Саалтыр 57
57
1Хуор салайааччытыгар. «Өлөрүмэ» матыыбынан. Давид ырыата.
2Дьиҥ чахчы кырдьыгы этэҕит дуо эһиги, судьуйалар,
көнөтүк дьүүллүүгүт дуо бар дьону?
3 Сокуона суоҕу сүрэххитигэр аттараҕыт,
сир устун күүскүтүнэн өттөйөҕүт.
4Хара саҥнаахтар ийэттэн түһэ суолтан туораабыттар,
албыны-көлдьүнү саҥаран, төрүөхтэриттэн муммуттар.
5-6Кинилэр дьааттара – эриэн үөн сүлүһүнэ,
кулгааҕын бүөлэнэн, абылааччы саҥатын,
хайа да сатабыллаах абылааччы саҥатын, истибэт
дьүлэй кобра дьаата.
7Айыы Таҥара, тиистэрин айахтарын иһигэр турута оҕус,
Айыы Тойон, эдэр хахайдар аһыыларын тосту тут!
8Уу устан ааһарыныы ааһа турдуннар;
ох сааларын кирсин тартахтарына,
оноҕосторо тосту бардыннар.
9Хаатыттан тахсан барбыт үөннүү, суола суох сүттүннэр,
төрүөн иннинэ түспүт төрүөхтүү, үрүҥ күнү көрбөтүннэр.
10Хочуолларгытын амынньыар уота хаарыйа да илигинэ,
хоруорбут да, өлүөр да аскытын холорук ытыйан илтин#57:10 Еврейдии тиэкискэ бу этии ис хоһооно чуолкайа суох. .
11Иэстэбил туолбутун көрөн, кырдьыксыт үөрүөҕэ;
кини хара дьайдаахтар хааннарын кэһиэҕэ.
12Оччоҕо дьон-сэргэ этиэҕэ:
«Дьиҥ чахчы баар эбит кырдьыксыт киһи манньата!
Дьиҥ чахчы баар эбит сиргэ көнөтүк дьүүллүүр Таҥара!»
Currently Selected:
Саалтыр 57: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
