Саалтыр 149
149
1Аллилуия.
Ыллааҥ Айыы Тойоҥҥо саҥа ырыаны,
айхаллааҥ Кинини сибэтиэйдэр түмсүүлэригэр.
2Үөрдүн-көттүн Израиль Бэйэтин Айааччытыттан;
үөрдүннэр Сион уолаттара Ыраахтааҕыларыттан.
3Үҥкүүнэн Кини аатын айхаллаатыннар;
тимпан, лира доҕуһуолунан Киниэхэ ыллаатыннар.
4 Айыы Тойон норуотугар үтүөтүк сыһыаннаһар,
кыайыыны бэлэхтээн, сэмэйдэри албан аатырдар.
5Онон сибэтиэйдэр кэрэмэн килбиэҥҥэ өрөгөйдүөхтүннэр,
оронноругар сытан үөрүөхтүннэр.
6Таҥараҕа уруйу-айхалы уостарыттан түһэрбэтиннэр,
икки биилээх кылыстарын илиилэриттэн араарбатыннар
7норуоттартан иэстэһэр,
омуктары уодьуганныыр туһугар,
8кинилэр ыраахтааҕыларын сыабынан кэлгийэн,
баһылыктарын хандалыга бохсон,
9кинилэри, суруллубутун курдук, дьүүллүүр туһугар.
Ол буолуо Кини бары сибэтиэйдэрэ тиксэр чиэстэрэ.
Аллилуия.
Currently Selected:
Саалтыр 149: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
