Саалтыр 118
118
א Алеф#Бу псалом, былыргы еврей буукубатын ахсаанын тутуһан, барыта 22 строфаттан турар. Хас биирдии строфата саҥа буукубаттан саҕаланар.
1Ким омнуота суох олохтоох,
Айыы Тойон Сокуонун тутуһар, ол дьоллоох.
2Ким Кини туоһулуур кырдьыгын харыстыыр,
Кинини бүтүн сүрэҕинэн көрдүүр,
3ким буруйу-сэмэни оҥорбот,
Кини суолларынан сылдьар, ол дьоллоох.
4Ыйарбын-кэрдэрбин бигэтик тутуһуҥ диэн,
Эн биһигини соруйбутуҥ.
5Оо, Эн сокуоннаргын тутуһаммын,
көнө суолунан куруутун сырыттарбын!
6Оччоҕо, бары кэриэскин анаардахпына,
кыбыстыыга киириэм суоҕа этэ;
7кырдьыктаах уураахтаргар үөрэнэммин,
көнө сүрэхпиттэн Эйигин айхаллыам этэ.
8Эн сокуоннаргын мин тутуһуом;
миигин букатыннаахтык хаалларыма.
ב Бет
9Хайдах гынан, эдэр киһи ыраас суолланыан сөбүй?
Эн тылгынан бэйэтин харыстанан.
10Бүтүн сүрэхпинэн мин Эйигин көрдүүбүн;
миигин кэриэстэргиттэн тэйитимэ.
11Эн иннигэр аньыыны оҥорбот туһугар,
мин сүрэхпэр Эн тылгын сөҥөртүм.
12Алгыстааххын Эн, Айыы Тойон;
миигин сокуоннаргар үөрэт;
13Эн уураахтаабыккын барытын
мин биир-биир доргуччу ааҕабын.
14Эн туоһулаабыт кырдьыгыҥ суолунан иһэммин,
хайа да баайга тиксибиттээҕэр ордук үөрэбин.
15Эн ыйыыларгын мин ырыҥалыам,
суолгун-иискин анаарыам.
16Сокуоҥҥун толорон дуоһуйуом,
умнуом суоҕа эппит тылгын.
ג Гимел
17Кулуккар аһыныылаахтык сыһыаннас,
оччоҕо тыыннаах хаалан, Эн тылгын тутуһуом.
18Харахпын ас, оччоҕо мин көрүөм
Эн Сокуонуҥ сөҕүмэр дьиктилэрин.
19Бу сиргэ мин ааһан иһэр айанньыппын эрэ;
миигиттэн кэриэстэргин кистээмэ.
20Эн көнө дьүүлгүн өрүү көрүөхпүн баҕаран,
дууһам туорхаһыйар.
21Бэрдимсиктэри, кырыыстаахтары,
кэриэстэргиттэн туорааччылары, Эн сыһыттыҥ;
22миигин кинилэр үөҕүүлэриттэн, сэнэбиллэриттэн өрүһүй;
Эн туоһулаабыт кырдьыккын мин тутуһабын.
23Кинээстэр миигин утары куомуннаһа олороллор,
оттон кулутуҥ Эн сокуоннаргын анаарар.
24Эн туоһулуур кырдьыгыҥ миигин дуоһутар,
миэхэ сүбэһитим буолар.
ד Далет
25Дууһам сиргэ-буорга тэпсилиннэ;
эрэннэрбитиҥ курдук, миигин тилиннэр.
26Суолбун-ииспин Эйиэхэ арыйбыппын Эн иһиттиҥ;
миигин сокуоннаргар үөрэт.
27Ыйар суолгун таба өйдүүрбэр көмөлөс,
оччоҕо Эн дьикти дьайыыларгын ырыҥалыам.
28Дууһам кутурҕаҥҥа ылларан, ууллан тохтон эрэр;
эрэннэрбиккин толорон, миигин бөҕөргөт.
29Сымыйа суолтан араҥаччылаа;
Эн Сокуоҥҥунан олорорго амарахтык үөрэт.
30Мин бэриниилээх буолуу суолун талбытым,
Эн уураахтаргын иннибэр ууруммутум.
31Эн туоһулуур кырдьыккын мин тутуһабын, Айыы Тойон;
миигин саакка киллэртэримэ.
32Мин өйбүн-санаабын кэҥэттэххинэ,
олоҕум Эн кэриэстэриҥ суолунан устуоҕа.
ה Ге
33Ыйан биэр миэхэ, Айыы Тойон, ыйаахтарыҥ суолун,
оччоҕо мин тиһэх күммэр диэри онон сылдьыаҕым.
34Миигин өйдөт, оччоҕо Эн Сокуоҥҥун тутуһуоҕум,
бүтүн сүрэхпинэн киниэхэ бас бэриниэҕим.
35Кэриэстэриҥ суолунан Эн миигин сирдээ,
мин атын суолунан сылдьыахпын баҕарбаппын.
36Барыс иҥсэтин сүрэхпэр үөскэтимэ,
Бэйэҥ туоһулуур кырдьыккынан миигин умсугут;
37сүпсүктэн мин харахпын тэйит,
Эн суолгунан барар олоҕу миэхэ биэр#118:37 Сорох былыргы илиинэн суруйууга: Этэр тылгынан миэхэ олоҕу биэр..
38Атыттар эмиэ Эйигиттэн толлоллорун туһугар,
кулуккар эрэннэрбиккин толор.
39Эн амарахтык дьүүллүүгүн;
ити дьулаан үөҕүүттэн миигин өрүһүй.
40Эн ыйаргын толоруохпун баҕарабын;
кырдьыктаах Бэйэҥ миэхэ саҥа олоҕу бэлэхтээ.
ו Вав
41Эн бигэ тапталыҥ миэхэ тосхойдун, Айыы Тойон,
Эн эрэннэрбит быыһабылыҥ кэлиэхтин;
42оччоҕо мин, Эн тылгар эрэнээччи,
миигин хараардар киһиэхэ хардарыаҕым.
43Кырдьыгы этэр кыаҕы миигиттэн былдьаама;
Эн көнө дьүүлгэр мин эрэнэбин.
44Эн Сокуоҥҥун тутуһуом өрүүтүн –
үйэттэн үйэлэр тухары.
45Эн ыйаахтаргын көрдөөн буллум,
онон аны көҥүллүк сылдьар буолуом.
46Ыраахтааҕыларга Эн туоһулуур кырдьыккын иһитиннэриэм,
онно кыбыстыыга киириэм суоҕа.
47Эн кэриэстэргин таптыыр буоламмын,
кинилэри тутуһан дуоһуйабын.
48Таптыыр кэриэстэрбэр икки илиибин уунабын;
Эн ыйаахтаргын мин анаарабын.
ז Заин
49Өйдөө кулуккар эппит тылгын,
Эн тылыҥ миэхэ эрэл кыымын сахпытын.
50Ол уоскутар миигин кыһалҕалаах кэммэр,
Эн эрэннэрииҥ миэхэ олоҕу биэрэр.
51Бэрдимсиктэр миигин сирэйэ-хараҕа суох үөҕэллэр,
ол эрээри Эн Сокуоҥҥуттан мин тэйбэппин.
52Эн былыргыттан баар уураахтаргын санаатахпына,
Айыы Тойон, дууһам уоскуйар.
53Эн Сокуоҥҥун хаалларар хара дьайдаахтары
мин ис дууһабыттан абара-сатара көрөбүн.
54Ханна да айанныы сырыттарбын,
Эн ыйыыларгын ырыа гынан ыллыыбын.
55Түүнүн эмиэ Эн ааккын өйдүүбүн, Айыы Тойон,
Эн Сокуоҥҥун кэспэппин.
56Эн ыйыыларгын тутуһуу
миэхэ үгэһим буолла.
ח Хет
57 Айыы Тойон – мин аналым;
Эн тылгын толоруом диэн, Эйиэхэ эрэннэрэбин.
58Бүтүн сүрэхпинэн дьулуһабын Эн үтүө сыһыаҥҥар;
эрэннэрбитиҥ курдук, миигин абыраа-аһын.
59Эн суолларгын санаатахпына,
хардыыбын Эн туоһулуур кырдьыккар салайабын.
60Биэрбит кэриэстэргин уталыта барбакка,
түргэнник толорорго тиэтэйэбин.
61Төһө да хара дьайдаахтар тулабар угаайы оҥордоллор,
Эн Сокуоҥҥун умнубаппын.
62Көнө дьүүлүҥ иһин Эйигин уруйдаары,
мин түүн ортото турабын.
63Эйигиттэн куттанар, Эн ыйаргын тутуһар дьон бука бары
миэхэ доҕотторум буолаллар.
64Сир үрдүн, Айыы Тойон, Эн бигэ тапталыҥ толорбут;
миигин Бэйэҥ сокуоннаргар үөрэт.
ט Тет
65Эппит тылгын тутуһан,
Айыы Тойон, Эн кулуккар үтүөнү оҥордуҥ.
66Эн кэриэстэргэр мин эрэнэбин;
миигин чөл өйдөөх, билиилээх буоларга үөрэт.
67Эрэйи көрүөм иннинэ мунар-тэнэр буоларым,
оттон билигин Эн тылгын толоробун.
68Үтүө санаалааххын Эн, үтүөнү оҥороҕун;
миигин сокуоннаргар үөрэт.
69Киэмсиктэр мин туспунан сымыйаны тиһэллэр,
оттон мин Эн ыйыыларгын ис сүрэхпиттэн толоробун.
70Кинилэр сүрэхтэрэ сыа буолбут,
оттон мин Эн үөрэххинэн дуоһуйабын.
71Эрэйи көрбүтүм миэхэ үчүгэйинэн эргийдэ –
Эн сокуоннаргар мин үөрэнним.
72Эн иһитиннэрбит үөрэҕиҥ миэхэ
тыһыынчанан кыһыл да, үрүҥ да көмүстээҕэр ордук.
י Иод
73Миигин Эн илииҥ айбыта, дьүһүммүн нарылаан биэрбитэ;
өйдөтөн биэр миэхэ, оччоҕо Эн кэриэстэргэр мин үөрэниэм.
74Эн тылгар эрэнэрим иһин,
Эйигиттэн куттанааччылар миигин үөрэ көрүөхтэрэ.
75Мин билэбин, Айыы Тойон, Эн дьүүлүҥ кырдьыктааҕын,
кырдьыгы көрөр буолаҥҥын, миигин дьарыйбыккын.
76Миэхэ, кулуккар, эрэннэрбитиҥ курдук,
Эн бигэ тапталыҥ миигин уоскутуохтун.
77Эн амарах сыһыаныҥ миэхэ тосхойдун, оччоҕо тыыннаах хаалыам;
Эн Сокуоҥҥуттан мин үөрүүнү булабын.
78Сааттыннар миигин олоҕо суох баттыыр бэрдимсиктэр;
оттон мин Эн ыйыыларгын ырыҥалыам.
79Миэхэ кэллиннэр Эйигиттэн сүгүрүйэ толлор,
Эн туоһулаабыт кырдьыккын билэр дьон.
80Кыбыстыыга киирбэтим туһугар,
сүрэҕим, Эн сокуоннаргын ылынан, эҥкилэ суох ыраас буоллун.
כ Каф
81Хаһан миигин быыһыыргын кэтэһэн, дууһам туорхаһыйар;
Эн тылгар мин эрэнэбин.
82Эн эрэннэрбиккин хараҕым сылайыар диэри кэтэһэбин;
ол иһин ыйытабын: «Хаһан миигин уоскутаҕын?»
83Буруо быһа сиэбит сирии иһитин курдук да буолларбын,
Эн сокуоннаргын умнубаппын.
84Хаһааҥҥа диэри мин, Эн кулутуҥ, тулуйабын?
Хаһан миигин күөмчүлээччилэри дьүүллүүгүн?
85Бэрдимсиктэр миэхэ иин хаспыттар;
кинилэр Эн Сокуоҥҥун утараллар.
86Эн кэриэстэриҥ бары эрэбиллэр;
буруйа суоҕум үрдүнэн сойуолууллар, миэхэ көмөлөс.
87Бу сиргэ миигин өлөрө сыстылар,
ол да буоллар, Эн ыйыыларгын кэспэтим.
88Үтүө санааҕыттан олохпун араҥаччылаа,
Эн туоһулуур кырдьыккын мин тутуһуом.
ל Ламед
89Эн тылыҥ, Айыы Тойон, үйэлэргэ барардыы,
халлааннарга бигэргэтиллибит.
90Эн кырдьыгыҥ көлүөнэттэн көлүөнэҕэ уларыйбат;
сири Эн олохтообутуҥ, ол иһин сир тулхадыйбат.
91Туох барыта билиҥҥэ диэри Эн быһаарыыгынан турар,
баар барыта Эйиэхэ үлэлиир.
92Эн Сокуоҥҥунан дуоһуйбатым эбитэ буоллар,
сор суолланан өлбүтүм ырааппыт буолуо этэ.
93Эн ыйбыккын хаһан да умнуом суоҕа;
миигин ыйан-кэрдэн, Эн миэхэ олоҕу биэрбитиҥ.
94Эйиэнэбин эбээт мин, миигин быыһаа;
Эн ыйыыларгын тутуһарга мин дьулуһабын.
95Хара дьайдаахтар миигин өлөрөөрү манаһаллар,
оттон мин Эн туоһулаабыт кырдьыккын анаарабын.
96Хайа да үчүгэй барыта бүтэр уһуктааҕын мин көрдүм,
арай Эн кэриэһиҥ муҥурун булларбат.
מ Мем
97Оо, таптыыбын даҕаны Эн Сокуоҥҥун!
Уһун күнү быһа ону өйдүү-саныы сылдьабын.
98Мин сүрэхпэр кэриэстэргин иҥэрэн,
Эн миигин өстөөхтөрбүнээҕэр муударай оҥордуҥ.
99Эн туоһулуур кырдьыккын анаараммын,
бары учууталларбынааҕар ордук өйдүүр буоллум.
100Эн ыйаргын-кэрдэргин тутуһаммын,
кырдьаҕастардааҕар ордук билиилэнним.
101Эн тылгын толорор туһугар,
ханнык да куһаҕан суолтан мин дьалты хаамабын.
102Миигин Эн үөрэтэр буолаҥҥын,
уураахтаргыттан туораабаппын.
103Минньигэс да буоллаҕа Эн тылыҥ-өһүҥ!
Мүөттээҕэр минньигэс.
104Эн ыйыыларгыттан мин муудараһы сомсобун;
хайа да албын суолу абааһы көрөбүн.
נ Нун
105Эн тылыҥ мин суолбун сырдатар,
мин сылдьар ыллыкпын сандаардар.
106Кырдьыктаах уураахтаргын тутуһуом диэн,
Эйиэхэ биэрбит андаҕарбын мин толоруом.
107Ыар санааҕа мин баттаттым, Айыы Тойон;
эрэннэрбитиҥ курдук, миигин тилиннэр.
108Айхал этэрбин, Айыы Тойон,
көҥүл өттүнэн бэриллэр сиэртибэ курдук ылын
уонна миигин уураахтаргар үөрэт.
109Төһө да олохпор куруутун куттал суоһаатар,
Эн Сокуоҥҥун умнубаппын.
110Хара дьайдаахтар миэхэ угаайы оҥорбуттар,
ол да буоллар, Эн ыйыыларгын кэспэтим.
111Эн туоһулуур кырдьыгыҥ үйэлэр тухары – мин аналым,
мин сүрэҕим үөрүүтэ.
112Мин үйэм тухары, тиһэҕэр да диэри,
Эн сокуоннаргын тутуһар санаалаахпын.
ס Самех
113Икки сирэй буолааччылары мин абааһы көрөбүн,
Эн Сокуоҥҥун таптыыбын.
114Эн миэхэ халыҥ хаххам, бөҕө куйаҕым буолаҕын;
Эн тылгар мин эрэнэбин.
115Киэр кэбэлийиҥ миигиттэн, куһаҕаны оҥорооччулар,
мин Таҥарам кэриэстэрин тутуһуом.
116Эрэннэрбитиҥ курдук, миигин бөҕөргөт,
оччоҕо мин тыыннаах хаалыам;
эрэлбин сиргэ-буорга тэбистэримэ.
117Миигин өйөө, оччоҕо быыһаныам,
Эн сокуоннаргын өрүү өйдүү-саныы сылдьыам.
118Сокуоннаргын тутуспат дьону Эн самнараҕын;
киитэрэйдээн да, кинилэр туһамматтар.
119Сир нэгэйдэрин барыларын Эн киэр сиппийэҕин,
ол иһин мин таптыыбын Эн туоһулуур кырдьыккын.
120Эйигиттэн мин уҥуоҕум хамсыар диэри куттанабын,
Эн дьүүлгүттэн дьулайабын.
ע Аин
121Мин өрүү сөптөөҕүнэн, сиэрдээҕинэн сылдьарым;
миигин күөмчүһүттэргэ биэримэ.
122Кулутуҥ этэҥҥэ сылдьарын туһугар кинини көмүскээ,
бэрдимсиктэргэ атаҕастатыма.
123Хаһан быыһаан ыларгын, кырдьыктаах тылыҥ туоларын,
хараҕым сылайыар диэри, кэтэһэбин.
124Кулуккар миэхэ үтүөтүк сыһыаннас,
сокуоннаргар миигин үөрэт.
125Кулутуҥ буолабын эбээт мин; миигин өйдөт,
оччоҕо Эн туоһулаабыт кырдьыккын билиэм.
126 Айыы Тойон күүһүн көрдөрөр кэмэ кэллэ:
Эн Сокуоҥҥун үрэйдилэр.
127Оттон мин Эн кэриэстэргин кыһыл көмүстээҕэр,
ыраас кыһыл көмүстээҕэр ордоробун.
128Эн ыйарыҥ барыта кырдьыктааҕын билэбин,
ханнык да албын суолу абааһы көрөбүн.
פ Пе
129Эн туоһулуур кырдьыгыҥ дьикти үчүгэй,
ол иһин мин ону ис дууһабыттан тутуһабын.
130Эн тылыҥ, суолтата арыллан, сырдыгы бэлэхтиир,
кэнэннэри өйдөтөр.
131Эн кэриэстэргин истиэхпин утаппыттыы баҕаран,
мин дириҥник өрүтэ тыынабын.
132Оо, хайыс мин диэки;
Эн ааккын таптыыр дьону аһынарыҥ курдук,
миигин эмиэ аһын-харыһый.
133Эрэннэрбиккин толорон, хардыыбын чиҥэтэн биэр,
ханнык да хара дьайга бас бэриннэртэримэ.
134Эппит кэриэстэргин тутуһарым туһугар,
дьон батталыттан миигин өрүһүй.
135Эн сирэйиҥ сырдыга кулуккар сыдьаайдын,
миигин сокуоннаргар үөрэт.
136Эн Сокуоҥҥун тутуспаттарын иһин
көмүскэм уута үрүйэ уутунуу сүүрэр.
צ Цаде
137 Айыы Тойон, Эн кырдьыктааххын,
дьүүлүҥ Эйиэнэ барыта сөптөөх.
138Эн тутуһуҥ диэн биһиэхэ биэрбит уураахтарыҥ
кырдьыктаахтар, эҥкилэ суох көнөлөр.
139Өстөөхтөрүм Эн тылгын умнубуттарын көрөммүн,
уоҕум-кылыным уоттуу оргуйар.
140Эн эрэннэрэр тылыҥ – кыһаҕа уһаарыллыбыт бигэ тыл;
кулутуҥ Эн тылгын таптыыр.
141Мин кырабын-харабын, сэнэбилгэ сылдьабын,
ол да буоллар, Эн ыйыыларгын умнубаппын.
142Эн кырдьыктаах быһыыҥ үйэлэр тухары уларыйбат,
Эн Сокуонуҥ – дьиҥ кырдьык.
143Төһө да эрииргэ түбэһэн муҥҥа буулаттарбын,
Эн кэриэстэргиттэн мин үөрүүнү булабын.
144Эн туоһулаабыт кырдьыгыҥ өлбөт үйэлээх;
олохпун сөпкө олорорум туһугар миигин өйдөт.
ק Коф
145Бүтүн сүрэхпинэн мин Эйигин ыҥырабын:
иһит миигин, Айыы Тойон,
Эн сокуоннаргын мин толоруом.
146Эйигин ыҥырабын; миигин быыһаа,
оччоҕо Эн туоһулуур кырдьыккын тутуһуом.
147Күн тахсыан иннинэ тураммын, Эйигиттэн көрдөһөбүн;
Эн тылгар мин эрэнэбин.
148Уһун түүнү быһа утуйбакка,
Эн миэхэ эрэннэрбиккин саныыбын.
149Үтүө санааҕыттан миигин иһит, Айыы Тойон;
көнөтүк дьүүллээн, олохпун араҥаччылаа.
150Хара санаалаах сойуолааччылар миэхэ ыга кэллилэр,
кинилэр Эн Сокуоҥҥуттан ыраахтар.
151 Айыы Тойон, Эн миэхэ чугаскын;
Эн кэриэстээбитиҥ барыта – дьиҥ кырдьык.
152Өр буолла мин Эн туоһулуур кырдьыккын –
ону Эн үйэлэргэ бигэргэппиккин – билбитим.
ר Реш
153Бу түбэспит эрэйбин көрөҥҥүн, миигин өрүһүйэн ыл;
Эн Сокуоҥҥун мин умнубаппын.
154Киирис мин дьыалабар, миигин толуйан ыл;
эрэннэрбитиҥ курдук, тыыннаах хааллар.
155Хара дьайдаахтар быыһаналлара ыраах,
кинилэр Эн ыйаахтаргын көрдөөбөттөр.
156 Айыы Тойон, Эн амарах санааҥ муҥура суох;
көнөтүк дьүүллээн, миэхэ олоҕу бэлэхтээ.
157Миигин күөмчүлээччи, миэхэ өстүйээччи үксэ-дьүүлэ биллибэт,
ол да буоллар, Эн туоһулуур кырдьыккыттан тэйбэппин.
158Эн Сокуоҥҥуттан тэйээччилэри кэлэйэ көрөбүн;
кинилэр Эн кэриэстэргин тутуспаттар.
159Көр хайдах курдук Эн ыйыыларгын таптыырбын;
үтүө санааҕыттан миигин тыыннаах хааллар.
160Эн тылыҥ олоҕо – дьиҥ кырдьык;
Эн кырдьыктаах сокуоннарыҥ өлбөт үйэлээхтэр.
ש Шин
161Кинээстэр миигин буруйа суоҕум үрдүнэн сойуолууллар,
оттон мин сүрэҕим Эн тылгыттан дьулайар.
162Эн тылгын ааҕаммын,
мин улуу барыска тиксибиттии, үөрэбин.
163Сымыйаны абааһы көрөбүн, сымыйаттан сиргэнэбин;
Эн Сокуоҥҥун таптыыбын.
164Күҥҥэ сэттэтэ Эйиэхэ айхал этэбин,
көнө дьүүлүҥ иһин махтанабын.
165Эн Сокуоҥҥун таптыыр дьон илэ-эйэтэ муҥура суох,
кинилэри дубук үктэтэр туох да суох.
166 Айыы Тойон, Эн быыһыыргар мин эрэнэбин,
Эн кэриэстэргин толоробун.
167Дууһам Эн туоһулаабыт кырдьыккын тутуһар,
ис сүрэхпиттэн ону таптыыбын.
168Эн ыйаргын, туоһулуургун мин толоробун,
суолум-ииһим барыта Эн иннигэр ырылыйа сытар.
ת Тав
169 Айыы Тойон, мин энэлгэним Эйиэхэ иһиллиэхтин;
эппиккин толорон, миигин өйдөт.
170Мин үҥэрим Эйиэхэ тиийиэхтин;
эрэннэрбитиҥ курдук, миигин өрүһүйэн ыл.
171Сокуоннаргар үөрэтэриҥ иһин,
мин өрүү Эйигин айхаллыам.
172Бары кэриэстэриҥ кырдьыктаахтарын иһин,
Эн тылгын ырыа гынан ыллыам.
173Эн ыйыыларгын мин талбытым,
онон Эн илииҥ миэхэ көмөлөһө турдун.
174Кэтэһэбин даҕаны, Айыы Тойон, миигин быыһыыргын,
Эн Сокуоҥҥуттан мин үөрүүнү булабын.
175Эйигин айхаллыырым туһугар, миигин тыыннаах хааллар;
Эн көнө дьүүлүҥ миэхэ көмөлөстүн.
176Сүппүт бараан курдук, мин муна-тэнэ сылдьабын;
кулуккун көрдөө; Эн кэриэстэргин мин умнубатым.
Currently Selected:
Саалтыр 118: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
Саалтыр 118
118
א Алеф#Бу псалом, былыргы еврей буукубатын ахсаанын тутуһан, барыта 22 строфаттан турар. Хас биирдии строфата саҥа буукубаттан саҕаланар.
1Ким омнуота суох олохтоох,
Айыы Тойон Сокуонун тутуһар, ол дьоллоох.
2Ким Кини туоһулуур кырдьыгын харыстыыр,
Кинини бүтүн сүрэҕинэн көрдүүр,
3ким буруйу-сэмэни оҥорбот,
Кини суолларынан сылдьар, ол дьоллоох.
4Ыйарбын-кэрдэрбин бигэтик тутуһуҥ диэн,
Эн биһигини соруйбутуҥ.
5Оо, Эн сокуоннаргын тутуһаммын,
көнө суолунан куруутун сырыттарбын!
6Оччоҕо, бары кэриэскин анаардахпына,
кыбыстыыга киириэм суоҕа этэ;
7кырдьыктаах уураахтаргар үөрэнэммин,
көнө сүрэхпиттэн Эйигин айхаллыам этэ.
8Эн сокуоннаргын мин тутуһуом;
миигин букатыннаахтык хаалларыма.
ב Бет
9Хайдах гынан, эдэр киһи ыраас суолланыан сөбүй?
Эн тылгынан бэйэтин харыстанан.
10Бүтүн сүрэхпинэн мин Эйигин көрдүүбүн;
миигин кэриэстэргиттэн тэйитимэ.
11Эн иннигэр аньыыны оҥорбот туһугар,
мин сүрэхпэр Эн тылгын сөҥөртүм.
12Алгыстааххын Эн, Айыы Тойон;
миигин сокуоннаргар үөрэт;
13Эн уураахтаабыккын барытын
мин биир-биир доргуччу ааҕабын.
14Эн туоһулаабыт кырдьыгыҥ суолунан иһэммин,
хайа да баайга тиксибиттээҕэр ордук үөрэбин.
15Эн ыйыыларгын мин ырыҥалыам,
суолгун-иискин анаарыам.
16Сокуоҥҥун толорон дуоһуйуом,
умнуом суоҕа эппит тылгын.
ג Гимел
17Кулуккар аһыныылаахтык сыһыаннас,
оччоҕо тыыннаах хаалан, Эн тылгын тутуһуом.
18Харахпын ас, оччоҕо мин көрүөм
Эн Сокуонуҥ сөҕүмэр дьиктилэрин.
19Бу сиргэ мин ааһан иһэр айанньыппын эрэ;
миигиттэн кэриэстэргин кистээмэ.
20Эн көнө дьүүлгүн өрүү көрүөхпүн баҕаран,
дууһам туорхаһыйар.
21Бэрдимсиктэри, кырыыстаахтары,
кэриэстэргиттэн туорааччылары, Эн сыһыттыҥ;
22миигин кинилэр үөҕүүлэриттэн, сэнэбиллэриттэн өрүһүй;
Эн туоһулаабыт кырдьыккын мин тутуһабын.
23Кинээстэр миигин утары куомуннаһа олороллор,
оттон кулутуҥ Эн сокуоннаргын анаарар.
24Эн туоһулуур кырдьыгыҥ миигин дуоһутар,
миэхэ сүбэһитим буолар.
ד Далет
25Дууһам сиргэ-буорга тэпсилиннэ;
эрэннэрбитиҥ курдук, миигин тилиннэр.
26Суолбун-ииспин Эйиэхэ арыйбыппын Эн иһиттиҥ;
миигин сокуоннаргар үөрэт.
27Ыйар суолгун таба өйдүүрбэр көмөлөс,
оччоҕо Эн дьикти дьайыыларгын ырыҥалыам.
28Дууһам кутурҕаҥҥа ылларан, ууллан тохтон эрэр;
эрэннэрбиккин толорон, миигин бөҕөргөт.
29Сымыйа суолтан араҥаччылаа;
Эн Сокуоҥҥунан олорорго амарахтык үөрэт.
30Мин бэриниилээх буолуу суолун талбытым,
Эн уураахтаргын иннибэр ууруммутум.
31Эн туоһулуур кырдьыккын мин тутуһабын, Айыы Тойон;
миигин саакка киллэртэримэ.
32Мин өйбүн-санаабын кэҥэттэххинэ,
олоҕум Эн кэриэстэриҥ суолунан устуоҕа.
ה Ге
33Ыйан биэр миэхэ, Айыы Тойон, ыйаахтарыҥ суолун,
оччоҕо мин тиһэх күммэр диэри онон сылдьыаҕым.
34Миигин өйдөт, оччоҕо Эн Сокуоҥҥун тутуһуоҕум,
бүтүн сүрэхпинэн киниэхэ бас бэриниэҕим.
35Кэриэстэриҥ суолунан Эн миигин сирдээ,
мин атын суолунан сылдьыахпын баҕарбаппын.
36Барыс иҥсэтин сүрэхпэр үөскэтимэ,
Бэйэҥ туоһулуур кырдьыккынан миигин умсугут;
37сүпсүктэн мин харахпын тэйит,
Эн суолгунан барар олоҕу миэхэ биэр#118:37 Сорох былыргы илиинэн суруйууга: Этэр тылгынан миэхэ олоҕу биэр..
38Атыттар эмиэ Эйигиттэн толлоллорун туһугар,
кулуккар эрэннэрбиккин толор.
39Эн амарахтык дьүүллүүгүн;
ити дьулаан үөҕүүттэн миигин өрүһүй.
40Эн ыйаргын толоруохпун баҕарабын;
кырдьыктаах Бэйэҥ миэхэ саҥа олоҕу бэлэхтээ.
ו Вав
41Эн бигэ тапталыҥ миэхэ тосхойдун, Айыы Тойон,
Эн эрэннэрбит быыһабылыҥ кэлиэхтин;
42оччоҕо мин, Эн тылгар эрэнээччи,
миигин хараардар киһиэхэ хардарыаҕым.
43Кырдьыгы этэр кыаҕы миигиттэн былдьаама;
Эн көнө дьүүлгэр мин эрэнэбин.
44Эн Сокуоҥҥун тутуһуом өрүүтүн –
үйэттэн үйэлэр тухары.
45Эн ыйаахтаргын көрдөөн буллум,
онон аны көҥүллүк сылдьар буолуом.
46Ыраахтааҕыларга Эн туоһулуур кырдьыккын иһитиннэриэм,
онно кыбыстыыга киириэм суоҕа.
47Эн кэриэстэргин таптыыр буоламмын,
кинилэри тутуһан дуоһуйабын.
48Таптыыр кэриэстэрбэр икки илиибин уунабын;
Эн ыйаахтаргын мин анаарабын.
ז Заин
49Өйдөө кулуккар эппит тылгын,
Эн тылыҥ миэхэ эрэл кыымын сахпытын.
50Ол уоскутар миигин кыһалҕалаах кэммэр,
Эн эрэннэрииҥ миэхэ олоҕу биэрэр.
51Бэрдимсиктэр миигин сирэйэ-хараҕа суох үөҕэллэр,
ол эрээри Эн Сокуоҥҥуттан мин тэйбэппин.
52Эн былыргыттан баар уураахтаргын санаатахпына,
Айыы Тойон, дууһам уоскуйар.
53Эн Сокуоҥҥун хаалларар хара дьайдаахтары
мин ис дууһабыттан абара-сатара көрөбүн.
54Ханна да айанныы сырыттарбын,
Эн ыйыыларгын ырыа гынан ыллыыбын.
55Түүнүн эмиэ Эн ааккын өйдүүбүн, Айыы Тойон,
Эн Сокуоҥҥун кэспэппин.
56Эн ыйыыларгын тутуһуу
миэхэ үгэһим буолла.
ח Хет
57 Айыы Тойон – мин аналым;
Эн тылгын толоруом диэн, Эйиэхэ эрэннэрэбин.
58Бүтүн сүрэхпинэн дьулуһабын Эн үтүө сыһыаҥҥар;
эрэннэрбитиҥ курдук, миигин абыраа-аһын.
59Эн суолларгын санаатахпына,
хардыыбын Эн туоһулуур кырдьыккар салайабын.
60Биэрбит кэриэстэргин уталыта барбакка,
түргэнник толорорго тиэтэйэбин.
61Төһө да хара дьайдаахтар тулабар угаайы оҥордоллор,
Эн Сокуоҥҥун умнубаппын.
62Көнө дьүүлүҥ иһин Эйигин уруйдаары,
мин түүн ортото турабын.
63Эйигиттэн куттанар, Эн ыйаргын тутуһар дьон бука бары
миэхэ доҕотторум буолаллар.
64Сир үрдүн, Айыы Тойон, Эн бигэ тапталыҥ толорбут;
миигин Бэйэҥ сокуоннаргар үөрэт.
ט Тет
65Эппит тылгын тутуһан,
Айыы Тойон, Эн кулуккар үтүөнү оҥордуҥ.
66Эн кэриэстэргэр мин эрэнэбин;
миигин чөл өйдөөх, билиилээх буоларга үөрэт.
67Эрэйи көрүөм иннинэ мунар-тэнэр буоларым,
оттон билигин Эн тылгын толоробун.
68Үтүө санаалааххын Эн, үтүөнү оҥороҕун;
миигин сокуоннаргар үөрэт.
69Киэмсиктэр мин туспунан сымыйаны тиһэллэр,
оттон мин Эн ыйыыларгын ис сүрэхпиттэн толоробун.
70Кинилэр сүрэхтэрэ сыа буолбут,
оттон мин Эн үөрэххинэн дуоһуйабын.
71Эрэйи көрбүтүм миэхэ үчүгэйинэн эргийдэ –
Эн сокуоннаргар мин үөрэнним.
72Эн иһитиннэрбит үөрэҕиҥ миэхэ
тыһыынчанан кыһыл да, үрүҥ да көмүстээҕэр ордук.
י Иод
73Миигин Эн илииҥ айбыта, дьүһүммүн нарылаан биэрбитэ;
өйдөтөн биэр миэхэ, оччоҕо Эн кэриэстэргэр мин үөрэниэм.
74Эн тылгар эрэнэрим иһин,
Эйигиттэн куттанааччылар миигин үөрэ көрүөхтэрэ.
75Мин билэбин, Айыы Тойон, Эн дьүүлүҥ кырдьыктааҕын,
кырдьыгы көрөр буолаҥҥын, миигин дьарыйбыккын.
76Миэхэ, кулуккар, эрэннэрбитиҥ курдук,
Эн бигэ тапталыҥ миигин уоскутуохтун.
77Эн амарах сыһыаныҥ миэхэ тосхойдун, оччоҕо тыыннаах хаалыам;
Эн Сокуоҥҥуттан мин үөрүүнү булабын.
78Сааттыннар миигин олоҕо суох баттыыр бэрдимсиктэр;
оттон мин Эн ыйыыларгын ырыҥалыам.
79Миэхэ кэллиннэр Эйигиттэн сүгүрүйэ толлор,
Эн туоһулаабыт кырдьыккын билэр дьон.
80Кыбыстыыга киирбэтим туһугар,
сүрэҕим, Эн сокуоннаргын ылынан, эҥкилэ суох ыраас буоллун.
כ Каф
81Хаһан миигин быыһыыргын кэтэһэн, дууһам туорхаһыйар;
Эн тылгар мин эрэнэбин.
82Эн эрэннэрбиккин хараҕым сылайыар диэри кэтэһэбин;
ол иһин ыйытабын: «Хаһан миигин уоскутаҕын?»
83Буруо быһа сиэбит сирии иһитин курдук да буолларбын,
Эн сокуоннаргын умнубаппын.
84Хаһааҥҥа диэри мин, Эн кулутуҥ, тулуйабын?
Хаһан миигин күөмчүлээччилэри дьүүллүүгүн?
85Бэрдимсиктэр миэхэ иин хаспыттар;
кинилэр Эн Сокуоҥҥун утараллар.
86Эн кэриэстэриҥ бары эрэбиллэр;
буруйа суоҕум үрдүнэн сойуолууллар, миэхэ көмөлөс.
87Бу сиргэ миигин өлөрө сыстылар,
ол да буоллар, Эн ыйыыларгын кэспэтим.
88Үтүө санааҕыттан олохпун араҥаччылаа,
Эн туоһулуур кырдьыккын мин тутуһуом.
ל Ламед
89Эн тылыҥ, Айыы Тойон, үйэлэргэ барардыы,
халлааннарга бигэргэтиллибит.
90Эн кырдьыгыҥ көлүөнэттэн көлүөнэҕэ уларыйбат;
сири Эн олохтообутуҥ, ол иһин сир тулхадыйбат.
91Туох барыта билиҥҥэ диэри Эн быһаарыыгынан турар,
баар барыта Эйиэхэ үлэлиир.
92Эн Сокуоҥҥунан дуоһуйбатым эбитэ буоллар,
сор суолланан өлбүтүм ырааппыт буолуо этэ.
93Эн ыйбыккын хаһан да умнуом суоҕа;
миигин ыйан-кэрдэн, Эн миэхэ олоҕу биэрбитиҥ.
94Эйиэнэбин эбээт мин, миигин быыһаа;
Эн ыйыыларгын тутуһарга мин дьулуһабын.
95Хара дьайдаахтар миигин өлөрөөрү манаһаллар,
оттон мин Эн туоһулаабыт кырдьыккын анаарабын.
96Хайа да үчүгэй барыта бүтэр уһуктааҕын мин көрдүм,
арай Эн кэриэһиҥ муҥурун булларбат.
מ Мем
97Оо, таптыыбын даҕаны Эн Сокуоҥҥун!
Уһун күнү быһа ону өйдүү-саныы сылдьабын.
98Мин сүрэхпэр кэриэстэргин иҥэрэн,
Эн миигин өстөөхтөрбүнээҕэр муударай оҥордуҥ.
99Эн туоһулуур кырдьыккын анаараммын,
бары учууталларбынааҕар ордук өйдүүр буоллум.
100Эн ыйаргын-кэрдэргин тутуһаммын,
кырдьаҕастардааҕар ордук билиилэнним.
101Эн тылгын толорор туһугар,
ханнык да куһаҕан суолтан мин дьалты хаамабын.
102Миигин Эн үөрэтэр буолаҥҥын,
уураахтаргыттан туораабаппын.
103Минньигэс да буоллаҕа Эн тылыҥ-өһүҥ!
Мүөттээҕэр минньигэс.
104Эн ыйыыларгыттан мин муудараһы сомсобун;
хайа да албын суолу абааһы көрөбүн.
נ Нун
105Эн тылыҥ мин суолбун сырдатар,
мин сылдьар ыллыкпын сандаардар.
106Кырдьыктаах уураахтаргын тутуһуом диэн,
Эйиэхэ биэрбит андаҕарбын мин толоруом.
107Ыар санааҕа мин баттаттым, Айыы Тойон;
эрэннэрбитиҥ курдук, миигин тилиннэр.
108Айхал этэрбин, Айыы Тойон,
көҥүл өттүнэн бэриллэр сиэртибэ курдук ылын
уонна миигин уураахтаргар үөрэт.
109Төһө да олохпор куруутун куттал суоһаатар,
Эн Сокуоҥҥун умнубаппын.
110Хара дьайдаахтар миэхэ угаайы оҥорбуттар,
ол да буоллар, Эн ыйыыларгын кэспэтим.
111Эн туоһулуур кырдьыгыҥ үйэлэр тухары – мин аналым,
мин сүрэҕим үөрүүтэ.
112Мин үйэм тухары, тиһэҕэр да диэри,
Эн сокуоннаргын тутуһар санаалаахпын.
ס Самех
113Икки сирэй буолааччылары мин абааһы көрөбүн,
Эн Сокуоҥҥун таптыыбын.
114Эн миэхэ халыҥ хаххам, бөҕө куйаҕым буолаҕын;
Эн тылгар мин эрэнэбин.
115Киэр кэбэлийиҥ миигиттэн, куһаҕаны оҥорооччулар,
мин Таҥарам кэриэстэрин тутуһуом.
116Эрэннэрбитиҥ курдук, миигин бөҕөргөт,
оччоҕо мин тыыннаах хаалыам;
эрэлбин сиргэ-буорга тэбистэримэ.
117Миигин өйөө, оччоҕо быыһаныам,
Эн сокуоннаргын өрүү өйдүү-саныы сылдьыам.
118Сокуоннаргын тутуспат дьону Эн самнараҕын;
киитэрэйдээн да, кинилэр туһамматтар.
119Сир нэгэйдэрин барыларын Эн киэр сиппийэҕин,
ол иһин мин таптыыбын Эн туоһулуур кырдьыккын.
120Эйигиттэн мин уҥуоҕум хамсыар диэри куттанабын,
Эн дьүүлгүттэн дьулайабын.
ע Аин
121Мин өрүү сөптөөҕүнэн, сиэрдээҕинэн сылдьарым;
миигин күөмчүһүттэргэ биэримэ.
122Кулутуҥ этэҥҥэ сылдьарын туһугар кинини көмүскээ,
бэрдимсиктэргэ атаҕастатыма.
123Хаһан быыһаан ыларгын, кырдьыктаах тылыҥ туоларын,
хараҕым сылайыар диэри, кэтэһэбин.
124Кулуккар миэхэ үтүөтүк сыһыаннас,
сокуоннаргар миигин үөрэт.
125Кулутуҥ буолабын эбээт мин; миигин өйдөт,
оччоҕо Эн туоһулаабыт кырдьыккын билиэм.
126 Айыы Тойон күүһүн көрдөрөр кэмэ кэллэ:
Эн Сокуоҥҥун үрэйдилэр.
127Оттон мин Эн кэриэстэргин кыһыл көмүстээҕэр,
ыраас кыһыл көмүстээҕэр ордоробун.
128Эн ыйарыҥ барыта кырдьыктааҕын билэбин,
ханнык да албын суолу абааһы көрөбүн.
פ Пе
129Эн туоһулуур кырдьыгыҥ дьикти үчүгэй,
ол иһин мин ону ис дууһабыттан тутуһабын.
130Эн тылыҥ, суолтата арыллан, сырдыгы бэлэхтиир,
кэнэннэри өйдөтөр.
131Эн кэриэстэргин истиэхпин утаппыттыы баҕаран,
мин дириҥник өрүтэ тыынабын.
132Оо, хайыс мин диэки;
Эн ааккын таптыыр дьону аһынарыҥ курдук,
миигин эмиэ аһын-харыһый.
133Эрэннэрбиккин толорон, хардыыбын чиҥэтэн биэр,
ханнык да хара дьайга бас бэриннэртэримэ.
134Эппит кэриэстэргин тутуһарым туһугар,
дьон батталыттан миигин өрүһүй.
135Эн сирэйиҥ сырдыга кулуккар сыдьаайдын,
миигин сокуоннаргар үөрэт.
136Эн Сокуоҥҥун тутуспаттарын иһин
көмүскэм уута үрүйэ уутунуу сүүрэр.
צ Цаде
137 Айыы Тойон, Эн кырдьыктааххын,
дьүүлүҥ Эйиэнэ барыта сөптөөх.
138Эн тутуһуҥ диэн биһиэхэ биэрбит уураахтарыҥ
кырдьыктаахтар, эҥкилэ суох көнөлөр.
139Өстөөхтөрүм Эн тылгын умнубуттарын көрөммүн,
уоҕум-кылыным уоттуу оргуйар.
140Эн эрэннэрэр тылыҥ – кыһаҕа уһаарыллыбыт бигэ тыл;
кулутуҥ Эн тылгын таптыыр.
141Мин кырабын-харабын, сэнэбилгэ сылдьабын,
ол да буоллар, Эн ыйыыларгын умнубаппын.
142Эн кырдьыктаах быһыыҥ үйэлэр тухары уларыйбат,
Эн Сокуонуҥ – дьиҥ кырдьык.
143Төһө да эрииргэ түбэһэн муҥҥа буулаттарбын,
Эн кэриэстэргиттэн мин үөрүүнү булабын.
144Эн туоһулаабыт кырдьыгыҥ өлбөт үйэлээх;
олохпун сөпкө олорорум туһугар миигин өйдөт.
ק Коф
145Бүтүн сүрэхпинэн мин Эйигин ыҥырабын:
иһит миигин, Айыы Тойон,
Эн сокуоннаргын мин толоруом.
146Эйигин ыҥырабын; миигин быыһаа,
оччоҕо Эн туоһулуур кырдьыккын тутуһуом.
147Күн тахсыан иннинэ тураммын, Эйигиттэн көрдөһөбүн;
Эн тылгар мин эрэнэбин.
148Уһун түүнү быһа утуйбакка,
Эн миэхэ эрэннэрбиккин саныыбын.
149Үтүө санааҕыттан миигин иһит, Айыы Тойон;
көнөтүк дьүүллээн, олохпун араҥаччылаа.
150Хара санаалаах сойуолааччылар миэхэ ыга кэллилэр,
кинилэр Эн Сокуоҥҥуттан ыраахтар.
151 Айыы Тойон, Эн миэхэ чугаскын;
Эн кэриэстээбитиҥ барыта – дьиҥ кырдьык.
152Өр буолла мин Эн туоһулуур кырдьыккын –
ону Эн үйэлэргэ бигэргэппиккин – билбитим.
ר Реш
153Бу түбэспит эрэйбин көрөҥҥүн, миигин өрүһүйэн ыл;
Эн Сокуоҥҥун мин умнубаппын.
154Киирис мин дьыалабар, миигин толуйан ыл;
эрэннэрбитиҥ курдук, тыыннаах хааллар.
155Хара дьайдаахтар быыһаналлара ыраах,
кинилэр Эн ыйаахтаргын көрдөөбөттөр.
156 Айыы Тойон, Эн амарах санааҥ муҥура суох;
көнөтүк дьүүллээн, миэхэ олоҕу бэлэхтээ.
157Миигин күөмчүлээччи, миэхэ өстүйээччи үксэ-дьүүлэ биллибэт,
ол да буоллар, Эн туоһулуур кырдьыккыттан тэйбэппин.
158Эн Сокуоҥҥуттан тэйээччилэри кэлэйэ көрөбүн;
кинилэр Эн кэриэстэргин тутуспаттар.
159Көр хайдах курдук Эн ыйыыларгын таптыырбын;
үтүө санааҕыттан миигин тыыннаах хааллар.
160Эн тылыҥ олоҕо – дьиҥ кырдьык;
Эн кырдьыктаах сокуоннарыҥ өлбөт үйэлээхтэр.
ש Шин
161Кинээстэр миигин буруйа суоҕум үрдүнэн сойуолууллар,
оттон мин сүрэҕим Эн тылгыттан дьулайар.
162Эн тылгын ааҕаммын,
мин улуу барыска тиксибиттии, үөрэбин.
163Сымыйаны абааһы көрөбүн, сымыйаттан сиргэнэбин;
Эн Сокуоҥҥун таптыыбын.
164Күҥҥэ сэттэтэ Эйиэхэ айхал этэбин,
көнө дьүүлүҥ иһин махтанабын.
165Эн Сокуоҥҥун таптыыр дьон илэ-эйэтэ муҥура суох,
кинилэри дубук үктэтэр туох да суох.
166 Айыы Тойон, Эн быыһыыргар мин эрэнэбин,
Эн кэриэстэргин толоробун.
167Дууһам Эн туоһулаабыт кырдьыккын тутуһар,
ис сүрэхпиттэн ону таптыыбын.
168Эн ыйаргын, туоһулуургун мин толоробун,
суолум-ииһим барыта Эн иннигэр ырылыйа сытар.
ת Тав
169 Айыы Тойон, мин энэлгэним Эйиэхэ иһиллиэхтин;
эппиккин толорон, миигин өйдөт.
170Мин үҥэрим Эйиэхэ тиийиэхтин;
эрэннэрбитиҥ курдук, миигин өрүһүйэн ыл.
171Сокуоннаргар үөрэтэриҥ иһин,
мин өрүү Эйигин айхаллыам.
172Бары кэриэстэриҥ кырдьыктаахтарын иһин,
Эн тылгын ырыа гынан ыллыам.
173Эн ыйыыларгын мин талбытым,
онон Эн илииҥ миэхэ көмөлөһө турдун.
174Кэтэһэбин даҕаны, Айыы Тойон, миигин быыһыыргын,
Эн Сокуоҥҥуттан мин үөрүүнү булабын.
175Эйигин айхаллыырым туһугар, миигин тыыннаах хааллар;
Эн көнө дьүүлүҥ миэхэ көмөлөстүн.
176Сүппүт бараан курдук, мин муна-тэнэ сылдьабын;
кулуккун көрдөө; Эн кэриэстэргин мин умнубатым.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022