Аман өһө 20
20
1Аһыы уу араллааннаах, уохтаах утах охсуһуулаах;
арыгыны батыһыы – ааргы быһыы.
2Кыыһырбыт ыраахтааҕы уордайбыт хахайга холоонноох:
кинини кыйахыыр киһи өлөрүн оҥостор.
3Иирээнтэн тэйэн биэрии – дьоһуннаах быһыы;
акаары эрэ барыта ыгым.
4Сүрэҕэ суох сирин кэмигэр хоруппат,
онон хомуур саҕана быйаҥы ылбат.
5Киһи санаата-оноото дириҥ уу кэриэтэ,
ол эрээри өйдөөх ону баһан кэбиһиэҕэ.
6Бэриниилээхпин дэнээччи элбэх эрээри,
дьиҥ эрэбил киһини булан ылыаҥ дуо?
7Үтүө киһи омнуота суох олохтоох.
Дьоллоох да буоллахтара кини оҕолоро!
8Ыраахтааҕы дьүүллүүр бүрүстүөлүгэр олоруо эрэ кэрэх,
аньыыны-буруйу курдары көрүөҕэ.
9Ким баарый «мин ыраас сүрэхтээхпин,
аньыыбыттан-харабыттан ырааһырбытым» диир кыахтаах?
10Сыыһа көрдөрөр ыйааһын, сымыйа киирэ –
Айыы Тойон хараҕар түктэри.
11Бэл оҕону, дьарыгыттан көрөн,
төһө ырааһын, көнөтүн билиэххэ сөп.
12Истэр кулгаахпытын, көрөр харахпытын –
хайатын да Айыы Тойон айбыта.
13Уһуннук утуйуоҥ – хоргуйуоҥ;
утуйар уугун умнуоҥ – айаххын булунуоҥ.
14Атыылаһааччы түһэрсэ туран: «Куһаҕан, куһаҕан», – диир эрээри,
тэйэ түстэ да, киһиргэммитинэн барар.
15Күн сиригэр көмүс да, күндү таас да элбэх,
ол эрээри көрсүө тыл туохтааҕар да ордук.
16Атын киһи туһугар илии охсустаххына, соҥҥун устуохтара#20:16 Иэстээх киһи иэһин-күүһүн тугунан да төлүүр кыаҕа суох буоллаҕына, таҥнар таҥаһын кытта тутан ылаллара.,
туора киһи иэһин төлүөх буоллаххына, солуок тутуохтара.
17Албыннаан булуммут килиэбиҥ амтаннаах буолуо эрээри,
айаххар киирдэҕинэ, кумахха кубулуйуо.
18Ким сүбэлэһэр, ол ситиһиилэнэр;
үчүгэйдик дьүүллэһэн эрэ баран, сэриилэс.
19Хобу-сиби таһааччы кистэлэҥи ыһар-тоҕор,
онон аһаҕас айахтыын бодоруһума.
20Ийэлээх аҕатын кырыыр киһи уота
им балай хараҥаҕа умуллуоҕа.
21Тиэтэлинэн туура тутуллубут нэһилиэстибэ
тиһэҕэр тугу да туһалыа суоҕа.
22«Атаҕастаабыттарын иэстэһиллиэ!» – диэмэ;
Айыы Тойоҥҥо эрэн, Кини эйигин көмүскүөҕэ.
23Сымыйа киирэ – Айыы Тойон хараҕар сидьиҥ суол,
сыыһа көрдөрөр ыйааһын – эмиэ түктэри.
24Хардыыгын Айыы Тойон салайар;
ханнык суолунан барыахтааххын бэйэҥ хантан билиэҥий?
25Таҥараҕа андаҕайарга, биитэр толкуйа суох эрэннэрэргэ тиэтэйэр киһи
кэнтиккэ киирэн биэрэр.
26Муударай ыраахтааҕы буруйдаахтары булан ылыаҕа,
кэлиигэ угаттаан соҕоҕунан үлтү сынньыаҕа.
27Киһи сүрэ – Айыы Тойон уота –
сүрэҕи-быары сырдатан көрөр.
28Төһөнөн ыраахтааҕы кырдьыгы көрөр, көнө, сиэрдээх да,
соччонон кини былааһа туругура туруоҕа.
29Эдэр киһи күүһүнэн-уоҕунан киэн туттар,
оттон кырдьаҕаһы маҥан баттаҕа киэргэтэр.
30Кырбаммыт кириттэн-дьайыттан ырааһырар,
охсуллубут омсотуттан босхолонор.
Currently Selected:
Аман өһө 20: СБК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022
Аман өһө 20
20
1Аһыы уу араллааннаах, уохтаах утах охсуһуулаах;
арыгыны батыһыы – ааргы быһыы.
2Кыыһырбыт ыраахтааҕы уордайбыт хахайга холоонноох:
кинини кыйахыыр киһи өлөрүн оҥостор.
3Иирээнтэн тэйэн биэрии – дьоһуннаах быһыы;
акаары эрэ барыта ыгым.
4Сүрэҕэ суох сирин кэмигэр хоруппат,
онон хомуур саҕана быйаҥы ылбат.
5Киһи санаата-оноото дириҥ уу кэриэтэ,
ол эрээри өйдөөх ону баһан кэбиһиэҕэ.
6Бэриниилээхпин дэнээччи элбэх эрээри,
дьиҥ эрэбил киһини булан ылыаҥ дуо?
7Үтүө киһи омнуота суох олохтоох.
Дьоллоох да буоллахтара кини оҕолоро!
8Ыраахтааҕы дьүүллүүр бүрүстүөлүгэр олоруо эрэ кэрэх,
аньыыны-буруйу курдары көрүөҕэ.
9Ким баарый «мин ыраас сүрэхтээхпин,
аньыыбыттан-харабыттан ырааһырбытым» диир кыахтаах?
10Сыыһа көрдөрөр ыйааһын, сымыйа киирэ –
Айыы Тойон хараҕар түктэри.
11Бэл оҕону, дьарыгыттан көрөн,
төһө ырааһын, көнөтүн билиэххэ сөп.
12Истэр кулгаахпытын, көрөр харахпытын –
хайатын да Айыы Тойон айбыта.
13Уһуннук утуйуоҥ – хоргуйуоҥ;
утуйар уугун умнуоҥ – айаххын булунуоҥ.
14Атыылаһааччы түһэрсэ туран: «Куһаҕан, куһаҕан», – диир эрээри,
тэйэ түстэ да, киһиргэммитинэн барар.
15Күн сиригэр көмүс да, күндү таас да элбэх,
ол эрээри көрсүө тыл туохтааҕар да ордук.
16Атын киһи туһугар илии охсустаххына, соҥҥун устуохтара#20:16 Иэстээх киһи иэһин-күүһүн тугунан да төлүүр кыаҕа суох буоллаҕына, таҥнар таҥаһын кытта тутан ылаллара.,
туора киһи иэһин төлүөх буоллаххына, солуок тутуохтара.
17Албыннаан булуммут килиэбиҥ амтаннаах буолуо эрээри,
айаххар киирдэҕинэ, кумахха кубулуйуо.
18Ким сүбэлэһэр, ол ситиһиилэнэр;
үчүгэйдик дьүүллэһэн эрэ баран, сэриилэс.
19Хобу-сиби таһааччы кистэлэҥи ыһар-тоҕор,
онон аһаҕас айахтыын бодоруһума.
20Ийэлээх аҕатын кырыыр киһи уота
им балай хараҥаҕа умуллуоҕа.
21Тиэтэлинэн туура тутуллубут нэһилиэстибэ
тиһэҕэр тугу да туһалыа суоҕа.
22«Атаҕастаабыттарын иэстэһиллиэ!» – диэмэ;
Айыы Тойоҥҥо эрэн, Кини эйигин көмүскүөҕэ.
23Сымыйа киирэ – Айыы Тойон хараҕар сидьиҥ суол,
сыыһа көрдөрөр ыйааһын – эмиэ түктэри.
24Хардыыгын Айыы Тойон салайар;
ханнык суолунан барыахтааххын бэйэҥ хантан билиэҥий?
25Таҥараҕа андаҕайарга, биитэр толкуйа суох эрэннэрэргэ тиэтэйэр киһи
кэнтиккэ киирэн биэрэр.
26Муударай ыраахтааҕы буруйдаахтары булан ылыаҕа,
кэлиигэ угаттаан соҕоҕунан үлтү сынньыаҕа.
27Киһи сүрэ – Айыы Тойон уота –
сүрэҕи-быары сырдатан көрөр.
28Төһөнөн ыраахтааҕы кырдьыгы көрөр, көнө, сиэрдээх да,
соччонон кини былааһа туругура туруоҕа.
29Эдэр киһи күүһүнэн-уоҕунан киэн туттар,
оттон кырдьаҕаһы маҥан баттаҕа киэргэтэр.
30Кырбаммыт кириттэн-дьайыттан ырааһырар,
охсуллубут омсотуттан босхолонор.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2008-2022