Саалтыр 80
80
1Хуор салайааччытыгар. Геф куорат инструменын доҕуһуолунан. Асаф псалома.
2Үөрүүлээх ырыаны ыллааҥ Таҥараҕа, биһиги күүспүтүгэр;
уруй-айхал этиҥ Иаков Таҥаратыгар.
3Ырыаҕытын саҕалааҥ, тимпаҥҥытын охсуолааҥ,
кэрэ дорҕоонноох лираҕа уонна арфаҕа оонньооҥ;
4турбаҕытын үрүҥ саҥа ый тахсыыта,
ый туолуута, биһиги дьоро күммүтүгэр;
5бу Израильга анаммыт сокуон,
Иаков Таҥаратын ыйааҕа.
6Таҥара маны, Иосифка анаан,
кини Египеттэн тахсыбытын туоһулаан уураахтаабыта.
Мин урут билбэт куоласпын иһиттим:
7«Эн санныгыттан Мин ыар сүгэһэри түһэрбитим,
Эн илиигин тымтайтан босхолообутум.
8Үтүргэҥҥэ түбэһэн Миигин ыҥырбыккар,
Мин эйигин өрүһүйэн ылбытым;
этиҥнээх былыт иһиттэн эйиэхэ хардарбытым,
Мерива уутун таһыгар эйигин тургуппутум. Села
9Иһит эрэ, норуотум, Мин эйигин сэрэтэрбин;
оо, Израиль, арай эн Миигин истэриҥ эбитэ буоллар!
10Суох буолуохтун эйиэхэ атын таҥара,
сүгүрүйүмэ туора дойду таҥаратыгар.
11Мин эйигин Египет сириттэн таһаарбыт
Айыы Тойон Таҥараҥ буолабын.
Айаххын ат – Мин эйиэхэ толору ас уган биэриэм.
12Ол эрэн норуотум Миигин истибэтэҕэ,
Израиль Миэхэ бас бэриммэтэҕэ.
13Онон, баҕарбыттарынан сырыттыннар диэн,
Мин кинилэри өһөс сүрэхтэрин көҥүлүнэн ыыппытым.
14Оо, арай онно норуотум Миигин истэн,
Израиль Мин суолбунан барбыт буоллун!
15Түргэнник да оччоҕо кини өстөөхтөрүн сыһытыам этэ,
кинини күөмчүлээччилэри уодьуганныы тардыам этэ!
16Оччоҕо Айыы Тойону абааһы көрөөччүлэр
кинилэргэ илин-кэлин түһэр буолуо этилэр;
норуотум соргулаах олоҕо хаһан да огдолуйуо суоҕа этэ.
17Мин кинилэри бастыҥ сэлиэһинэй бурдугунан аһатыам,
очуос хайа мүөтүнэн дуоһутуом этэ».
Currently Selected:
Саалтыр 80: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
Саалтыр 80
80
1Хуор салайааччытыгар. Геф куорат инструменын доҕуһуолунан. Асаф псалома.
2Үөрүүлээх ырыаны ыллааҥ Таҥараҕа, биһиги күүспүтүгэр;
уруй-айхал этиҥ Иаков Таҥаратыгар.
3Ырыаҕытын саҕалааҥ, тимпаҥҥытын охсуолааҥ,
кэрэ дорҕоонноох лираҕа уонна арфаҕа оонньооҥ;
4турбаҕытын үрүҥ саҥа ый тахсыыта,
ый туолуута, биһиги дьоро күммүтүгэр;
5бу Израильга анаммыт сокуон,
Иаков Таҥаратын ыйааҕа.
6Таҥара маны, Иосифка анаан,
кини Египеттэн тахсыбытын туоһулаан уураахтаабыта.
Мин урут билбэт куоласпын иһиттим:
7«Эн санныгыттан Мин ыар сүгэһэри түһэрбитим,
Эн илиигин тымтайтан босхолообутум.
8Үтүргэҥҥэ түбэһэн Миигин ыҥырбыккар,
Мин эйигин өрүһүйэн ылбытым;
этиҥнээх былыт иһиттэн эйиэхэ хардарбытым,
Мерива уутун таһыгар эйигин тургуппутум. Села
9Иһит эрэ, норуотум, Мин эйигин сэрэтэрбин;
оо, Израиль, арай эн Миигин истэриҥ эбитэ буоллар!
10Суох буолуохтун эйиэхэ атын таҥара,
сүгүрүйүмэ туора дойду таҥаратыгар.
11Мин эйигин Египет сириттэн таһаарбыт
Айыы Тойон Таҥараҥ буолабын.
Айаххын ат – Мин эйиэхэ толору ас уган биэриэм.
12Ол эрэн норуотум Миигин истибэтэҕэ,
Израиль Миэхэ бас бэриммэтэҕэ.
13Онон, баҕарбыттарынан сырыттыннар диэн,
Мин кинилэри өһөс сүрэхтэрин көҥүлүнэн ыыппытым.
14Оо, арай онно норуотум Миигин истэн,
Израиль Мин суолбунан барбыт буоллун!
15Түргэнник да оччоҕо кини өстөөхтөрүн сыһытыам этэ,
кинини күөмчүлээччилэри уодьуганныы тардыам этэ!
16Оччоҕо Айыы Тойону абааһы көрөөччүлэр
кинилэргэ илин-кэлин түһэр буолуо этилэр;
норуотум соргулаах олоҕо хаһан да огдолуйуо суоҕа этэ.
17Мин кинилэри бастыҥ сэлиэһинэй бурдугунан аһатыам,
очуос хайа мүөтүнэн дуоһутуом этэ».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022