Саалтыр 105
105
1Аллилуия.
Айхаллааҥ Айыы Тойону үтүө санаалааҕын иһин;
Кини бигэ таптала – үйэлэр тухары.
2Ким Айыы Тойон сүдү дьайыыларын ситэн кэпсиир кыахтааҕый?
Ким Кини албан аатын толору иһитиннэрэр кыахтааҕый?
3Дьоллоохтор даҕаны – көнө дьүүлү тутуһааччылар,
хайа да кэмҥэ кырдьыгынан сылдьааччылар!
4 Айыы Тойон, Эн норуоккар үтүөтүк сыһыаннастаххына,
миигин эмиэ санаар,
кинилэри быыһыыргар миигин эмиэ быыһаар.
5Оччоҕо Эн талбыт дьонуҥ илгэлээх олоҕун көрүөҕүм,
Эн норуоккун кытта бииргэ үөрсүөҕүм,
бас билэр дьонуҥ киэн туттуутун үллэстиэҕим.
6Биһиги эмиэ өбүгэлэрбит курдук, аньыыга киирдибит;
буруйу оҥордубут, хара саҥнаахтык быһыыланныбыт.
7Өбүгэлэрбит, Египеккэ сылдьан,
Эн сөҕүмэр дьайыыларгын өйдөөбөтөхтөрө,
элбэх төгүл көрдөрбүт бигэ тапталгын умнубуттара;
кинилэр муора аттыгар, Кыһыл муора аттыгар,
Эйигин утары өрө турбуттара.
8Ол эрээри Айыы Тойон, улуу кыаҕын көрдөрөөрү,
Бэйэтин аатын туһугар кинилэри өрүһүйбүтэ;
9Кини Кыһыл Муораны суостаахтык соруйбутугар,
муора кумаҕынан көрбүтэ,
онон Кини норуотун байҕал түгэҕинэн,
кураанах сиринэн ааһардыы, туораппыта.
10Абааһы көрөөччүлэртэн кинилэри быыһаан ылбыта,
өстөөх илиититтэн өрүһүйбүтэ.
11Оттон утарсааччыларын уу саба халыйбыта,
биир да киһилэрэ ордубатаҕа.
12Дьэ онуоха Кини тылын итэҕэйбиттэрэ,
Киниэхэ айхал ырыатын ыллаабыттара.
13Ол да үрдүнэн бэрт сотору Кини дьайыыларын умнубуттара,
Кини сүбэлиирин кэтэһиэхтэрин баҕарбатахтара.
14Кураайы дуолга сылдьан, туохха да баҕалара хаммакка,
Таҥара тулуурун тургутан көрөллөрө.
15Кини көрдөспүттэрин толорбута эрээри,
кинилэргэ ыарыыны ыыппыта.
16Кинилэр, отууламмыт түөлбэлэригэр олорон,
Моисейы уонна Айыы Тойон сибэтиэйин Аарону
ордугургуу саныыр буолбуттара;
17ол иһин сир, силлэн, Дафаны ыйыстыбыта,
Авирон дьиэ кэргэнин буорунан көммүтэ;
18үрдүлэригэр уот умайан күүдэпчилэммитэ,
хара санаалаахтары төлөн хаарыйан өлөрбүтэ.
19Онтон аны Хоривка оҕуһу кутан оҥорон баран,
ол кутуу эмэгэккэ сүгүрүйбүттэрэ,
20Таҥара кэрэмэн килбиэнин
от аһылыктаах оҕуска кубулуппуттара.
21-22Кинилэр Египет сиригэр улууну оҥорбут,
Хам сиригэр дьиктини көрдөрбүт,
Кыһыл Муора таһыгар дьулааннык дьайбыт Таҥараны,
Быыһааччыларын, умнубуттара.
23Ол иһин Таҥара кинилэри имири эһиэн баҕарбытыгар,
Кини талан ылбыт киһитэ Моисей,
Таҥара норуотун эспэтин диэн, Кини уорун уҕарытаары,
иннигэр киирэн, хайа хапчаҕайыгар турбута.
24Кинилэр, Таҥара эрэннэриитин итэҕэйбэт буоланнар,
баҕалаах сирдэрин улахаҥҥа уурбатахтара.
25Отууларыгар олорон суланаллара,
Айыы Тойон саҥатын истибэттэрэ.
26-27Ол иһин Кини, илиитин өрө уунан туран,
эһигини кураайы дуолга имири эһиэм,
оттон удьуордаргытын сир устун
омуктар ортолоругар ыһыам диэн андаҕайбыта.
28Онтон аны Ваал-Фегорга#105:28 Көр Числа 25:1-13. бас бэринэннэр,
эмэгэттэргэ бэриллибит кэрэх этин сиир буолбуттара;
29 Айыы Тойону аньыылаах дьайыыларынан кыйахааннар,
кинилэри ыарыы буулаабыта.
30Онно Финеес туран буруйдаахтары дьүүллээбитигэр,
ыарыы-сүтүү дьэ тохтообута.
31Ол иһин көлүөнэттэн көлүөнэҕэ, үйэттэн үйэҕэ
кини дьүүлэ кырдьыктааҕынан ааҕыллыбыта.
32Онтон Мерива уутун таһыгар Айыы Тойону кыыһырданнар,
Кини уора-кылына Моисей үрдүнэн барбыта.
33Ол курдук Моисей, кинилэртэн хомойон,
онно сыыһа-халты тылласпыта.
34 Айыы Тойон эһиҥ диэбит норуоттарын
кинилэр имири эспэтэхтэрэ;
35хата, туора омуктары кытта булкуһан,
олор үгэстэригэр үөрэммиттэрэ;
36кинилэр эмэгэттэригэр сүгүрүйэн,
угаайыга киирэн биэрбиттэрэ.
37Уолаттарын-кыргыттарын
абааһыларга кэрэх туппуттара;
38кинилэр буруйа суохтар хааннарын –
Ханаан эмэгэттэригэр кэрэх туппут
уолаттарын-кыргыттарын хааннарын тоҕон,
сир үрдүн киртиппиттэрэ.
39Онон аньыыны оҥорон, киргэ-дьайга булкуллубуттара,
содур быһыыламмыттара.
40 Айыы Тойон, норуотугар уордайан,
Бэйэтин дьонуттан сиргэнэр буолбута,
41онон кинилэри омуктар илиилэригэр туран биэрбитэ;
абааһы көрөр дьон кинилэргэ тойон буолбуттара.
42Өстөөхтөрө кинилэри ыгаллара-түүрэллэрэ,
бэйэлэригэр бас бэриннэрэн сыһыталлара.
43Кини норуотун элбэх төгүл өрүһүйбүтэ да,
Киниэхэ утарылаһар хаҥыл санааларын уларыппатахтара,
онон, буруйдарын-сэмэлэрин иһин,
баттана-үктэнэ сылдьыбыттара.
44Ол да үрдүнэн Кини, энэлийэр саҥаларын истэр буолан,
эрииргэ түбэспиттэрин аһына көрөрө.
45Кинилэргэ эппит кэс тылын өйдүү сылдьара,
муҥура суох таптыыр буолан, кинилэри аһынар этэ.
46Онон билиэн ылбыттар сүрэхтэригэр барыларыгар
эмиэ аһынар санааны үөскэтэрэ.
47Быыһаа биһигини, Айыы Тойон Таҥарабыт;
уонна, Эн сибэтиэй ааккын айхаллыырбыт,
Эн албан ааккынан күөн туттарбыт туһугар,
биһигини норуоттар ортолоруттан хомуйан ыл.
48Алгыс буоллун Айыы Тойоҥҥо, Израиль Таҥаратыгар,
үйэттэн үйэҕэ диэри.
Норуот бүттүүнэ этиэхтин: «Аминь!»
Аллилуия.
Currently Selected:
Саалтыр 105: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
Саалтыр 105
105
1Аллилуия.
Айхаллааҥ Айыы Тойону үтүө санаалааҕын иһин;
Кини бигэ таптала – үйэлэр тухары.
2Ким Айыы Тойон сүдү дьайыыларын ситэн кэпсиир кыахтааҕый?
Ким Кини албан аатын толору иһитиннэрэр кыахтааҕый?
3Дьоллоохтор даҕаны – көнө дьүүлү тутуһааччылар,
хайа да кэмҥэ кырдьыгынан сылдьааччылар!
4 Айыы Тойон, Эн норуоккар үтүөтүк сыһыаннастаххына,
миигин эмиэ санаар,
кинилэри быыһыыргар миигин эмиэ быыһаар.
5Оччоҕо Эн талбыт дьонуҥ илгэлээх олоҕун көрүөҕүм,
Эн норуоккун кытта бииргэ үөрсүөҕүм,
бас билэр дьонуҥ киэн туттуутун үллэстиэҕим.
6Биһиги эмиэ өбүгэлэрбит курдук, аньыыга киирдибит;
буруйу оҥордубут, хара саҥнаахтык быһыыланныбыт.
7Өбүгэлэрбит, Египеккэ сылдьан,
Эн сөҕүмэр дьайыыларгын өйдөөбөтөхтөрө,
элбэх төгүл көрдөрбүт бигэ тапталгын умнубуттара;
кинилэр муора аттыгар, Кыһыл муора аттыгар,
Эйигин утары өрө турбуттара.
8Ол эрээри Айыы Тойон, улуу кыаҕын көрдөрөөрү,
Бэйэтин аатын туһугар кинилэри өрүһүйбүтэ;
9Кини Кыһыл Муораны суостаахтык соруйбутугар,
муора кумаҕынан көрбүтэ,
онон Кини норуотун байҕал түгэҕинэн,
кураанах сиринэн ааһардыы, туораппыта.
10Абааһы көрөөччүлэртэн кинилэри быыһаан ылбыта,
өстөөх илиититтэн өрүһүйбүтэ.
11Оттон утарсааччыларын уу саба халыйбыта,
биир да киһилэрэ ордубатаҕа.
12Дьэ онуоха Кини тылын итэҕэйбиттэрэ,
Киниэхэ айхал ырыатын ыллаабыттара.
13Ол да үрдүнэн бэрт сотору Кини дьайыыларын умнубуттара,
Кини сүбэлиирин кэтэһиэхтэрин баҕарбатахтара.
14Кураайы дуолга сылдьан, туохха да баҕалара хаммакка,
Таҥара тулуурун тургутан көрөллөрө.
15Кини көрдөспүттэрин толорбута эрээри,
кинилэргэ ыарыыны ыыппыта.
16Кинилэр, отууламмыт түөлбэлэригэр олорон,
Моисейы уонна Айыы Тойон сибэтиэйин Аарону
ордугургуу саныыр буолбуттара;
17ол иһин сир, силлэн, Дафаны ыйыстыбыта,
Авирон дьиэ кэргэнин буорунан көммүтэ;
18үрдүлэригэр уот умайан күүдэпчилэммитэ,
хара санаалаахтары төлөн хаарыйан өлөрбүтэ.
19Онтон аны Хоривка оҕуһу кутан оҥорон баран,
ол кутуу эмэгэккэ сүгүрүйбүттэрэ,
20Таҥара кэрэмэн килбиэнин
от аһылыктаах оҕуска кубулуппуттара.
21-22Кинилэр Египет сиригэр улууну оҥорбут,
Хам сиригэр дьиктини көрдөрбүт,
Кыһыл Муора таһыгар дьулааннык дьайбыт Таҥараны,
Быыһааччыларын, умнубуттара.
23Ол иһин Таҥара кинилэри имири эһиэн баҕарбытыгар,
Кини талан ылбыт киһитэ Моисей,
Таҥара норуотун эспэтин диэн, Кини уорун уҕарытаары,
иннигэр киирэн, хайа хапчаҕайыгар турбута.
24Кинилэр, Таҥара эрэннэриитин итэҕэйбэт буоланнар,
баҕалаах сирдэрин улахаҥҥа уурбатахтара.
25Отууларыгар олорон суланаллара,
Айыы Тойон саҥатын истибэттэрэ.
26-27Ол иһин Кини, илиитин өрө уунан туран,
эһигини кураайы дуолга имири эһиэм,
оттон удьуордаргытын сир устун
омуктар ортолоругар ыһыам диэн андаҕайбыта.
28Онтон аны Ваал-Фегорга#105:28 Көр Числа 25:1-13. бас бэринэннэр,
эмэгэттэргэ бэриллибит кэрэх этин сиир буолбуттара;
29 Айыы Тойону аньыылаах дьайыыларынан кыйахааннар,
кинилэри ыарыы буулаабыта.
30Онно Финеес туран буруйдаахтары дьүүллээбитигэр,
ыарыы-сүтүү дьэ тохтообута.
31Ол иһин көлүөнэттэн көлүөнэҕэ, үйэттэн үйэҕэ
кини дьүүлэ кырдьыктааҕынан ааҕыллыбыта.
32Онтон Мерива уутун таһыгар Айыы Тойону кыыһырданнар,
Кини уора-кылына Моисей үрдүнэн барбыта.
33Ол курдук Моисей, кинилэртэн хомойон,
онно сыыһа-халты тылласпыта.
34 Айыы Тойон эһиҥ диэбит норуоттарын
кинилэр имири эспэтэхтэрэ;
35хата, туора омуктары кытта булкуһан,
олор үгэстэригэр үөрэммиттэрэ;
36кинилэр эмэгэттэригэр сүгүрүйэн,
угаайыга киирэн биэрбиттэрэ.
37Уолаттарын-кыргыттарын
абааһыларга кэрэх туппуттара;
38кинилэр буруйа суохтар хааннарын –
Ханаан эмэгэттэригэр кэрэх туппут
уолаттарын-кыргыттарын хааннарын тоҕон,
сир үрдүн киртиппиттэрэ.
39Онон аньыыны оҥорон, киргэ-дьайга булкуллубуттара,
содур быһыыламмыттара.
40 Айыы Тойон, норуотугар уордайан,
Бэйэтин дьонуттан сиргэнэр буолбута,
41онон кинилэри омуктар илиилэригэр туран биэрбитэ;
абааһы көрөр дьон кинилэргэ тойон буолбуттара.
42Өстөөхтөрө кинилэри ыгаллара-түүрэллэрэ,
бэйэлэригэр бас бэриннэрэн сыһыталлара.
43Кини норуотун элбэх төгүл өрүһүйбүтэ да,
Киниэхэ утарылаһар хаҥыл санааларын уларыппатахтара,
онон, буруйдарын-сэмэлэрин иһин,
баттана-үктэнэ сылдьыбыттара.
44Ол да үрдүнэн Кини, энэлийэр саҥаларын истэр буолан,
эрииргэ түбэспиттэрин аһына көрөрө.
45Кинилэргэ эппит кэс тылын өйдүү сылдьара,
муҥура суох таптыыр буолан, кинилэри аһынар этэ.
46Онон билиэн ылбыттар сүрэхтэригэр барыларыгар
эмиэ аһынар санааны үөскэтэрэ.
47Быыһаа биһигини, Айыы Тойон Таҥарабыт;
уонна, Эн сибэтиэй ааккын айхаллыырбыт,
Эн албан ааккынан күөн туттарбыт туһугар,
биһигини норуоттар ортолоруттан хомуйан ыл.
48Алгыс буоллун Айыы Тойоҥҥо, Израиль Таҥаратыгар,
үйэттэн үйэҕэ диэри.
Норуот бүттүүнэ этиэхтин: «Аминь!»
Аллилуия.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022