Thempudan 18
18
Numei le Pasal Kitimatna Chunga Dan
1Chuin Pakaiyin Mosi henga aseijin, hitin ati, 2Israel chate henga thu seijin lang, ajah uva hitin seijin, Keima Pakai na Pathen'u kahi. 3Nana chenao Egypt gam chonna banga nangho nachon loudiu, chule keiman nangho kahin lhutna Canaan gam chonna banga jong nachon louhel dingu: chule amaho chona dan jong najuilou dingu ahi. 4Nangho kathulhah ho-a nachon uva, chule hicheho-a chu nalam lhah theina dinguva kachona danho nanit dingu ahi; Keima Pakai na Pathen nu kahi. 5#Neh 9:29; Ezek 18:9; 20:11-12; Luk 10:18; Rom 10:5; Gal 3:12. Hijeh-a chu nanghon ka chondan kisun hole keima thutanna ho nanitdiu: hichu mikhatnin anitleh ama hicheho-a chu hing ding ahi; keima Pakai kahi.
6Nangho koimachan akinaipi a-insungmi sagohkeo hodohpeh dinga najot lou dingu ahi: Keima Pakai kahi. 7Nangman napa sagohkeo hina ahilouleh nanu sagohkeo hina chu naho dohpeh louding ahi: amanu nanu ahin, amanu sagohkeo hina chu nangman naho dohpeh louding ahi. 8#Thmpu 20:11; Danb 22:30; 27:20. Nangman napa jinu sagohkeo hina naho dohpeh louding ahi: Hichu napa sagohkeo hina ahi. 9#Thmpu 20:17; Danb 27:22. Nangman nasopi, napa chanu hihen, nanu chanu hijongle, in'a peng hihen mun danga peng hijongleh, asagohkeo hina chu naho dohpeh louding ahi. 10Nangman nachapa chanu hihen, nachanu chanu hijongle, asagohkeo hina chu naho dohpeh louding ahi. Ajehchu amaho sagohkeo hina chu nangma sagohkeo hina ahibouve. 11Napa jinu chanu, napan ahinchu nasopinu ahi, nangman amanu sagohkeo hina naho dohpeh louding ahi. 12#Thmpu 20:19-20. Nangman napa sopinu sagohkeo hina chu naho dohpeh louding ahi. Amanu chu napa kinaipi asopinu ahi. 13Nangman nanu sopinu sagohkeo hina naho dohpeh louding ahi. Ajehchu amanu chu nanu kinaipi asopinu ahi. 14Nangman napa sopipa sagohkeo hina naho dohpeh louding, nangman ama jinu jong nagajot lutlou ding ahi: amanu chu nanungah ahi. 15#Thmpu 20:12. Nangman namounu sagohkeo hina naho dohpeh louding ahi: amanu chu nachapa jinu ahin; nangman amanu sagohkeo hina naho dohpeh louding ahi. 16#Thmpu 20:21. Nangman nasopipa jinu sagohkeo hina naho dohpeh louding ahi: nasopipa sagohkeo hina ahi. 17#Thmpu 20:14; Danb 27:23. Nangman numei khatleh achanu sagohkeo hina naho dohpeh louding, chule achapa chanu ahilouleh achanu chanu jeng jong asagohkeo hinao hodohpeh dinga nakipui louding ahi: ajehchu amanu kiguijoppi numei ho ahiuve: hichehi gitlouna ahi. 18Chule nangman numei khatchu asopinu hinlai sungse-a, amanu suhgentheina ding le ama sagohkeo hina hodoh peh dinga asopinu chu nakipuithei louhel ding ahi.
19 #
Thmpu 20:18. Chujoule athenlou jeh-a chomkoija aumlai sungse-a, nangman amanu sagohkeo hina hodoh peh dinga najot louhel ding ahi. 20#Thmpu 20:10. Chukalvala jong nangman nakisuhboh na dinga naheng nakom inneipi chu aluppi louding ahi. 21#Thmpu 20:1-5. Chule nangman nachilhah lah-a khatcha jong Molech houna dinga meija govam dinga naphal doh louhel ding, na Pathen min jong nasuh minset louding ahi: keima Pakai kahi. 22#Thmpu 20:13. Nangman numei toh nalupkhom banga pasal toh nalupkhom louding ahi: hiche chu thet umtah ahi. 23#Pot 22:19; Thmpu 20:15-16; Danb 27:21. Chule nangma nakisuhboh nadinga ganhing kiti tapou toh nalupkhom louding ahi. Numei tapou jongchu ganhing khat anga aluppi dinga gaum lou ding ahi: hichehi jon chungnung ahi.
24Hiche thil ho kiti tapouva hin nangho kisuboh hih-un: ajehchu nangho masanga kana paidoh namho chu hicheho jouse-a hi kisuboh ahiuvin: 25Chule gam chu suhboh-in aumtan: hijeh-a chu keiman akhangitlou naochu talen kamat sah-a, gamsung amatah-in achengho chu ahin lohdoh ahi. 26Hijeh-a chu nanghon keima chondanho le kathu tan naho nanit tei dingu, chule nanam mite ahiuva, gamdang mi nalah uva khopemho ahiuva jong, hiche kidah umho hi khatcha jong nabol lou dingu ahi: 27(Ijeh inem itile nangho masanga agama um miho chun hiche kidah umhohi ana bolu ahin, chule gamsunghi suhboh-a anaum ahi;) 28Agam min nangho masanga anaumho analodoh banga, nanghon jong nasuhboh tengule nalohdoh louna diuvin. 29Ajehchu koihile hiche kidah umho lah-a khat bolla chu, hiche tobang bola mihem chu amite lah-a kona paidoh-a umding ahi.
30Hijeh-a chu namasanguva ana kibol hitobang thet umtah chonnaho hi nabol louna dingule, hitiho-a hi suhboh-a naum louna dinguva, ka thupeh hohi nanit dingu ahi: keima Pakai na Pathen'u kahi.
Currently Selected:
Thempudan 18: THADBSI
Highlight
Copy
Compare
Share
Want to have your highlights saved across all your devices? Sign up or sign in
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.
Thempudan 18
18
Numei le Pasal Kitimatna Chunga Dan
1Chuin Pakaiyin Mosi henga aseijin, hitin ati, 2Israel chate henga thu seijin lang, ajah uva hitin seijin, Keima Pakai na Pathen'u kahi. 3Nana chenao Egypt gam chonna banga nangho nachon loudiu, chule keiman nangho kahin lhutna Canaan gam chonna banga jong nachon louhel dingu: chule amaho chona dan jong najuilou dingu ahi. 4Nangho kathulhah ho-a nachon uva, chule hicheho-a chu nalam lhah theina dinguva kachona danho nanit dingu ahi; Keima Pakai na Pathen nu kahi. 5#Neh 9:29; Ezek 18:9; 20:11-12; Luk 10:18; Rom 10:5; Gal 3:12. Hijeh-a chu nanghon ka chondan kisun hole keima thutanna ho nanitdiu: hichu mikhatnin anitleh ama hicheho-a chu hing ding ahi; keima Pakai kahi.
6Nangho koimachan akinaipi a-insungmi sagohkeo hodohpeh dinga najot lou dingu ahi: Keima Pakai kahi. 7Nangman napa sagohkeo hina ahilouleh nanu sagohkeo hina chu naho dohpeh louding ahi: amanu nanu ahin, amanu sagohkeo hina chu nangman naho dohpeh louding ahi. 8#Thmpu 20:11; Danb 22:30; 27:20. Nangman napa jinu sagohkeo hina naho dohpeh louding ahi: Hichu napa sagohkeo hina ahi. 9#Thmpu 20:17; Danb 27:22. Nangman nasopi, napa chanu hihen, nanu chanu hijongle, in'a peng hihen mun danga peng hijongleh, asagohkeo hina chu naho dohpeh louding ahi. 10Nangman nachapa chanu hihen, nachanu chanu hijongle, asagohkeo hina chu naho dohpeh louding ahi. Ajehchu amaho sagohkeo hina chu nangma sagohkeo hina ahibouve. 11Napa jinu chanu, napan ahinchu nasopinu ahi, nangman amanu sagohkeo hina naho dohpeh louding ahi. 12#Thmpu 20:19-20. Nangman napa sopinu sagohkeo hina chu naho dohpeh louding ahi. Amanu chu napa kinaipi asopinu ahi. 13Nangman nanu sopinu sagohkeo hina naho dohpeh louding ahi. Ajehchu amanu chu nanu kinaipi asopinu ahi. 14Nangman napa sopipa sagohkeo hina naho dohpeh louding, nangman ama jinu jong nagajot lutlou ding ahi: amanu chu nanungah ahi. 15#Thmpu 20:12. Nangman namounu sagohkeo hina naho dohpeh louding ahi: amanu chu nachapa jinu ahin; nangman amanu sagohkeo hina naho dohpeh louding ahi. 16#Thmpu 20:21. Nangman nasopipa jinu sagohkeo hina naho dohpeh louding ahi: nasopipa sagohkeo hina ahi. 17#Thmpu 20:14; Danb 27:23. Nangman numei khatleh achanu sagohkeo hina naho dohpeh louding, chule achapa chanu ahilouleh achanu chanu jeng jong asagohkeo hinao hodohpeh dinga nakipui louding ahi: ajehchu amanu kiguijoppi numei ho ahiuve: hichehi gitlouna ahi. 18Chule nangman numei khatchu asopinu hinlai sungse-a, amanu suhgentheina ding le ama sagohkeo hina hodoh peh dinga asopinu chu nakipuithei louhel ding ahi.
19 #
Thmpu 20:18. Chujoule athenlou jeh-a chomkoija aumlai sungse-a, nangman amanu sagohkeo hina hodoh peh dinga najot louhel ding ahi. 20#Thmpu 20:10. Chukalvala jong nangman nakisuhboh na dinga naheng nakom inneipi chu aluppi louding ahi. 21#Thmpu 20:1-5. Chule nangman nachilhah lah-a khatcha jong Molech houna dinga meija govam dinga naphal doh louhel ding, na Pathen min jong nasuh minset louding ahi: keima Pakai kahi. 22#Thmpu 20:13. Nangman numei toh nalupkhom banga pasal toh nalupkhom louding ahi: hiche chu thet umtah ahi. 23#Pot 22:19; Thmpu 20:15-16; Danb 27:21. Chule nangma nakisuhboh nadinga ganhing kiti tapou toh nalupkhom louding ahi. Numei tapou jongchu ganhing khat anga aluppi dinga gaum lou ding ahi: hichehi jon chungnung ahi.
24Hiche thil ho kiti tapouva hin nangho kisuboh hih-un: ajehchu nangho masanga kana paidoh namho chu hicheho jouse-a hi kisuboh ahiuvin: 25Chule gam chu suhboh-in aumtan: hijeh-a chu keiman akhangitlou naochu talen kamat sah-a, gamsung amatah-in achengho chu ahin lohdoh ahi. 26Hijeh-a chu nanghon keima chondanho le kathu tan naho nanit tei dingu, chule nanam mite ahiuva, gamdang mi nalah uva khopemho ahiuva jong, hiche kidah umho hi khatcha jong nabol lou dingu ahi: 27(Ijeh inem itile nangho masanga agama um miho chun hiche kidah umhohi ana bolu ahin, chule gamsunghi suhboh-a anaum ahi;) 28Agam min nangho masanga anaumho analodoh banga, nanghon jong nasuhboh tengule nalohdoh louna diuvin. 29Ajehchu koihile hiche kidah umho lah-a khat bolla chu, hiche tobang bola mihem chu amite lah-a kona paidoh-a umding ahi.
30Hijeh-a chu namasanguva ana kibol hitobang thet umtah chonnaho hi nabol louna dingule, hitiho-a hi suhboh-a naum louna dinguva, ka thupeh hohi nanit dingu ahi: keima Pakai na Pathen'u kahi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.