Саалтыр 128
128
1Дабайыы ырыата.
«Эдэр сааспыттан элбэхтик самнара сатаабыттара, –
диэтин Израиль, –
2эдэр сааспыттан элбэхтик самнара сатаабыттара да,
иннибин кыайан ылбатахтара.
3Сир хорутааччылара уорҕабын хоруталлара;
сиспэр сухаларын уһун суолун хааллараллара».
4Ол эрэн Айыы Тойон кырдьыктаах;
Кини хара дьайдаахтар кэлгийбиттэрин быһа дайбаабыта.
5 Сиону абааһы көрөөччүлэр, сирэйдэрэ саатан,
бука бары төттөрү чугуйдуннар;
6туура тардыллыан инниттэн куура хатар
хоруобуйа отун курдук буоллуннар.
7Оннук оту бурдук быһааччы таарыйа да барбат,
оннук оту бурдук баайааччы хонноҕор уктубат.
8Ааһан иһэн, ким да кинилэргэ этиэ суоҕа:
«Айыы Тойон алгыһа эһиэхэ тиийиэхтин,
Айыы Тойон аатынан эһигини алгыыбыт!» – диэ суоҕа.
Currently Selected:
Саалтыр 128: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
