Саалтыр 84
84
1Хуор салайааччытыгар. Корей уолаттарын псалома.
2 Айыы Тойон, Эн сиргэр амарахтык сыһыаннаспытыҥ,
Иаков уолаттарын билиэнтэн төнүннэрбитиҥ;
3норуотуҥ буруйун бырастыы гыммытыҥ,
бары аньыытын-харатын соппутуҥ, Села
4онтон ыла биһиэхэ абарбат-сатарбат буолбутуҥ,
уоттаах уоргун уҕарыппытыҥ.
5Быыһабыллаах Таҥарабыт, биһигини чөлбүтүгэр түһэр,
биһиэхэ абарбыккын намырат.
6Ама үйэлэр тухары Эн биһиэхэ кыыһыра сылдьыаҥ дуо,
көлүөнэттэн көлүөнэҕэ уордайа туруоҥ дуо?
7Ама, норуотуҥ Эйигиттэн үөрэрин туһугар,
Эн биһигини хат тилиннэриэҥ суоҕа дуо?
8Бигэ тапталгын биһиэхэ көрдөр, Айыы Тойон,
быыһабылгын бэлэхтээ.
9 Айыы Тойон Таҥара тугу этэрин мин истиэм.
Кини норуотугар, талан ылбыт дьонугар, эйэни биллэриэҕэ.
Оо, хат толкуйа суох быһыыламматаллар эрэ!
10Кэрэмэн килбиэн биһиги сирбитигэр сатыылыырын туһугар,
Киниттэн куттанар дьону быыһыырга Кини бэлэм.
11Бигэ таптал уонна бэриниилээх буолуу көрсүһүөхтэрэ,
кырдьык уонна эйэ уураһыахтара.
12Бэриниилээх буолуу сиртэн үүнэн тахсыаҕа,
кырдьык ону халлаантан көрүөҕэ.
13 Айыы Тойон үтүөнү бэлэхтиэҕэ,
биһиги сирбит эмиэ быйаҥын биэриэҕэ.
14Кырдьык Кини иннигэр түһэн барыаҕа,
Кини барар суолун солуоҕа.
Currently Selected:
Саалтыр 84: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
