Саалтыр 68
68
1Хуор салайааччытыгар. «Сардааналар» матыыптарынан. Давид псалома.
2Быыһаа миигин, Айыы Таҥара,
уу моонньубунан буолла.
3Дириҥ кутаҕа түһэммин,
тирэхпин сүтэрдим;
чөҥөрө чүөмпэҕэ киирэммин,
буруукка эрийтэрдим.
4Үөгүлүүрбүттэн сэниэм эһиннэ,
куолайым куура хатта;
хараҕым сылайыар диэри
мин Таҥарабын кэтэстим.
5Буруйа суоҕум үрдүнэн абааһы көрөөччү
баттахпынааҕар элбээтэ,
миигин өлөрүөх-өһөрүөх үксээтэ;
өстөөхтөрүм туох да төрүөтэ суох үөҕэллэр,
былдьаабатахпын кытта биэрэргэ күһэйэллэр.
6Айыы Таҥара, Эн билэҕин мин өйө суох быһыыбын,
мин буруйбун-аньыыбын Эн курдат көрөҕүн.
7Эйиэхэ эрэнээччилэртэн ким да мин туспуттан сааппатын,
Айыы Тойон, Аанньал сэриитин Таҥарата;
Эйигин көрдөөччүлэртэн ким да мин туспуттан кытарбатын,
Израиль Айыы Таҥарата;
8Эн тускар мин кириэтэнэ сылдьабын,
сааты-сууту тулуйабын.
9Туора киһи буоллум бырааттарбар,
тастыҥ киһи буоллум ийэм уолаттарыгар.
10Эн Дьиэҕэр тапталым миигин уоттуу сиэтэ,
Эйигин үөҕээччилэр үөҕүүлэрэ миэхэ түстэ.
11Астан туттунан дууһабын сыһытаммын,
мин кинилэртэн хоруотанар буоллум.
12Кутурҕан таҥаһын таҥнаммын,
мин кинилэргэ өс домоҕо буоллум.
13Куорат ааныгар олорооччулар миигин ырыталлар,
арыгыһыттар миигин ырыанан ыыстыыллар.
14Оттон мин Эйиэхэ үҥэбин, Айыы Тойон;
тоҕоостоох кэмҥэ, Айыы Таҥара,
улуу амарах санааҕыттан миигин иһит;
эрэллээх көмөҕүнэн
15миигин быыһаан ыл
кута куртаҕар түһэртэн;
өрүһүй өстөөхтөрбүттэн, бу чөҥөрүйэр чүөмпэттэн.
16Бурулҕаҥҥа миигин эрийтэримэ;
дьөлөркөй чүөмпэ миигин ыйыстыбатын,
иин айаҕа үрдүбэр сабыллыбатын.
17Амарах тапталлаах Айыы Тойон, миэхэ хардар,
улуу аһыныгас санааҕыттан миэхэ хайыс.
18Киэр эргиллимэ кулуккуттан,
тиэтэй миигин истэргэ – мин иэдээҥҥэ түбэстим.
19Чугаһаа мин дууһабар, миигин быыһаан ыл;
өстөөхтөрбүттэн өрүһүй.
20Эн билэҕин миигин хайдах үөҕэллэрин,
мин сааппын-сууппун, кыбыстыыбын;
өстөөхтөрбүн Эн барыларын көрөҕүн.
21Үөҕүүлэрэ сүрэхпин хайытта,
бүтүн бэйэбин алларытта;
аһыныы күүппүтүм да, ким да аһыммата,
өйөбүл көрдөөбүтүм да, ким да өйөөбөтө.
22Аһылык оннугар миэхэ дьааты кутан биэрдилэр,
утаппыппар, уксууһу иһэртилэр.
23Олорор остуоллара бэйэлэригэр оҕуур буолуохтун,
уоскулаҥнаах олохторо угаайыга кубулуйуохтун;
24көрөр харахтара көрбөт буола түүппэҕирдин,
хаамар атахтара хаампат буола мөлтөөтүн.
25Абаҕын-сатаҕын Эн кинилэргэ тоҕо сүөкээ,
уоҕуҥ-кылыныҥ уотунан Эн кинилэри күөйтэлээ.
26Олорор түөлбэлэрэ иччитэхсийдин,
отууларыгар имириир тыыннаах орпотун.
27Эн самнарбыт дьоҥҥун кинилэр эккирэтэллэр,
Эн бааһырпыт дьонуҥ эрэйин элбэтэн биэрэллэр.
28Буруйдарыгар буруйда эбэн ис;
Эн бырастыы гынаргын билбэтиннэр.
29Кинилэр ааттара Олох Кинигэтиттэн сотулуннун,
кырдьыксыттары кытары онно бииргэ суруллубатын.
30Оттон мин, баттанан-үктэнэн, эрэйи көрө сылдьабын;
Эн көмөҥ, Айыы Таҥара, миигин араҥаччылыахтын.
31Таҥара аатын мин ырыабынан айхаллыам,
уруй-айхал тылынан Кинини уруйдуом;
32ол Айыы Тойоҥҥо бэримньи оҕустааҕар,
муостаах-туйахтаах кунаннааҕар ордук сөбүлэтиэҕэ.
33Эрэйгэ-муҥҥа түбэспиттэр ону үөрэ көрүөхтэрэ;
эрдийдин эһиги сүрэххит, Таҥараны көрдөөччүлэр.
34 Айыы Тойон кыһалҕалаахтары истэр,
хаайыыга бохсуллубут дьонун умнубат.
35Айхаллаатыннар Кинини халлааннар уонна сир,
байҕал уонна онно баар хамсыыр харамай барыта.
36Таҥара Сиону быыһаан ылыаҕа,
Иуда куораттарын чөлүгэр түһэриэҕэ;
оччоҕо онно Кини норуота барытын бас билэн олоруоҕа;
37Кини кулуттарын оҕолоро ону нэһилиэстибэҕэ ылыахтара,
онно Кини аатын таптыыр дьон олохсуйуохтара.
Currently Selected:
Саалтыр 68: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
Саалтыр 68
68
1Хуор салайааччытыгар. «Сардааналар» матыыптарынан. Давид псалома.
2Быыһаа миигин, Айыы Таҥара,
уу моонньубунан буолла.
3Дириҥ кутаҕа түһэммин,
тирэхпин сүтэрдим;
чөҥөрө чүөмпэҕэ киирэммин,
буруукка эрийтэрдим.
4Үөгүлүүрбүттэн сэниэм эһиннэ,
куолайым куура хатта;
хараҕым сылайыар диэри
мин Таҥарабын кэтэстим.
5Буруйа суоҕум үрдүнэн абааһы көрөөччү
баттахпынааҕар элбээтэ,
миигин өлөрүөх-өһөрүөх үксээтэ;
өстөөхтөрүм туох да төрүөтэ суох үөҕэллэр,
былдьаабатахпын кытта биэрэргэ күһэйэллэр.
6Айыы Таҥара, Эн билэҕин мин өйө суох быһыыбын,
мин буруйбун-аньыыбын Эн курдат көрөҕүн.
7Эйиэхэ эрэнээччилэртэн ким да мин туспуттан сааппатын,
Айыы Тойон, Аанньал сэриитин Таҥарата;
Эйигин көрдөөччүлэртэн ким да мин туспуттан кытарбатын,
Израиль Айыы Таҥарата;
8Эн тускар мин кириэтэнэ сылдьабын,
сааты-сууту тулуйабын.
9Туора киһи буоллум бырааттарбар,
тастыҥ киһи буоллум ийэм уолаттарыгар.
10Эн Дьиэҕэр тапталым миигин уоттуу сиэтэ,
Эйигин үөҕээччилэр үөҕүүлэрэ миэхэ түстэ.
11Астан туттунан дууһабын сыһытаммын,
мин кинилэртэн хоруотанар буоллум.
12Кутурҕан таҥаһын таҥнаммын,
мин кинилэргэ өс домоҕо буоллум.
13Куорат ааныгар олорооччулар миигин ырыталлар,
арыгыһыттар миигин ырыанан ыыстыыллар.
14Оттон мин Эйиэхэ үҥэбин, Айыы Тойон;
тоҕоостоох кэмҥэ, Айыы Таҥара,
улуу амарах санааҕыттан миигин иһит;
эрэллээх көмөҕүнэн
15миигин быыһаан ыл
кута куртаҕар түһэртэн;
өрүһүй өстөөхтөрбүттэн, бу чөҥөрүйэр чүөмпэттэн.
16Бурулҕаҥҥа миигин эрийтэримэ;
дьөлөркөй чүөмпэ миигин ыйыстыбатын,
иин айаҕа үрдүбэр сабыллыбатын.
17Амарах тапталлаах Айыы Тойон, миэхэ хардар,
улуу аһыныгас санааҕыттан миэхэ хайыс.
18Киэр эргиллимэ кулуккуттан,
тиэтэй миигин истэргэ – мин иэдээҥҥэ түбэстим.
19Чугаһаа мин дууһабар, миигин быыһаан ыл;
өстөөхтөрбүттэн өрүһүй.
20Эн билэҕин миигин хайдах үөҕэллэрин,
мин сааппын-сууппун, кыбыстыыбын;
өстөөхтөрбүн Эн барыларын көрөҕүн.
21Үөҕүүлэрэ сүрэхпин хайытта,
бүтүн бэйэбин алларытта;
аһыныы күүппүтүм да, ким да аһыммата,
өйөбүл көрдөөбүтүм да, ким да өйөөбөтө.
22Аһылык оннугар миэхэ дьааты кутан биэрдилэр,
утаппыппар, уксууһу иһэртилэр.
23Олорор остуоллара бэйэлэригэр оҕуур буолуохтун,
уоскулаҥнаах олохторо угаайыга кубулуйуохтун;
24көрөр харахтара көрбөт буола түүппэҕирдин,
хаамар атахтара хаампат буола мөлтөөтүн.
25Абаҕын-сатаҕын Эн кинилэргэ тоҕо сүөкээ,
уоҕуҥ-кылыныҥ уотунан Эн кинилэри күөйтэлээ.
26Олорор түөлбэлэрэ иччитэхсийдин,
отууларыгар имириир тыыннаах орпотун.
27Эн самнарбыт дьоҥҥун кинилэр эккирэтэллэр,
Эн бааһырпыт дьонуҥ эрэйин элбэтэн биэрэллэр.
28Буруйдарыгар буруйда эбэн ис;
Эн бырастыы гынаргын билбэтиннэр.
29Кинилэр ааттара Олох Кинигэтиттэн сотулуннун,
кырдьыксыттары кытары онно бииргэ суруллубатын.
30Оттон мин, баттанан-үктэнэн, эрэйи көрө сылдьабын;
Эн көмөҥ, Айыы Таҥара, миигин араҥаччылыахтын.
31Таҥара аатын мин ырыабынан айхаллыам,
уруй-айхал тылынан Кинини уруйдуом;
32ол Айыы Тойоҥҥо бэримньи оҕустааҕар,
муостаах-туйахтаах кунаннааҕар ордук сөбүлэтиэҕэ.
33Эрэйгэ-муҥҥа түбэспиттэр ону үөрэ көрүөхтэрэ;
эрдийдин эһиги сүрэххит, Таҥараны көрдөөччүлэр.
34 Айыы Тойон кыһалҕалаахтары истэр,
хаайыыга бохсуллубут дьонун умнубат.
35Айхаллаатыннар Кинини халлааннар уонна сир,
байҕал уонна онно баар хамсыыр харамай барыта.
36Таҥара Сиону быыһаан ылыаҕа,
Иуда куораттарын чөлүгэр түһэриэҕэ;
оччоҕо онно Кини норуота барытын бас билэн олоруоҕа;
37Кини кулуттарын оҕолоро ону нэһилиэстибэҕэ ылыахтара,
онно Кини аатын таптыыр дьон олохсуйуохтара.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022