахтык андаҕайбытым
Бэйэм сибэтиэй ааппынан:
Давидка Мин сымыйалыам суоҕа.
37Кини удьуора үйэттэн үйэҕэ салҕанан барыаҕа,
Кини бүрүстүөлэ, күн курдук, өрүү Мин иннибэр туруоҕа.
38Халлаан бигэ туоһута ый курдук,
кини үйэлэр тухары тулхадыйыа суоҕа». Села
39Оттон билигин Эн кинини киэр астыҥ,
киниттэн аккаастанныҥ,
Бэйэҥ туруорбут ыраахтааҕыгар уордайдыҥ.
40Кулуккар эппит кэс тылгын көтүрдүҥ,
кини хоруонатын сиргэ-буорга бырахтыҥ.
41Куоратын эркинин барытын сууллардыҥ,
кириэппэстэрин урусхал оҥордуҥ.
42Ааһан иһээччилэр бары кинини уоран-талаан ааһаллар,
ыаллара күлүү-элэк гыналлар.
43Эн кини утарсааччыларыгар кыайыыны бэлэхтээтиҥ,
өстөөхтөрүн барыларын үөрдүтэлээтиҥ.
44Кини кылыһын биитин кыларытан биэрдиҥ,
кыргыһа сырыттаҕына, кинини бөҕөргөппөтүҥ;
45килбиэннээх бэйэтин саппаҕыртыҥ,
бүрүстүөлүн сиргэ сууллардыҥ;
46кэмин иннинэ кырытыннардыҥ,
кыбыстыыга кинини киллэрдиҥ. Села
47Хаһааҥҥа диэри, Айыы Тойон?
Ама хаһан да биһиэхэ эргиллиэҥ суоҕа дуо?
Хаһааҥҥа диэри Эн уоруҥ уоттуу күүдэпчилэнэр?
48Өйдөө дуу мин үйэм хайдахтаах кылгаһын –
туох сүпсүгэр Эн айбыккыный киһи аймаҕы барытын?
49Ким олох олорон баран өлбөтөҕөй?
Ким үтүгэн айаҕыттан өрүһүммүтэй? Села
50Ханнаный, Айыы Тойон, Эн урукку бигэ тапталыҥ?
Ханнаный эрэбил Бэйэҥ Давидка эрэннэрбитиҥ?
51Өйдөө, Айыы Тойон, Эн кулуттаргын хоруотуулларын,
мин итиччэ норуот үөҕүүтүн уйан сылдьарбын,
52хайдах өстөөхтөрүҥ үөҕэллэрин, Айыы Тойон,
Эн ыраахтааҕыҥ хас хардыытын ыыстыылларын.
53Алгыс буоллун Айыы Тойоҥҥо үйэлэр тухары.
Аминь, аминь.
Currently Selected:
Саалтыр 88: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
Саалтыр 88
88
1Ефам Езрахит үөрэтиитэ.
2 Айыы Тойон, мин үйэм тухары ыллыам Эн бигэ тапталгын,
көлүөнэттэн көлүөнэҕэ иһитиннэриэм Эн кырдьыккын.
3Мин билэбин#88:3 Тылыттан тылыгар түһэрдэххэ: Мин эппитим. : Эн тапталыҥ үйэлэр тухары уларыйбат,
Эн кырдьыгыҥ халлааннар курдук бигэ – тулхадыйбат.
4Эн эппитиҥ:
«Мин талыылаахпын кытта сөбүлэһии түһэристим,
кулуппар Давидка андаҕар тылбын эттим:
5„Эн удьуордарыҥ куруутун ыраахтааҕы буолуохтара,
Эн бүрүстүөлгүн Мин үйэттэн үйэҕэ туругурдуоҕум“». Села
6Халлааннар айхаллыахтара, Айыы Тойон, Эн сөҕүмэр дьайыыгын,
сибэтиэйдэр түмсүүлэригэр уруйдуохтара Эн кырдьыккын.
7Ким халлааҥҥа Айыы Тойону кытта тэҥнэһиэй?
Ким Таҥара уолаттарыттан Айыы Тойоҥҥо холонуой?
8Сибэтиэйдэр түмсүүлэригэр Айыы Тойонтон куттаналлар,
Кини кимнээҕэр да, тулатыгар бааллартан, дьулаан.
9 Айыы Тойон, Аанньал сэриитин Таҥарата,
ким баарый Эн курдук күүстээх, Айыы Тойон?
Эн кырдьыгыҥ тулаҕар илэ-бодо көстөр.
10Эн бааллырар байҕалы салайаҕын,
муора уордаах долгунун уоскутаҕын.
11Эн Раавы#88:11 Номоххо кэпсэнэр, хара дьайы көрдөрөр муора харамайа. самнаран өлөрдүҥ;
өстөөхтөргүн күүстээх илиигинэн үрэйдиҥ.
12Халлааннар – Эйиэннэрэ, сир эмиэ – Эйиэнэ,
аан дойдуну, онно баары барытын Эн олохтообутуҥ.
13Хотуну-соҕурууну Эн айбытыҥ;
Фавордаах Ермон, үөрэ-көтө, Эн ааккын айхаллыыллар.
14Эн модун быччыҥнааххын, бөҕө-таҕа илиилээххин,
Эн уҥа илиигин өрө көтөхпүккүн.
15Кырдьыктаах быһыы, көнө дьүүл –
Эн бүрүстүөлүҥ тирэҕэ;
бигэ таптал уонна кырдьык Эн иннигэр иһэллэр.
16Дьоллоох даҕаны кыайыы өрөгөйүн билбит норуот!
Айыы Тойон, кини Эн сыдьаайдаах сырдыккар сылдьар.
17Эн аатыҥ кинини уһун күн устата үөрдэр,
Эн кырдьыктаах быһыыҥ кинини үрдэтэр.
18Эн буолаҕын кини килбиэннээх күүһэ;
Эн үтүөҕүнэн биһиги кыайыыны ситиһэбит.
19 Айыы Тойон биһиэхэ көмүскээччини биэрдэ,
Израиль Сибэтиэйэ биһиэхэ ыраахтааҕыны туруорда.
20Онтон Эн бэриниилээх кулуккар көстөн эппитиҥ:
«Эр санаалаахха Мин көмө оҥордум,
норуоттан талан ылбыт киһибин өрө таһаардым.
21Давиды, Бэйэм кулуппун, буламмын,
сибэтиэй елей арыыбынан аҕаатым;
22Мин илиим кинини өрүү өйүөҕэ,
Мин күүһүм кинини бөҕөргөтүөҕэ,
23хайа да өстөөх оччоҕо кинини хотутуо суоҕа,
хара дьайыылаах булгурутуо суоҕа.
24Мин кини өстөөхтөрүн, көрөн турдаҕына, сууһарыаҕым,
кинини абааһы көрөөччүлэри самнарыаҕым.
25Мин кырдьыгым, тапталым кинини арыаллыахтара,
Мин аатым кинини кыайыылаах оҥоруоҕа.
26Байҕал далайын Мин киниэхэ баһылатыам,
улуу өрүстэри киниэхэ бас бэриннэриэм.
27Кини Миигин: „Аҕам миэнэ,
Таҥарам, быыһанар Очуоһум!“ – диэн ыҥырыаҕа.
28Кини Мин бастакы уолум буолуоҕа,
сир хайа да ыраахтааҕытыттан үөһэ туруоҕа.
29Үйэлэр тухары уларытыам суоҕа киниэхэ тапталбын,
хаһан да кэһиэм суоҕа киниэхэ эппит кэс тылбын.
30Удьуордарын үйэлэр тухары ууһата туруоҕум,
бүрүстүөлүн халлаан үйэтэ үйэлиэҕим.
31Оттон уолаттара, Мин Сокуоммун хааллараннар,
кэриэстээбиппин толорбот буоллахтарына,
32ыйыыларбын-кэрдиилэрбин кэһэннэр,
соруйбуппун тутуспакка бардахтарына,
33хара дьайыыларын иһин кинилэри тайаҕынан таһыйтыам,
буруйдарын иһин оруосканан охсуталыам.
34Оттон Давидка бигэ тапталбын Мин уларытыам суоҕа,
киниэхэ бэриниилээх сыһыаммын кубулутуом суоҕа;
35эппит кэс тылбын хаһан да көтүрүөм суоҕа,
эрэннэрбиппин кэһиэм суоҕа.
36Мин букатыннаахтык андаҕайбытым
Бэйэм сибэтиэй ааппынан:
Давидка Мин сымыйалыам суоҕа.
37Кини удьуора үйэттэн үйэҕэ салҕанан барыаҕа,
Кини бүрүстүөлэ, күн курдук, өрүү Мин иннибэр туруоҕа.
38Халлаан бигэ туоһута ый курдук,
кини үйэлэр тухары тулхадыйыа суоҕа». Села
39Оттон билигин Эн кинини киэр астыҥ,
киниттэн аккаастанныҥ,
Бэйэҥ туруорбут ыраахтааҕыгар уордайдыҥ.
40Кулуккар эппит кэс тылгын көтүрдүҥ,
кини хоруонатын сиргэ-буорга бырахтыҥ.
41Куоратын эркинин барытын сууллардыҥ,
кириэппэстэрин урусхал оҥордуҥ.
42Ааһан иһээччилэр бары кинини уоран-талаан ааһаллар,
ыаллара күлүү-элэк гыналлар.
43Эн кини утарсааччыларыгар кыайыыны бэлэхтээтиҥ,
өстөөхтөрүн барыларын үөрдүтэлээтиҥ.
44Кини кылыһын биитин кыларытан биэрдиҥ,
кыргыһа сырыттаҕына, кинини бөҕөргөппөтүҥ;
45килбиэннээх бэйэтин саппаҕыртыҥ,
бүрүстүөлүн сиргэ сууллардыҥ;
46кэмин иннинэ кырытыннардыҥ,
кыбыстыыга кинини киллэрдиҥ. Села
47Хаһааҥҥа диэри, Айыы Тойон?
Ама хаһан да биһиэхэ эргиллиэҥ суоҕа дуо?
Хаһааҥҥа диэри Эн уоруҥ уоттуу күүдэпчилэнэр?
48Өйдөө дуу мин үйэм хайдахтаах кылгаһын –
туох сүпсүгэр Эн айбыккыный киһи аймаҕы барытын?
49Ким олох олорон баран өлбөтөҕөй?
Ким үтүгэн айаҕыттан өрүһүммүтэй? Села
50Ханнаный, Айыы Тойон, Эн урукку бигэ тапталыҥ?
Ханнаный эрэбил Бэйэҥ Давидка эрэннэрбитиҥ?
51Өйдөө, Айыы Тойон, Эн кулуттаргын хоруотуулларын,
мин итиччэ норуот үөҕүүтүн уйан сылдьарбын,
52хайдах өстөөхтөрүҥ үөҕэллэрин, Айыы Тойон,
Эн ыраахтааҕыҥ хас хардыытын ыыстыылларын.
53Алгыс буоллун Айыы Тойоҥҥо үйэлэр тухары.
Аминь, аминь.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022