Gintī 1
1
Isrāīliyoṅ kī Pahlī Mardumshumārī
1Isrāīliyoṅ ko Misr se nikle hue ek sāl se zyādā arsā guzar gayā thā. Ab tak wuh Dasht-e-Sīnā meṅ the. Dūsre sāl ke dūsre mahīne ke pahle din Rab mulāqāt ke ḳhaime meṅ Mūsā se hamkalām huā. Us ne kahā,
2“Tū aur Hārūn tamām Isrāīliyoṅ kī mardumshumārī kunboṅ aur ābāī gharānoṅ ke mutābiq karnā. Un tamām mardoṅ kī fahrist banānā 3jo kam az kam bīs sāl ke aur jang laṛne ke qābil hoṅ. 4Is meṅ har qabīle ke ek ḳhāndān kā sarparast tumhārī madad kare. 5Yih un ke nām haiṅ: Rūbin ke qabīle se Ilīsūr bin Shadiyūr,
6Shamāūn ke qabīle se Salūmiyel bin Sūrīshaddī,
7Yahūdāh ke qabīle se Nahson bin Ammīnadāb,
8Ishkār ke qabīle se Nataniyel bin Zuġhar,
9Zabūlūn ke qabīle se Iliyāb bin Helon,
10Yūsuf ke beṭe Ifrāīm ke qabīle se Ilīsamā bin Ammīhūd, Yūsuf ke beṭe Manassī ke qabīle se Jamliyel bin Fadāhsūr,
11Binyamīn ke qabīle se Abidān bin Jidāūnī,
12Dān ke qabīle se Aḳhiyazar bin Ammīshaddī,
13Āshar ke qabīle se Fajiyel bin Akrān,
14Jad ke qabīle se Iliyāsaf bin Daūel,
15Naftālī ke qabīle se Aḳhīrā bin Enān.”
16Yihī mard jamāt se is kām ke lie bulāe gae. Wuh apne qabīloṅ ke rāhnumā aur kunboṅ ke sarparast the. 17In kī madad se Mūsā aur Hārūn ne 18usī din pūrī jamāt ko ikaṭṭhā kiyā. Har Isrāīlī mard jo kam az kam 20 sāl kā thā rajisṭar meṅ darj kiyā gayā. Rajisṭar kī tartīb un ke kunboṅ aur ābāī gharānoṅ ke mutābiq thī.
19Sab kuchh waisā hī kiyā gayā jaisā Rab ne hukm diyā thā. Mūsā ne Sīnā ke registān meṅ logoṅ kī mardumshumārī kī. Natījā yih niklā:
20-21Rūbin ke qabīle ke 46,500 mard,
22-23Shamāūn ke qabīle ke 59,300 mard,
24-25Jad ke qabīle ke 45,650 mard,
26-27Yahūdāh ke qabīle ke 74,600 mard,
28-29Ishkār ke qabīle ke 54,400 mard,
30-31Zabūlūn ke qabīle ke 57,400 mard,
32-33Yūsuf ke beṭe Ifrāīm ke qabīle ke 40,500 mard,
34-35Yūsuf ke beṭe Manassī ke qabīle ke 32,200 mard,
36-37Binyamīn ke qabīle ke 35,400 mard,
38-39Dān ke qabīle ke 62,700 mard,
40-41Āshar ke qabīle ke 41,500 mard,
42-43Naftālī ke qabīle ke 53,400 mard.
44Mūsā, Hārūn aur qabīloṅ ke bārah rāhnumāoṅ ne in tamām ādmiyoṅ ko ginā. 45-46Un kī pūrī tādād 6,03,550 thī.
47Lekin Lāwiyoṅ kī mardumshumārī na huī, 48kyoṅki Rab ne Mūsā se kahā thā, 49“Isrāīliyoṅ kī mardumshumārī meṅ Lāwiyoṅ ko shāmil na karnā. 50Is ke bajāe unheṅ sharīat kī sukūnatgāh aur us kā sārā sāmān saṅbhālne kī zimmedārī denā. Wuh safr karte waqt yih ḳhaimā aur us kā sārā sāmān uṭhā kar le jāeṅ, us kī ḳhidmat ke lie hāzir raheṅ aur rukte waqt use apne ḳhaimoṅ se ghere rakheṅ. 51Rawānā hote waqt wuhī ḳhaime ko sameṭeṅ aur rukte waqt wuhī use lagāeṅ. Agar koī aur us ke qarīb āe to use sazā-e-maut dī jāegī. 52Bāqī Isrāīlī ḳhaimāgāh meṅ apne apne daste ke mutābiq aur apne apne alam ke irdgird apne ḳhaime lagāeṅ. 53Lekin Lāwī apne ḳhaimoṅ se sharīat kī sukūnatgāh ko gher leṅ tāki merā ġhazab kisī ġhalat shaḳhs ke nazdīk āne se Isrāīliyoṅ kī jamāt par nāzil na ho jāe. Yoṅ Lāwiyoṅ ko sharīat kī sukūnatgāh ko saṅbhālnā hai.”
54Isrāīliyoṅ ne waisā hī kiyā jaisā Rab ne Mūsā ko hukm diyā thā.
Currently Selected:
Gintī 1: GVR
Highlight
Copy
Compare
Share
Want to have your highlights saved across all your devices? Sign up or sign in
Copyright © 2019 Urdu Geo Version. CC-BY-NC-ND
Gintī 1
1
Isrāīliyoṅ kī Pahlī Mardumshumārī
1Isrāīliyoṅ ko Misr se nikle hue ek sāl se zyādā arsā guzar gayā thā. Ab tak wuh Dasht-e-Sīnā meṅ the. Dūsre sāl ke dūsre mahīne ke pahle din Rab mulāqāt ke ḳhaime meṅ Mūsā se hamkalām huā. Us ne kahā,
2“Tū aur Hārūn tamām Isrāīliyoṅ kī mardumshumārī kunboṅ aur ābāī gharānoṅ ke mutābiq karnā. Un tamām mardoṅ kī fahrist banānā 3jo kam az kam bīs sāl ke aur jang laṛne ke qābil hoṅ. 4Is meṅ har qabīle ke ek ḳhāndān kā sarparast tumhārī madad kare. 5Yih un ke nām haiṅ: Rūbin ke qabīle se Ilīsūr bin Shadiyūr,
6Shamāūn ke qabīle se Salūmiyel bin Sūrīshaddī,
7Yahūdāh ke qabīle se Nahson bin Ammīnadāb,
8Ishkār ke qabīle se Nataniyel bin Zuġhar,
9Zabūlūn ke qabīle se Iliyāb bin Helon,
10Yūsuf ke beṭe Ifrāīm ke qabīle se Ilīsamā bin Ammīhūd, Yūsuf ke beṭe Manassī ke qabīle se Jamliyel bin Fadāhsūr,
11Binyamīn ke qabīle se Abidān bin Jidāūnī,
12Dān ke qabīle se Aḳhiyazar bin Ammīshaddī,
13Āshar ke qabīle se Fajiyel bin Akrān,
14Jad ke qabīle se Iliyāsaf bin Daūel,
15Naftālī ke qabīle se Aḳhīrā bin Enān.”
16Yihī mard jamāt se is kām ke lie bulāe gae. Wuh apne qabīloṅ ke rāhnumā aur kunboṅ ke sarparast the. 17In kī madad se Mūsā aur Hārūn ne 18usī din pūrī jamāt ko ikaṭṭhā kiyā. Har Isrāīlī mard jo kam az kam 20 sāl kā thā rajisṭar meṅ darj kiyā gayā. Rajisṭar kī tartīb un ke kunboṅ aur ābāī gharānoṅ ke mutābiq thī.
19Sab kuchh waisā hī kiyā gayā jaisā Rab ne hukm diyā thā. Mūsā ne Sīnā ke registān meṅ logoṅ kī mardumshumārī kī. Natījā yih niklā:
20-21Rūbin ke qabīle ke 46,500 mard,
22-23Shamāūn ke qabīle ke 59,300 mard,
24-25Jad ke qabīle ke 45,650 mard,
26-27Yahūdāh ke qabīle ke 74,600 mard,
28-29Ishkār ke qabīle ke 54,400 mard,
30-31Zabūlūn ke qabīle ke 57,400 mard,
32-33Yūsuf ke beṭe Ifrāīm ke qabīle ke 40,500 mard,
34-35Yūsuf ke beṭe Manassī ke qabīle ke 32,200 mard,
36-37Binyamīn ke qabīle ke 35,400 mard,
38-39Dān ke qabīle ke 62,700 mard,
40-41Āshar ke qabīle ke 41,500 mard,
42-43Naftālī ke qabīle ke 53,400 mard.
44Mūsā, Hārūn aur qabīloṅ ke bārah rāhnumāoṅ ne in tamām ādmiyoṅ ko ginā. 45-46Un kī pūrī tādād 6,03,550 thī.
47Lekin Lāwiyoṅ kī mardumshumārī na huī, 48kyoṅki Rab ne Mūsā se kahā thā, 49“Isrāīliyoṅ kī mardumshumārī meṅ Lāwiyoṅ ko shāmil na karnā. 50Is ke bajāe unheṅ sharīat kī sukūnatgāh aur us kā sārā sāmān saṅbhālne kī zimmedārī denā. Wuh safr karte waqt yih ḳhaimā aur us kā sārā sāmān uṭhā kar le jāeṅ, us kī ḳhidmat ke lie hāzir raheṅ aur rukte waqt use apne ḳhaimoṅ se ghere rakheṅ. 51Rawānā hote waqt wuhī ḳhaime ko sameṭeṅ aur rukte waqt wuhī use lagāeṅ. Agar koī aur us ke qarīb āe to use sazā-e-maut dī jāegī. 52Bāqī Isrāīlī ḳhaimāgāh meṅ apne apne daste ke mutābiq aur apne apne alam ke irdgird apne ḳhaime lagāeṅ. 53Lekin Lāwī apne ḳhaimoṅ se sharīat kī sukūnatgāh ko gher leṅ tāki merā ġhazab kisī ġhalat shaḳhs ke nazdīk āne se Isrāīliyoṅ kī jamāt par nāzil na ho jāe. Yoṅ Lāwiyoṅ ko sharīat kī sukūnatgāh ko saṅbhālnā hai.”
54Isrāīliyoṅ ne waisā hī kiyā jaisā Rab ne Mūsā ko hukm diyā thā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2019 Urdu Geo Version. CC-BY-NC-ND