Саалтыр 45
45
1Хуор салайааччытыгар. Корей уолаттарын псалома. «Кыргыттар» матыыптарынан. Ырыа.
2Айыы Таҥара – биһиги халыҥ хаххабыт, күдэн күүспүт,
хайа да алдьархайга түргэн көмөлөһөөччүбүт.
3Онон, баҕар, сир да дьигиһийэ хамсаатын,
хайалар да байҕал түгэҕэр сиҥнэн түстүннэр,
биһиги онтон куттаныахпыт суоҕа.
4Баҕар, күүгэн алла, байҕал барылыы бааллырдын,
долгун суостаах уоруттан хайа халбаҥнаан бардын. Села
5Өрүс сүүрүгэ үөрүүнү аҕалар Айыы Таҥара куоратыгар,
Үрдүктэн Үрдүк олорор сибэтиэй Дьиэтигэр.
6Таҥара бу куоракка баар, онон куорат тулхадыйыа суоҕа,
сарсыарда эрдэттэн Таҥара киниэхэ көмөлөһүөҕэ.
7Норуоттар айманаллар, саарыстыбалар самналлар,
Таҥара саталаах саҥатыттан сир ууллар.
8Аанньал сэриитин Айыы Тойоно биһигини кытта,
биһиги халыҥ хаххабыт, суон дурдабыт – Иаков Таҥарата. Села
9Кэлиҥ, көрүҥ Айыы Тойон дьайыыларын,
Кини сир үрдүгэр оҥорор сөҕүмэр дьиктилэрин:
10сир уһугар тиийэ сэриини тохтотон,
Кини ох саалары тоһутар, үҥүүлэри булгурутар,
куйахтары#45:10 Сорох былыргы илиинэн суруйууга: колесницалары. уокка уматар.
11«Чуумпуруҥ! Билиҥ: Мин Таҥарабын!
Мин уруйданыам норуоттар ортолоругар,
уруйданыам бүтүн сир үрдүнэн».
12Аанньал сэриитин Айыы Тойоно биһигини кытта,
биһиги халыҥ хаххабыт – Иаков Таҥарата. Села
Currently Selected:
Саалтыр 45: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
