Саалтыр 124
124
1Дабайыы ырыата.
Айыы Тойоҥҥо эрэнэр киһи Сион хайаҕа холоонноох,
кини хаһан да тулхадыйбат, үйэлэр тухары олорор.
2Иерусалимы хайалар хаххалыылларыныы,
аны мантан ыла үйэлэр тухары
Айыы Тойон норуотун хаххалыыр.
3Көнө дьон буруйу оҥорорго күһэллибэттэрин туһугар,
кинилэр өлбүгэ сирдэрин
Кини нэгэйдэргэ өрүү бас биллэриэ суоҕа.
4Үтүөнү оҥор, Айыы Тойон, үтүө сүрэхтээхтэргэ,
көнө өйдөөхтөргө;
5оттон бэйэлэрин токур суолларыгар туорааччылары
Айыы Тойон хара дьайдаахтардыын биир дьылҕалыаҕа.
Израильга эйэ чэчирээтин!
Currently Selected:
Саалтыр 124: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
