Саалтыр 145

145

1Аллилуия.

2Айхаллаа, дууһам миэнэ, Айыы Тойону!

3Баарым тухары Айыы Тойону айхаллыам;

тыыннааҕым тухары Таҥарабар ырыа ыллыам.

Эрэнимэҥ кинээстэргэ, кимиэхэ даҕаны –

кинилэр эһигини быыһыахтара суоҕа.

4Тыына быһынна да, киһи сиргэ төннөр,

тугу торумнаабыта барыта ол күн үрэллэр.

5-6Дьоллоох даҕаны Иаков Таҥарата көмөлөһөр киһитэ!

Кини сири-халлааны, муораны,

онно баары барытын айбыт,

үйэлэр тухары итэҕэллээх

Айыы Тойон Таҥаратыгар эрэмньилээх.

7 Айыы Тойон күөмчүлэммити көмүскүүр,

ааспыты-туорбуту аһатар.

Айыы Тойон хаайыылааҕы босхолуур,

8 Айыы Тойон көрбөтү көрөр оҥорор,

Айыы Тойон бүк түспүтү көннөрөр,

Айыы Тойон көнө дьону таптыыр.

9Кини кэлии дьону араҥаччылыыр,

тулаайаҕы, огдообону өйүүр-убуур,

оттон нэгэйдэр суолларын муҥур уһуктуур.

10 Айыы Тойон үйэттэн үйэҕэ ыраахтааҕылыаҕа,

Сион, эн Таҥараҥ көлүөнэттэн көлүөнэҕэ салайыаҕа.

Аллилуия.

Currently Selected:

Саалтыр 145: СБК

Highlight

Copy

Want to have your highlights saved across all your devices? Sign up or sign in

Learn More About Сибэтиэй Биибилийэ кинигэлэрэ